J Music Home

සමස්ත ලංකා සංගීත තරඟ
(කලාප මට්ටම)

▪️ජ්‍යෙෂ්ඨ 01 අංශයෙන් ඒකල තබ්ලා වාදනයෙන් ප්‍රථම ස්ථානය.

ජ්‍යෙෂ්ඨ 01 අංශයෙන් ඒකල හාර්මෝනියම් වාදනය ප්‍රථම ස්ථානය.

ජයග්‍රහන වාර්තාකල
M.D.H jayawardhana දරුවන්ගේ අනාගතය වෙනුවෙන් සුභපැතුම්....!

Proud of you
🎸Student- Lakeshi

Music (Oriental) "A" 💪
I'm so Happy for you, Savani

කැරොකේ යනු ලොව පුරා අතිශය ජනප්‍රිය විනෝදාස්වාද මාධ්‍යයකි. නමුත් එය හුදෙක් විනෝදාස්වාදයෙන් එහාට ගොස්, සමාජයීය වසංගතයක් ලෙස ව්‍යාප්ත වීමත් සමඟ මිනිසා සතු සහජ ගායන සහ වාදන හැකියාවන් ක්‍රමයෙන් විනාශ කරමින් පවතින බව සංගීත විද්‍යාඥයන් සහ ස්නායු විද්‍යාඥයන් පෙන්වා දෙති.

කැරොකේ සංස්කෘතිය විසින් මිනිසාගේ සංගීත ඥානයේ ප්‍රධාන කුළුණු දෙක වන ගායනය සහ වාදනය මොට කරන්නේ කෙසේද ?

🎸සැබෑ ගායනයක් යනු මොළය, ශ්‍රවණ පද්ධතිය, ශ්වසන පද්ධතිය සහ ස්වර තන්ත්‍රවල මනා සම්බන්ධීකරණයෙන් සිදුවන සංකීර්ණ ජීව විද්‍යාත්මක ක්‍රියාවලියකි. කැරොකේ මඟින් මෙම පද්ධතිය අවුල් කරනු ලබයි
ගායකයෙකු නිවැරදිව ගායනා කරන්නේ තමන්ගේ කටහඬ තමන්ටම ඇසීමට සැලැස්වීමෙනි. කැරොකේහිදී භාවිත වන අධික Echo, Reverb වැනි කෘතිම ප්‍රයෝග නිසා මොළයට ලැබෙන්නේ විකෘති වූ ශබ්ද ප්‍රතිපෝෂණයකි. මෙහිදී මොළය රවටනු ලබන අතර, තමන් ශ්‍රුතියෙන් බැහැරව ගයන බව ගායකයාට වැටහෙන්නේ නැත. දිගුකාලීනව මෙයට හුරුවීමෙන් නිවැරදි ස්වර හඳුනාගැනීමේ සහ ගැයීමේ ශ්‍රවණ සංවේදනය සම්පූර්ණයෙන්ම විනාශ වේ.

විද්‍යාත්මකව බලන විට, සැබෑ ගායනයකදී මොළයේ නිර්මාණශීලී කලාපඋත්තේජනය වේ. නමුත් කැරොකේහිදී සිදුවන්නේ තිරයක පාට වෙනස් වන අකුරු දෙස බලාගෙන, තත්පරයෙන් පංගුවක්වත් පස්සට හෝ ඉදිරියට නොගොස් මුල් ගායකයාගේ වේගය කොපි කිරීමයි. මෙහිදී සිදුවන්නේ යාන්ත්‍රික මතකයක් ක්‍රියාත්මක වීම පමණක් වන අතර, ගායකයාගේ ස්වාධීන ගායන ශෛලිය හෝ හැඟීම් ප්‍රකාශ කිරීමේ හැකියාව සම්පූර්ණයෙන්ම නැති වී යයි.

🎸 කැරොකේ Audio tracks සකසා ඇත්තේ මුල් ගායකයාගේ ස්වර පරාසයට අනුවය. සාමාන්‍ය කෙනෙකු තමන්ගේ ස්වර පරාසය නොදැන, එම ට්‍රැක් එක සමඟ තරඟයට, ඝෝෂාකාරී ශබ්ද විකාශන පරදා ගැයීමට යාමේදී ස්වර තන්ත්‍රවලට අධික ආතතියක් එල්ල වේ. මෙය කල්යෑමේදී ස්වර තන්ත්‍ර ඝන වීම, ලේ ගැලීම් හෝ Vocal Nodules ඇතිවීමට හේතු විය හැක.

