BT/BC/Meeravodai Al-Hidaya Maha Vidyalaya

🌙✨ Eid Al Adha Mubarak✨🌙

அல்லாஹ்வின் அருளும், அமைதியும், நற்கருணையும் அனைவரின் வாழ்விலும் நிரம்பிப் பொங்கிட வாழ்த்துக்கள். 🤍

🕋 عيد الأضحى مبارك 🕋
تقبل الله منا ومنكم صالح الأعمال

தியாகத்தின் மகத்துவத்தையும், பகிர்வின் பண்பையும் உணர்த்தும் இந்த புனித ஹஜ் பெருநாளில், எங்கள் பாடசாலை சார்பாக ஆசிரியர்கள், மாணவர்கள், பெற்றோர்கள் மற்றும் அனைவருக்கும் இனிய ஹஜ் பெருநாள் நல்வாழ்த்துக்கள்! 🌸🌙

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~ | Mohamed Rifnas

🏆 4 ஆண்டுகளின் பின் மாகாண மட்ட மென்பந்து கிரிக்கெட் போட்டிக்கு தெரிவானது மீராவோடை அல் ஹிதாயா மகா வித்தியாலயம்! 🏏🥇

பாடசாலைகளுக்கு இடையிலான விளையாட்டு போட்டி நிகழ்ச்சியின் மென்பந்து கிரிக்கெட் சுற்றுப்போட்டிகள் இன்று சிறப்பாக நடைபெற்றன. இதில் திறமையான ஆட்டத்தைக் வெளிப்படுத்திய மீராவோடை அல் ஹிதாயா மகா வித்தியாலய அணி, பலத்த அணிகளை வீழ்த்தி 4 ஆண்டுகளின் பின்னர் மாகாண மட்ட போட்டிக்கு தெரிவாகி வரலாற்றுச் சாதனையை பதிவு செய்துள்ளது.

காலிறுதி போட்டியில் காத்தான்குடி அல் ஹிரா வித்தியாலயத்தை எதிர்கொண்ட மீராவோடை அல் ஹிதாயா மகா வித்தியாலய அணி, சிறப்பான பந்துவீச்சு திறமையின் மூலம் எதிரணியை 6 ஓவர்களில் 4 விக்கெட் இழப்புக்கு 35 ஓட்டங்களுக்குள் கட்டுப்படுத்தியது. பின்னர் துடுப்பெடுத்தாடிய அல் ஹிதாயா அணி, 4 ஓவர்களிலேயே எந்தவித ஆட்டமிழப்பும் இன்றி வெற்றி இலக்கை எட்டியது.

அரையிறுதி போட்டியில் கடந்த ஆண்டு தேசிய மட்ட போட்டிக்கு தெரிவான ஏறாவூர் மாகான் மார்கார் தேசிய பாடசாலையை எதிர்கொண்ட அல் ஹிதாயா அணி, அபாரமான ஆட்டத்தை வெளிப்படுத்தியது. முதலில் துடுப்பெடுத்தாடிய மாகான் மார்கார் தேசிய பாடசாலை 6 ஓவர்களில் 5 விக்கெட் இழப்புக்கு 37 ஓட்டங்களை பெற்றது. இதனைத் தொடர்ந்து துடுப்பெடுத்தாடிய மீராவோடை அல் ஹிதாயா அணி, வெறும் 3 ஓவர்களிலேயே ஆட்டமிழப்பின்றி வெற்றியைப் பதிவு செய்து இறுதிப்போட்டிக்குத் தகுதி பெற்றது.

