Shivananda Vidyalaya Past Pupils' Association-Sri Lanka

வாழ்த்துக்கள் சிவாநந்தியன் M.சதுசன், சிவாநந்தியன் P.அகிலேஷ் மற்றும் சிவாநந்தியன் U.பிரபஞ்சன் ஆகியோருக்கு வாழ்த்துக்களை தெரிவித்துக்கொள்கிறோம் . மாணவர்களை வழி நடாத்திய ஆசிரியர்களுக்கும் நன்றிகளை தெரிவித்துக்கொள்கிறோம்.

சாதனை படைத்த எமது மென்பந்து கிரிக்கெட் அணி

சிவாநந்த வித்தியாலய மென்பந்து கிரிக்கெட் அணியினர் தொடர்ச்சியாக 2 வது முறையாக மாகாண மட்ட மென்பந்து கிரிக்கெட் போட்டிகளுக்கு தெரிவு செய்யப்பட்டு சாதனை படைத்துள்ளனர்.
இன்று இடம்பெற்ற வலயமட்ட மென்பந்து கிரிக்கெட் போட்டியில் எமது சிவாநந்த வித்தியாலய மென்பந்து கிரிக்கெட் அணியினர் 2வது இடம் பிடித்ததன் மூலம் தொடர்ச்சியாக 2 வது முறையாக மாகாண மட்ட மென்பந்து கிரிக்கெட் போட்டிகளுக்கு தெரிவு செய்யப்பட்டுள்ளனர். இன்றைய போட்டியில் எமது 4 முன்னணி வீரர்கள் இல்லாத நிலையிலும் எமது அணி 2வது இடம் பிடித்தது குறிப்பிடத்தக்கது ( அவர்கள் மாகாண மட்ட போட்டிகளுக்கு முன்னர் தயாராகிவிடுவார்கள் என்று நம்புகிறோம்.)

வெற்றிக்கு காரணமான வீரர்களுக்கு வாழ்த்துக்களை தெரிவிப்பதுடன் அதிபர், உப அதிபர்கள், பொறுப்பாசிரியர் திரு. தினேஷ்குமார், பயிற்றுவிப்பாளர்கள் மற்றும் பெற்றோருக்கு நன்றிகளை தெரிவிக்கிறோம்.

இதேவேளை எமது பழைய மாணவரும் பாடசாலை கிரிக்கெட் அணியின் பயிற்றுவிப்பாளருமான சிவாநந்தியன் தில்லை ரிஷாந்த் அவர்களுக்கு விசேட நன்றிகளை தெரிவிக்கிறோம்.

கணித பாடத்தில் மாணவர்களின் திறனை வளர்க்க எம்மால் ஆரம்பிக்கப்பட்ட Vectors கழகத்தின் முதலாவது கற்கை நெறிகள் இன்று ஆரம்பிக்கப்பட்டது. இதில் மாணவர்கள் ஆர்வமாக கலந்துகொண்டிருந்தனர். மாணவர்களுக்கு கணித பாடத்திறன் தொடர்பான சிறிய விளையட்டுகள் இடம்பெற்று மாணவர்களுக்கு பரிசில்கள் வழங்கி கௌரவிக்கப்பட்டது. இதன் செயல்பாடுகள் தொடந்தும் இடம்பெறும் என்பதுடன் இன்றைய நிகழ்வின் வளவாளராக சிவாநந்தியன் நா. சொரூபன் - ( கொழும்பு பல்கலைக்கழகத்தின் தற்காலிக நெறிப்படுத்துனர் கணிதத் துறை) அவருக்கு எமது நன்றிகளை தெரிவித்துக்கொள்கிறேன்.

