28/05/2025
වයස් කාණ්ඩ එක්දින තරගයක් WFM කෙනෙක් බිහිකල හැටි....
මිනිත්තු කිහිපයක් වැයකර මේ ලිපිය කියවන්න කියලා චෙස් ක්රීඩාවට සම්බන්ධ ඔබ සැමට මම ආරාධනා කරනවා.
2010 වර්ෂය , ඒ කියන්නේ මීට අවුරුදු 15කට කලින් මහරගම ප්රදේශයේ පාසලක තිබුණා එක් දින වයස් කාණ්ඩ චෙස් තරගයක්. අවුරුදු හතක පුංචි දියණියක් සහභාගී වෙනවා එම තරඟයට.එම තරගයේ අවුරුදු අටෙන් පහළ බාලිකා ඉසව්වේ champion වෙන්න ඇයට හැකියාව ලැබෙනවා. ඒ ඇය ජීවිතයේ ලබා ගන්නා පළමු රන් පදක්කම හා කුසලානය. එදාම තමයි සමස්ත ලංකා පාසල් චෙස් කේවල තරගාවලිය පැවැත්වෙන්නේ .පුංචි දුවට එදා ඊට සහභාගී වන්න වරම් අහිමි උනේ ඇය ඊට සුදුසු ස්ථානයක් දිස්ත්රික් තරඟයේදී නොලබපු හින්දා හැබැයි මේ ප්රාදේශීය තරගයේ ත්යාග ප්රදානය කරන වෙලාවේ කෙනෙක් අතින් කියවෙනවා මේ වෙලාවේ ලංකාවේ දක්ෂම චෙස් ක්රීඩක ක්රීඩකාවෝ සමස්ත ලංකා තරගය ක්රීඩා කරනවා ඔයාලත් ඒ සඳහා මහන්සි ගන්න ලබන අවුරුද්දටවත් යන්න කියලා. මුලින් කියපු පුංචි දුවට මේ කතාව දෙවිදියකට හිතට දැනෙනවා එකක් එයා දක්ෂයෙක් නෙවෙයිද? දෙක ලබන වසරේ අවසන් තරගයට කොහොමහරි යන්න ඕනේ කියලා. ගෙදර ඇවිත් මේ පුංචි දරුවා තමන්ගේ පොත් මේසය අසල වැකියක් ලියා අලවනවා.
" ලබන අවුරුද්දේ මම සමස්ත ලංකා චැම්පියන් වෙනවා"
මේක දැකපු දෙමාපියන්ට දුකත් හිතෙනවා. ඇය දැනට ඉන්න තත්ත්වය අනුව එහෙම එකක් හිතාගන්නවත් බැරි නිසා. ඒත් කාලය ගෙවිලා යනවා හැම තැනම වගේ තියන එක්දින තරග වලට ඇයට යන්න ඕනේ වෙනවා. ගොඩක් තරග වලින් ඇය ජයග්රහණ ලබනවා ඔය අතරේ Colombo open chess තරගාවලිය එනවා. ඇයට ඕන වෙනවා එම තරගයත් ක්රීඩා කරන්න. මුලින්ම දෙමාපියන් ඊට එතරම් එකඟ නොවුනත් පසුව ඇයගේ දැඩි ඉල්ලීම මත ඇයව ඒ සඳහා යොමු කරනවා. ඇය එම තරඟයේදී 1500 ගණනක international rated චෙස් ක්රීඩකයෙක් ඇය අතින් පරාජයට පරාජයට පත් වෙනවා. ඒ අනුව 2012 වසර වන තෙක් ලංකාවෙන් බිහි වූ ලාබාලතම ශ්රේණි ගත ක්රීඩිකාව බවට ඉතිහාසයට එක් වෙනවා. එතකොට ඇයගේ වයස අවුරුදු හතයි. ඒ අනුව ඇය ඊළඟ වසරේ සමස්ත ලංකා යොවුන් චෙස් තරගාවලියට සහ පාසල් චෙස් තරගාවලියට සෘජුවම සම්බන්ධ වීමට සුදුසුකම් ලබනවා.