இறுதிப்போட்டியில் ஏறாவூர் அலிகார் தேசிய பாடசாலையை எதிர்கொண்ட மீராவோடை அல் ஹிதாயா மகா வித்தியாலய அணி முதலில் துடுப்பெடுத்தாடி 6 ஓவர் நிறைவில் 7 விக்கெட் இழப்புக்கு 48 ஓட்டங்களைப் பெற்றது. பதிலுக்கு துடுப்பெடுத்தாடிய அலிகார் தேசிய பாடசாலை அணி, அல் ஹிதாயா அணியின் துல்லியமான பந்துவீச்சை சமாளிக்க முடியாமல் 6 ஓவர்களில் 9 விக்கெட் இழப்புக்கு 24 ஓட்டங்களை மட்டுமே பெற்றது.

இதன் மூலம் 24 ஓட்டங்கள் வித்தியாசத்தில் வெற்றிபெற்ற மீராவோடை அல் ஹிதாயா மகா வித்தியாலய அணி மாகாண மட்ட போட்டிக்குத் தெரிவாகி பாடசாலைக்கு பெருமை சேர்த்துள்ளது.

இந்த மகத்தான வெற்றியைப் பெற்ற மாணவ வீரர்களுக்கும் அவர்களை திறமையாகப் பயிற்றுவித்த பயிற்றுவிப்பாளர் டபிள்யூ. எம். சிபான் அவர்களுக்கும் பாடசாலையின் முதல்வர் ஏ. சீ. எம். அஜ்மீர் (SLPS-II), ஆசிரியர்கள், பழைய மாணவர்கள் மற்றும் பெற்றோர்கள் தமது மனமார்ந்த பாராட்டுக்களையும் வாழ்த்துக்களையும் தெரிவித்துள்ளனர். 🎉🏏

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~ | Mohamed Rifnas

🏆 வலய மட்ட வலைப்பந்து போட்டியில் மீராவோடை அல் ஹிதாயா மகா வித்தியாலயத்தின் முத்திரை பதித்த சாதனை! 🏀🥇

பாடசாலைகளுக்கு இடையிலான விளையாட்டு போட்டி நிகழ்ச்சியின் வலைப்பந்து போட்டி இன்று தியாவட்டவான் அறபா வித்தியாலய மைதானத்தில் சிறப்பாக நடைபெற்றது. இதில் எமது பாடசாலை மாணவிகள் சிறப்பான திறமையை வெளிப்படுத்தி மாபெரும் சாதனையை பதிவு செய்துள்ளனர்.
கடுமையான போட்டிகளுக்கு மத்தியில் உற்சாகத்துடனும் ஒருமித்த ஒத்துழைப்புடனும் விளையாடிய எமது அணிகள் மூன்று பிரிவுகளிலும் சாம்பியன் பட்டங்களை கைப்பற்றியுள்ளன.

16 வயது, 18 வயது மற்றும் 20 வயது பிரிவுகளில் தொடர்ச்சியான வெற்றிகளை பெற்று பாடசாலைக்கு பெருமை சேர்த்துள்ளனர். இதன் மூலம் அல் ஹிதாயா மகா வித்தியாலயம் வலய மட்டத்தில் தனது விளையாட்டு திறமையை மீண்டும் உறுதிப்படுத்தியுள்ளது.

இந்த சிறப்பான வெற்றிக்கு பங்களித்த வீராங்கனைகள் மற்றும் பயிற்றுவிப்பாளருக்கு பாடசாலை முதல்வர் ஏ.சி.எம். அஜ்மீர் (SLPS-II) அவர்கள் மனமார்ந்த பாராட்டுகளையும் வாழ்த்துகளையும் தெரிவித்துள்ளார். அதேபோல் பாடசாலை சமூகமும் இந்த வெற்றியை பாராட்டி வாழ்த்துக்களை தெரிவித்துக் கொள்கிறது.

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~ | Mohamed Rifnas

வலயமட்ட கடினப்பந்து கிரிக்கெட் போட்டியில் இரண்டாம் இடம் பெற்ற மீராவோடை அல் ஹிதாயா மகா வித்தியாலயம்

பாடசாலைகளுக்கு இடையிலான விளையாட்டு போட்டித் தொடரின் ஒரு பகுதியாக நடைபெற்ற வலயமட்ட கடினப்பந்து கிரிக்கெட் சுற்றுப் போட்டி கடந்த 07.05.2025 வியாழக்கிழமை ஓட்டமாவடி அமீர் அலி பொது விளையாட்டு அரங்கில் சிறப்பாக நடைபெற்றது.

