Maze by Generation ALPHA

27/12/2023

2023 මොකද උනේ? 24 මොකද වෙන්නෙ? 🙃😇

මම full time job එකෙන් අයින් වෙලා ALPHA එක officially register කරලා දැනට අවුරුද්දයි, මාස කීපයක් වෙනවා.

අපේ vision එක උනේ, රටේ ඉන්න ඕනම teenager කෙනෙක්ට තමන්ගේ passion එක identify කරගෙන, අවශ්‍ය tech/people skills කියන ඒවා හදාගෙන තමන්ගේ future එක හදාගන්න පුලුවන් platform එකක් හදන්න. ඒකට ඉතින් තව සෑහෙන මහන්සි වෙන්න ඕන.

හැබැයි මේ තියෙන්නෙ මේ වෙත්දී අපේ internal member base එකේ count එක. මේ අවුරුද්ද ඉවර වෙත්දී 200 හරී. හොදම දේ තමා මේ 200 ලන්කාවේ එක එක university වලින්, university නොවන ඒවයින්, එක එක ethnicity වලින් හැදුන හොද diversity එකක් තියෙන group එකක් උන එක. අනික් අතට industry එකෙනුත් අපි ලමයින්ට diversed experience එකක් ගන්න පුලුවන් partnership කීපයක් form කලා, කරගෙන යනවා.

Generation ALPHA එකේ shape එක සහ position එක ගත්තොත්. ඒක හරියටම position වෙන්නෙ industry එකත් student community එකත් bridge කරන තැන විදියට.
We are not an expert of a subject. But we will be the experts of networking for students.
ඉතින් මේක sand box එකක් ලමයින්ට අලුත් දේවල් try කරන්නත් වැරදීම් වලින් ඉගෙන ගන්නත් තමන්ව එක level එකකට වෙනකන් groom කරගන්නත්.
Foundation එක හැදුනට පස්සෙ, attitude එක හැදුනට පස්සෙ එයාලා එයාලගෙ path එක එයාලට හරියන experts ලා, mentors ලා හොයාගෙන ගිහින් එයාලගේ path එක shape කරගන්නවා.

මේ අවූරුද්දෙ අපි එක එක දේවල් try කර කර, pivot කර කරම ඉගෙන ගත්ත අවුරුද්දක්. End goal එක එහෙමම තියාගෙන ඒක කරන විදිය එක එක පැත්තට හරවලා බැලුවා. මෙතනදි අපේ achievements වගේම weak points ත් තිබුනා.

උදාහරණයක් විදියට members ලා ප්‍රමාණය වැඩි වෙනකොට එයාලා හැමෝටම opportunity හදලා දෙන්නෙ කොහොමද කියන එක, අපි ගාව talent pool එක තිබ්බට university වල ඉගෙන ගන්න අය වැඩි නිසා job opportunities වගේ bridge කරන්න බැරි ප්‍රශ්න.

කොහොමහරි සෑහෙන brainstorm කරලා මමයි Chathushkee Amuwatta අපි දවස් ගානක් plan කරලා ඊලග අවුරුදදේ ඉදන් වෙනස් වෙන්න ඕන දේවල්.

ඉතින් 2024 ඉදන්, අපිත් එක්ක join වෙන ලමයින්ට ලැබෙන්නෙ membership එකක්. එයාලට membership benefit set එකක් ලැබෙනවා free mentorship opportunity එක්ක.

Already තියෙන Project වලට එයාලගෙ interest එක එක්ක add වෙන්න පුලුවන්.
Project එකකට allocate උනත් නොවුනත් ඕන member කෙනෙක්ට participate කරන්න පුලුවන් workshop set එකක් අපි හැම මාසෙම සතියට දෙපාරක් කරනවා. මේවා physical workshops. එතකොට කාටවත් opportunity නැතිවෙන්නෙ නෑ.

Communication skills හදාගන්න, personal branding side එක හදාගන්න, network එක හදාගන්න සරලවම කෙනෙක්ට මේ workshops 6 කට attend කරන්න පුලුවන් නම්, හොදටම ඇති ලොකු වෙනසක් වෙන්න.

මේ workshop series එකේම sub part එකක් විදියට train the trainer program එකක් යනවා ලමයින්ව instructors ලා විදියට පුරුදු කරන්නත්. එතකොට එයාලට එයාලගෙ knowledge තව අයට දුන්න හැකි.

මීට අමතරව අපේ mentorship program එකේ කොටසක් විදියට startup focus කරලා startups වලට එයාලට support එක ඕන උනාම consult කරන්න mentor pool එකක් සහ industry jobs ගැන කියලා දෙන්නම තව mentor pool එකක් හැදෙනවා.

