Motivation With Hima

සිතුවිලි නියමාකාරව හසුරුවන තැනැත්තාට කුමන මොහොතකවත් සිය සාර්ථකත්වය පිළිබඳ බියක් ඇති නොවේ.

ජීවිතයේ අඩියක් අඩියක් ගානේ ඉදිරියට යන්න නම් අපි හොදින් අධ්‍යාපනය ලැබිය යුතුයි.📚🖊️ඉගෙන ගන්න දෙයක් කවමදාවත් අපතේ නොයයි.😍 අධ්‍යාපනය ලබන දරුවන් මුහුණ දෙන විශේෂම ගැටලුවක් නම් පාඩම් කරන දේ අමතක වීමයි.🤔ඊට අවශ්‍ය කදිම විසඳුම් කිහිපයක් මෙම පරිච්ඡේදයේ දී කතා කිරීමට බලාපොරොත්තු වෙනවා.🥰දැන් අපි බලමු පාඩම් කරන දේවල් මතක තබා ගන්නේ කොහොමද ? කියලා.😍✨

1.එක් වරක් පාඩම් කරන්න ගන්නා කාලය විනාඩි 45 කට සීමා කරන්න.📚✏️

* පාඩම් කරන විට එකවර පැය දෙක තුනක් පාඩම් කිරීම බොහෝම වෙහෙස කරයි.🙋‍♀️එය ඔබේ මතකයට බලපෑම් එල්ල කරයි. බොහෝ පාසල් සිසුන් මැසිවිලි නගන්නේ පාඩම් කරන දේ මතක හිටින්නේ නැහැ යනුවෙනි. ඔන්න එම කාරණාවට ප්‍රධානතම හේතුව වන්නේ නොකඩවා පැය 2-3ක් එක දිගට පාඩම් කිරීමයි. අපේ මොළයත් හරියට යන්ත්‍රයක් වගේ.🧠👀ධාරිතාව වැඩි වූ විට නොකඩවා වැඩ කළ නොහැක. ඒ නිසා සෑම විනාඩි 45 කට වරක්ම පාඩම් කරලා විනාඩි 10 ක විරාමයක් ගන්න.💆🏻‍♀️හැබැයි ඒ විරාමයත් ඵලදායිව ගෙවන්න.
උදා : - කැමති ගීතයක් රසවිදීම.🎼🎷
- කැමති කෙටි ක්‍රීඩාවක් කරන්න.🏸
- ගැලපෙන motivation video එකක් බලන්න.🎯💪

මෙන්න මේ වගේ හරවත් ක්‍රියාකාරකම් ඔබේ විනාඩි 10 විවේකය තුළ සිදු කරන්න.

2. පාඩම් කරන සෑම කරුණක්ම තුන් වතාවක් මතකයෙන් කියවන්න.📚👁️

* ඔබ පාඩම් කරන සෑම විෂයය කරුණක්ම, සෑම නිර්වචනයක්ම අඩුම තරමේ තුන් වතාවක්වත් මතකයෙන් කියවන්න. එය කියවන වාර ගණන වැඩිවන තරමට මතකයේ තැන්පත් වන ප්‍රමාණය ද වැඩි වේ.💫💪

3.හැකි සෑම අවස්ථාවකම පාඩම් කරන කරුණුවලට අදාළ රූප සටහනක් ගොඩනගා ගන්න.📊

*සෑම විටම තමන් පාඩම් කරන කරුණට අදාළ රූප සටහනක් ඉදිරිපසින් කුඩාවට ඇද ගන්න. 📝එවිට චිත්තාකර්ෂණීය ලෙස කරුණු මතකයේ රදවා ගත හැකිය. ඒවා පාඩම් කරන ස්ථානයේ පවා අලවා ගත හැකිය.පසුව නිතරම නිරීක්ෂණය කරමින් මනසින් දකින්න.🫀👀මෙම ක්‍රමය ඔබට පාඩම් මතකයේ තබා ගැනීමට ප්‍රයෝජනවත් වන සුවිශේෂී ක්‍රමයකි.

4.රාත්‍රියේ නින්දට යන විට උදෑසන පටන් පාඩම් කළ දෑ මෙනෙහි කරන්න. 😴✨

*උදෑසන සිට පාඩම් කරන විෂයය කරුණු එදින රාත්‍රියේ නින්දට යාමට පෙර නැවත මතක් කරන්න.එවිට පාඩම් කළ විෂයය කරුණු අමතක වී යාම වැළැක්වේ.

