Dorapane Maha Vidyalaya Media Unit - DMVMU

"නේතෘච්ඡාත්‍ර සම්මානනී" – Student Leaders' Investiture Ceremony 🧡

Today, we proudly celebrated "Nethruchchathra Sammanani", the Student Leaders' Investiture Ceremony, recognizing and honoring our newly appointed student leaders. May they lead with responsibility, dedication, and integrity, inspiring others through their service and commitment.
Congratulations to all student leaders! 🌟💛

"නේතෘච්ඡාත්‍ර සම්මානනී" සාර්ථකත්වය වෙනුවෙන් කැපවූ විදුහල්පතිතුමා ඇතුළු ආචාර්‍ය මණ්ඩලය සහ දෙමාපිය දූ දරුවන්ට හෘදයාංගම ස්තුතිය!!!🧡🖤

ප්‍රාර්ථනා ඉටුවෙන සෞභාග්‍යමත් අළුත් අවුරුද්දකට ආසිරි!!!💛
Dorapane Maha Vidyalaya Media Unit - DMVMU

Dorapane Maha Vidyalaya Media Unit - DMVMU

ජාතික ගති සිරිත අපේ ඔප වැටේ
ප්‍රීති සුසුම් හෙලා... සාමේ කුසුම් නෙලා
රබන් පදේ දෙන තාලෙට ඉඟ සලලා නටපල්ලා
සිරි සුබ නැකත බලා වැඩ අල්ලා නටපල්ලා..💛

සූර්‍ය මංගල්‍යය - 2026🖤

දොරපනේ මහා විද්‍යාල ඉතිහාසයේ ප්‍රථම වරට සිදුකරන්නට යෙදුණු සිංහල හා හින්දු අළුත් අවුරුදු සැමරුම අත්‍යාලංකාරයෙන් සිදු වූ බව නොරහසකි. වියැකී යන සංස්කෘතිකමය දායාද නවමු පරපුරට දායාද කරනු වස් උක්ත මංගල්‍යය 2026 ක් වූ බක් මස ගුරු දින විද්‍යාල භූමියේ දී විදුහල්පතිතුමා ඇතුළු ඇදුරු මඩුල්ලේ උපදෙස් හා සහයෝගීතාවයෙන් සිදුවුණි. පරිත්‍යාගයන්ගෙන් දායකත්වය ලබාදුන් සැමටත්, ශ්‍රම දායකත්වයෙන් කැප වූ සැමටත් හෘදයාංගම ස්තුතිය....🙏

ඉඳින් මෙයිනුදු නොනැවතී මතුපරපුර සංස්කෘතියෙන් පෝෂණය කරනු රිසි..✍️
Dorapane Maha Vidyalaya Media Unit - DMVMU

🖤"තිමිර වලාමග සත්තුරඟ සෙනඟ සේ දිනිතිනිය රොදබඳිව්"☀❤️

2026 වර්ෂය සඳහා 6 ශ්‍රේණියට නවක සිසුන් ඇතුළත් කරගැනීමේ උත්සවය පසුගිය දිනක විද්‍යාලයීය භූමි පරිශ්‍රයේදි පැවැත්වුණි. මෙකී කර්තව්‍යය සාධනය වස් ඇඹිලිපිටිය කලාපයේ ප්‍රාථමික විෂය අධ්‍යක්ෂක තුමන් ඇතුළු ආරාධිත විදුහල්පතිවරුන් කිහිප දෙනෙකුගේ සහභාගීත්වය සිදුවුණි. එසේම උක්ත ක‍ර්තව්‍යයට සමගාමීව නවක සිසුන් වෙත පාසල් උපකරණ ප්‍රදානය කිරීමද විද්‍යාලයීය ආචාරිණි හර්ෂනී ජයතුංග මහත්මිය විසින් සිදුකෙරිණි.
🌼🌼🌼🌼

යථා රාජා තථා ප්‍රජා
යථා ප්‍රජා තථා රාජා!!!🖤

නායකයාගේ ගුණධර්ම, හැසිරීම සහ වගකීම ජනතාවට සෘජුවම බලපානු ලබයි. එසේම ජනතාවගේ චරිතයත් නායකත්වය ගොඩනැගීමට බලපාන හෙයින් නායකයා සහ ජනතාව එකිනෙකාට ප්‍රතිබිම්බයක් වන්නාහුය.💫 2026 ක් වූ දුරුතු මස ගුරුදින ර/ඇඹි/ දොරපනේ මහා විද්‍යාලයේ අභිනව විදුහල්පතිතුමන් ලෙස වැඩ භාරගත් ආර්. සුමිත් රුබසිංහ මහතාට සිය කාර්‍යන් මනාව සිදුකරගෙන යෑමට අවැසි ආශිර්වාදයත්, ශක්තියත් ලැබේවා!!!❤️