තව පොඩි පොඩි දේවල් ටිකක් තියෙනවා. 2024 අපි හිතපු strategy එක හරිගියොත් අපිට ඒක scale කරන්නත්, replicate කරන්නත් පුලුවන්. ඒකියන්නෙ තව ලමයි ගොඩකට opportunity එක ලැබෙනවා.

ඉතින් මේ වෙනකන් itsss sooooo much of hard work. ඊලග අවුරුද්ද ඊට වඩා අමාරු වෙයි. 🙃 ඒවුනාට අපි දිගටම කරනවා. 😇 අපිට උදව් කරපු, අපිත් එක්ක හිටපු හැමෝටම thank you. ❤️

ජය ❤💚

17/09/2023

අපි පොරොන්දු උන article Series එකේ දෙවෙනි ලිපිය තමයි මේ. අපි අද කතා කරන්නෙ CIM එහෙමත් නැත්නම් The Charted Institute of Marketing ගැන.

CIM එහෙමත් නැත්නම් The Charted Institute of Marketing කියන්නේ Marketing පැත්තට විශේෂයෙන් කැමැත්තක් තියෙන ඕනෙම කෙනෙකුට ඕනෙම වයසකදී පටන්ගන්න පුළුවන් පාඨමාලාවක්.තියෙන දැනුම හෝ වෘත්තීය අත්දැකීම් අනුව සුදුසු මට්ටමකින් මේ පාඨමාලාව පටන්ගන්න පුළුවන් කම තියෙනවා.

මේ මට්ටම් වලින් ඔයාලට වැදගත් වෙන්නේ Foundation Level එක එහෙමත් නැත්නම් Level 3

මේ foundation එහෙමත් නැත්නම් පදනම් පාඨමාලාව වෙන් කරලා තියෙන්නෙ Marketing field එකට අලුතෙන්ම එකතු වෙන්න බලාගෙන ඉන්න ඔයාලා වගේම පිරිසට.

ඔයාලට මේ කියන පාඨමාලා දෙකන් එකක් ඔයාලගෙ කැමැත්ත අනුව තෝරාගන්න පුළුවන් කම තියනවා

Foundation Certificate in Professional Marketing
Foundation Certificate in Professional Digital Marketing

ඔයාලා ට සුදුසු ඔයාලා කැමති රැකියා ක්ෂේත්‍රය අනුව මේ දෙකෙන් එකක් තෝරාගන්න එක තමයි ගොඩක්ම සුදුසු.

පස්සේ ඔයාලට Marketing field එකේ ඔයාලගෙ වෘත්තීය අත්දැකීම් එක්ක පාඨමාලාවේ ඉහළට Level 4,6,7 වගේ පශ්චාත් උපාධි මට්ටමේ සුදුසුකම් දක්ව CIM පාඨමාලාවේ ඉහළට යන්න ඔයාලා ට පුළුවන්කම තියනවා.

Foundation එහෙමත් නැත්නම් Level 3 පාඨමාලාවේ course content එක නැත්නම් විෂය අන්තර් ගතය වගේම ගෙවීම් සිදු කරන්නේ කොහොමද ගෙවීම් මොනවද කියලා ඔයාලට මේ website එකෙන් දැනගන්න පුළුවන්.

https://www.cim.co.uk/qualifications/foundation-certificate-in-professional-marketing/

එයාල ප්‍රධාන වශයෙන්ම ගෙවීම් 3 ක් ගැන සදහන් කරන්වා.

Tution fee
ඔයාලගෙ tution එහෙමත් නැත්නම් ඉගැන්වීම වෙනූවෙන් ගෙවන ගෙවීම් ඔයාලා තෝරාගන්න study Center එකට අනුව වෙනස් වෙන්න පුළුවන්.

Study Member Fee
ඊට පස්සේ ඔයාලා ලබා ගන්න ඕනේ Affliate study Member කියන සාමාජිකත්වය. මේ හරහා ඔයාලට එයාලා පොත්, webinars වගේ විවිධ පහසුකම් ලබාදෙනවා.ඒ වෙනුවෙන් ඔයාලාට වාර්ෂිකව ගෙවන්න ඕනෙ මුදල තමයි මේ study Member Fee කියන්නේ.

Assesment Fee
විභාග සහ අනිත් ඇගයීම් සදහා කරන්න ඕනේ ගෙවීම් තමයි මේ.

මේ ඔක්කොම ගෙවීම් බ්‍රිතාන්‍ය පවුම් වලින් තමයි සදහන් වෙන්නේ.ඒ ඒ දවසට තියෙන බ්‍රිතාන්‍ය පවුම් වටිනාකම රුපියල් වලින් වැඩි කරලා ඔයාලට අවශ්‍ය ගෙවීම් හදා ගන්න පුළුවන්කම තියනවා.

