Loopy Education

Loopy Education සෑම පුද්ගලයෙකුටම වැදගත්වන Software, Hardware වැ? අපි Loopy Holdings ​ආයතනය.

Edu.loopy.lk එහෙම නැත්නම් Loopy Education ​කියන්නෙ අප ආයතනය විසින් හදුන්වාදෙන නවතම සේවාවයි.
මේ හරහා එදිනෙදා ජීවිතයේ සෑම පුද්ගලයෙකුටම වැදගත්වන Software, Hardware වැනි දේවල් පිළිබද දැනුම නොමිලේ ඔබ සමග බෙදාගැනීමයි අපේ අරමුණ. Graphic Designing, Web Developing සහ MS Office ​පිළිබද දැනුම වගේම නූතන තාක්ෂණික ලෝකයේ ඔබේ දැනුම පොතට වැදගත් අලුත් අලුත් විස්තරත් අපි ඔබට ගෙන ​එන​වා.

26/07/2022

ශ්‍රී ලංකාවේ භූමි ප්‍රමාණය 65610km^2 බව ඔබ දන්නවාද?

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

අපේ මොලය න්‍යුරෝන නම් කුඩා සයිල බිලියන ගනනකින් සමන්විත වෙනවා. මේ න්‍යුරෝන එකිනෙක හා සම්බන්ද වී තමයි පවතින්නේ.ඒවා සම්බන්ද...
17/01/2021

අපේ මොලය න්‍යුරෝන නම් කුඩා සයිල බිලියන ගනනකින් සමන්විත වෙනවා. මේ න්‍යුරෝන එකිනෙක හා සම්බන්ද වී තමයි පවතින්නේ.ඒවා සම්බන්ද වීම් වලට සයිනැප්සස් යැයි කියනවා. න්‍යුරෝන මෙම සයිනැප්සස් තමයි එකිනෙකා අතර තොරතුරු හුවමාරු කරගැනීමට භාවිතා කරන්නේ. එක් න්‍යුරෝනයකට තවත් න්‍යුරෝනයක් සමග සම්බන්දතා දහස් ගණනක් වුවත් පැවතිය හැකියි. මෙම න්‍යුරෝන තොරතුරු හුවමාරු කරගන්නේ මෙම සයිනැප්ටික් බන්දන හරහා ඉලෙක්ට්‍රොනික ස්පන්දන හෝ රසායනික සංඥා යැවීමෙන්. මෙම න්‍යුරෝන අතර වන හුවමාරුවීම් හදුන්වන්නට එක් විද්‍යාන්ගයෙක් කියන වදනක් තමයි, මෙය ඔකෙස්ට්‍රා සංගීතයක් වැනි බව. එකිනෙකා තනි තනිව තම භාණ්ඩ වාදනය කලද ඒ සියල්ල එක්වී අලංකාර සංගීතයක් නිපදවන බවයි. මෙම විසන්දි වූ ක්‍රියාකාරකම් හරහා තමයි මොලයේ අලුත් සම්බන්දතා ගොඩනැගෙන්නේ. එම සම්බන්දතා අපට ශක්තිමත් කරන්නත් පුලුවන්. කාලය සමග එහි සම්බන්දය ගිලිහී යන්නත් පුලුවන්. එම බන්දන එසේ දුර්වල වෙන්න පුලුවන් ප්‍රධාන හේතුවක් තමයි ඒවා භාවිතයට ගන්නා වාර ගණන සහ කාලය අඩු වීම. මෙම න්‍යුරෝන එකිනෙක හා සම්බන්ද වන වාර ගණන වැඩි වන විට ඒව අතර සම්බන්දය වැඩි වී වෙනම ජාලයක් බවට පත් වීමටත් හැකියාව පවතිනවා. උදාහරණයක් ලෙස අපි ගත්තොත් අපේ යාලුවන් හා අපි වැඩියෙන් කතා බහ කරද්දී වැඩි කාලයක් ආශ්‍රය කරද්දී අපි අතර අති බැදීම වැඩි වෙනවා. අපි සහ යාලුවන් අතර අති බැදීම වගේ තමයි න්‍යුරෝන හා න්‍යුරෝන අතර ඇති බැදීමත්. අපි වැඩියෙන් කතා බහ නොකරන සම්බන්දකම් නොපවත්වන පිරිස අපෙන් ඈත් වෙනවා, සම්බන්දකම් අඩු වෙනවා. ඒ අකාරයට අපට ඉගෙනගන්නා දේවල් අලුතෙන් එකතු කරගන්නා දැනුම අපේ මොලය තුල ඉක්මනින් ග්‍රහණය කල හැකි අකාරයට රදවා ගත හැකි අකාරය තේරුම් ගන්න පුලුවන්.