ශික්ෂක ප්‍රණාම - 2025 🖤

"වැලඳ ගැනීමට අවැසි තැන්වල කඳුළු නොසලා වැලඳ ගතයුතුමයි"🤗

අයිලයකින් අයිලයකට යන මොහොතේ ආශිර්වාද කරනවා හැරෙන්නට කඩුළු වැසීම් අනවශ්‍යම කාරණය වේ. ඉඳින් අප හා කාලරාශීන්, හෝරාවන් ගත කළ අපේම සහෘද ආචාර්‍යවරුන්ගේ නික්ම යෑම සනිටුහන් කරනු වස් "ශික්ෂක ප්‍රණාම" -2025 යන මැයෙන් තදීය මංගල්‍යය සංවිධානය වුණි. විදුහල්පතිතුමෙක් ඇතුළු ඇදුරුවරුන් තිදෙනෙක් උදෙසා පැවති උත්සවය වෙනුවෙන් ආරම්භයේ පටන් අවසන දක්වා රැඳෙමින් සහය දුන් විද්‍යාලයීය විදුහල්පතිතුමා ඇතුළු ආචාර්‍ය මණ්ඩලය, සිසුන් හා දෙමාපියන්ට අපගේ හෘදයාංගම ස්තුතිය.❤️

"මට මං පවා මග හැරෙන ලෝකෙක නුඹලා සුවෙන්දැ'යි දැනගන්න ඕන.
මිතුරනි, ජීවිතේ තව දුරක් තිබුණොත් අපි ආයේ එක්වරක් හමුවෙන්නෝන"🖤

හුදෙක් මානව දයාවන්ගෙන් සුපෝෂිත කාරණය මිනිසා තුළ සංගෘහීත බව කිවයුතු නොවේ. එනයින් මනුෂ්‍ය හෙවත් මිනිස් නාමය ලබයි. විටෙක තදීය සිද්ධීන් පුද්ගල ප්‍රතිරූපය හුවා දැක්වීම උදෙසා ම මං බලමින් සිටියි. සංසාරණ්‍යය තුළ උක්ත මානව සංහතියෙහි බීජ සම්මුඛ වන්නේම ය. අප ද එවැනි සංධිස්ථානයකට පැමිණ සිටින්නෝ වෙමු. කලා ආදියෙහි පමණක් නොව අනේක ක්ෂේත්‍රයන්හි වස්තු විෂයයක් ම වූ සහෘදයාණෙනි , බැඳීම් හැරපියා ළබැඳි හෘදයන්ගෙන් සමුගන්නා වග දනිමි. අසීරු පරිච්ඡේදයක ඉන්ද්‍රඛීලයක් මෙන් නොසැලී සිටි නුඹට තුති යැයි කීම ම ප්‍රාමාණික නොවන බැව් දනිමි. එතකුදු අප හා වූ සම්ප්‍රයෝගය ම නුඹට තුටු වීමට කාරණාවක්ම යැයි හඟිමි. ඉතින් අප අවසානයේ එකිනෙකාගෙන් වියුක්තව තනි තනි මාර්ගයන්හි ගමන් කරන්නෝ වෙමු.😔

සහෘදයාණෙනි, ස්නේහවන්තයාණෙනි, "වීර"යාණෙනි නුඹගේ මාර්ගය උවදුරු රහිත වේවා!!!🖤
(ශිවා ච සුන්දරා ච හවතු තව ජීවන යාත්‍රා)

මහවන මැද රිසි සේ වැඩෙන්නට කියා
වනස්පති තුරකින් වියළුණු කාෂ්ටක පොළොව මත හෙළූ
නොමේරූ බිජුවක් ප්‍රවේශමෙන් අහුලා
පොළොවෙහි සිටුවා රිසි සේ වැඩෙන්නට දී

කර්කෂ පොළොවේ වැඩෙන බිජුවට වට කොට​
වරපටෙන් අත්වැට බැඳ සුවිසල් සවියක්ව
සෙනෙහසින් සුරැකි මේ බිජුවට
යන්තම් දළු ලා මතු වූවා පමණි

වරපට දැන් ක්‍රමයෙන් ලිහා වැටෙයි
දෑත් මත බර දැඩිව දැනෙයි
දරා කෙසේ හෝ
දළුලන බිජුවට සුරැකිය යුතු.❤️

යතිවර අර්චනා - 2025💙

විද්‍යාලයීය 11 ශ්‍රේණියේ සිසුන් විසින් සංවිධානය කරනු ලබන ගුරු දිනය මෙවර ද ඉතා මනරම් අන්දමින් සිදුවුණි. "යතිවර අර්චනා" නමින් යථෝක්ත උත්සවය සංවිධානය කර තිබූ අතර මේ අනගි අවස්ථාවට විද්‍යාලයීය විදුහල්පතිතුමා ඇතුළු ආචාර්‍ය මණ්ඩලය ද, ආරාධිතයන් මෙන්ම සිසු දෙමාපිය ප්‍රජාව ද එක් වූ වග සිහිපත් කරනුයේ තුටිනි.💖
Happy Teachers' day all the teachers💙💫