5. ශබ්ද නොමැති ස්ථානයක් පාඩම් කිරීම සඳහා තෝරා ගන්න.💯🔇

*පාඩම් කරන ව ඝෝෂාකාරී ස්ථාන මග හරින්න.😍 විවිධාකාරයේ ශබ්ද ඇසීම මත පාඩම් කරන දේ මතකයෙන් ගිලිහේ. රූපවාහිනිය📺, ගුවන් විදුලිය📻 ක්‍රියාත්මක කිරීමෙන් වළකින්න. ඒ පිළිබඳ ඔබේ නිවසේ පිරිසත් දැනුවත් කරන්න.👀🫵 එය ඔබට බාධාකාරී බව ඔවුන්ට කියා දෙන්න. පාඩම් කිරීම සඳහා නිවස තුළ හෝ ඉන් පිට එළිමහනේ නිදහස් ස්ථානයක් සූදානම් කර ගන්න.එය ඔබේ පහසුව අනුව තීරණය කරන්න.

මෙම පරිච්ඡේදයේ දී පාඩම් කරන දේ මතක තබා ගැනීමට අවශ්‍ය ඉතා වැදගත් කරුණු කිහිපයක් ඉදිරිපත් කෙරුණි.🧠👀✨ ඒ ඔස්සේ පාඩම් වැඩකටයුතු සිදු කිරීමට වෙහෙස වන්න. ඔබට පුලුවන්💪🥰👍

- Motivation With Hima ✍️

පළමුව ඔබ ශක්තිමත් වන්න. ඉන්පසු ඔබේ ආදරණීයන් ශක්තිමත් කරන්න.

*"කාලය රන් හා සමානයි" කියලා කතාවක් තියනවනේ.⏰ ඉතින් කාලයෙන් නියම ප්‍රයෝජන ගත යුත්තේ කෙසේද? යන්න මෙම පරිච්ඡේදය තුළ සාකච්ඡා කෙරේ.😍
* පාසල් සිසුන්ට , උසස් අධ්‍යාපනය ලබන අයට , රැකියාවක නිරත වන හා ඕනෑම කාර්යයක් සිදු කරන අයෙකුට මෙම කාල කළමනාකරණය බෙහෙවින්ම වැදගත් මෙන්ම ප්‍රයෝජනවත් වේ.💪👀 ඉතින් දැන් අපි බලමු කාලය අපිට කොහොමද උදව් වෙන්නේ කියලා.😊🌼

1.කාලසටහනක් සෑදීම.🗓️

* මේ කාලසටහනට අනුව වැඩ කිරීම තුළින් ඔබට කාර්යයන්, කාලය සමග නිසි පරිදි සිදු කර ගැනීමට අවශ්‍ය මග විවර වේ.
- ප්‍රථමයෙන් වෙලාව සඳහන් කරන්න.
- පසුව අදාළ කාර්යය සඳහන් කරන්න.
- අවසානයට කාර්යය කිරීම හෝ නොකිරීම තීරු දෙකක් වෙන් කරන්න.

*පසුව අදාළ කාල සීමාව තුළ සිදු කිරීමට නියමිත රාජකාරිය සාර්ථකව සිදු කළා නම් ☑️ ලකුණ ද සිදු නොකළේ නම් ✖️ ලකුණ ද යොදන්න. මෙසේ තමා විසින් කළ යුතු වැඩ පෙර දින රාත්‍රියේ සැලසුම් කරන්න.
* දවසේ කාර්යයක් හෝ කිහිපයක් කර ගැනීමට නොහැකි වුවහොත් ✖️ ලකුණ දමා, පසු දිනට එම කාර්යය ලකුණු කර ගන්න.

2.පාඩම් මේසය පිළිවෙළට තබා ගන්න.📚

* පාඩම් මේසය අපිළිවෙළට තිබූ විට එය නැවත පිළිවෙළට තබා ගන්න වෙනම කාලයක් අවශ්‍ය වේ. 🤷‍♀️🤦‍♂️එම නිසා කාලය ඉතිරි කර ගැනීමේ තවත් වැදගත් උපක්‍රමයක් ලෙස පාඩම් මේසය පිළිවෙළට තබා ගැනීම වැදගත් වේ. මෙසේ භාණ්ඩ පිළිවෙළට තබා ගැනීම හරහා අනවශ්‍ය ලෙස කාලය, පවිත්‍ර කිරීම් සඳහා වැය නොවේ.🤗💫

3.එදා වැඩ එදාම කරන්න.