முதல் போட்டியில் மீராவோடை அல் ஹிதாயா மகா வித்தியாலய அணியும் வாழைச்சேனை அந்நூர் தேசிய பாடசாலை அணியும் மோதியது. முதலில் துடுப்பெடுத்தாடிய மீராவோடை அல் ஹிதாயா அணி 06 ஓவர்கள் நிறைவில் 4 விக்கெட்டுகளை இழந்து 61 ஓட்டங்களை பெற்றது.

தொடர்ந்து பதிலுக்கு துடுப்பெடுத்தாடிய வாழைச்சேனை அந்நூர் தேசிய பாடசாலை அணி 06 ஓவர்கள் நிறைவில் 5 விக்கெட்டுகளை இழந்து 45 ஓட்டங்கள் மட்டுமே பெற்றது. இதன் மூலம் மீராவோடை அல் ஹிதாயா மகா வித்தியாலய அணி 16 ஓட்டங்கள் வித்தியாசத்தில் வெற்றி பெற்று இறுதிப்போட்டிக்குத் தகுதி பெற்றது.

இறுதிப்போட்டியில் ஏறாவூர் அலிகார் தேசிய பாடசாலை அணியும் மீராவோடை அல் ஹிதாயா மகா வித்தியாலய அணியும் மோதியது. முதலில் துடுப்பெடுத்தாடிய மீராவோடை அல் ஹிதாயா அணி 06 ஓவர்கள் நிறைவில் 4 விக்கெட்டுகளை இழந்து 46 ஓட்டங்களை பெற்றது.

பதிலுக்கு துடுப்பெடுத்தாடிய ஏறாவூர் அலிகார் தேசிய பாடசாலை அணி 5.5 ஓவர்கள் நிறைவில் 6 விக்கெட்டுகளை இழந்து வெற்றி இலக்கை அடைந்து போட்டியில் வெற்றி பெற்றது.

இப்போட்டித் தொடரில் வலயமட்டத்தில் இரண்டாம் இடத்தைப் பெற்ற மாணவ வீரர்களுக்கும், அவர்களை பயிற்றுவித்த பயிற்றுவிப்பாளர் டபிள்யூ. எம். சிபான் அவர்களுக்கும் பாடசாலையின் முதல்வர் ஏ. சீ. எம். அஜ்மீர் (SLPS-II) அவர்களும் பாடசாலை சமூகமும் தமது வாழ்த்துகளையும் பாராட்டுகளையும் தெரிவித்துக்கொள்கின்றனர்.

Pic by : Pixel Sports

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~ | Mohamed Rifnas

மீராவோடை அல் ஹிதாயா மஹா வித்தியாலயத்தின் மாணவர்தலைவர்கள் பதவியேற்பு நிகழ்வு - 2026

மட்டக்களப்பு மத்தி கல்வி வலயத்தின் மீராவோடை அல் ஹிதாயா மஹா வித்தியாலயத்தில் மாணவர்தலைவர்கள் பதவியேற்பு நிகழ்வு 04.05.2026 அன்று சிறப்பாகவும் விமர்சையாகவும் நடைபெற்றது.