කොහොම වුණත් CIM කියන්නේ අන්තර්ජාතික ව පිළිගත් පාඨමාලාවක් වුනත් CIM ආයතනයක් විදියට පාඨමාලා පිරිනමන්නේ තවමත් රටවල් 9 ක් වගේ ප්‍රමාණයක් විතරයි. මේ නිසා අනාගතයේ වෙනත් රටක රැකියාවට යන්න බලාපොරොත්තුවකින් නම් ඔය ඉන්නේ ඒ රටේ CIM සුදුසුකමක් විදියට සලකනවා ද කියන කාරණාව ගැන ටිකක් සැලකිලිමත් වෙන්න වෙනවා. හැබයි උදාහරණයක් විදිහට UK නැත්නම් බ්‍රිතාන්‍ය යේ සහ පොදු රාජ්‍ය මණ්ඩලීය රටවල CIM සදහා ඉහළ පිළිගැනීමක් තියනවා යුරෝපයේ සමහර රටවල් වල වගේම මැද පෙරදිග ඇතැම් රටවලත් CIM ඉහලින් පිළිගන්නවා.

- මාධවී ඇතුලත්මුදලි -

Marketing

12/09/2023

✨ IT industry එකට Business Analyst කෙනෙක් විදියට එන්න බලාගෙන ඉන්න අය වෙනුවෙන්,

🔎 කවුද Business Analyst කෙනෙක් කියන්නෙ, මොනවද Business Analyst කෙනෙක් වෙන්න තියෙන්න ඕන Skills and Qualifications කියලා කලින් ඉදන්ම දැනගන්න මේ video එක බලන්න.🤔🤓 🤩

📈 🧑‍🎓 Business Analyst Job position එකක් මේ දවස් වල හොය හොයා ඉන්න කෙනෙක් නම්, අපිට ඔයාලගෙ CV එක එවන්න. 📝✨🤝

Join our community to know more: https://chat.whatsapp.com/DsEmEc3IoXb5lm4yCORSEp

10/09/2023

උසස් පෙළ අවසන් කරලා උසස් අධ්‍යාපනය ගැන හිතන ඔයාලා වෙනුවෙන්ම MaZe by Generation ALPHA අපි හිතුවා ලිපි පෙලක් අරගෙන එන්න. ඒ ලිපි වල පළවෙනි එක විදිහට CIMA පාඨමාලාව ගැන හැඳින්වීමක් අද ඔයාලට ගෙනාවා.කියවලා බලන්න ඔයාලගෙ අනාගතේ ගැන දැනුවත් තීරණයක් ගන්න මේක‍ ඔයාලට උදව්වක් වෙයි.

CIMA නැත්නම් The Charted Institute of Management Accounts කියන්නේ ඕනෙම කෙනෙකුට ඕනෙම වයස සීමාවක දී ආරම්භ කරන්න පුළුවන් වැඩ සටහන ක්.ඔයාගෙ අධ්‍යාපනයේ හෝ වෘත්තීය සුදුසුකම් අනුව ඔයාලට ගැලපෙන පාඨමාලාව තෝරාගන්න ලැබෙන එක ඔයාලට මෙතැනදී ලැබෙන ලොකු අවස්ථාව ක්. CIMA Sri Lanka ආයතනය ප්‍රධාන වශයෙන් මේ පාඨමාලාව ලබාදෙන විඳි කිහිපයක් තිබෙනවා.

ඒවා සදහන් කාලෙත්,

🔰Certificate in Business Accounting

මේ තමයි එයාල ව්‍යාපාර ගිණුම්කරණය පිළිබඳ කිසිදු මූලික දැනුමක් ලබා ගෙන නැති පිරිසට ලබා දෙන පාඨමාලාව.අවශ්‍ය සියලුම මූලික දැනුම ලැබෙන විදියට එයාල මේ විශය නිර්දේශය සකස් කරලා තියනවා.විෂය නිර්දේශය විස්තර සහිතව බලන්න කැමති නම් මේ link එක හරහ බලන්න පුළුවන්.

https://www.aicpa-cima.com/resources/landing/certificate-in-business-accounting-qualifications

මේ certificate in Business Accounting පාඨමාලා ව සම්පූර්ණ කරන කෙනෙකුට ඒක සුදුසුකමක් විදියට භාවිතා කරලා රැකියා වකට යන්න වගේම e රැකියාව ට යන අතරෙම CIMA වෘත්තීය සුදුසුකම් සම්පූර්ණ කරලා CGMA එහෙමත් නැත්නම් Charted Global Management Accountant දක්ව යන ඔයාගෙ ඉතුරු සුදුසුකමක් සම්පූර්ණ කරගන්න හැකියාව ලැබෙනවා.
ඔයාලා ට ලැබෙන තවත් පහසුකමක් තමයි ඔයාලගෙ CIMA විභාග ඔයාලට පහසු විදියට සැලසුම් කරගන්න ඉඩ ලැබෙන එක.ඒ වගේම online හෝ ලංකාවේ CIMA විෂය නිර්දේශය උගන්වන පිළිගත් ඕනෙම ආයතනයකින් ඔයට ඉගෙන ගැනිමේ හැකියාව තියෙනවා.