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

අපි අද දවසේ හැම මහන්සියක් ම ගන්නේ, හැම කට්ටක් ම කන්නේ, අපේ ජීවිතයේ ඉදිරි අනාගතය ලස්සන, ඒ වගේම සාර්ථක කරගන්න. සාර්ථක අනාග...
15/01/2021

අපි අද දවසේ හැම මහන්සියක් ම ගන්නේ, හැම කට්ටක් ම කන්නේ, අපේ ජීවිතයේ ඉදිරි අනාගතය ලස්සන, ඒ වගේම සාර්ථක කරගන්න. සාර්ථක අනාගතයක් උදා කරගැනීම සඳහා යන මේ ගමනේදී, අපි අතරින් සමහරු අතීතයේ දී තමන් අතින් සිදුවූ වැරදි, කරපු මෝඩකම් ගැන හිත හිතා පසුතැවෙනවා. ඒ වගේම තවත් සමහරු තමන්ගේ අනාගතය කොයි විදියේ එකක් වෙයිද කියලා බියෙන් ජීවත් වෙනවා. අතීතයේ උනු දේවල් වෙනස් කරන්නවත්, අනාගතයේ සිද්ධ වෙන්න යන දේවල් පිළිබඳ අනාවැකි කියන්නවත්, අපිට හැකියාවක් නැහැ. එනිසා කළ යුතු හොඳම දේ තමයි මේ ගත වන මොහොතේ, වර්තමානයේ ජීවත් වෙන්න. ඔබ අද මේ දැන් කරන වැඩේ පුලුවන් උපරිමයෙන්, සිහියෙන්, දැඩි ආසාවකින් කරන්න.තම ජීවිතයේ ඉහළම සාර්ථකත්වයක් කරා ළඟා ළඟා වුණු බොහෝ මිනිසුන් අනුගමනය කරන දෙයක් තමයි ස්වයං යෝජනා සකස් කිරීම, නිතර මෙනෙහි කිරීම සහ ප්‍රතිඥා දීම. මෙම ස්වයං යෝජනා සකස් කිරීම, ඒවා ප්‍රතිඥා දීම ඔබට ඉතාම වැදගත්. මක්නිසාදයත් ඒවා ඔබගේ මන⁣සේ, සිතුවිලි, විශ්වාසයන් වලට නැවුම් ආරම්භයක් ලබා ලබාදීමට බෙහෙවින් උපකාර වෙනවා.මම එය කරන්න දන්නෑනෙ කියනවා වෙනුවට, මම එය පුළුවන් උපරිමයෙන්ම කරන්න උත්සාහ කරනවා කියලා සිතන්න. මම පැරදුනා කියලා සිතනවා වෙනුවට, ඔව් මම පැරදුනා. නමුත් මම එයින් පාඩමක් ඉගෙන ගත්තා. ඊළඟ පාර මම අනිවාර්යෙන්ම සාර්ථක වෙනවා කියලා සිතන්න. මගේ ජීවිතයේ හොඳම දවස් මා පසු කරලා ගියා කියලා සිතනවා වෙනුවට, ඉස්සරහට එන්න තියෙන හැම දවසක්ම සුබවාදී දවසක් කියලා හිතන්න. අනිත් මිනිස්සුන්ට තමයි හැම හැකියාවක්ම තියෙන්නේ කියලා නෙමේ මට ඕනම දෙයක් කරන්න හැකියාවක් තියෙනවා කියලා හිතන්න. ඔබේ වචන සමග ඔබේ විශ්වාසයන් මුසු කිරීමට පටන් ගත් විට ඒවා බෙහෙවින් ම බලවත් වේවි. කොළයක් අරගෙන මේ ආකාරයේ ස්වයං යෝජනා ඔබම සකස් කරගන්න. ඒවා ලියාගන්න. දිනපතාම උදෑසන අවදි වූ විට කණ්ණාඩිය ඉදිරියට ගිහින් ඔබ ඔබටම ඇසෙන්න ඒවා කියවන්න. දවසක් නෑර දිනපතාම මෙය සිදු කරන්න.ඇස් ඉදිරිපිටම ඔබේ ජීවිතය වෙනස් වීමට පටන් ගනීවි. ඔබේ දෛවයේ රචකයා ඔබමයි. එය ආරම්භ වෙන්නේ ඔබ විසින් ඔබේ ජීවිතයට ම කියාගන්නා වූ වචනවලින්. ගල් මුල් පහරවලින් ඔබේ ඇටකටු බිඳලා දාන්න පුළුවන් වගේම වචන වලට ඔබේ සිහින බිඳ දමන්න පුළුවන්. ඒ නිසා නිතරම සුබවාදී වචනවලින් ඔබේ ජීවිතය පුරවා ගන්න.