பாடசாலை அதிபர் ஏ.சி.எம். அஜ்மீர்(SLPS-II) அவர்களின் தலைமையில் நடைபெற்ற இந்நிகழ்வில் பிரதம அதிதியாக கோறளைப்பற்று மேற்கு, ஓட்டமாவடி பிரதேச சபையின் கௌரவ தவிசாளர் எம்.எம். மீராசாஹிப் ஹலால்தீன்(JP) அவர்கள் கலந்து கொண்டதுடன், கௌரவ அதிதியாக பிரதேச சபை உறுப்பினர் கே.பி.எஸ். ஹமீட், NCC லெப்டினன்ட் MB. ஜெமீல் (SLPS-II), NCC 2nd லெப்டினன்ட் RAM. பா(b)ஸித் அவர்களும் ஏனைய அதிதிகளாக பாடசாலையின் SDEC யின் செயலாளர் M. தஜ்ஹீர் (மௌலவி) மற்றும் உறுப்பினர்களும் கலந்து கொண்டனர்.

மாணவர்களின் தலைமைத்துவப் பண்புகளை மேம்படுத்தும் வகையில் இடம்பெற்ற இந்நிகழ்வில் உரையாற்றிய தவிசாளர் எம்.எம்.மீராசாஹிப் ஹலால்தீன், மாணவத்தலைவர்கள் பதவியேற்கும் நிகழ்வு இப்பிரதேசத்தில் முதன்முறையாக இவ்வளவு நேர்த்தியாகவும் முன்மாதிரியாகவும் அல் ஹிதாயா மஹா வித்தியாலயத்தில் ஏற்பாடு செய்யப்பட்டிருப்பது பெருமைக்குரியது. மாணவர்கள் கல்வியுடன் கூடிய ஒழுக்கம், பொறுப்புணர்வு மற்றும் தலைமைத்துவ திறன்களை வளர்த்துக்கொள்ள வேண்டும்.

மாணவர்கள் எதிர்கால சமூகத்தின் தலைவர்களாக உருவாக வேண்டும் எனும் நோக்கிலான இத்தகைய நிகழ்வுகள் மிகவும் அவசியமானவை. இளம் தலைமுறைக்கு சரியான வழிகாட்டுதல் வழங்கப்பட வேண்டும்.

கல்வி மட்டுமன்றி, நல்ல பண்புகள், சமூகப்பொறுப்பு, ஒற்றுமை உணர்வு ஆகியவை மாணவர்களிடம் வளர்க்கப்பட வேண்டியது முக்கியம். மாணவத்தலைவர்களாகத் தெரிவு செய்யப்பட்ட மாணவர்கள் தங்கள் பொறுப்புகளை உணர்ந்து, பிற மாணவர்களுக்கு முன்மாதிரியாகச் செயற்பட வேண்டும். ஒற்றுமை, ஒழுக்கம் மற்றும் கட்டுப்பாடு ஆகியவற்றை கடைப்பிடிப்பதன் மூலம் பாடசாலையின் முன்னேற்றத்திற்கு பங்காற்ற முடியுமென அவர் மேலும் குறிப்பிட்டார்.

மேலும் பாடசாலையின் பிரதி அதிபர்கள், உப அதிபர்கள், பகுதித் தலைவர்கள், ஆசிரியர்கள், மாணவர் தலைவர்கள், வகுப்புத் தலைவர்கள் மற்றும் மாணவர்கள் பங்குபற்றுதளுடன் இனிதே நிறைவடைந்தது.

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~ | Mohamed Rifnas

மீராவோடை அல் ஹிதாயா மகா வித்தியாலய மாணவர்களின் வரலாற்றுச் சாதனை! 🏆🌿

மட்டக்களப்பு மாவட்ட சுற்றாடல் முன்னோடிகளுக்கிடையே நடைபெற்ற போட்டியில் எமது பாடசாலை மாணவர்கள் மாவட்ட ரீதியாக முதன்மை இடங்களைக் கைப்பற்றி பாடசாலைக்குப் பெருமை சேர்த்துள்ளனர்!

மத்திய சுற்றாடல் அதிகாரசபை மற்றும் தில்மா கன்சர்வேஷன் (Dilmah Conservation) ஆகியன இணைந்து நடத்திய "சுற்றாடல் விழிப்புணர்வு மற்றும் திறன் விருத்தி" விசேட கருத்தரங்கும் போட்டியும் இன்று 2026 மே 01 ஆம் திகதி கல்குடா 'ஒன் எர்த்' மையத்தில் (One Earth Centre) நடைபெற்றது.