සාමාන්‍යයෙන් පාඨමාලා ගාස්තු GBP එහෙමත් නැත්නම් බ්‍රිතාන්‍ය පවුම් වලින් තමයි සදහන් වෙන්නේ.ඒවා ඒ ඒ දවසට තියෙන පවුම් වටිනාකම එක්ක සසද ලා හදා ගන්න පුළුවනි ඕනෙම කෙනෙකුට.

පාඨමාලා ගාස්තු ගැන විස්තර දැනගන්න පුළුවන් මේ link එක හරහ ගිහින්.

https://www.aicpa-cima.com/resources/landing/fees

🔰Professional Qualification

පාඨමාලාවේ මේ කොටස Business Accounting field එකේ යම් ප්‍රමාණයකට දැනුමක් සහ අත්දැකීම් සහිත වෘත්තිකයන්ට ආරම්භ කරන්න සුදුසු වැඩසටහනක්.

ඔයාලා CIMA විභාග කඩයිම් pass උනාට පස්සේ CIMA CGMA කියන Designation එක එහෙමත් නැත්නම් වෘත්තීය සුදුසුකම ඔයාලගෙ CV එකට එකතු කරගන්න නම් අවුරුදු 3 වෘත්තීය අත්දැකීම් ඔයාල ට ඕනේ. මෙක PER නැත්නම් Practical Experience Requirement කියලා හදුන්වනවා.ඔයාලගෙ CIMA අධ්‍යාපන සුදුසුක විදිහට ඉදිරිපත් කරලා ඒක ට අදාළ job එකකට යන්න ඔයාලට පුළුවන් කම තියනවා.අවුරුදු 3 එ job එක සම්පූර්ණ කලාට පස්සේ ඔයාලට පුළුවන් මේ CGMA membership එක ගන්න apply කරන්න. CIMA CGMA කියන සුදුසුකම ලංකාවේ වගේම ලෝකෙ ගොඩක් රටවල් වල ලොකු පිළිගැනීමක් තියෙන job එකක ගන්න ඔයාලට සුදුසුකමක් වෙනවා.

ඔයාලා කොතනින් ද ඔයාලා ගෙ CIMA පාඨමාලාව ආරම්භ කරන්න ඕනේ කියන එක දැනගන්න ඕනෙ නම් ඔයාලට පුළුවන් මේ website එකට ගිහින් ඔයාලට Account එක්ක open කරලා ඒ ගැන දැනගන්න.

https://www.aicpa-cima.com/resources/landing/becoming-a-cgma

Sources: https://www.aicpa-cima.com/resources/landing/sri-lanka
https://en.m.wikipedia.org/wiki/Chartered_Global_Management_Accountant

- Written by: Madhavi Athulathmudali

Chartered Global Management Accountant (CGMA) is a professional management accounting designation issued beginning in January 2012.[1] The Chartered Global Management Accountant's mission is to promote the science of management accounting on global stages.

09/11/2022

කලින් ලිපියෙන් අපි Career Decision Making Process එකේ මුල් පියවර ගැන කතාකරා. මේ ලිපියෙන් අද අනිත් පියවරවල් ගැන කතා කරමු.

🔷 දෙවන පියවර : විකල්ප විශ්ලේෂණය (Identify and Research Options )
අපි ගොඩක් වෙලාවලට වෘත්තීයක් තෝරාගනිද්දී සලකල බලන්න යොමු වෙන්නේ අපි දැනටමත් හොදින් දන්නා වෘත්තීන් කිහිපයක් ගැන විතරයි. නමුත් අපි නොදන්නා අනෙකුත් වෘත්තීන් ගැනත් දැනගෙන සිටීම ඔයාලට වැදගත්. ඒ විතරක් නෙමෙයි ඔයාලා කැමති රැකියාව කරන්න පුලුවන් තවත් වෙනස් විදිහෙ ක්‍රම එහෙම නැත්නම් Pathways තියෙන්න පුලුවන්. උදාහරණයක් විදියහට ඔයාට architecture කෙනෙක් වෙන්න අවශ්‍ය නම් ඒ සදහා යන්න පුලුවන් ක්‍රම දැනගන්න එක වැදගත්. ගොඩක් වෙලාවට අපිට මේ pathways ගැන අවබෝධයක් නැහැ.
මේ පියවරේ වැදගත්කම වෙන්නේ අනපේක්ෂිත අවස්ථාවක් ඇති උනත් අපිට තෝරාගන්න පුලුවන් විකල්ප තියන නිසා අපිට ආසාවෙන් කරන්න පුලුවන් රැකියාවක් තෝරාගන්න හැකියාව ගොඩක් වැඩි වෙනවා.