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

ලෝකයේ පළමු කාන්තා අග්‍රාමාත්‍යවරිය තේරී පත්වූයේ ශ්‍රී ලංකාව තුල බව ඔබ දන්නවාද? (1960 සිරිමාවෝ බණ්ඩාරනායක) ...
13/01/2021

ලෝකයේ පළමු කාන්තා අග්‍රාමාත්‍යවරිය තේරී පත්වූයේ ශ්‍රී ලංකාව තුල බව ඔබ දන්නවාද? (1960 සිරිමාවෝ බණ්ඩාරනායක)

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

දැනුම ලබාගත හැක්කේ කෙසේද?කියවීම හරහාවටපිටාව ගැන සංවේදීව කටයුතු කිරීමෙන්පර්යේෂණ කිරීම හරහාවැරදීම් වලින් ලබාගන්නා අත්දැකීම...
11/01/2021

දැනුම ලබාගත හැක්කේ කෙසේද?

කියවීම හරහා
වටපිටාව ගැන සංවේදීව කටයුතු කිරීමෙන්
පර්යේෂණ කිරීම හරහා
වැරදීම් වලින් ලබාගන්නා අත්දැකීම් හරහා
නිපුණයන්ගෙන් විමසීම
කැපවීමෙන් හා අභිප්‍රේරනයෙන් කටයුතු කිරීමෙන්
ස්වයං අධ්‍යයනය හරහා

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

මිනිසා කියන්නේ ස්වභාවයෙන්ම සමාජශීලී සත්වයෙක්. තනියෙන් ජීවත් වනවාට වඩා අපි හැමතිස්සෙම කැමති, අපේ ගෙදර අය එක්ක,යාලුවෝ එක්ක...
10/01/2021