🎸කැරොකේ වසංගතය සෘජුවම බලපාන්නේ මිනිසාගේ වාදන හැකියාව සහ සංගීත භාණ්ඩ නිර්මාණය/භාවිතය සහමුලින්ම නැති කර දැමීමටයි.
ඕනෑම වාදකයෙකු සතුව සහජ රිද්ම ප්‍රඥාවක් පවතී. කැරොකේ ඩිජිටල් ට්‍රැක්ස් ක්‍රියාත්මක වන්නේ ස්ථාවර, පරිගණකගත රිද්මයකටය. සැබෑ මිනිස් වාදනයකදී පවතින සියුම් ලය වෙනස්වීම් එහි නැත. මිනිසුන් මෙම යාන්ත්‍රික බීට් එකට පමණක් සවන් දී ගායනයට හෝ වාදනයට හුරුවූ විට, ඔවුන්ගේ මොළයේ පවතින ස්වාභාවික රිද්ම සංවේදනය මොට වී යයි.

සැබෑ සංගීත කණ්ඩායමක වාදනයක් යනු එකිනෙකා දෙස බලා, එකිනෙකාගේ වාදනයට සවන් දෙමින් ක්ෂණිකව ප්‍රතිචාර දක්වන Spontaneous communication ක්‍රියාවලියකි. නමුත් කැරොකේ යනු එක් පාර්ශවීය, මළගිය සංගීතයකි. එය වාදකයාට හෝ ගායකයාට අනුව වෙනස් නොවේ. මෙයට ඇබ්බැහි වූවන්ට සැබෑ වාදක මණ්ඩලයක් සමඟ එක්ව වාදනය කිරීමේ හැකියාව සම්පූර්ණයෙන්ම අහිමි වේ.

වීණාව, වයලිනය, සිතාරය වැනි ශාස්ත්‍රීය වාද්‍ය භාණ්ඩ මෙන්ම ගිටාරය වැනි භාණ්ඩයක් වුවද වාදනයට පෙර කනෙන් අසා Tune කළ යුතුය. කැරොකේ පසුබිම් සංගීතය නිතරම පරිපූර්ණ ඩිජිටල් ශ්‍රුතියකින් ඇසෙන බැවින්, මිනිසාගේ ශ්‍රවණ ඉන්ද්‍රිය ශ්‍රුති ගැන්වීමේ ස්වයංක්‍රීය උත්සාහය අත්හරියි. ප්‍රතිඵලයක් ලෙස සංගීත භාණ්ඩයක් ස්වයංව සුසර කරගැනීමේ හැකියාව මිනිසාගෙන් ගිලිහී යයි.

🎸කැරොකේ මඟින් නිර්මාණය කරන්නේ ව්‍යාජ දක්ෂතාවයකි. ශබ්ද ප්‍රයෝග නිසා තමන් දක්ෂයෙකු යැයි සිතන මිනිසුන්, සැබෑ සංගීත භාණ්ඩයක් ඉගෙන ගැනීමට ගන්නා ශ්‍රමය සහ කැපවීම ප්‍රතික්ෂේප කරති. "ඇයි මං මහන්සි වෙලා වයලීනයක් හෝ තබ්ලාවක් පුහුණු වෙන්නේ, බොත්තමක් එබූ සැනින් කැරොකේ එකෙන් සිංදුවක් කියන්න පුළුවන් නම්?" යන කනගාටුදායක මානසිකත්වය සමාජගත වේ.

මෙමඟින් සිදුවන්නේ සැබෑ වාදකයින් සහ ගායකයින් බිහිවීම වැළකී යාම සහ කලාවේ ගුණාත්මකභාවය බිඳවැටීමයි.

කැරොකේ යනු මත්පැන් සාදයකදී හෝ විනෝද චාරිකාවකදී විනෝද වීම සඳහා භාවිත කළ හැකි සරල Game එකක් පමණි. නමුත් එය සැබෑ සංගීත පුහුණුව සඳහා ආදේශකයක් කර ගැනීම, මිනිසා සතු උදාරතම සෞන්දර්යාත්මක සහ සංජානනීය හැකියාවන් ස්වේච්ඡාවෙන්ම විනාශ කර ගැනීමකි. සැබෑ සංගීතය පවතින්නේ ඩිජිටල් තිරයක නොව, මිනිස් ශ්‍රවණය, හෘද ස්පන්දනය සහ සැබෑ වාද්‍ය භාණ්ඩවල කම්පනය තුළය.

මූලාශ්‍ර

​"Perfecting Sound Forever: An Aural History of Recorded Music"
​කර්තෘ: Greg Milner

The SAGE Handbook of Research in Music Education"
​කර්තෘ: Graham F. Welch & Gary E. McPherson

​"The Voice Book: Caring For, Protecting, and Improving Your Voice"
​කර්තෘ: Michael S. McCallion

✍️Kapila maddegoda