මේ pathways ගැන දැනුවත් කරන ගොඩක් career councelers ලා, ගුරුවරු වගේම තවත් ආයතන තියෙනවා. ඉතින් මේ අය එක්ක කතා කරලා ඒවා ගැන දැනුවත් වීම වැදගත්.

🧩 Maze team එකේ අපි කරන්නෙ මේ සේරම pathways ඔයාලට ලේසියෙන් access කරන්න පුලුවන් විදියට එක තැනකට සම්බන්ද කරලා දෙන එක. 😇

🔷 තුන්වෙනි පියවර : ඇගයීම සහ ප්‍රමුඛතාවය ලබාදීම (Evaluate and Prioritize)
ඊලග පියවරේදී ඔයාල තෝරගත්ත එක් එක් වෘත්තීය ක්ෂේත්‍රය සඳහා Reality Test එකක් කරන එක වැදගත්. ඒත් මෙහෙම Reality Test එකක් කරන්නේ කොහොමද? උදාහරණයක් විදිහට ඔයාට ඔයගෙන්ම ප්‍රශ්න කිහිපයක් අහල ලැබෙන පිළිතුරු අනුව තීරණයකට එන්න පුලුවන්.

1️⃣ ඔයාට අවශ්‍ය රැකියාව ගැන වැඩිදුර කියෙව්වට පසු වෘත්තීය ක්ෂේත්‍රය ගැන ඔයාට දැනුන මුල්ම හැගීම මොකක්ද?
2️⃣ ක්‍ෂේත්‍රය ගැන ඔයාට ආකර්ෂණයක් ඇති වුනේ මොන වගේ හේතුවක් නිසාද? ආකර්ෂණයක් ඇති නොවුනේ මොන වගේ හේතුවක් නිසාද ?
3️⃣ මේ ක්‍ෂේත්‍රය තෝරාගැනීමේ ඔයාට දකින්න තියන වාසි සහ අවාසි මොනවද?
4️⃣ මෙම ක්ෂේත්‍රයට ඇතුළත් වෙන්න ඔයාට අවශ්‍ය කුසලතා, දැනුම හෝ අත්දැකීම් මොනවාද?

🔷 හතරවෙනි පියවර : ක්‍රියාමාර්ග ගැනීම සහ විකල්ප උත්සාහ කිරීම (Take Action and Try Options )
ඕනෑම දෙයක සාර්ථකත්වය අසාර්ථකත්වය තීරණය කරන්න පුලුවන් පහසුම විදිහ තමයි ප්‍රයෝගිකව උත්සාහ කරලා බලන එක. මේක වෘත්තීය ක්ෂේත්‍රයක් තීරණය කිරීමේදීත් ප්‍රයෝජනවත්. Part-time jobs , internships , Volunteering වගේ දේවල් වලින් ඔයාල කැමති ක්ෂේත්‍රය ගැන අත්දැකීම් ගැනීමෙන් ඒ වෘත්තීය ක්ෂේත්‍රය ගැන ඔයාට ඇත්තටම කැමැත්තක් තියනවද නැද්ද වගේම සමහරක් වෙලාවට වෙනත් අලුත් ක්ෂේත්‍රයක් ගැන ඔයාට කැමත්තක් ඇති වෙන්නත් මේ වගේ ප්‍රයෝගිකව උත්සාහ කරලා බලන එක උදව් වෙනව.

🔷 පස්වෙනි පියවර : නැවත ඇගයීම (Reflect and Re-Evaluate)
ඕනෙම Process එකක අන්තිම පියවර අපේ මුළු Process එකෙන්ම වඩාත් වැදගත් පියවරයි. අන්තිම පියවරේදී ඔයාල කරන්න ඕනේ 4 වෙනි පියවරේදී ප්‍රයෝගිකව කරපු දේවල් ගැන ඒ අත්දැකීම අතරතුර සහ පසුව විදිහට විස්තරමකව හොදට විශ්ලේෂණය කරන එකයි.

1️⃣ ඒ අත්දැකීම ඔයාට දැනුනේ කොහොමද?
2️⃣ ඒ අත්දැකීම්වල අභියෝගාත්මක පැති වගේම ඔයා විශේෂ දක්ෂතා පෙන්වූ වූ පැති තිබුණාද?
3️⃣ එම රැකියාව හොද අත්දැකීමක් කළේ රැකියාවට ඔයාට තිබුන ආසාව විතරක්මද , නැත්නම් රැකියාවේදී හමුවුන පුද්ගලයන් නිසාද?