මිනිසා කියන්නේ ස්වභාවයෙන්ම සමාජශීලී සත්වයෙක්. තනියෙන් ජීවත් වනවාට වඩා අපි හැමතිස්සෙම කැමති, අපේ ගෙදර අය එක්ක,යාලුවෝ එක්ක කාලෙ ගත කරන්න. ඉතින් ඒ නිසාම මානව සම්බන්ධතා කියන්නේ අපිට අතිශයින්ම වැදගත් දෙයක්. යහපත් මානව සම්බන්ධතා පවත්වා ගත යුතු ආකාරය කුඩා කල සිටම දරුවකුට පුරුදු පුහුණු කර යුතුයි. එදිනෙදා ජීවිතයේදී අපට හමුවන විවිධාකාර මිනිසුන් හොඳයි, නරකයි, ආත්මාර්ථකාමී, පරාර්ථකාමී කියලා ලේබල් ගහලා වෙන් කරන්න සමාජයේ බොහෝ දෙනෙක් පුරුදුවෙලා තියෙනවා. සමහරවිට ඔවුන් ඒ පුද්ගලයන්ව ආශ්‍රය කරලාත් නැතුව ඇති. අපි කොහොමද, බාහිරින් පෙනෙන විදිහ අනුව මිනිසුන් වර්ග කරන්නේ? පෙනුමින් ගොඩක් නපුරුයි නරකයි කියලා පෙනෙන පුද්ගලයෙක් ඇතුළතින් ගොඩක් ගොඩාක් හොඳ කෙනෙක් වෙන්න පුළුවන්. ඒ වගේම පෙනුමින් හොඳයි කියලා පෙනෙන පුද්ගලයකු තුළ වුවත්, අප නොදකින පැත්තක් තියෙන්න පුළුවන්. Don't judge a book by its cover කියන්⁣නෙත්අන්න ඒ නිසා තමයි.මේ සමාජයේ කළු, සුදු කියලා මිනිස්සු කොට්ඨාස දෙකක් නැහැ.ඉන්නේ අළු පාට මිනිස්සු. සෑම පුද්ගලයකු තුළම කළු-සුදු ලක්ෂණ සැඟවිලා තියෙනවා. ඉතින් අපට පුළුවන් නම්, හැම පුද්ගලයකු තුළම තියෙන එ් යහපත් ගතිගුණ හඳුනගෙන ඔවුන්ට ගරු කරන්න,ආදරය කරන්න, එහෙම වුනොත් මේ ලෝකෙ ගොඩක් ලස්සන තැනක් වේවි.අපි නරකයි නපුරුයි කියලා වෙන් කරපු, ගොඩක් අය අපේ හොදම යාලුවන් වේවි. සම්බන්ධතා වලදී ඔබගේ පැත්තෙන් ඔබට පුළුවන් උපරිමය දෙන්න. මොකද අපි දෙන දේ තමයි අපිට ලැබෙන්නේ

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

දකුණු ආසියාවේ ඉහළම සාක්ෂරතාව ඇති රට ශ්‍රී ලංකාව බව ඔබ දන්නවාද? #දැනුම #සොයමු ...
09/01/2021

දකුණු ආසියාවේ ඉහළම සාක්ෂරතාව ඇති රට ශ්‍රී ලංකාව බව ඔබ දන්නවාද?
#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

දැනුම වර්ග කළ හැකිද?ප්‍රධාන වශයෙන් දැනුම වර්ග 4කි.තථ්‍ය දැනුමසංකල්පමය දැනුමකාර්යපටිපාටික දැනුමස්වසංජානන දැනුමතථ්‍ය දැනුම...
08/01/2021

දැනුම වර්ග කළ හැකිද?

ප්‍රධාන වශයෙන් දැනුම වර්ග 4කි.
තථ්‍ය දැනුම
සංකල්පමය දැනුම
කාර්යපටිපාටික දැනුම
ස්වසංජානන දැනුම

තථ්‍ය දැනුම (factual knowledge) යනු පාරිභාෂිත, නිශ්චිත විස්තර හෝ ඕනෑම මාතෘකාවක මූලික අංග වේ.

සංකල්පමය දැනුම (conceptual knowledge) යනු තොරතුරු වර්ගීකරණය, මූලධර්ම සහ සාමාන්‍යකරණයන් දැනගැනීම, න්‍යායන්, ආකෘති සහ ව්‍යුහයන් දැනගැනීම වේ.

කාර්යපටිපාටික දැනුම (procedural knowledge) යනු විෂය විශේෂිත කුසලතා සහ ඇල්ගොරිතම දැනගැනීම, විෂය විශේෂිත තාක්ෂණික ක්‍රම සහ විදි දැනගැනීම, නිවැරදි ක්‍රියා පටිපාටි භාවිතා කළ යුත්තේ කවදාද යන්න තීරණය කිරීමට දැනගැනීමයි.

ස්වසංජානන දැනුම (metacognitive knowledge) යනු උපායමාර්ගික දැනුම, සංජානන කාර්යයන් පිළිබඳ දැනුම හා ස්වයං දැනුම වේ.