மாவட்டம் முழுவதிலுமிருந்து சுமார் 150 க்கும் மேற்பட்ட மாணவர்கள் கலந்துகொண்ட இக்கடினமான போட்டியில், எமது பாடசாலையைச் சேர்ந்த 5 மாணவர்கள் பங்கேற்றனர். அவர்களில் 3 மாணவர்கள் மாவட்ட மட்டத்தில் பின்வரும் இடங்களைப் பெற்று பாடசாலை வரலாற்றில் முத்திரை பதித்துள்ளனர்:

🥇 முதலாம் இடம்: (Merit Pass)
மாணவி S.F. றிஸ்தா
🥈 இரண்டாம் இடம்: (Merit Pass)
மாணவன் R.M.ரிபாத்
🥉 தகுதிச் சான்றிதழ் : ( Achievement )
மாணவி M.R.F. நதா

மாணவர்கள் தாங்கள் அவதானித்த சூழல் சார்ந்த விடயங்களை தமக்கு வழங்கப்பட்ட இயற்கை நாட்குறிப்பில் (Nature Diary) சித்திரங்களாகவும், விளக்கங்களாகவும் ஆவணப்படுத்திய விதம் அனைவரது பாராட்டுகளையும் பெற்றது.

இந்தச் சாதனையை நிகழ்த்திய எமது மாணவர்களுக்கும், அவர்களுக்கு உறுதுணையாக இருந்த ஆசிரியை AA. நளீமா அவர்களுக்கும், ஆசிரியர் SI. கியாஸ் மற்றும் ஏனைய ஆசிரியர்களுக்கும் பாடசாலையின் முதல்வர் ஏ. சீ. எம். அஜ்மீர் (SLPS-II) பாராட்டுக்களையும் வாழ்த்துக்களையும் தெரிவித்துக் கொண்டார்.🎊🎊

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~ | Mohamed Rifnas

பொதுச் சிரமதானம் – 2026

மட்/மம/மீராவோடை அல் ஹிதாயா மகா வித்தியாலயத்தில், Clean Sri Lanka வேலைத்திட்டத்தின் முக்கிய அங்கமாக சுற்றுப்புறச் சூழல் சுத்திகரிப்பை முன்னிறுத்தி பாடசாலை வளாகத்தை சுத்தம் செய்யும் பொதுச் சிரமதானம் ஏற்பாடு செய்யப்பட்டுள்ளது.

இச்சிரமதானம் எதிர்வரும் சனிக்கிழமை (25.04.2026) காலை 07.30 மணிக்கு ஆரம்பமாக நடைபெற உள்ளது.

இந்நிகழ்வில் எமது பிரதேச விளையாட்டு கழகங்களான
அல்-இஹ்ஸான், அஸ்-சபா, இளம்பிறை, யூத் ஸ்டார், கல்குடா யங் ஸ்டார், கல்குடா சேலஞ்சர்ஸ் மற்றும் அல் அக்ரம் ஆகிய கழகங்கள் தன்னார்வமாக இணைந்து செயல்பட உள்ளன.

எனவே, இப் பொதுச் சிரமதான நிகழ்வில் பாடசாலையின் பழைய மாணவர்கள், பெற்றோர்கள் மற்றும் தன்னார்வ விரும்பிகள் அனைவரையும் கலந்துகொள்ள அன்புடன் அழைக்கின்றோம்.

