07/08/2026
සරසවිවල සිසුන්ගේ ජීවිතයට විනෝදාත්මකත්වය, නිර්මාණාත්මකත්වය සහ වෘත්තීය දැනුම ලබා දෙන සරසවි සිරස කොළඹ විශ්ව විද්යාලයේ එළිමහනේ විචිත්රවත් ලෙස ඊයේ පවත්වන ලදී. මෙය කොළඹ විශ්වවිද්යාලයේ විද්යාර්ථීන්ගේ සංවිධානය සහ කොළඹ විශ්වවිද්යාලීය මහා ශිෂ්ය සංගමය මූලිකත්වය සංවිධානය විය.
මේ සඳහා කොළඹ විශ්වවිද්යාලයේ උප කුලපති, පීඨාධිපතිවරු, අංශාධිපතිවරු, ශිෂ්ය ශිෂ්යාවන්, ආදි විද්යාර්ථීන් ආදී විශාල ජන සහභාගිත්වයක් දක්නට විය.මෙම වැඩසටහන මගින් සිසුන්ට මාධ්ය ක්ෂේත්රයට පිවිසීමේ අවස්ථා, තම කුසලතා ප්රදර්ශනය කිරීමේ වේදිකාවක් සහ ක්ෂේත්රයේ ප්රවීණයන් සමඟ සම්බන්ධ වීමේ හැකියාව ලබාදේ. මෙමගින් සිසුන්ට රූපවාහිනී හා ගුවන්විදුලි ඉදිරිපත් කිරීමේ කුසලතා ප්රදර්ශනය කිරීමට, නවීන මාධ්ය ප්රවණතා හා සන්නිවේදන කුසලතා පිළිබඳ දැනුම ලබාගැනීමට සහ නව නිෂ්පාදන හා සේවා පිළිබඳ හඳුනාගැනීමේ අවස්ථාව ලැබේ. සරසවි සිරස වැඩසටහනේ ප්රධාන අරමුණු අතර උසස් අධ්යාපනය සහ මාධ්ය ක්ෂේත්රය අතර ප්රබල සම්බන්ධතාවක් ගොඩනැගීම, සිසුන්ට වෘත්තීය අවස්ථා හඳුනාගැනීමට සහ ජාලකරණය කිරීමට අවස්ථාව සලසා දීම, සරසවි ජීවිතය නිර්මාණාත්මක හා විනෝදාත්මක ක්රියාකාරකම් වලින් පොහොසත් කිරීම සහ රටේ නව පරපුරේ කුසලතා හඳුනාගැනීම සහ ප්රවර්ධනය කිරීම ප්රධාන වේ. මෙමගින් සිසුන්ට ක්ෂේත්රයේ ප්රවීණයන්ගෙන් සෘජුවම උපදෙස් ලබාගැනීමේ හැකියාව ලැබෙන අතර, අධ්යාපනික අගයක් සමඟින් විනෝදාත්මක අත්දැකීමක් ලබාදීම යන කරුණු නිසා කොළඹ විශ්වවිද්යාලයීය විද්යාර්ථින්ගේ සංවිධානය මෙවන් කාර්යයන් සම්බන්ධීකරණය සඳහා මූලිකත්වය ගනී.
