20/04/2026
ඔබ කවදාහරි කඩේකට ගිහින් බිත්තර රාක්කය ඉස්සරහා හිටගෙන, සුදු පාට බිත්තර ගන්නවද, නැත්නම් දුඹුරු පාට බිත්තර ගන්නවද කියලා කල්පනා කරලා තියෙනවද? ගොඩක් වෙලාවට දුඹුරු බිත්තර වල ගාණ ටිකක් වැඩියි. ඒවා දැක්කාමත් නිකන් ගමේ හැදුන, ගුණදායක, ස්වභාවික පෙනුමක් තියෙනවා නේද? ඒ නිසා අපි මිලියන ගාණක් දෙනා හිතාගෙන ඉන්නේ දුඹුරු බිත්තර වල ප්රෝටීන් වැඩියි, කහ මදය ගුණයි, කට්ට හයියයි කියලා. 🥚🤔
හැබැයි, මේ දුඹුරු බිත්තරයි සුදු බිත්තරයි අතර තියෙන ඇත්තම වෙනසට ගුණදායක බව එක්ක කිසිම සම්බන්ධයක් නෑ, ඒක සම්පූර්ණයෙන්ම තීරණය වෙන්නේ කිකිළිගේ "කන්පෙත්ත" (Earlobes) මත කිව්වොත් ඔයා විශ්වාස කරනවාද? ඔව්, කිකිළියන්ටත් කන්පෙති තියෙනවා! ඒක වෙනම කතාවක්. අපි දැන් බලමු මේ දුඹුරු, සුදු බිත්තර ගැන. 🛒🐓
කෙටියෙන්ම කිව්වොත්, කිකිළි බිත්තරයක පාට සම්පූර්ණයෙන්ම තීරණය වෙන්නේ ඒ බිත්තරය දාන කිකිළිගේ ජාන සහ වර්ගය අනුව. ඒ කිකිළි ෆාම් එකක හිටියත්, එළියේ නිදහසේ ඇවිදලා කාලා හිටියත් ඒ පාට වෙනස් වෙන්නේ නෑ. 🧬
මේක ලේසියෙන්ම අඳුරගන්න පුළුවන් අපූරු රහසක් තියෙනවා. ගොවිපළකට ගියොත් මේක බලන්න.
සුදු බිත්තර: කිකිළිගේ පිහාටු සුදු පාට නම් සහ කිකිළිගේ කන්පෙති (Earlobes) සුදු පාට නම්, ඒ කිකිළි අනිවාර්යයෙන්ම දාන්නේ සුදු පාට බිත්තර! (උදාහරණයක් විදිහට වාණිජ ගොවිපළවල වැඩියෙන්ම ඉන්න White Leghorn වර්ගය).
දුඹුරු බිත්තර: කිකිළිගේ පිහාටු රතු හෝ දුඹුරු පාට නම් සහ කන්පෙති රතු පාට නම්, ඒ කිකිළි දාන්නේ දුඹුරු පාට බිත්තර! (උදාහරණ: Rhode Island Red වර්ගය).
ඒ විතරක් නෙවෙයි, Araucana වගේ සමහර කිකිළියන් වර්ග ඉන්නවා ලා නිල් සහ කොළ පාට බිත්තර දාන! ඒ කියන්නේ බිත්තරේ පාට කියන්නේ නිකන්ම නිකන් පිටින් තියෙන පැකේජින් එකක් විතරයි.
දැන් තමයි සිදුවීමේ ලස්සනම හරිය. කිකිළියක් තමන්ගේ ඇඟ ඇතුළේ බිත්තරයක් හදන්න පැය 26ක් විතර ගන්නවා. මේ බිත්තරේ කට්ට හදන්නේ කැල්සියම් කාබනේට් වලින්. 🎨🖌️
මෙතන තියන අපූරුම රහස තමයි මේ පැය 26න් මුල් පැය 20 පුරාවටම, ලෝකයේ තියෙන හැම කිකිළි බිත්තරයක්ම සුදු පාටයි! ඔව්, හැම එකක්ම!
එතකොට එහෙනම් බිත්තරේට දුඹුරු පාට එන්නේ කොහොමද? බිත්තරේ එළියට දාන්න පැය කිහිපයකට කලින්, අර දුඹුරු බිත්තර දාන කිකිළියන්ගේ ඇඟෙන් "Protoporphyrin IX" කියලා ස්වභාවික වර්ණකයක් (Pigment) ශ්රාවය කරලා බිත්තරේ පිටින් ස්ප්රේ කරනවා වගේ ගානවා.
මේක බොරු කියලා හිතෙනවා නම් ගෙදරදී පොඩි පරීක්ෂණයක් කරලා බලන්න. දුඹුරු පාට බිත්තරයක් කඩලා ඒකේ කට්ටේ ඇතුල් පැත්ත බලන්න. ඒක සම්පූර්ණයෙන්ම සුදු පාටයි! දුඹුරු පාට තියෙන්නේ කට්ටේ එළියේ විතරයි! (හැබැයි අර නිල් පාට බිත්තර දාන කිකිළියන්ගේ Oocyanin කියන වර්ණකය කට්ටේ ඇතුළටම කිඳා බහිනවා).
