Jabbar Past Pupils Association

10/10/2025

இம்முறை தரம் 5 புலமைப்பரிசில் பரீட்சைக்கு சிறப்பாக முகங்கொடுத்த ஜப்பாரின் சகல மாணவ செல்வங்களையும் பாராட்டி அவர்களது கல்வி வாழ்க்கைக்குத் தேவையான உந்துதலை வழங்கி அவர்களை மேலும் தைரியமூட்டும் வகையில் பாடசாலை அதிபர் ஜனாபா றிஸ்மியா அன்வர் அவர்களின் ஆலோசனை மற்றும் வழிகாட்டலின் கீழ் பாடசாலை நிர்வாகத்தினால் ஏற்பாடு செய்யப்பட்டிருந்த பாராட்டு விழா இன்று (10) கல்லூரி கேட்போர்கூடத்தில் சிறப்பாக நடைபெற்று முடிந்தது.

கல்லூரியின் ஆசிரியர் குழாம், பாடசாலை அபிவிருத்திச்சங்கம், பழைய மாணவ மாணவிகள், பெற்றோர் மற்றும் நலன்விரும்பிகளின் பூரண ஒத்துழைப்புடன் ஏற்பாடு செய்யப்பட்டிருந்த இந்த நிகழ்வில் அதிதிகளாக ஜப்பார் கல்லூரியின் பழைய மாணவரும் பிரதேச சபை உறுப்பினருமான கெளரவ ஷிஹான் மொஹமட் மற்றும் கல்லூரியின் பழைய மாணவரும் மல்வானஹின்ன முஸ்லிம் பாடசாலை அதிபருமான ஜனாப் இம்ரான் முக்தார் ஆகியோர் பங்கேற்றிருந்தமை குறிப்பிடத்தக்கது.

ஜப்பார் பழைய மாணவர் சங்கம்.

09/10/2025

கலகெதர ஜப்பார் மத்திய கல்லூரியில் வர்தகப் பிரிவில் உயர் தரம் கற்கும் மாணவ மாணவிகளை எதிர் வரும் உயர் தர பரீட்சைக்கு ஆயத்தம் செய்யும் வகையில் கல்லூரி அதிபர் ஜனாபா றிஸ்மியா அன்வர் அவர்களின் ஆலோசனை மற்றும் வழிகாட்டலின் கீழ் வணிகக் கல்வி பாடத்துக்கான ஒரு கருத்தரங்கு நேற்றைய தினம் (08) ஏற்பாடு செய்யப்பட்டிருந்தது.

கலகெதர ஜப்பார் கல்லூரியின் 2003 OL வகுப்பைச் சேர்ந்த ஜப்பாரின் பழைய மாணவர்களான அஸாம் ஹம்ஸா, முஷ்தாக், பயாஸ் அஹமட் மற்றும் றியாஸ் றமீஸ் ஆகியோரின் அனுசரனையில் ஏற்பாடு செய்யப்பட்டிருந்த குறித்த கருத்தரங்கின் வளவாளராக ஆசிரியர் ஆமிர் (பரகஹதெனிய) பங்கேற்றமை குறிப்பிடத்தக்கது.

15/07/2025

ஜப்பாரின் சிறுவர் மாதிரிச் சந்தை

ஆரம்பப் பிரிவு கல்வித் திட்டத்திற்கு அமைவாக சந்தை அமைப்பு,வியாபார நடவடிக்கைகள் மற்றும் பணப் பரிவர்த்தனை சார்ந்த செயற்பாட்டுரீதியான அனுபவப்பகிர்வினை ஆரம்பப் பிரிவு மாணவர்களுக்கு வழங்கும் நோக்கில் கல்லூரி அதிபர் ஜனாபா றிஸ்மியா அன்வர் அவர்களின் தலைமையில் ஆரம்பப்பிரிவு பொறுப்பாளர் மறறும் வகுப்பாசிரியர்களின் வழிகாட்டலின் கீழ் பெற்றோர்களின் பூரண ஈடுபாட்டுடனும் ஒத்துழைப்புடனும் இன்றைய தினம் ஏற்பாடு செய்யப்பட்டிருந்த தரம் 2 மற்றும் தரம் 3 மாணவ செல்வங்களின் சிறுவர் மாதிரிச் சந்தையானது கல்லூரி வளாகத்தில் மிகவும் வெற்றிகரமான அமைப்பில் நடந்தேரியது.

