Media Unit - Dharmapala College Bandarawela

🎓 Best of Luck to Our A/L Students!

Wishing all the students of Dharmapala College, Bandarawela, the very best for their G.C.E. Advanced Level Examination.
May your hard work, dedication, and perseverance lead you to outstanding success. Stay confident, stay focused, and give it your very best! 💫
The entire Dharmapala family is proud of you and believes in your potential. ❤️

Believe in yourself, give it your best, and make your dreams a reality! 🌟📚

ජාතික ශිෂ්‍ය භට බලකායේ 6 වන ඇගයීම් කඳවුරෙහිදී පාසල් 61 ක් අතුරින් සමස්ත කඳවුරෙහි වැඩිම ජයග්‍රහණ දිනා ගනිමින් ශූරතාවය හිමි කර ගැනීමට අප විද්‍යාලයීය යුධ හමුදා ජ්‍යෙෂ්ඨ ශිෂ්‍ය භට ඛණ්ඩය සමත් විය. එම ජයග්‍රහණය සමරමින් විද්‍යාලයීය යුධ හමුදා ජ්‍යෙෂ්ඨ ශිෂ්‍ය භට ඛණ්ඩයට සහ එම ජයග්‍රහණය ලබා ගැනීම සඳහා දායකත්වය දැක්වූ විද්‍යාලයීය ශිෂ්‍ය භට ඛණ්ඩය භාර ආචාර්ය මණ්ඩලය සඳහා විද්‍යාලයීය ආදි ශිෂ්‍ය සංගමය විසින් සංවිධානය කළ දිවා භෝජන සංග්‍රහය පසුගිය සිකුරාදා දින විදුහල්පතිතුමාගේ ප්‍රධානත්වයෙන් පැවැත්විණි.

විද්‍යාලයේ 11 අංශයේ ලකුණු විශ්ලේෂණ දෙමාපිය හමුව 2026.08.05 වන දින විද්‍යාලයේ ප්‍රධාන ශාලාවේදී විදුහල්පතිතුමාගේ ප්‍රධානත්වයෙන් සහ එම අංශයේ දෙමාපියන්ගේ සහභාගීත්වයෙන් පැවැත්විණි.

පසුගියදා බදුල්ල වින්සන්ට් ඩයස් ක්‍රීඩාංගණයේදී පැවති ඌව පළාත් පාසල් ක්‍රීඩා තරඟාවලිය – 2026 සඳහා අප විද්‍යාලය නියෝජනය කරමින් ක්‍රීඩක ක්‍රීඩිකාවන් රැසක් සහභාගී විය.
මෙම තරඟාවලියේදී ඌව පළාතේ සියලුම පාසල් අතරින් සමස්ත මලල ක්‍රීඩා අනුශූරතාවය දිනා ගැනීමට අප විද්‍යාලයේ ක්‍රීඩක ක්‍රීඩිකාවන් සමත් වූහ.
🏅 මෙහිදී, දෙව්මි තාරින්දි ක්‍රීඩිකාව 800m, 1500m සහ 3000m තරඟ ඉසව්වල ප්‍රථම ස්ථානය දිනා ගනිමින් 3000m නව තරඟ වාර්තාවක් ද පිහිටුවීමට සමත් වූවාය.
🌟 එමෙන්ම, ජනුදි චාරුන්ද්‍යා ක්‍රීඩිකාව අවුරුදු 16න් පහළ දක්ෂතම ක්‍රීඩිකාව ලෙස සම්මානයට පාත්‍ර වූවාය.

විද්‍යාලයට කීර්තියක් අත්කර දුන් සියලුම ක්‍රීඩක ක්‍රීඩිකාවන්ටත්, ඔවුන්ගේ ජයග්‍රහණ සඳහා කැපවීමෙන් මඟ පෙන්වූ විද්‍යාලයීය ක්‍රීඩා අංශයටත් අපගේ උණුසුම් සුබ පැතුම්! 💐🏆

ජාතික ශිෂ්‍ය භට බලකායේ 6 වන ඇගයීම් කඳවුරෙහි පාසල් 61 ක් අතුරින් සමස්ත කඳවුරෙහි වැඩිම ජයග්‍රහණ දිනා ගැනීමට අප විද්‍යාලයීය යුධ හමුදා ජ්‍යෙෂ්ඨ ශිෂ්‍ය භට ඛණ්ඩය සමත් වී තිබේ.

🔸ඝන සරඹ - 1 ස්ථානය
🔸විවිධ ප්‍රසංග - 1 ස්ථානය
🔸 ශාරීරික අභ්‍යාස - 1 ස්ථානය
🔸 භටනිවාස පරීක්ෂණ - 1 ස්ථානය
🔸ඉදිරිපත් කිරීම - 1 ස්ථානය
🔸අධ්‍යක්ෂක පරීක්ෂණ - 1 ස්ථානය

🔷 ඝන සරඹ හොඳම අණදෙන්නා - සැරයන් W.M.U.C.විජේසේකර

🔷 දක්ෂතම ශාරීරික අභ්‍යාස අණදෙන්නා - සැරයන් W.M.U.C.විජේසේකර

ධර්මපාල නාමය ඔසවා තබමින් සමස්ත කඳවුරෙහි ලකුණු 1445.13ක් ලබා 6 වන බලඇණියේ ශූරතාවය දිනා ගනිමින් ප්‍රථම ස්ථානයට පත් වූ විද්‍යාලයීය යුධ හමුදා ජ්‍යෙෂ්ඨ ශිෂ්‍ය භට ඛණ්ඩයට අපගේ උණුසුම් සුබ පැතුම් 💐

ජාතික ශිෂ්‍ය භට බලකායේ 6 වන ඇගයීම් කඳවුර සඳහා තූර්ය වාදක සහය ලබා දීමට විද්‍යාලයීය යුධ හමුදා තූර්ය වාදක ඛණ්ඩයට අවස්ථාව ලැබිණි.