දැන් ඔයාට හිතෙයි එකම බිත්තරයක් වෙනුවෙන් වෙළෙන්දෝ එතකොට අපිව රවට්ටලා ගාණ කඩාගන්නවනේ කියලා. දුඹුරු පාට කියන්නේ පාන්, හාල් (රතු හාල්) වගේ දේවල් වලදී ගුණදායක පාටක් නිසා මිනිස්සුන්ගේ ඔළුවටත් ඒ මානසිකත්වය ගිහින් තියෙන බව ඇත්ත. 💰📉
හැබැයි දුඹුරු බිත්තර ගණන් වැඩි වෙන්න නියම ආර්ථික හේතුවකුත් තියෙනවා. සුදු බිත්තර දාන White Leghorn කිකිළියන් සාපේක්ෂව කුඩා සත්තු ජාතියක්. හැබැයි දුඹුරු බිත්තර දාන Rhode Island Red වගේ කිකිළියන් ගොඩක් ලොකුයි, බරින් වැඩියි. ඉතින් මේ ලොකු කිකිළියන්ට කන්න දෙන්න යන කෑම ප්රමාණය ටිකක් වැඩියි, ඉන්න ඕන කරන ඉඩකඩ වැඩියි, නඩත්තු කරන්න යන වියදම වැඩියි. ගොවියාට යන ඒ අමතර වියදම තමයි සුපර්මාර්කට් එකේදී ඔයාගේ බිලට එකතු වෙන්නේ! ඔයා ගෙවන්නේ බිත්තරේ ගුණයට නෙවෙයි, ලොකු කිකිළිගේ කෑම බිලට!
මේ බිත්තර වර්ග දෙකේ එතකොට ගුණයේ සහ රසයේ වෙනසක් තියෙනවද? කෙටියෙන්ම උත්තරේ: කිසිම වෙනසක් නෑ! 🍳🔬
සුදු සහ දුඹුරු බිත්තර දෙකේම තියෙන්නේ එකම පෝෂණයක්. ආසන්න වශයෙන් කැලරි 70ක්, ප්රෝටීන් ග්රෑම් 6ක්, මේදය ග්රෑම් 5ක් වගේම Vitamin D, B12 සහ සෙලේනියම් (Selenium) එක සමානව වගේ තියෙනවා. බිත්තර කට්ටේ පාට මේ පෝෂණයට කිසිම බලපෑමක් කරන්නේ නෑ.
හැබැයි බිත්තරේ රසය හරි, කහ මදයේ පාට හරි, පෝෂණය හරි වෙනස් වෙන්න බලපාන එකම දේ තමයි කිකිළිට කන්න දෙන කෑම. කිකිළිට කහ/තැඹිලි පාට Marigold petals හරි විශේෂ ධාන්ය හරි කන්න දුන්නොත් කහ මදය තද පාට වෙනවා (Golden Yolk කියන එක) . කිකිළිව එළියේ නිදහසේ හැදුවොත් (Free-range/Pasture-raised), ඒ බිත්තරේ Omega-3 සහ Vitamin E පොඩ්ඩක් වැඩි වෙන්න පුළුවන්. මේක සුදු කිකිළිට කළත්, දුඹුරු කිකිළිට කළත් ප්රතිඵලය එකයි.
සමහරු කියනවා දුඹුරු බිත්තර කටු ගොඩක් හයියයි කියලා. ඒකත් බොරුවක්. බිත්තර කට්ටේ හයිය තීරණය වෙන්නේ කිකිළිගේ වයස අනුව. තරුණ කිකිළියන් දාන බිත්තර වල කටු හයියයි, වයසක කිකිළියන්ගේ බිත්තර කටු තුනීයි.
එහෙනම් දැන් අපි මොන බිත්තරේද ගන්න ඕනේ? මේ ඔක්කොම දැනගත්තාට පස්සේ, බිත්තරයක් තෝරගන්න එක ඔයාගේ කැමැත්ත සහ බජට් එක අනුව කරන්න පුළුවන් දෙයක්. 🛒✅
ඔයාට පොඩ්ඩක් අඩු වියදමකින් ප්රෝටීන් ටික ගන්න ඕනේ නම්, සුදු බිත්තර ගන්න.
ඔයාට නැවුම්ම බිත්තර ඕනේ නම්, ගමේ ගොවිපළකින් ගන්න. මොකද සුපර්මාර්කට් එකේ සතියක් පරණ බිත්තරේට වඩා, අද දාපු බිත්තරේ රස ගොඩක් වැඩියි.
අවුරුදු ගාණක් තිස්සේ අපිව භේද කරපු "දුඹුරු බිත්තරේ ගුණයි" කියන මිථ්යාව අදින් ඉවරයි! කට්ටේ පාට කියන්නේ නිකන්ම නිකන් කිකිළිගේ ජාන වල වැඩක් මිසක්, පෝෂණයේ හෝ රසයේ කිසිම වෙනසක් නෙවෙයි. නියම වෙනස තියෙන්නේ කිකිළියන්ව හදන විදිහ සහ උන්ට කන්න දෙන කෑම වල. 🌟
ඊළඟ වතාවේ සුපර්මාර්කට් එකට ගියාම බය නැතුව, ඔයාට හරියන බිත්තරේ තෝරගන්න.
ඒ වගේම මේ වටිනා ලිපියට Like එකක් දාලා, හැමදාම ගාණ වැඩි දුඹුරු බිත්තරම හොය හොයා ගන්න ඔයාගේ යාළුවන්ටත් අනිවාර්යයෙන්ම Share කරන්න අමතක කරන්න එපා! 🥚👍💬🗣️
🔵Written By : Sulochana Dissanayake
🔵Source : Youtube, Internet
🔵Science With Naveen Pushpakumara
