09/07/2021
நம் ஒவ்வொருவரினதும் வரைவிலக்கணம் நம்மை ஆட்க்கொண்டிருக்கும் பழக்க வழக்கங்களே!
காலை படுக்கையிலிருந்து எழுப்புவதில் தொடங்கி இரவு நித்திரைக்குச் செல்வது வரை எம்மை நகர்த்திச் செல்வதில் எமது பழக்க வழக்கங்கள் பாரிய பங்கு வகிக்கின்றன. அந்த வகையில் நம் ஒவ்வொருவருடமும் ஏராளமான நல்ல பழக்கங்கள் மற்றும் தீய பழக்கங்களும் இருக்கத்தான் செய்கின்றன. இப் பழக்க வழக்கங்கள் தொற்றிக் கொள்வதில் பெரும்பாலும் நாம் வாழ்ந்த, வாழ்கின்ற சூழல் பெரும் பங்கு வகிக்கின்றன. எனவே இப் பழக்க வழக்கங்கள் சம்பந்தமாக சிறு வயதிலிருந்தே கரிசனையுடன் இருக்கும் போது தான் நம்மிடம் கட்டாயம் இருக்க வேண்டிய பழக்கங்களை வரவழைக்கவும், களையப்பட வேண்டிய பழக்கங்கள் நம்மை அடைய முற்படும் போது அவற்றை நம்மை விட்டும் துரத்தி விடவும் முடியும்.
Seven Habits for Highly Effective Students எனும் ஒரு மாத காலப் பயிற்சி நெறியானது தரம் 6,7,8 மாணவர்களுக்காக தயார் செய்யப்பட்ட ஒரு பயிற்சி நெறியாகும். இது வினைத்திறன்மிக்க மாணவர்களிடம் இருக்கும் முக்கியமான ஏழு பழக்கங்களை அடையாளப்படுத்தி அப்பழக்கங்களை தமது அணிகலன்களாக மாற்றிக்கொள்ள வடிவமைக்கப்பட்டதாகும்.
இதன் ஆரம்ப அமர்வானது 04/07/2021ஆம் திகதி இனிதே ஆரம்பமாகியது.