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

අනේ මමත් එයා වගේ ලස්සන නම්,මටත් එයාට වගේ ලස්සන කාර් එකක් තිබුණා නම්, මමත් ඒ වගේ දක්ෂ වුනා නම්....,අපි ගොඩක් දෙනෙක් , හැම...
07/01/2021

අනේ මමත් එයා වගේ ලස්සන නම්,මටත් එයාට වගේ ලස්සන කාර් එකක් තිබුණා නම්, මමත් ඒ වගේ දක්ෂ වුනා නම්....,අපි ගොඩක් දෙනෙක් , හැම තිස්සේම තමන්ට නොලැබුණු දේ ගැන හිත හිතා දුක් වෙනවා. අවසානයේදී ඒ අය බොහොම මුග්ධ නිගමනයකට එළඹෙනවා. ඒ තමයි, ඒ අය හරිම වාසනාවන්තයි. මම හරිම අවාසනාවන්තයි.

ඔබ හිතන්නේ, ජීවිතේ තමන්ට අවශ්‍ය කරන, නිලය, බලය, මුදල් වලින් සපිරුණු මිනිසුන් මේ ලෝකයේ සිටින වාසනාවන්ත මිනිසුන් කියලද?

Steve jobs. ලෝකප්‍රකට ඇපල් සමාගමේ නිර්මාතෘ. ජීවිතයේ පුද්ගලයෙකුට ළඟා විය හැකි, ඉහළම ස්ථානය කරා ළඟා වූ අයෙක්. අග්න්‍යාශයේ සෑදුනු පිළිකාවකින් රෝගාතුරව පීඩා විඳිමින් රෝ්හලකට ව සිටි කාලයේ දී, ඔහු පවසන ලද අවසන් වචන කීපයෙන් උපුටා ගත් කොටසක් පහත දැක්වේ.

"ව්‍යාපාරික ලෝකය තුළ සාර්ථකත්වයේ අග්‍රස්ථානය කරා මා ළඟාවිය. මහජනයා මා සාර්ථකත්වයේ ප්‍රතිමූර්තිය ලෙස සළකයි. කෙසේවෙතත් රැකියාව හැරුණු විට, මා සිටින්නේ සුළු ප්‍රීතියකින් ය. අවසානයේදී, ධනය යනු තම ජීවිතය සතුව ඇති එක් දෙයක් පමණක් යනුවෙන් අවබෝධ විය."
නිලය බලය මුදල් සපිරුණු මිනිසුන්, ලෝකයේ වාසනාවන්තම මිනිසුන් බව, මෙය කියවූ පසු ඔබ තවදුරටත් සිතන එකක් නැහැ. අපි හැමෝටම ජීවත්වෙන ලැබිලා තියෙනෙන තියෙන්නෙ හරිම කෙටි කාලයක්. ඒ කෙටි කාලය තුළ ඔබට නොලැබුන දේ ගැන දුක්වෙමින්, අන් අය සමග තමන්ව සංසන්දනය කිරීමට යන්න එපා. ජීවිතය ඔබට මේ වන විට ලැබී තිබෙන දේ ගැන සතුටු වෙන්න. මේ සංකීර්ණ සමාජයේ අපි හැමෝම දුවන්නෙ race එකක්. මේනිසා ඔබටත් ඔබේ දෙමව්පියන්, සහෝදර සහෝදරියන්, යහළු මිත්‍රයන් මග හැරෙන්න ඇති. ඔබ දුවන race එකේ වේගය ටිකක් අඩුකරලා, ඒ අය වෙනුවෙනුත් ඔබේ කාලය වෙන් කරන්න. ගෙවන කෙටි කාලය තුළ ඔබ, ඔබේ ජීවිතයේ සතුට වෙනුවෙන් වැඩ කරන්න. හිත සැහැල්ලු කරගන්න ටිකක් විවේක ගන්න, ගෙදර අය එක්ක පොඩි ට්‍රිප් එකක් යන්න, යාලුවෝ එක්ක සෙල්ලම් කරන්න.
ජීවිතයේ ගත වෙන හැම තත්පරයකදීම, ඔබ ගැන සතුටු වෙන්න, ඔබට ආදරය කරන්න. එවිට ඔබ මෙලොව දැක ඇති වාසනාවන්තම පුද්ගලයා ඔබ වේවි.