මේ වගේ ප්‍රශ්නවලට ඔයාට දෙන ඇත්තම පිළිතුරු එක්ක මේ වෘත්තීය ක්ෂේත්‍රය තෝරගන්නවාද නැද්ද කියන එක ගැන ඔයාටම පැහැදිලි උත්තරයක් ලැබෙයි.

🔷 කලින් ලිපියෙන් අපි කිව්වා වගේම ඔයාලට මතක් කරන්න තියෙන්නේ ඔයා ඇත්තටම කැමති, passionate රැකියාවක් තෝරාගන්න එකයි අනාගතයට වඩාත්ම වැදගත්.

අපි මේ වගේ තවත් ලිපියකින් ඉක්මනටම හම්බෙමු.

🖋️ සටහන: අමානි ඉන්ද්‍රප්‍රභා (වයඹ විශ්වවිද්‍යාලය)

07/11/2022

🔷 වෛද්‍යවරයෙක්, ඉංජිනේරුවෙක් එහෙමත් නැත්නම් ගගනගාමියෙක්... ඔව් ඔයාලට ඕනෑම මොහොතක ඕනෑම කෙනෙක් වෙන්න හැකියාව තියෙනවා. ඒත් ඇත්තටම අපිට ගැලපෙනම අනාගත වෘත්තීය තෝරාගැනීම ලෙහෙසි පහසු කටයුත්තක් නෙමෙයි. ඉතින් අද අපි මේ ලිපියෙන් කතා කරන්න යන්නෙ අනාගතයේ වෘත්තීයක් තෝරාගන්න ඉන්න ඔයාලට ලෙහෙසියෙන්ම තමන්ට ගැලපෙන වෘත්තීයක් තෝරාගන්න එක් ක්‍රමයක්.

🔹 මේ සදහා යොදාගන්න පුලුවන් බොහොමයක් ක්‍රම තිබුනත් ඒ අතරින් වඩාත් ප්‍රසිද්ධ ක්‍රමයක් ලෙස ලෝක ප්‍රකට යේල් විශ්වවිද්‍යාලය විසින් හදුන්වා දී ඇති වෘත්තීයක් තෝරාගන්න යොදාගන්න පුලුවන් පියවර 5 ක ක්‍රියාවලිය හදුන්වන්න පුලුවන්. (Five Step Career Decision Making Process) ඉතින් අද අපි ඒ පියවර පහෙන් පළමු පියවර ගැන විස්තරාත්මක කතා කරමු.

🧩 Source: https://ocs.yale.edu/blog/2021/01/26/explore-five-step-career-decision-making-process/

🔹 පළවෙනි පියවර : ස්වයං ඇගයීම(Self-assessment )
මේ පියවරේදී ඔයාගෙ රුචිකත්වයන්, වටිනාකම් (Values), පෞරුෂය, තාක්ෂණික සහ මෘදු කුසලතා වගේ දේවල් ගැන හොද අවබෝධයක් තිබීම ඉතාම වැදගත්. ඒකට ප්‍රධානම හේතුව ඔයා රැකියාවක් විදිහට තෝරාගන්න ඕනෙ වඩාත් ගැලපෙන ඒ වගේම ඔයා ආස කරන රැකියාවක් නිසයි. සමහරක් අවස්ථා වලදී ස්වයං ඇගයීමක් කිරීම පහසු කටයුත්තක් වෙන්නේ නැහැ. ඒ වගේ අවස්ථා වලදි යොදාගන්න පුලුවන් කොටස් 4ක ස්වයං ඇගයීමක් (Four Components of Self-Assessment) යේල් විශ්වවිද්‍යාලය විසින් යෝජනා කරනවා.

1️⃣ නිපුණතා ඇගයීම - Skill assessment:
ඕනෑම පුද්ගලයෙක් සතුව නිපුණතා නැත්නම් skills රාශියක් තියෙන්න පුලුවන්. ගොඩක් වෙලාවල් වලදී මේ skills කොටස් දෙකකට වෙන් කරනවා; මෘදු කුසලතා(soft skills) සහ දෘඪ කුසලතා (Hard skills). අපි මෘදු කුසලතා විදියට හදුන්වන්නෙ බොහෝ වෙලාවට තව පුද්ගලයෙක් සමග වැඩ කිරීමේදී වැදගත් වෙන සම්බන්ධතා. (Inter-personal skills). උදාහරණයක් විදියට team working.
අපි Hard skills විදියට හදුන්වන්නෙ යම්කිසි task එකක් කරන්න අවශ්‍ය skills and competencies.
ඔයා කැමති හෝ ඉදිරියේදී කරන්න අදහසක් ඇති වෘත්තියට වැදගත් soft skills සහ Hard skills දැනටමත් තියනවද නැත්නම් වැඩිදියුණු කරගන්න අවශ්‍ය මොනවාද කියන එක හදුනා ගැනීම වැදගත්.