அதிபர்
மட்/மம/மீராவோடை அல் ஹிதாயா மகா வித்தியாலயம்

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~| Mohamed Rifnas

📢 ஓட்டமாவடி கோட்ட மட்ட விளையாட்டுப் போட்டிகளில்
மட்/மம/ மீராவோடை அல் ஹிதாயா மகா வித்தியாலயத்தின் சிறப்பான சாதனை

🏏 Softball Cricket
Champion 🏆

🏐 Volleyball
U16 Boys – Runner Up 🥈

🏀 Netball
U16 Girls – Champion 🏆
U18 Girls – Runner Up 🥈
U20 Girls – Champion 🏆

⚽ Football
U16 Boys - Runner Up 🥈

✨ மேற்கண்ட போட்டிகளில் சிறப்பான வெற்றிகளைப் பெற்று, எமது பாடசாலை வலய மட்டத்திற்கு தெரிவாகியுள்ளது.

🎉 சிறப்பாக விளையாடி வெற்றியைப் பெற்ற மாணவர்களுக்கும், அவர்களை திறம்படப் பயிற்றுவித்த பயிற்றுவிப்பாளர் WM. சிபான் (Srilanka Cricket Coach) அவர்களுக்கும் பாடசாலையின் அதிபர் ஏ.சீ.எம். அஜ்மீர் (SLPS-II) அவர்கள் தனது மனமார்ந்த வாழ்த்துகளைத் தெரிவித்துக் கொள்கிறார்.

🤝 மேலும், இவ்வெற்றிக்காக பங்களித்த பாடசாலை நிர்வாகம், பழைய மாணவர்கள், SDEC உறுப்பினர்கள் மற்றும் பெற்றோர்கள் அனைவருக்கும் பாடசாலை சார்பில் மனமார்ந்த பாராட்டுகளும் வாழ்த்துகளும் தெரிவித்துக் கொள்கிறோம்.

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~ | Mohamed Rifnas

📢 மீராவோடை அல் ஹிதாயாவுக்கு தங்க பதக்கங்கள்.

மத்திய சுற்றாடல் அதிகார சபையின் சுற்றாடல் கல்வி மற்றும் விழிப்புணர்வு பிரிவின் ஏற்பாட்டில், கோறளைப்பற்று மேற்கு ஓட்டமாவடி பிரதேச செயலகப் பிரிவுக்குட்பட்ட மட்டக்களப்பு மத்தி மீராவோடை அல் ஹிதாயா மகா வித்தியாலய சுற்றாடல் படையணி மாணவர்களுக்கான தங்க வர்ணப் பதக்கப் பரீட்சை 2026.01.08 அன்று நடைபெற்றது.

இப்பரீட்சை மட்டக்களப்பு மாவட்ட சிரேஷ்ட சுற்றாடல் உத்தியோகத்தர் M.I.M. இஸ்ஹாக், கோறளைப்பற்று மேற்கு ஓட்டமாவடி பிரதேச செயலகத்தின் பிரதித் திட்டமிடல் பணிப்பாளர் S.A.M. றியாஸ் மற்றும் மட்டக்களப்பு வலயக் கல்வி அலுவலகத்தின் சுற்றாடல் முன்னோடி வலய ஆணையாளர் M.R. ஜவாத் ஆகியோரின் கண்காணிப்பில் நடைபெற்றது.

இதன் அடிப்படையில், மீராவோடை அல் ஹிதாயா மகா வித்தியாலயத்தின் சுற்றாடல் படையணியில் இருந்து 14 மாணவர்கள் தங்க வர்ணப் பதக்கத்திற்கு தெரிவாகியுள்ளனர்.

📌 தேர்வில் வெற்றி பெற்ற மாணவர்கள்:
I. Inshaff – 87.9
RM. Rifath – 86.8
MRF. Nadha – 86.1
SF. Ristha – 85.5
N. Naadhika – 84.5
HS. Hanfa – 84.1
MM. Najath – 83.8
RR. Rija – 82.7
SF. Sefa – 79.5
MF. Reema – 79.4
N. Nafris – 77.4
N. Niha – 76.4
J. Mihna – 75.5
RF. Ritha – 74.8

தெரிவு செய்யப்பட்ட மாணவர்களுக்கும், அவர்களை மிகுந்த அர்ப்பணிப்புடன் வழிநடத்திய திருமதி A.A. நழீமா மற்றும் M.H.M. ஆஷிக் ஆசிரியர்களுக்கும் பாடசாலை சார்பாக முதல்வர் ஏ.சி.எம். அஜ்மீர் (SLPS-II) அவர்களால் பாராட்டுகளையும் வாழ்த்துகளையும் தெரிவித்துக் கொண்டார்.