*දෛනික වැඩ කටයුතු ඒ දවස තුළම අවසන් කිරීම මත වෙනම කාලයක් අනවශ්‍ය ලෙස අපතේ නොයයි. ඔබ පාසල් යන සිසුවෙක් හෝ වේවා උසස් අධ්‍යාපනය ලබන්නෙකු හෝ වේවා රැකියාවක් කරන්නෙකු වේවා ඒ සෑම ස්ථානයක දීම ඔබට ලැබෙන වැඩ නොපිරිහෙලා ඉටු කරන්න. ඉන් පසු තමන්ට දැනෙන සැහැල්ලුව අත්විදින්න.💆‍♀️✨

4. To Do List එකක් හදා ගන්න.🗒️

* to do list එකක් සෑදීම මඟින් කිසිඳු අපහසුතාවකින් තොරව සිය වැඩකටයුතු කර ගත හැකිය. ඒ හරහා දෛනික සිදු කරන වැඩ කොළයක පැහැදිලිව ලියා ගන්න.

- පාඩම් කිරීම📚🖊️
-තෙරුවන් නැමදීම🙏☸️
-ක්‍රීඩා කිරීම🏏🏑🏸

* මෙසේ to do list එකක් හදාගෙන ඔබත් ඔබේ කාලය ඉතිරි කර ගන්න.

⏳🕰️මෙසේ නිසියාකාරව කාල කළමනාකරණය කිරීම සඳහා උපක්‍රම ක්‍රියාවට නංවන්න. එවිට ඔබේ මානසික නිදහස නොකඩවා පවත්වා ගැනීමට හැකි වේ 💆🏽‍♀️💆🏽‍♂️

- Motivation With Hima ✍️

ඔබේ ජීවිතේ පළමු තැනට සතුට තබා ගන්න. සතුට වෙනුවෙන් කරන්න පුලුවන් සෑම කුඩා දෙයක්ම කරන්න. මේ මොහොතේ ජීවත් වෙන්න.

- Motivation With Hima ✍️

සතුට නැගෙන්නේ හදවතින්...🌸 ඒ සතුටේ සැබෑ හිමිකරු ඔබයි. සතුට..... පස්සෙ පාවිච්චියට ගන්න අරන් තියාගෙන ඉන්න පුළුවන් දෙයක් නෙවෙයි.....😊 දවස්, පැය, තත්පර වශයෙන් ගෙවී යන්නෙ අපේ ජීවිතය......🌼ඉතින් සෑම වෙලාවකම මේ මොහොතේ ජීවත් වෙන්න😍ඔබ මේ ගෙවන සෑම මොහොතකටම වටිනාකමක් දෙන්න🌝 මන්ද අතීතය හා අනාගතය කියන්නේම පාලනය කළ නොහැකි අවස්ථාවන් ය. ✨ නමුත් ඔබට පාලනය කළ හැකි එකම අවස්ථාව මේ ගෙවී යන තත්පරයයි 🎯මේ ගෙවී යන මොහොත පමණයි..... එබැවින් අතීතයත්, වර්තමානයත් අපේ භාරයේ නැත.....💫අද දවස..... මේ මොහොත සතුටින් ගෙවනවා නම් එයයි ජීවිතයේ සතුට ලෙස අර්ථ ගන්වන්නේ.... ඉතින් මේ මොහොතේ සතුටින් ඉන්න ගමන් ඔබේ අනාගතය පිළිබඳ සිහින මවන්න.... 💐💫ඒ හීන සැබෑ කර ගැනීමට අවැසි සෑම කුඩා දෙයක්ම කරන්න....🥰 එවිට අතීතයේ සිරවීමක්වත්, අනාගතය පිළිබඳ බියවීමක් ද නැත.😃පාලනය ඔබේ..... ඒ...... මේ මොහොත පමණයි....💖✨💪

- Motivation With Hima✍️

ඔබ හුස්ම ගන්නවා නම්, ඔබේ නාඩි වැටෙනවා නම්, ඔබ ජීවත් වෙනවා නම් සැබැවින්ම ඔබේ ජීවිතයට අරමුණක් තිබිය යුතුමයි🎯✨ ඇයි ඔබට අරමුණක් තිබිය යුත්තේ?🤔 ඒ පිළිබඳ වැඩි අවධානයක් ලබා දීමට මම මේ පරිච්ඡේදයෙන් බලාපොරොත්තු වෙමි😍

