PMC for Better SL

වෛද්‍ය අධ්‍යාපනය සහ කුහකකම..!

අලුතින්ම ආරම්භ කරන පෞද්ගලික වෛද්‍ය විද්‍යාලයකට සිසුන් ඇතුළත් කර ගැනීමෙන් රාජ්‍ය විශ්ව විද්‍යාල වල එකදු ආසනයක්වත් අඩු වීමක් සිදු නොවේ.

ශ්‍රී ලංකාවේ කුමන විශ්ව විද්‍යාලයකින් MBBS උපාධිය ලබා ගත්ත ද රාජ්‍ය හෝ පෞද්ගලික අංශ වල සිසුන් දෙවර්ගයටම අවසානයේ එකම විභාගයට පෙනී සිට සමත් වීමට සිදුවනු ඇත. එවිට පෞද්ගලික වෛද්‍ය විද්‍යාල වල සිසුන්ගේ හැකියාව සම්භන්ධයෙන් ප්‍රශ්න මතු කිරීම කිසිසේත් සාධාරණ නොවේ.

ලොව බොහෝ රටවල පෞද්ගලික වෛද්‍ය විද්‍යාල පවතී. බංගලාදේශය, නේපාලය වැනි අපට වඩා පහළින් සිටින රටවලද පෞද්ගලික වෛද්‍ය විද්‍යාල ඇත. නමුත් ලංකාවේ එක්තරා කුහකයන් පිරිසක් විසින් ළමයින්ගේ අධ්‍යාපනය කඩා කප්පල් කිරීමට පෞද්ගලික විශ්ව විද්‍යාල වලට එරෙහිව කෑගසමින් සිටියි.

SAITM සදහා රෝහලක් නැතැයි කියා කෑගැසූ මෙම පිරිස අද වන විට NSBM සඳහා රජයේ රෝහලක් සංවර්ධනය කර භාවිතයට ගැනීමට අවස්ථාව ලබා දී තිබීමට එරෙහිව "හෝමාගම රෝහළ විකුණනවා" යැයි කියමින් කෑගසයි.

NSBM මගින් SAITM හී තිබුණු සියලුම ගැටලු මග හරවා ඇතත් ඒ සඳහා මෙම කුහකයන් පිරිස විරුද්ධ වෙමින් සිටියි. එම තර්ක වල කිසිදු ප්‍රායෝගික බවක් නැත. ඇතම් පිරිසක් විසින් තර්ක කරන්නේ වැඩි වැටුප් ගෙවා ඉහළ මට්ටමේ ආචාර්ය, මහාචාර්‍ය වරුන් පෞද්ගලික විශ්ව විද්‍යාල වලට බදවා ගතහොත් රාජ්‍ය අංශයේ අධ්‍යාපනය කඩා වැටෙන බවයි. එය සම්පූර්ණයෙන්ම ප්‍රායෝගික යථාර්ථයෙන් බැහැර තර්කයකි. එසේ වන්නේ නම් කොළඹ විශ්ව විද්‍යාලයේ, මොරටුව ඉංජිනේරු පීඨයේ මහචාර්ය වරුන්ට වඩා කීර්තිමත් මහාචාර්ය වරුන් SLIIT, NSBM වැනි ආයතන වල සිටිය යුතුයි. නමුත් භූමියේ යථාර්ථය එය නොවේ. එය පෞද්ගලික වෛද්‍ය විද්‍යාල වලට එරෙහි කුහකයන් විසින් ඉදිරිපත් කරන පුහු තර්කයක් පමණි.