Malinga வின் தேடலில் கண்டுபிடிக்கப்பட்ட மட்டு மைந்தன் ❤️
முன்னாள் இலங்கை கிரிக்கெட் வீரர் லசித் மலிங்க, நாடு முழுவதும் வேகப்பந்து வீச்சாளர்களைக் கண்டறியும் பயணத்திறகான திறந்த அழைப்பை அடுத்து 3500க்கும் மேற்பட்ட வீரர்கள் பதிவு செய்திருந்தனர்.
இவர்களில், 350 பேர் குழுவாகப் பிரிக்கப்பட்டு ஒவ்வொரு நாளும் தேர்வுக்கு பரிசீலிக்கப்படுவார்கள். முதல் குழுவிற்கான தேர்வுகள் இன்று(14) சுகததாச மைதானத்திலும் , ஆர் பிரேமதாச மைதானத்திலும் நடைபெற்றன.
இன்றைய தேர்வுகளில் காணப்படும் சிறந்த பந்து வீச்சாளர் குறித்து லசித் மலிங்கா கருத்து தெரிவித்தார்.
“இதுவரை நம்மிடம் உள்ள வேகமான பந்து வீச்சாளர் மட்டக்களப்பில் இருக்கிறார்.. அதனால் நான் மிகவும் மகிழ்ச்சியடைகிறேன். எனவே கொழும்புக்கு வெளியே யார் நமக்கு வல்லவர் என்று பார்க்க விரும்பினோம்.அவர் 126 (மணிக்கு கிலோமீட்டர்) வேகத்தில் பந்து வீசுகிறார்.
காலப்போக்கில் அவர் தனது வேகத்தை அதிகரிக்கும் திறன் கொண்டவர் என்று நான் நினைக்கிறேன்.அதனால் நான் மிகவும் மகிழ்ச்சியடைகிறேன்.
எனவே இப்போது மணிக்கு 126 கிலோமீட்டர் வேகத்தில் பந்து வீசும் ஒருவரைக் கண்டுபிடித்துள்ளோம்.அதுவும் இப்போது ஒரு வாய்ப்பாக இருக்கும் என்று நினைக்கிறேன்.
ஊருக்குச் சென்ற பிறகும், நீங்கள் இன்னும் ஃபிட்டாக இருப்பீர்கள், வேகமாக பந்து வீசுவீர்கள். எனவே உங்களுக்கு நல்வாழ்த்துக்கள்.. நன்றாக பயிற்சி செய்யுங்கள்.. நன்றாக சாப்பிட்டு பலம் பெறுங்கள், அடுத்த முறை நீங்கள் வரும்போது இன்னும் வேகமாக பந்து வீசுங்கள்.” என்று மாலிங்க தெரிவித்தார்.இவர் எமது பாடசாலையில் 1ம் தரத்தில் இருந்து GCE O/L வரை எமது பாடசாலையில் கல்வி கற்றதுடன் உயர்தரத்தில் புனித மிக்கல் கல்லூரியில் கல்வி கற்று இருந்தார்.
சிவாநந்தியன் லதுசன் எமது பாடசாலை கிரிக்கெட் அணியின் பயிற்றுவிப்பாளர் சிவாநந்தியன் ரிஷாந்த் அவர்க்ளின் பயிற்சியின் கீழ் பயிற்றுவிக்கப்பட்டவர்.

தற்பொழுது சிவானந்தா விளையாட்டு கழகத்திற்க்காக விளையாடி வருகிறார் என்பது குறிப்பிடத்தக்கது.
வாழ்த்துக்கள்

எமது பாடசாலையின் 8 வருடங்களாக உடற்கல்வி ஆசிரியராக பணியாற்றி வரும் கிரிக்கெட்டுக்கு பொறுப்பான ஆசிரியர் திரு. தினேஷ்குமார் அவர்கள் இலங்கை பாடசாலை கிரிக்கெட் சங்கத்தின் மட்டக்களப்பு, திருகோணமலை மாவட்டங்களின் 2026/2027 ஆண்டுக்கான கிரிக்கெட் இணைப்பாளராக தெரிவுசெய்யப்பட்டுள்ளார்.

இவருக்கு எமது சிவாநந்தா சமூகம் சார்ந்த வாழ்த்துக்களை தெரிவித்துக் கொள்கின்றோம்.
நன்றி

நேற்று திரு. சுகந்தன் ஆசிரியரின் வேண்டுகோளுக்கிணங்க கணித, விஞ்ஞான பிரிவு மாணவர்களுக்கான அவர்கள் கற்பதில் இல்ல சிரமங்கள் அதனை கையாளும் முறை தொடர்பான வழிகாட்டுதல்களை பேராசிரியர் மார்க்கண்டு திருக்குமரன் ஐயா அவர்கள் வழிகாட்டியிருந்தார். அவருக்கு சிவாநந்த சமூகம் சார்பாக நன்றிகளை தெரிவித்துக்கொள்கிறோம்.

*போட்டோ பிரதி இயந்திரம் கையளிப்பு*
எமது பாடசாலையின் விஞ்ஞான, கணித பிரிவுக்கான போட்டோ பிரதி இயந்திரம் ஒன்றினை பெறுவதற்கான முயற்சியினை பகுதித்தலைவர் *திரு. சுகந்தன்* ஆசிரியர் அவர்களினால் முன்னெடுக்கப்பட்டது. அந்த அடிப்படையில் அவரது முயற்சியினாலும் வேண்டுகோளுக்கும் இணங்க பேராசிரியர் *மார்க்கண்டு திருகுமார்* அவர்கள் *ரூபா 100,000* பங்களிப்புடனும் மற்றும் மிகுதியினை சிவாநந்த பழைய மாணவர் சங்கதின் வேண்டுகோளுக்கிணங்க பிரித்தானிய பழைய மாணவர் சங்க உறுப்பினர் *சிவாநந்தியன் வைத்தியர் அருள் ராஜகோபால்* அவர்கள் *ரூபா 130,000* யினை *எமது சமூகம் - பிரித்தானியா* அமைப்பின் ஊடாக வழங்கியிருந்தனர் அதன் அடிப்படையில் இன்று போட்டோ பிரதி இயந்திரத்திரம் ஒன்று கொள்வனவு செய்யப்பட்டு இன்று பாடசாலையிடம் கையளிக்கப்பட்டது. இதற்க்கு நிதி அனுசரணை வழங்கிய பேராசிரியர் மார்க்கண்டு திருகுமார் அவர்களுக்கும், சிவாநந்தியன் வைத்தியர் ராஜகோபால் அவர்களுக்கும் எமது சமூகம் அமைப்பிற்கும், பிரித்தானிய பழைய மாணவர் சங்கத்திற்கும், திரு. சுகந்தன் ஆசிரியர் அவர்களுக்கும் சிவாநந்த பாடசாலை சமூகம் சார்பில் நன்றிகளை தெரிவித்துக்கொள்கிறோம்