2️⃣ රුචිකත්ව ඇගයීම - Interest assessment:
මිනිස්සු විදිහට අපි හැමෝටම කැමැති අකමැති දේවල් ගැන පුද්ගලික දැක්මක් තියනවා . ඒ දැක්ම පුද්ගලයාගෙන් පුද්ගලයාට වෙනස්. ඒ නිසා වෘත්තීයක් තෝරාගන්න පෙර ඒ රැකියාවට ඇති කැමත්ත හෝ අකැමත්ත ඇගයීම අනාගතයේ රැකියාව නිසා ඔයාට ඇති වෙන්නට හැකි බොහෝ ප්‍රශ්න අඩු කරගන්න විශාල උදව්වක්.

3️⃣ පෞරුෂත්ව ඇගයීම - Personality assessment:
ලෝකයේ මිනිසුන්ගේ පෞරුෂත්වයන් එකිනෙකට වෙනස් කියා ඕනෑම කෙනෙක්ට බැලූබැල්මට පෙනී යනවා. ඔයා මීට කලින් 16 personality ගැන අහලා තියනවනම් ලෝකයේ එකිනෙකට වෙනස් පුද්ගලයන් personality වර්ග 16 කට වෙන් කර ඇති බව දැනටමත් දන්නවා ඇති. ඔයාගේ පෞරුෂත්වයට සිතුවිලි, හැසිරීම්, තීරණ සහ ඔයා ලෝකය සමඟ සම්බන්ධ වන ආකාරය සෘජුව හෝ වක්‍රව බලපෑම් කරනවා.ඒ නිසා ඔයාට සම්පූර්ණයෙන්ම ගැලපෙන රැකියාවක් තවත් කෙනෙකුට සම්පූර්ණයෙන්ම නොගැලපෙන්නත් , ඔයාට සම්පූර්ණයෙන්ම නොගැලපෙන රැකියාවක් තවත් කෙනෙකුට සම්පූර්ණයෙන්ම ගැලපෙන්නත් හැකියාවක් තියනවා.

🧩 Check your personality type according to "16 personalities: https://www.16personalities.com/personality-types

4️⃣ අගයන් ඇගයීම -Values assessment:
ඔයාගේ වටිනාකම්වලට අනුකූලව තේරීම් කිරීමට හැකියාවක් තියනවනම් එය වෘත්තීය තෘප්තියේ ප්‍රධාන අංගයකි. වටිනාකම් යනුවෙන් ඔයා අදහස් කරන්නේ මොකක්ද? ඔයා තමන්ගේ සහ අනෙක් අයගේ වටිනවා කියලා හිතන qualities මොනවද? කෙනෙක් අවංක භාවය value එකක් විදියට සලකද්දී, තව කෙනෙක් උත්සහය value එකක් විදියට සලකන්න පුලුවන්. මේ සම්බන්දයෙන් ලබාදෙන නිර්වචනය අනුව තෝරාගත යුතු රැකියාව බොහෝවිට වෙනස් වෙන්නේ රැකියා සහ ඒවාට බැඳුනු වටිනාකම්(values) ඇති නිසාවෙනි.

🔹 ඉතින් ඔයාලත් මේ පලවෙනි පියවර උත්සාහ කරලා බලන්න.
ඒ වගේම ඔයාලට අනාගත වෘත්තීය ජීවිතය ගැන තීරණයක් ගන්න උදුව්වක් විදිහට Vanderbilt විශ්වවිද්‍යාලයෙන් ප්‍රකාශනය කරලා තියන Picture Your Career e-book එක මේ link එකෙන් Download කරගන්නත් පුලුවන්.

🧩https://www.vanderbilt.edu/career/pictureyourcareer/

එහෙනම් අපි ඊලග ලිපියෙන් අනිත් පියවරවල් ගැනත් කතා කරමු.

🖋️ සටහන: Amani Indraprabha - (Agriculture Business and Economy undergraduate of Wayamba University)

02/11/2022

"Maze" පටන් ගන්න හේතුව මොකක්ද? 🧩

🔹 අපි කලින් post එකේ කීවා වගේම, අපේ රටෙත් වෙනත් රටවලිනුත් අපට ලබාගන්න පුලුවන් උසස් අධ්‍යාපනික අවස්ථා සහ වෘත්තිය පුහුණු අවස්ථා ගොඩාක් තියෙනවා.