මොවුන්ගේ තවත් තර්කයක් වන්නේ වෛද්‍ය සිසුවෙකුට සිටිය යුතු රෝගීන් සංඛ්‍යාව පෞද්ගලික වෛද්‍ය විද්‍යාල ආරම්භ කිරීමෙන් අඩු වන බවයි. එය ද ප්‍රායෝගික යථාර්ථයෙන් බැහැර හිස් තර්කයකි. මොවුන් කටයුතු කරන්නේ කුමක් හෝ තර්කයක් ඉදිරිපත් කර පෞද්ගලික අධ්‍යාපන ක්ෂේත්‍රය කඩා කප්පල් කිරීමයි. අනෙක් අතට NSBM හී සුදුසුකම් ගැන මොවුන් කතා කරන්නේ ලොව හොදම විශ්ව විද්‍යයාල 1000 තුළ එකදු විශ්ව විද්‍යාලයක් නොමැති රාජ්‍යක සිට වීම හාස්‍යයට කරුණකි. මොවුන් සැබවින්ම සිදුකල යුත්තේ රාජ්‍ය අධ්‍යාපන ක්ෂේත්‍රයේ දියුණුව වෙනුවෙන් කටයුතු කිරීම මිස වෙනත් පිරිසකගේ අධ්‍යාපනය කඩාකප්පල් කිරීමට කටයුතු කිරීම නොවේ. ලොව ඉහළ පෙළේ වෛද්‍ය විද්‍යාල වල සිසුන් වෛද්‍ය ක්ෂෙත්‍රයේ දියුණුව වෙනුවෙන් කටයුතු කරමින් සිටියදී ශ්‍රී ලංකාවේ සිදු වන්නේ අනෙකාගේ අධ්‍යාපනය කඩා කප්පල් කිරීමට කටයුතු කිරීමයි.

තවද, මොවුන් වීරයන් ලෙස සළකන වෙනුර, ත්‍රීමාවිතාන වැනි පුද්ගලයන්ද අද ශ්‍රී ලංකාව මෙම තත්වයට පත් වීමට වගකිව යුතුය. මන්ද යත් මෙවන් අමනයන් නිසා ශ්‍රී ලාංකික සිසුන් දහස් ගනනකගේ අධ්‍යාපනය කඩාකප්පල් වූවා පමණක් නොව, රටේ මුදල් ඩොලර් බිලියන ගනනක් විදේශයන්ට ගලා යාමද සිදු විය.

අවසාන වශයෙන් කියන්නට ඇත්තේ මෙයයි.

නිදහස් අධ්‍යාපනය යනු අනෙකාගේ අධ්‍යාපනය කඩා කප්පල් කිරීම නොව සියලු දෙනාටම මුදල් ගෙවා හෝ අධ්‍යාපනය ලබා ගැනීමට අවස්ථාව සැළසීමයි. රාජ්‍යක් ලෙස ඉදිරියට ගමන් කිරීම සඳහා මෙවන් කුහකයන්ට එරෙහිව නැගී සිටීම ඔබ අප සැමගේ වගකීමකි.

Its coming..❤️

Forthcoming Private Medical College of the island❤️

🔴MBBS for $12500 per annum. Application Fee USD 100.
🔴Minimum requirment 😅 ,which was debated so mant times in the past.

THE 3 problems i have.
1. Why cant our own Sri Lankan students apply for this ? 🙄
2.Why 2 different minimum requiremnt to Sri Lankans and foreign students?
3. The HOT Topic of anthare to bring down SAITM was selling *MBBS for money* ?
Now whats this Joke 🙃 , What will happen to your so called free education?🫢

SRILANKA need Private Medical Institutions, but this door should open to both Sri Lankan and foreign students.

-copied-

ලිපි අංක 2:- No PMC???- ඇත්තටම PMC එපාද ????