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

ශ්‍රී ලංකාව තුල ප්‍රධාන හා කුඩා වැව් 2539ක් ඇති බව ඔබ දන්නවාද? #දැනුම #සොයමු #තොරතුරු ...
07/01/2021

ශ්‍රී ලංකාව තුල ප්‍රධාන හා කුඩා වැව් 2539ක් ඇති බව ඔබ දන්නවාද?

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

JTB වාදයP නම් පුද්ගලයෙකුට b නම් විශ්වාසයක් ඇත්නම්, b ඇත්ත වශයෙන්ම සත්‍යක් නම් සහ P ට බ් පිලිගැනීමට යුක්තිසහගත හේතු පවතීන...
07/01/2021

JTB වාදය
P නම් පුද්ගලයෙකුට b නම් විශ්වාසයක් ඇත්නම්, b ඇත්ත වශයෙන්ම සත්‍යක් නම් සහ P ට බ් පිලිගැනීමට යුක්තිසහගත හේතු පවතීනම්, P නම් පුද්ගලයා b බව දනී. නමුත්, Gettier මෙම වාදය මෙලෙස උදාහරණයක් දෙමින් ප්‍රශ්න කරයි.

Smith හට සමාගමක සභාපතිවරයා විසින් Jones නම් පුද්ගලයාව සම්මුඛ පරීක්ෂණයෙන් රැකියාව සදහා තෝරාගන්නා බව පවසන ලදී. Smith හොදාකාරව දන්නා කරුණක් නම් Jones ගේ සාක්කුවෙහි කාසි 10 ක් ඇති බවයි. රැකියාව ලැබෙන පුද්ගලයාගේ සාක්කුවේ කාසි 10 ක් ඇති බව එමනිසා ඔහු විසින් තර්කයක් ගොඩ නගන ලදී. එහෙත් අවසානයේදී සභාපති හට වැරදීමක් වී ඇති බවත් Smith හට රැකියාව ලැබී ඇති බවත් දැන ගැනීමට ලැබුනි. අහම්බයෙන් මෙන් Smith ගේ සාක්කුවේද කාසි 10 ක් තිබුනි. එමනිසා ඔහුගේ තර්කය වූ රැකියාව ලැබෙන කෙනාගේ සාක්කුවෙහි කාසි 10 ක් තිබේ යන්න සත්‍ය වේ.

මෙහිදී JTB වාදයට අනුව P නම් පුද්ගලයා Smith වන අතර b නම් විශ්වාසය, රැකියාව ලැබෙන්නාගේ සාක්කුවෙහි කාසි 10 ක් තිබේ යන්නයි.JTB වාදය අනුව එය යුක්තිසහගත සත්‍යක් වේ.
නමුත්.. Smith නිවැරදි වූයේ ඔහු දැන සිටි නිසා නොව ( ඔහු ළග තිබූ තොරතුරු සත්‍ය වශයෙන්ම නොමගයවන්නකි ) ඔහු එදින වාසනාවන්ත වූ බැවින් යැයි Gattier තර්ක කරමින් පවසයි. එම නිසා JTB ( justified true belief) වාදය සෑම අවස්තාවකදීම සත්‍ය නොවන බව ඔහු පෙන්වා දේ.