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~ | Mohamed Rifnas

📢 பல்கலைக்கழகத்திற்கு தெரிவான மாணவர்களுக்கு கௌரவிப்பு விழா

மட்டக்களப்பு, மீராவோடை அல் ஹிதாயா மகா வித்தியாலயத்தில் 2025ஆம் ஆண்டுக்கான க.பொ.த உயர்தரப் பரீட்சை பெறுபேறுகளின் அடிப்படையில் பல்கலைக்கழகத்திற்கு தெரிவான மாணவர்களை கௌரவிக்கும் நிகழ்வு திங்கள்கிழமை (06) அன்று சிறப்பாக நடைபெற்றது.

இந்நிகழ்வு பாடசாலையின் முதல்வர் ஏ.சி.எம். அஜ்மீர் (SLPS-II) அவர்களின் தலைமையில் நடைபெற்றது.

இவ்விழாவில் கோறளைப்பற்று மேற்கு ஓட்டமாவடி பிரதேச சபையின் கௌரவ தவிசாளர் எம்.எம்.எம். ஹலால்தீன் (JP), மட்டக்களப்பு மத்தி கல்வி வலயத்தின் பிரதிக்கல்விப் பணிப்பாளர் ஏ.ஜே. மர்சூக் (SLEAS), கோட்டக்கல்விப் பணிப்பாளர் ஏ.எம்.எம். தாஹிர், அமீர் அலி வித்தியாலயத்தின் அதிபர் எம்.சி.எம். ஐயூப்கான் (SLPS), பிரதேச சபையின் உப தவிசாளர் ஏ.எஜ். நுபைல் உள்ளிட்ட உறுப்பினர்களான கே.பீ.எஸ். ஹமீட், என்.எம். பாஹிர், ஐ.எம். ரிஸ்வின், அலி அன்சார் ஆகியோரும் கலந்து கொண்டனர்.

மேலும், பிரஜா சக்தி அமைப்பின் தவிசாளர்களான எம்.எஸ்.எம். முபீன் மற்றும் இர்ஷாத் ஆகியோரும், பாடசாலை அபிவிருத்தி சங்கம், பழைய மாணவர்கள், பெற்றோர்கள் உள்ளிட்ட பலரும் பங்கேற்று நிகழ்வை சிறப்பித்தனர்.

அதனைத் தொடர்ந்து, கணித ஒலிம்பியாட் போட்டியில் தேசிய மட்டத்துக்கு தெரிவான ஹலால்தீன் ஐனி பதூல் உள்ளிட்ட மாணவர்களுக்கும் நினைவுப் பரிசுகள் வழங்கப்பட்டன.

இந்நிகழ்வின் சிறப்பம்சமாக, பாடசாலையின் கல்வி அபிவிருத்திக்காக கோறளைப்பற்று மேற்கு ஓட்டமாவடி பிரதேச சபையின் கௌரவ தவிசாளர் எம்.எம்.எம். ஹலால்தீன் அவர்கள் தமது நான்கு மாத சம்பளத்திலிருந்து ரூபாய் 100,000 நிதியுதவி வழங்கினார்.

இதற்காக பாடசாலை சமூகத்தின் சார்பில் அதிபர் தனது மனமார்ந்த நன்றிகளை தெரிவித்துக் கொண்டார்.

~ 𝙃𝙈𝙑 𝙈𝙚𝙙𝙞𝙖 𝙐𝙣𝙞𝙩 ~ | Mohamed Rifnas