PMC නැත්තං private medical collages ඇත්තටම ලංකාවට එපාද???. මේ දවස් වල රජයේ වෛද්‍ය විද්‍යාල වල ළමයි ලොකූ campaign එකක් කරගෙන යනව "no pmc" කියල.ඒ අය ගේන ලොකුම තර්කය තමා pmc නිසි ප්‍රමිතියකින් නියාමනය වෙන්නෙ නෑය,mbbs degree එක අනෙකුත් උපාධි වගේ නෙමේය,එයාලගේ උපාධියේ තියෙන සායනික පුහුණුව මේ කියන පුද්ගලික වෛද්‍ය විද්‍යාල වලට ලබාදෙන්න බෑය,වෛද්‍ය උපාධිය මොන වගේද කියල සාමාන්‍ය මිනිස්සුන්ට තේරෙන්නෙ නෑය කියන එක.medicine degree එක ගැන සාමාන්‍ය මිනිස්සුන්ට නිසි අවබෝධයක් නැති නිසා වෛද්‍ය සිසුන් ඇරුනම වෙන කිසිම කෙනෙකුට මේ ගැන කතා කරන්න,තර්ක කරන්න, ප්‍රශ්න කරන්න කිසිම අයිතියක් නෑ; pmc අවශ්‍යයි කියන සියල්ලෝම මෝඩයෝ‍ය වගේ අදහසක් තමා මෙයාලා සමාජගත කරන්නේ
ඔය කියන අවබෝධය හොදටම තියෙන කෙනෙක් වෛද්‍ය උපාධිය ගැන දන්නේ මොනවාද ,අපි නොදන්නේ මොනවාද ???
හරි සරලයි,වෛද්‍ය උපාධිය එහෙම නැත්තං mbbs degree එක phases 3ක් විදිහට තමා ක්‍රියාත්මක වෙන්නේ
01.preclinical phase- මේක තමා mbbs degree එකක පළවෙනි phase එක.medical student කෙනෙක් medical collage එකකට ඇතුළු උනාට පස්සේ semesters 3ක්- ආසන්නව අවුරුදු එකහමාරක් ඉගෙනගන්නේ මේ preclinical phase එකේ.මේ කාලේදි සියලුම දේශන,ප්‍රායෝගික පරීක්ෂණ මේ හැමදේම සිද්ධ වෙන්නේ ෆැකල්ටි එක ඇතුලේ විතරයි

02.paraclinical phase- මෙන්න මේ කාලෙදි තමා mbbs degree එක අනෙකුත් උපාධි වලට සාපේක්ෂව වෙනස් වෙන්නේ.මේ කාලෙදි වෛද්‍ය ශිෂ්‍යයන් ෆැකල්ටි එක ඇතුලේ සහභාගීවෙන දේශන වලට සමාන්තරව ඔවුන්ට අදාළ ශික්ෂණ රෝහල් වල සායනික පුහුණුව ලබනව.ආසන්නව අවුරුදු දෙකහාමාරක් මේ paraclinical phase එක ක්‍රියාත්මක වෙනව

03.clinical phase-වෛද්‍ය ශිෂ්‍යයෙක්ගේ උපාධියෙ අන්තිම අවුරුද්ද තමා මේ clinical phase එක කියන්නේ.මේක සම්පූර්ණයෙන්ම සිද්ධ වෙන්නෙ මහාචාර්ය ඒකක තුළ.මේ කියන මහාචාර්ය ඒකකය එහෙම නැත්තං prof unit එක ශික්ෂණ රෝහලක් ඇතුලේ විශේෂිත වූ වාට්ටු (wards) සම්බන්ධ කරගෙන තමා පවත්වගෙන යන්නේ

හරිම මධ්‍යස්ථ තැනක ඉදල මේ ප්‍රශ්නය දිහා බැලුවොත් pmc වලට කිසිම ප්‍රශ්නයක් නැතුව preclinical phase එක කරගෙන යන්න පුලුවන්.නමුත් ප්‍රමිතිගතයි කියල උගුර ලේ රහවෙනකන් කෑගහන රජයේ වෛද්‍ය විද්‍යාල වලට හරියට මේ preclinical phase එකවත් සම්පූර්ණ කරගන්න බෑ කියල ඔබ දන්නවද????? මොරටුවේ සබරේ ඌව වෙල්ලස්සේ වෛද්‍ය ශිෂ්‍යයන්ට dissection (තේරෙන භාෂාවෙන් කිව්වොත් මිනී කපන්න) ටික හරියට කරගන්නවත් පහසුකම් නෑ කියල ඔබ දන්නවද??? සමහර රජයේ වෛද්‍ය විද්‍යාල වල dissection කරන්නෙ SAITM එකෙන් බලහත්කාරයෙන් අත්පත් කරගත්ත cadavers වලින් බව ඔබ දන්නවද???? තවත් සමහර වෛද්‍ය විද්‍යාල වල සිසුන් 150ක් ඉන්න මුලු බැච් එකටම තියෙන්නෙ cadavers දෙකයි කියල ඔබ දන්නවද ???
ඇත්ත,වැරැද්ද ඒවායේ ඉගෙන ගන්න දරුවන්ගේ නෙමේ.රජයට අවශ්‍ය කරන ප්‍රතිපාදන ලබාදෙන්න මුදල් නෑ...නමුත් පුද්ගලික වෛද්‍ය විද්‍යාල වලට තමන්ගේ උපාධි අපේක්ෂකයින්ට සියලුම පහසුකම් සලසන්න ඕනේ කරන මුදල් තියනව.ශිෂ්‍යයන්ට අවශ්‍ය කරන ප්‍රශස්ත ඉගෙනුම් වටපිටාව කිසිම ගැටලුවකින් තොරව සලසන්න පරිපාලනයට හැකියාව තියෙනව .විශේෂම දැරිය හැකි මුදලකට සිසුන්ට ඒ අවස්ථාව සලසන්න ඔවුන්ට පුලුවන්
ඉතිං ඔබ තවමත් හිතනවාද රාජ්‍ය වෛද්‍ය විද්‍යාල ප්‍රමිතියකින් යුතුයි සක පුද්ගලික වෛද්‍ය විද්‍යාල නිසි ප්‍රම්තියකින් ක්‍රියාත්මක වෙන්නෙ නැහැයි කියල