මේ පුංචි දුව 2013 වසරේ ආසියානු පාසල් ලෝකඩ පදක්කම තම මව්බිමට උරුමකර දෙනවා. ඒ සඳහා ලෝක චෙස් සම්මේලනය ඇයට WCM (Women's candidate master)සන්නාමය ලබා දෙනවා. ඒ වගේම වසර ගණනාවක් ජාතික යොවුන් තරගාවලිය පාසල් අවසන් තරඟාවලි වලදී ඇය ප්රථම ,දෙවන තුන්වනාදී ස්ථාන ලබමින් ජාත්යන්තර තරග නියෝජනය කිරීමට සුදුසුකම් ලබනවා. ඒ අතරතුර ඇය එවැනි ජ්යාත්යන්තර තරග රැසකින් මව්බිමට පදක්කම් ලබා දෙනවා.
ඇයගේ ජීවිතයේ තවත් විශේෂම තරගාවලියක් වන්නේ 2016 වසරේ එක්සත් අරාබි එමිර් රාජ්යයේ පැවති West Asia youth chess championship තරඟා වලිය. එහිදී ඇය standard, Rapid,Blitz යන අංශ තුනෙන්ම රන් පදක්කම් තුනම දිනා ගනිමින් ලංකා ඉතිහාසයට තවත් වාර්තාවක් එක් කරනවා. එකම ජාත්යන්තර තරඟයකදී එතෙක් රන් පදක්කම් තුනම දිනා ගත් පළමු ක්රීඩකයා හෝ ක්රීඩිකාව බවට පත්වෙමින් .ඊට ගෞරව වශයෙන් ලෝක චෙස් සම්මේලනය ඇයට WFM (Women's fide master) සන්නාමය පිරි නමනවා. අනුව එතෙක් ශ්රී ලංකාවෙන් බිහිවූ ලාබාලතම WFM බවට ඇය පත්වෙනවා.
ඒ වෙන කවුරුවත් නෙමෙයි Piliyandala chess festival තරගාවලිය සංවිධානය කරන සචින්තා කොඩිකාර. ඒ සියල්ල ඇය සමග එකට සිටිමින් ජීවිත අත්දැකීමක් බවට පත්වූ මම ඇගේ තාත්තා.
මම ඔබටත් ආරාධනා කරනවා මගේ දුව වගේ ඔබේ දරුවත් චෙස් ක්රීඩාවේ ඉදිරියට ගෙනියන්න. ඒ සඳහා ලැබෙන පුංචිම අවස්ථාව වුණත් අපි නොහිතන විදියට පුංචි දරුවෝ හැරුම් ලක්ෂයක් කරගන්න පුළුවන්කම තියෙනවා. අපි මෙම තරගාවලිය සංවිධානය කරන්නේ එවැනි සැඟවුණු මිණිකැට මතුකර ගන්න. මම ගුරුවරුන්ට පුහුණුකරුවන්ට ආදරණීය දෙමාපියන්ට ගෞරවයෙන් ආරාධනා කරනවා ඔබේ දරුවා තුළ තිබෙන එවන් දක්ෂතා මතු කරගන්න මේ තරගාවලිය භාවිතයට ගන්න කියලා. සචින්තගේ අත්දැකීම් ඔබේ දරුවන්ට එහිදී දෙන්න ඇය බලාපොරොත්තු වෙනවා.
ඉතින් මේ සටහන කියවපු ඔබට ගොඩක් ස්තුතියි. මම චමින්ද කොඩිකාර.
සචින්තට චෙස් වලින් ලැබුනේ සන්නාම හා පදක්කම් විතරද ? ඊ ඊළඟ ලිපියෙන් මම ඒ ගැන කියන්නම්.
