22/03/2022
The Public Health Inspector's Union of Sri Lanka - Phi
National Institute of Health Sciences
ආරම්භ කිරීමට ප්‍රමාද වන මහජන සෞඛ්‍ය පරීක්ශක පුහුණු පාඨමාලාව - 2021/2023
2020 / 10/ 29 වන දින "(2021-2023) මහජන සෞඛ්‍ය පරීක්ෂක පුහුණු පාඨමාලාව" සඳහා සිසුන් බඳවා ගැනීමට ගැසට් පත්‍රය නිකුත් කරන ලද අතර ඉන්පසු සම්මුඛ පරීක්ෂණ වලින් අනතුරුව බඳවා ගැනීමේ නම් ලැයිස්තුව 2021/08/11 වන දින නිකුත් කරන ලදී.
එලෙස "(2021-2023) මහජන සෞඛ්‍ය පරීක්ෂක පුහුණු කණ්ඩායම" ලෙස තේරී පත්වුණු ඔවුන්ගේ ලියාපදිංචි කිරීමේ කටයුතු පසුගිය වසරේ, එනම් 2021 ඔක්තෝම්බර් මස 15 දින පුහුණු පාසල් තුළදී සිදු කරන ලද අතර එහිදී ඔවුන්ගේ පුහුණු පත්වීම් ලිපි ද ඔවුන් වෙත ලබා දෙන ලදී. ඉන් අනතුරුව මෙම වසරේ එනම් 2022 ජනවාරි මස පුහුණු පාඨමාලා ආරම්භ කිරීමට සූදානම්ව තිබූ අතර එම හේතුවෙන් බොහෝ සිසුන් විශ්වවිද්‍යාලවලින් හා උසස් ජාතික ඩිප්ලෝමා ආයතන වලින් ද ඉවත් වී පුහුණු පාඨමාලාව සඳහා සහභාගිවීමට සූදානමින් සිටින ලදී.
නමුත් පුහුණු පාඨමාලාව ආරම්භ කිරීමේ කටයුතු දිනෙන් දිනම කල් ගිය අතර අද වනතුරුත් බඳවා ගැනීමේ නිශ්චිත දිනයක් ඔවුන් වෙත දැනුම් දී නොමැත.
එමෙන්ම ඔවුන් සමගම ගැසට් කරන ලද අනෙකුත් අතුරු , පරිපූරක වෛද්‍ය පාඨමාලා සියල්ලක්ම පාහේ දැනට ආරම්භ කර ඇත.
එබැවින් සිසුන් පත්වී ඇති අපහසුතාවය ගැන සිතා බලා අදාල බලධාරී මහත්ම මහත්මීන් පුහුණු පාඨමාලාව කඩිනමින් ආරම්භ කිරීමට කටයුතු කරන මෙන් කාරුණිකව ඉල්ලා සිටිමු.
ස්තුතියි.. !
