29/07/2026
ඔබේ ගමන වෙනස් වුවාට, ඔබේ සිහින වෙනස් නොවේ... 💙🌸
සෙමෙන් පියවර තැබුවත්, ඔබත් ජීවිතය ජයගන්නෙක්...
රත්නාවලී බාලිකා විද්යාලයේ විශේෂ ළමා සම්පත් සංවර්ධන මධ්යස්ථානය, ගරු විදුහල්පතිනිය දීපානි කොස්තා මහත්මියගේ මඟපෙන්වීම යටතේ නවීකරණය කිරීමෙන් අනතුරුව, එහි විවෘත කිරීමේ උත්සවය 2026 ජූලි 23 දින අති උත්කර්ෂවත් අයුරින් පැවැත්විණි.
නවීකරණය කරන ලද මෙම මධ්යස්ථානය කොළඹ කලාප අධ්යාපන අධ්යක්ෂ උදේන හෙට්ටිආරච්චි මහතාගේ සුරතින් විවෘත කෙරිණි. මෙම අවස්ථාවට විද්යා අධ්යක්ෂ චන්ද්රිකා ජයවර්ධන මහත්මිය, පාසලේ නියෝජ්ය විදුහල්පතිනියන්, විශේෂ අධ්යාපන සම්පත් දායක දිමුතු පුෂ්ප කුමාර මහතා, පාසල් සංවර්ධන කමිටුවේ සාමාජිකයින්, ආදි ශිෂ්ය සංගමයේ නියෝජිතයින්, ගුරු මහත්ම මහත්මීන්, දෙමාපියන් සහ සම්භාවනීය ආරාධිත අමුත්තන් රැසක් සහභාගි වූහ.
උත්සවය ශ්රී ලංකා මහා පිරිවෙන් නායක ස්වාමීන් වහන්සේ ප්රමුඛ මහා සංඝරත්නයේ වැඩමවීමෙන් ආශිර්වාදවත් වූ අතර, පිරිත් සජ්ඣායනය මධ්යයේ කිරි උතුරවා දරුවන්ගේ යහපත, සතුට සහ සෞභාග්යය වෙනුවෙන් ආගමික වතාවත් සිදු කෙරිණි.
මෙම නවීකරණය වූ ඉගෙනුම් පරිසරය අපගේ දරුවන්ගේ අධ්යාපනය, කුසලතා සංවර්ධනය, ආත්මවිශ්වාසය සහ සතුටින් පිරි අනාගතයක් ගොඩනැගීමට ශක්තිමත් පදනමක් වේවායි හදවතින්ම ප්රාර්ථනා කරමු.
අපගේ දරුවන්ගේ සිනහව, ඔවුන්ගේ හැකියාවන් සහ අනාගතය වෙනුවෙන් දායක වූ සියලු දෙනාටම රත්නාවලී බාලිකා විද්යාලයේ හෘදයාංගම ස්තූතිය පුද කරමු. එකිනෙකාගේ සහයෝගයෙන් සෑම දරුවෙකුටම දීප්තිමත් හෙට දවසක් ගොඩනැගිය හැකි බව අපගේ විශ්වාසයයි.
💙 රත්නාවලී බාලිකා විද්යාලය 💛
“සෑම දරුවෙකුටම සමාන අවස්ථාවක් – සාර්ථක අනාගතයක්.” 🌸
