Association for Aesthetic Dimensions of Law

නීතිය සහ කලාවෙහි රසමුසු මානයන් සෞන්දර්යාත්මක මානයකින් ආමන්ත්‍රණය කළ අරසර නිම්නාද ගී රසවින්දන සුයාමයෙහි සොඳුරු මතක රෑප එකතුව 💗

දෑතේ රැදිලා තියෙන සුහුරු මොබයිලයෙන් " මම ඔයාට ආදරෙයි " කියලා සටහන් කරලා අනිත් කෙනාට එසැණින් යවන යුගයක ඉපදුණු අපිට පුංචි පුංචි ලියුම් කඩදහි , කවි පේළි , ආදරේ ප්‍රකාශ කරන්න පුළුවන් ගොඩක් සුන්දර දේවල් නිරායාසයෙන්ම මඟහැරුණා.

ඒක එහෙම උනත් ලෝකෙ කොයිතරම් ඉස්සරහට දුවගෙන ගියත් තාමත් සමහරු තමන්ගෙ හදවත අස්සෙ ඉපිලෙන සමනල්ලු පිරෙන ආදරේ උතුරන හැඟීමුත් හදවතේ හැම සියුම් අංශුවක්ම කීතු කීතුවලට ඉරා දාන විරහවේ වේදනාමය උණුසුමත් කවි පේළි අතර සඟවන්න අමතක කරන්නෙ නැ.

ඒත් ඒ හැංගිමුත්තන් සෙල්ලම නිසා ඒ කවිය කවදාවත් කවියේ කියැවෙන අයිතිකාරයන්ට අයිතිකාරියන්ට ලැබෙන්නෙ නැතුව යන්න පුළුවන් .

ඒ නිසා මේ කුඩා හිස් ලියුම් කඩදහි තීරු අතර ඔබේ සොඳුරු කවි පේළියත් අතුරන්න , ඔබත් ප.ව 1.30 වෙද්දි ceylon hall එක ඉදිරියට පැමිණෙන්න.

" ඉතින් නුඹ තව දුර ගියෝතින්
මාව අමතක නොවෙන්න
හිත හැදෙන්නට දුක නිවෙන්නට

*මටත් කවියක් ලියන්න.....*🌿

සිවු වසරක අත්වැල් බැඳගත් සොඳුරු ගීතමය සුයාමය විඳිමින් චායි තේ කෝප්පයක රස විඳින්නට අද දහවල් 1.30 ට ceylon hall එක ළඟට ආදරයත් අරන් නොවරදවාම එන්න 💗

නීතියෙහි අරුත්බර තැන් වෙත කලාත්මක මානයකින් ආමන්ත්‍රණය කරන පීඨයේ සෞන්දර්යාත්මක ම සන්ධ්‍යාව "අරසර නිම්නාද"

ජිවිතයේ මේ තාක් දුර ඔබේ හදවත් ගැඹුරෙහි සක්මන් කළ ආදරයේ, වේදනාවේ සුසුම් පොදි දෝත ගෙන ඔබත් හෙට නොවරදවාම පැමිණෙන්න...

ස්ථානය - Ceylon Hall පරිශ්‍රය
දිනය - මැයි මස 20 බදාදා
වේලාව - දහවල් 1.30

සුභාවිත ගීතයේ අරුත්බර තැන් වෙත නීතියේ ආමන්ත්‍රණය
"අරසර නිම්නාද 2026"

සංගීතය සහ ගායනය නීති පීඨ සහෝදර සහෝදරියන්ගේ දායකත්වය සමඟින් සිදුවේ.

සුමයුර ගීතවත් සැඳෑවකින් හැඩවන පීඨයේ සොඳුරුතම සවස් යාමය සමඟින් ඔබත් නොවරදවාම එක්වන්න! ❤️