நேற்று முன்தினம் பழைய மாணவர் சங்க தலைவர், செயலாளர் பாடசாலை அபிவிருத்தி சங்க செயலாளர் பழைய மாணவர் சங்க நிர்வாக உறுப்பினர்கள் ஆகியோர் பிரித்தானிய பழைய மாணவர் சங்கத்தின் நிதி அனுசரணையுடன் திரு. சுகந்தன் ஆசிரியர் அவர்களினால் முன்னெடுக்கப்படும் 2026 உயர்தர கணித, விஞ்ஞான மாணவர்களுக்கான விசேட செயல்திட்டம் தொடர்பாகவும் அதன் முன்னேற்றம், மாணவர்களின் வரவு தொடர்ப்பாகவும் மாணவர்களுடன் கலந்துரையாடப்பட்டது.

பிரித்தானிய பழைய மாணவர் சங்கத்துடன் நிதி அனுசரணையில் இடம்பெறவுள்ள வாசிகசாலை திருத்தப்பணிகளை ஆரம்பிப்பது தொடர்பான திட்டமிடல் இன்று பிரதி அதிபர் திரு. குலேந்திரகுமார் தலைமையில் இடம்பெற்றது.

2026 ஆண்டுக்கான பாடசாலை மட்ட 50 ஓவர் கொண்ட 19 வயதுக்குட்பட்ட அணிக்கான 4வது போட்டி காத்தான்குடி ஹிஸ்புல்லா மைதானத்தில் நடைபெற்றது.

சிவாநந்தா அணி 40 ஓவர்களுக்கு சகல விக்கட்களையும் இழந்து 222 ஓட்டங்களை பெற்றது.

சிவாநந்தா அணி சார்பில் அஸ்வின் 60 ஓட்டங்களையும் துவாரரதன் 48 ஓட்டங்களையும் பெற்றனர்.

பதிலுக்கு துடுப்பெடுத்தாடிய துறைநீலாவணை மகா வித்தியாலயம் 16.1 ஓவர்களில் சகல விக்கட்களையும் இழந்தனர். இதன் மூலம் எமது அணியினர் 157 ஓட்டங்களால் வெற்றிபெற்றனர்

சிவாநந்தா அணி சார்பில் வாசுதீபன் 5 விக்கட்களையும்
கவிசன் 3 விக்கட்களையும் அஸ்வின், துவாக்கரன் ஆகியோர் ஒரு விக்கட்டையும் பெற்றனர்

இதுவரை விளையாடிய 4 போட்டி களையும் வெற்றி பெற்று மாவட்டதில் முதலிடத்தை பிடித்துள்ளது.

விடுதி முகாமைத்துவ கூட்டம் நேற்று அதிபரின் தலைமையில் இடம்பெற்றது. இதில் பிரித்தானிய பழைய மாணவர் சங்க கலாச்சார செயலாளர் திரு. கிரிதரன் அவர்களும் கலந்துகொண்டிருந்தார். பிரித்தானிய பழைய மாணவர் சங்கத்தின் பங்களிப்புடன் கடந்த 3 1/2 வருடங்களாக விடுதி சிறந்த முறையில் இயங்கிவருவது குறிப்பிடத்தக்கது. இதற்க்கு பிரித்தானிய பழைய மாணவர் சங்கத்திற்கு நன்றிகளை தெரிவித்துக்கொள்கிறோம்.

2026 ஆண்டுக்கான பாடசாலை மட்ட 50 ஓவர் கொண்ட 19 வயதுக்குட்பட்ட அணிக்கான மூன்றாவது போட்டி வந்தாரூமூலை கிழக்கு பல்கலைக்கழக மைதானத்தில் நடைபெற்றது.

மட்டக்களப்பு மத்திய கல்லூரி 36. 1 ஓவர்களுக்கு சகல விக்கட்களையும் இழந்து 76 ஓட்டங்களை பெற்றது.

சிவாநந்தா அணி சார்பில் கவிசன் 3 விக்கெட், துவாகரன் 2 விக்கெட், அணி தலைவர் வசுதாதீபன் 2 விக்கெட்களை பெற்றனர்.

பதிலுக்கு துடுப்பெடுத்தாடிய சிவாநந்தா அணி 35.2 ஓவர்களில் 7 விக்கெட்களை இழந்து வெற்றி இலக்கை அடைந்தார்கள்.

சிவாநந்தா அணி சார்பில்
உப தலைவர் கவிசன் 27ஓட்டங்களை ஆட்டமிழக்காமல் பெற்று வெற்றியை உறுதி செய்தார்கள்.

இதுவரை விளையாடிய 3 போட்டி களையும் வெற்றி பெற்று மாவட்டத்தில் முதலிடத்தை பிடித்துள்ளது.