ඊලග ලිපියෙන් අපි paraclinical phase එකෙදී pmc සහ state medical faculties වල දායකත්වය සලකාබලමු
TO BE CONTINUED😇

සටහන - PMC for Better SL

ලිපි අංක 1:- Medicine A/L වලට වඩා අමාරුද???-හැමෝටම මෙඩ්ඩෝ වෙන්න බැරිද

හරි සරලයි.උත්තරය බෑ,ඒ කියන්නේ හෑමෝටම වෛද්‍ය ශිෂ්‍යයෝ වෙන්න බෑ.නමුත් ඕනේ කරන කැපවීම සහ ආශාව තියෙන ඕනේ කෙනෙකුට වෛද්‍ය ශිෂ්‍යයෙක් වෙන්න පුලුවන්
මෙඩිසින් කරන්න මහ ලොකු potential එකක් ඕනේද???
සරලයි.උත්තරය "නැහැ"ඒකයි කැම්පස් පොත කියල අපි කියන, විශ්ව විද්‍යාල ප්‍රතිපාදන කොමිසමෙන් නිකුත් කරන් අත් පොතේ වෛද්‍ය විද්‍යාලයකට ඇතුළත් වීමේ අවම සුදුසුකම ජීව විද්‍යා විෂය ධාරාවෙන් S සාමාර්ත 3ක් කියල කියන්නේ.ඔය කියන තරමටම ඔය උපාධිය හදාරන්න පුලුවන් වරප්‍රසාද සහිත පිරිසකට විතරක් නම් ඇයි උසස්පෙළ විභාගයේ විශයන් 3 සමත් ඕනේම කෙනෙක් වෛද්‍ය අධ්‍යාපනය ලබන්න සුදුස්සෙක් විදිහට සැලකෙන්නේ?????
කියන තරම් යකා කලු නෑ කියල ඔබට තේරෙනවද????