🔹 හැබැයි අවාසනාවකට අපිවත්, දරුවන්වත් බොහෝ වෙලාවට දෙමව්පියනවත් මේවා ගැන දන්නෙ නෑ. මෙන්න මේ නොදැනුවත්කම නිසා දරුවන්ට වටිනා අවස්ථා අහිමි වෙනවා.

🔹 පාසලෙන් කරන දැනුවත් කිරීමකදී හැර බොහෝ වෙලාවට දරුවන්ට මේ තොරතුරු ලබා ගත හැකි හොදම ක්‍රමය digital අවකාශයයි. නමුත් දරුවන් මේවා භාවිතා කර තොරතුරු ලබාගන්නෙ ඉතාමත් කලාතුරකින්.

🔹 මේ තත්වයට හේතු ලෙස,

1. සියලුම ආයතන වලට websites, social media pages තිබුනත් ඒවා තැන තැන විසිරිලා තියෙන නිසා දරුවෙක්ට/දෙමව්පියෙක්ට පහසුවෙන් ඒවා ගැන දැනගැනීමට හැකියාවක් නෑ.

2. ගොඩක් වෙලාවට ආයතනයක website එකක් හදන්නෙ ඒකට එන හැම visitor type එකක්ම target කරලා. එතකොට ගොඩක් ලොකු තොරතුරු ප්‍රමාණයක් website එකේ අඩංගු වෙනවා.
මේ හේතුව නිසා දරුවෙක්ට තමන්ට අවශ්‍ය තොරතුර website එකෙන් extract කරගන්න තරමක් අපහසුයි.

3. අපි කීවට අපේ ඊලග පරපුර ගොඩක් tech savvy කියලා, අපේ රටේ පැති ගණනාවක් තියෙනවා එහෙම නැති.
ඒ වගේම සාමන්‍යෙන් දරුවන් self motivated නෑ මේ වගේ දේවල් තනියම හොයාගෙන කරන්න.
ඒ වගේම digital devices - mobile phones, laptops හිගය වගේ ප්‍රශ්නත් තියෙනවා.

4. ගොඩක් වෙලාවට පාසලෙන් හැර දරුවෙක්ට මේ පිළිබද පුද්ගලිකව අහලා දැනගන්න counselor කෙනෙක්ව සම්බන්ද කරගන්න එක ටිකක් අමාරුයි.
පාසලෙන් අයින් වෙලා ඉන්න දරුවෙක්ට නම් පාසලෙන් ලැබෙන guidance එකත් ලැබෙන් නෑ.

ඒ වගේම මෙම ආයතන ගැන දැනුවත් කරන, courses ගැන කතා කරන you tube channels, social media pages ඕන තරම් තියෙනවා. බොහෝ courses, opportunities ගැන ඔවුන් ඉතාම විස්තරාත්මකව කතා කරනවා.
නමුත් දරුවන්ට ඒවා reach වෙන්නෙ කලාතුරකින්.

🔹 ඉතින් මේ වගේ අපි අදුරගත්ත challenges ගණනාවක් තියෙනවා. බොහෝ දරුවන්/තරුණයන් නිසි මාර්ගෝපදේශනයක් නැති කම නිසා ගොඩක් අවස්ථා අහිමි කරගන්නවා.

ඉතින් මේ challenges, කොහොමද "Maze" මගින් විසදන්නෙ? ඒක අපි ඊලග post එකේ කතා කරමු. 🧩

Our social media pages:

⭕ https://www.facebook.com/maze2025 🧩

⭕https://www.facebook.com/generationalpha2025 🦅

01/11/2022

🔹 අපේ රට ඇතුලෙත්, වෙනත් රටවලත්, ඔයාලා දකින වෘත්තීමය හීන වලට යන්න, ගොඩක් අවස්ථා තියෙනවා.
අවාසනාවට ඒ ගොඩක් අවස්ථා, එක එක තැන විසිරුන websites, you tube channels සහ නොයෙකුත් social media channels වලින් හැදුන digital ලෝකයක හැංගිලා තමා තියෙනේනෙ.

🔹 අපි "Maze" project එක මගින්, ඔයාලට ඔයාලගේ academic/career pathways ගැන අවශ්‍යම තොරතුරු එකම තැනකට ගෙනත් දෙනවා.

🔹 මේ project එක Generation ALPHA මගින් සිදු කරන project එකක්. විශේශයෙන්ම දරුවන්, දෙමව්පියන්, සහ ගුරුවරුන් අපගේ page එක like කරලා තියාගන්න. අපි ඉදිරි දිනවලදී කියන්නම් හරියටම මොකක්ද මේ කරන්න හදන්නෙ, ඇයි අපි මේක කරන්නෙ, කොහොමද මේක කරන්නෙ කියලා.

Our social media pages:

⭕ https://www.facebook.com/maze2025 🧩

⭕https://www.facebook.com/generationalpha2025 🦅