*ජීවිතයට අරමුණක් තිබීමේ වටිනාකම හා ඒ අරමුණ ඉටු කර ගත හැක්කේ කුමන ක්‍රියාකාරකම් ඔස්සේ ද? යන්න අනාවරණය කර ගැනීම වැදගත් ය.අරමුණක් යනු ජීවිතයට එන අධිෂ්ඨානයකි 💪✨ අපි සියලු දෙනාටම ජීවිතය උදෙසා අරමුණක් ඇති කර ගැනීම වැදගත් වේ. නිශ්චිත ඉලක්ක කිහිපයක් මත සිය පෞරුෂත්වය හරහා ඇති කර ගනු ලබන ක්‍රියාව අරමුණක් ලෙස සරලව හැඳින්වේ.💯
* අප යා යුතු දිශාව අරමුණයි. ජීවිතයට නව ආරම්භයක් ගැනීමට අරමුණක් තිබීම වැදගත් වේ.ජීවිතයට අරමුණක් පවතින විට සැබැවින්ම තමා ජීවත්වනවා යන හැඟීම දැනේ. 🌸✨
* අරමුණු සහිතව ජීවත්වීම තුළ මොහොතින් මොහොත, දවසින් දවස තම අරමුණු මල්ඵල ගැන්වේ. අපට ඕනෑම අවස්ථාවක කිසියම් කඩඉමක් ජය ගැනීම සඳහා ඉලක්ක අවශ්‍ය වේ.රැකියාවේ, අධ්‍යාපනයේ, සමාජ ජීවිතයේ,පෞද්ගලික ජීවිතයේ දී කිසියම් අරමුණක් ඔස්සේ ගමන් කිරීමට සිදු වේ.උදාහරණයක් ලෙස ( උසස් පෙළ විභාගයට මුහුණදෙන ශිෂ්‍යයෙකුට ඉහළ සාමාර්ථයක් ලබා ගැනීම හරහා විශ්වවිද්‍යාල වරම් දිනා ගැනීම අපේක්ෂාව විය. එය ශිෂ්‍යයාගේ ප්‍රධානම අරමුණ විය.)🎓👩‍🎓👨‍🎓
* අධ්‍යාපනය හදාරා අභිමත රැකියාවක් කිරීම එම ශිෂ්‍යයාගේ මීලග අරමුණ විය. 👜💼එම අරමුණ හෝ ඉලක්කය මත සිට ශිෂ්‍යයා වෙහෙස මහන්සි වී වැඩ කරයි. ඒ නිසාවෙන්ම ඉහළ සාමාර්ථ සහිතව විශ්වවිද්‍යාල වරම් දිනා ගැනීමට අවස්ථාව උදා වේ. 💪💯🎯

" ජීවිතයේ අරමුණ අරමුණක් ඇති ජීවිතයකි. "
- රොබට් බර්න් -

* එසේ නම් බොහෝ දෙනා අප ජීවත් වීමට හේතුව තවමත් හඳුනාගෙන නැත.බොහෝ දෙනාගෙන් විමසූ විට පවසන්නේ භෞතික සාධක සඳහා පිළිතුරු ය. නමුත් ජීවිතයේ අරමුණු ඊට වඩා පුළුල්‍,ගැඹුරු සංකල්පයන් ය. 💯☑️ අරමුණු ඇතිවිය යුත්තේ ආධ්‍යාත්මයෙන් සිය ජීවිතය සාර්ථක කර ගැනීම උදෙසාය. ඒ ඔස්සේ ඊට අනුගත වෙමින් ආත්මීය බන්ධනයක් ඇති කර ගනියි. එම ආත්මීය බන්ධනය හරහා අරමුණට අපි ආදරය කරන්නෙමු.❣️✨

* අරමුණක් සහිතව ගමන් කරන පුද්ගලයාට ජීවිතයේ කිසිම අවස්ථාවක බියක්,චකිතයක් ඇති නොවේ. 💪👍 එම පුද්ගලයාට අරමුණු හඹා යාමේ දී විවිධාකාර ගැටලු, සිත්රිදීම්, දුෂ්කරතා පැන නැගීම සැබෑවකි. 🌼✨නමුත් ඒ ඕනෑම අමිහිරි අවස්ථාවකටම නොබියව මුහුණ දීමට අවශ්‍ය ශක්තිය නිරායාසයෙන්ම ඇති වේ.💪

*💫ජීවිතයේ මොනතරම් බාධක, කම්කටොලු පැන නැගුණ ද කිසිම කලෙක තමාගේ අරමුණ අමතක නොකරන්න.... 🎯✨

*ඇතැම් අවස්ථා අරමුණුට ප්‍රතිවිරුද්ධ වේ. එවැනි අවස්ථා හොඳින් අවබෝධ කරගෙන , කිසිම හේතුවකට අරමුණ වෙනස් නොකරන්න. ඒකායන අරමුණ ඇතිව සැලසුම් පමණක් වෙනස් කරමින් සිය අරමුණට ලඟා වෙන්න.💯✨

" ජීවිතය සැබැවින්ම නිල්කෙම්බිමකි. ඒ තරමටම එය සරුසාර හා නැවුම් බව මතක තබා ගන්න."💪🎯

- Motivation With Hima ✍️