එහෙනම් ඇයි හැමෝටම මෙඩ්ඩෙක් ඩොකෙක් වෙන්න බැරි?
ආයෙත් සරල උත්තරයක් තියෙන්නේ.අපේ කරුමෙට අපි ඉපදුනේ ලංකාවේ.දන්න කාලෙක ඉදල අපි දියුණු වෙමින් පවතින රටක්. දැන් නම් බංකොලොත් උන රටක්.අවුරුද්දකට bio කරල අර කිව්ව අවම සුදුසුකම සපුරන ලමයි 23000කට ආසන්න ප්‍රමාණයක් ඉන්න රටේ රජයේ වෛද්‍ය විද්‍යාලයකට ඇතුළත් වෙන්න පුලුවන් වෙන්නෙ ආසන්නව ලමයින් 1800කට වගේ සංඛ්‍යාවකට විතරයි
ඇයි ඒ...ඒ ලමයි සියලුම දෙනාට අවශ්‍ය කරන පහසුකම් සලසන්න රජයේ වෛද්‍ය විද්‍යාල වලට බැහැ.ඔන්න ඔතනදි තමයි පුද්ගලික වෛද්‍ය විද්‍යාල වල අවශ්‍යතාවය දැනෙන්නේ.පුද්ගලික වෛද්‍ය විද්‍යාල එහෙම නැත්තං pmc( private medical collages ) එපා කියන අය මේ ප්‍රශ්නයට විසදුමක් විදිහට කියන්නේ වසරකට රජයේ වෛද්‍ය විද්‍යාල වලට ඇතුළත් කරන ශිෂ්‍ය සංඛ්‍යාව එහෙම නැත්තං medicine intake එක වැඩිකරන්න කියල..ඇත්තටම එහෙම කරල ප්‍රශ්නය විසදන්න පුලුවන්ද?? ආයෙත් හරිම සරලව කියනව නම් එහෙම කරන්න බැහැ.මොකද රජයේ වෛද්‍ය විද්‍යාල සියල්ලක්ම මේ වෙද්දි තමන්ගේ උපරිම ධාරිතාවයේ තියෙන්නෙ.තවත් අලුතින් ශිෂ්‍යයන් ඇතුළත් කරගැනීම කෙසේ වෙතත් මේ වෙද්දි අධ්‍යාපනය ලබන ශිෂ්‍යයන්ට අවශ්‍ය කරන පහසුකම් ටිකවත් සලසන්න ඒ විශ්ව විද්‍යාල ටික අසමත්.හොයල බැලුවොත් ඔබට දැනගන්න ලැබේවි සමහර රජයේ වෛද්‍ය විද්‍යාල වල සිසුන්ට පොත් මේසේ,පුටුව,මෙට්ටය පවා ගෙදරින් අරගෙන ගිහිල්ල හොස්ටල් එකේ ඉන්න සිද්දවෙලා තියෙනව කියල;ඔබ දැනගනීවී සමහර සිසුන්ගේ නේවානේවාසිකාගාර කාමරයේ තියෙන එකම ගෘහභාණ්ඩය මෙට්ටයක් පමණක් බව
දිස්ත්‍රික් කෝටා ක්‍රමයත් එක්ක කොලඹ,ගම්පහ,කුරුණෑගල වගේ අතිශය තරගකාරී දිස්ත්‍රික්ක වල A සාමාර්ථ 3ක් ලබගත්ත සිසුන්ටත් ඇතැම් අවස්ථා වල වෛද්‍ය අධ්‍යාපනය මගහැරෙන බව ඔබ දන්නවද???
සුදුසුකම් සපුරන ඕනෑම අයෙක් වෛද්‍ය අධ්‍යාපනය ලැබීම අසාධාරණ බව ඔබ සිතනවාද???
වෛද්‍යවරුන් විශාල වශයෙන් රට හැරයන,වෛද්‍යවරුන්ගේ හිගයක් රට තුළ පවතින කාලයක අවශ්‍ය සුදුසුකම් සපුරන දරුවන්ට වෛද්‍ය අධ්‍යාපනය ලැබීමට ඇති අවස්ථාව අවුරාදමා සෞඛ්‍ය ක්ෂේත්‍රය තවතවත් ආගාදයට හෙලීමට අප ඉඩදිය යුතුද???
මේ ගැටලුවලට දිය හැකි එකම විසදුම නිසි ප්‍රමිතියකින් යුතු පුද්ගලික වෛද්‍ය විද්‍යාල රට තුළ ස්ථාපිත කිරීම බව ඔබට වැටහෙනවාද???

පුද්ගලික වෛද්‍ය විද්‍යාලයකින් සියලු පහසුකම් සහිතව ඉගෙනගන්නා සිසුන්ට,අඩුපාඩු සහිත රජයේ වෛද්‍ය විද්‍යාල වලින් අධ්‍යාපනය ලබන සිසුන් අසාධාරණ චෝදනා නගමින් තම නිරැවත වසාගැනීමට දරන උත්සාහයට පිළිතුරු මීළඟ ලිපියෙන්😂☝

TO BE CONTINUED 😇

සටහන - PMC for Better SL