மேற்படி நிகழ்வை ஏற்பாடு செய்ய வழிவகுத்த கல்லூரி அதிபர் ஜனாபா றிஸ்மியா அன்வர்,ஆரம்பப்பிரிவு பொறுப்பாளர் மறறும் வகுப்பாசிரியர்கள், பெற்றோர் மற்றும் நலன்விரும்பிகளுக்கு கல்லூரியின் பழைய மாணவர் சங்கமானது தனது பாராட்டினை தெரிவித்துக்கொள்கிறது.

-செயலாளர்-
ஜப்பார் பழைய மாணவர் சங்கம்
2025.07.15

fans

14/07/2025

ஜப்பார் பழைய மாணவர் சங்கத்தின் ஏற்பாட்டில் ஜப்பார் கல்லூரியின் சிற்றுண்டிச்சாலைக்கு அருகே பெண்களுக்கான Badminton திடலுக்காக ஒதுக்கப்பட்டுள்ள பகுதியை சுத்தம் செய்யும் திட்டமானது நேற்றைய தினம் (13) முன்னெடுக்கப்பட்டது.

கல்லூரி அதிபர் ஜனாபா றிஸ்மியா அன்வர் அவர்களின் வேண்டுகோளுக்கு இணங்க பழைய மாணவர் சங்கமானது மேற்படி திட்டத்தை ரூபா.15000 செலவில் முன்னெடுத்தது.

-செயலாளர்-
பழைய மாணவர் சங்கம்
2025.07.14

14/07/2025

ஜப்பார் கல்லூரியின் தரம் 2 மற்றும் 3 மாணவர்களின் மாதிரி சந்தையானது நாளைய தினம் (15) காலை 9.00 மணி முதல் 11.00 மணி வரை கல்லூரி அதிபர் ஜனாபா றிஸ்மியா அன்வர் அவர்களின் தலைமையில் கல்லூரி வளாகத்தில் நடைபெற ஏற்பாடாகியுள்ளது.

நாமும் பங்கேற்று சிறார்களுக்கு ஊக்கமளிப்போம்.

13/07/2025

தரம் 5 புலமைப்பரிசில் மாணவர்களுக்கான இலவச கருத்தங்குத் தொடர் - அமர்வு 2

எதிர் வரும் ஆகஸ்ட் மாதம் நடைபெற ஏற்பாடாகியுள்ள தரம் 5 மாணவர்களுக்கான புலமைப்பரிசில் பரீட்சைக்கு ஜப்பார் மத்திய கல்லூரியின் மாணவர்களை தயார் செய்யும் நோக்கில் கல்லூரி அதிபர் ஜனாபா றிஸ்மியா அன்வர் அவர்களின் வழிகாட்டலின் கீழ் பிரிவுத் தலைவர் மற்றும் வகுப்பாசிரியர்களின் பூரண ஒத்துழைப்புடன் ஜப்பார் பழைய மாணவர் சங்கத்தினால் ஏற்பாடு செய்யப்பட்ட இரண்டாவது கருத்தரங்கு 2025.07.10 ஆம் திகதி சுமார் 42 மாணவர்களின் பங்கேற்புடன் மிகவும் வெற்றிகரமாக நடந்துமுடிந்தது.