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

සිනහා, කඳුළු, එනවා යනවා. ජීවිතේ ස්වභාවය එහෙමයි. කුමන ආකාරයේ ප්‍රශ්නයක් ඔබේ ජීවිතයට පැමිණියත්, ඒ සියල්ලටම මුහුණදීමට තර...
06/01/2021

සිනහා, කඳුළු, එනවා යනවා. ජීවිතේ ස්වභාවය එහෙමයි. කුමන ආකාරයේ ප්‍රශ්නයක් ඔබේ ජීවිතයට පැමිණියත්, ඒ සියල්ලටම මුහුණදීමට තරම් ඔබ ශක්තිමත් විය යුතුයි.විභාගයකින් අසමත් වූ විට මුළු ජීවිතය ම අසාර්ථක වූවා යැයි සිතීමට තරම් ඔබ අනුවණ පුද්ගලයෙක් නොවන්න.ඔබ වරක් විභාගයට මුහුණ දී, අසාර්ථක වී, නැවත වරක් ඒ වෙනුවෙන් උත්සාහ කරන අයෙක් නම්, කලින් වතාවේදී ඔබ පාඩම් කිරීමේදී අනුගමනය කරන ලද ක්‍රම විධි මේ වතාවේ දී අනුගමනය නොකිරීමට ඔබ වග බලා ගත යුතුය. එසේ නොවුණහොත්, ඔබට මේ වතාවේදී ද අත් වන්නේ පරාජයයි. එබැවින් ඔබගේ පාඩම් කටයුතු සිදුකිරීමට විවිධ ක්‍රමෝපායන් අත්හදා බලන්න. ඒ අතරින් ඔබට වඩාත්ම ගැළපෙන ක්‍රමයක් තෝරාගන්න.

ඒ විදියෙ පාඩම් කරන අලුත් විදිහක් ගැන තමයි අද අපි කියලා දෙන්න යන්නේ. මේ ක්‍රමය හඳුන්වන්නේ SQ3R METHOD යනුවෙන් . අපි බලමු මොකක්ද මේ SQ3R method කියන්නේ කියලා.

S-SURVEY~ තෝරාගත් පාඩමට අදාළ කොටස කියවීම. මෙහිදී පාඩමට අදාළ මාතෘකා, අනුමාතෘකා,හා විශේෂ කරුණු කෙරෙහි අවධානය යොමු කළ යුතුය.

Q- QUESTIONS~ ප්‍රශ්න වලට හැරවීම . මෙම පියවරේදී , තෝරාගත් මාතෘකා අනුමාතෘකා සහ වැදගත් කරුණු ප්‍රශ්න වලට නැගීම සිදු කළ යුතුයි. එහිදී සංකල්ප රූප,කෙටි සටහන් ආදිය භාවිතා කරමින් කෙටි ප්‍රශ්න සකස් කිරීම සිදු කරන්න.

R-READ~ කියවීම. පෙර පියවරේදී සකසා ගත් ප්‍රශ්නවලට අදාළ පිළිතුරු සොයමින්, පාඩම නැවත කියවීම මෙම පියවර පියවරේදී සිදු කළ යුතුයි.

R-RECITE~ ප්‍රශ්න වලට ලබාගත් පිළිතුරු හඬනගා කියවන්න. මෙහිදී ඔබ තේරුම් ගත් පාඩම වෙනත් අයකුට ඉගැන්වීම හෝ තමා පැහැදිලි කර ගත් කරුණු තමා විසින්ම හඬනඟා කියවන්න.

R-REVIEW~ඔබ ඉගෙනගත් කරුණු නැවත නැවත පාඩම් කිරීම සිදුකළ යුතුය. මෙහිදී පසුගිය විභාග ප්‍රශ්න වලට පිළිතුරු සැපයීම සිදුකළ යුතුය.
මෙතෙක් කල් පාඩම් කිරීමට ඔබ අනුගමනය කළ ක්‍රම වෙනුවට, මෙම ක්‍රමය අත්හදා බලන්න. ඔබටත් සාර්ථක ප්‍රතිඵල ලැබේවි.

#දැනුම #සොයමු #තොරතුරු #තාක්ෂණය #ලංකා #තාක්ෂණිකදැනුම

Address

316 3rd Floor, Sanwick Building, Wackwella Road
Galle
80000

Telephone

+94912229949

Website

Alerts

Be the first to know and let us send you an email when Loopy Education posts news and promotions. Your email address will not be used for any other purpose, and you can unsubscribe at any time.

Contact The School

Send a message to Loopy Education:

Shortcuts

Share

Category