மேற்படி கருத்தரங்கிற்கான வளவாளராக கற்றல்-கற்பித்தல் துறையில் நீண்ட கால அனுபவம் கொண்ட ஆசிரியரான ஜனாப் ஸமான் அவர்கள் பங்கேற்றிருந்தமை குறிப்பிடத்தக்கது.

மேற்படி கருத்தரங்குக்கான மொத்த செலவினமான ரூபா 22650 இனை 2003 OL வகுப்பின் அஸாம் ஹம்ஸா, றியாஸ் றமீஸ், பயாஸ் அஹமட், முஷ்தாக் ஆகிய சகோதரர்கள் ஏற்றமை குறிப்பிடத்தக்கது.

மேற்படி கருத்தரங்கை சிறப்பாக ஏற்பாடு செய்ய வழிவகுத்த கல்லூரி அதிபர், பிரிவுத் தலைவர், வகுப்பாசிரியர்கள், கலந்துகொண்டு பயன்பெற்ற மாணவ செல்வங்கள், வளவாளரான ஜனாபா ஜே.ஏ.எப். நிஸாரா ஆசிரியை, நிதியளித்த 2003 OL வகுப்பைச்சேர்ந்த பழைய மாணவர்கள் அனைவருக்கும் ஜப்பார் பழைய மாணவர் சங்கமானது அதன் நன்றியினைத் தெரிவித்துக்கொள்கிறது.

-செயலாளர்-
ஜப்பார் பழைய மாணவர் சங்கம்
கலகெதர
2025.07.13

13/07/2025

தரம் 5 புலமைப்பரிசில் மாணவர்களுக்கான இலவச கருத்தங்குத் தொடர் - அமர்வு 1

எதிர் வரும் ஆகஸ்ட் மாதம் நடைபெற ஏற்பாடாகியுள்ள தரம் 5 மாணவர்களுக்கான புலமைப்பரிசில் பரீட்சைக்கு ஜப்பார் மத்திய கல்லூரியின் மாணவர்களை தயார் செய்யும் நோக்கில் கல்லூரி அதிபர் ஜனாபா றிஸ்மியா அன்வர் அவர்களின் வழிகாட்டலின் கீழ் பிரிவுத் தலைவர் மற்றும் வகுப்பாசிரியர்களின் பூரண ஒத்துழைப்புடன் ஜப்பார் பழைய மாணவர் சங்கத்தினால் ஏற்பாடு செய்யப்பட்ட முதல் கருத்தரங்கு கடந்த 22ம் திகதி சுமார் 42 மாணவர்களின் பங்கேற்புடன் மிகவும் வெற்றிகரமாக நடந்துமுடிந்தது.

மேற்படி கருத்தரங்கிற்கான வளவாளராக கற்றல்-கற்பித்தல் துறையில் சுமார் மூன்று தசாப்த கால அனுபவம் கொண்ட தெனுவர வலயத்தின் ஹந்தெஸ்ஸ அந்நூர் கனிஷ்ட வித்தியாலயத்தின் ஆசிரியையாக கடமைபுரியும் ஜனாபா ஜே.ஏ.எப். நிஸாரா அவர்கள் பங்கேற்றிருந்தமை குறிப்பிடத்தக்கது.

மேற்படி கருத்தரங்கை சிறப்பாக ஏற்பாடு செய்ய வழிவகுத்த கல்லூரி அதிபர், பிரிவுத் தலைவர், வகுப்பாசிரியர்கள், கலந்துகொண்டு பயன்பெற்ற மாணவ செல்வங்கள், வளவாளரான ஜனாபா ஜே.ஏ.எப். நிஸாரா ஆசிரியை, பழைய மாணவர்கள், நலன்விரும்பிகள் அனைவருக்கும் ஜப்பார் பழைய மாணவர் சங்கமானது அதன் நன்றியினைத் தெரிவித்துக்கொள்கிறது.

-செயலாளர்-
ஜப்பார் பழைய மாணவர் சங்கம்
கலகெதர
2025.06.27

02/08/2024