05/04/2025
#பல்கலைக்கழக #அனுமதியில் #தமிழ் #மாணவர் #தொகை #படிப்படியாக #குறைவடைதல் #தொடர்பான #பகுப்பாய்வின் #முக்கியத்துவம்!
ந.சந்திரகுமார் SLPS
2018 ஆம் ஆண்டின் இலங்கை மத்திய வங்கியின் ஆண்டறிக்கை யின் அடிப்படையில், இலங்கையின் சனத்தொகை இன ரீதியான சதவீதம்...
*சிங்களவர்கள் -74.9%
*தமிழர்கள் -15.3%
*முஸ்லிம்கள் -9.3%
*ஏனையோர் -0.5%
இலங்கையின் சனத்தொகைக்கு அமைய, தமிழ் மாணவர்கள், ஒவ்வொரு துறையிலும் 15.3% பல்கலைக் கழக அனுமதியைப் பெற்றுக் கொள்ள வேண்டும்.
எனினும் 2022/23 ஆம் கல்வி ஆண்டில், பின்வரும் நான்கு துறைகளில் மட்டுமே, 15.3% க்கு அதிகமாக பல்கலைக்கழக அனுமதியைப் பெற்றுள்ளனர்.
*Arts -17.5%
*Dental. -16.8%
*Applied Health Science -15.6%
*Indigenous Medicine -17.0%
ஆனால் பின்வரும் துறைகளில் தமிழ் மாணவர்களின் பல்கலைக் கழக அனுமதி குறைவாக உள்ளமை கவனத்தில் கொள்ள வேண்டும்.
*Medicine -12.1%
*Veterinary Medicine -14.5%
*Agriculture -12.4%
*Science. -10.5%
*Engineering -13.3%
*Law. -9.6%
*Commerce -10.2%
*Management -11.04%
*Fashion Design/ Transport Logestic
Management -8.4%
*Architecture/Quantity Surveying
-10.6%
*Computer Science/IT -13.4%
*Technology -9.6%
அண்மைக்காலமாக பல்கலைக் கழக அனுமதியில் தமிழ் மாணவர்களின் எண்ணிக்கை படிப்படியாக குறைவடைவதற்கான காரணங்களை பகுப்பாய்வு செய்து, எதிர்காலத்தில் தமிழ் மாணவர் களின் பல்கலைக் கழக அனுமதியை அதிகரிப்பதற்கான வேலைத்திட்டத்தை, தமிழ் சமூகத்தின் கல்விமான்கள், கல்வித் துறை சார்ந்தவர்கள் (SLEAS, SLTES, SLPS,SLTAS, SLTS), பல்கலைக் கழக விரிவுரையாளர்கள் மற்றும் தேசிய கல்வி நிறுவகத்தின் தமிழ் பணிப்பாளர்கள் போன்றவர்கள் ஆய்வினை மேற்கொண்டு முன்மொழிவை முன் வைக்க வேண்டும்.
மேலும் ஏனைய துறைகளின் கீழ் தமிழ் மாணவர்களின் பல்கலைக் கழக அனுமதி குறைவடைவதற்கான காரணங்களில் சில...
*பல்கலைக் கழகங்களினால் நடத்தப்படும் உளச்சார்புப் பரீட்சைக்கு விண்ணப்பிக்காமை,
*உளச்சார்புப் பரீட்சைக்கு விண்ணப்பித்த போதிலும் உளச்சார்புப் பரீட்சைக்கு தோற்றாமை,
*உளச்சார்புப் பரீட்சைக்கு தோற்றுவதற்கான பயிற்சியை போதியளவு வழங்காமை,
*ஆங்கில மொழி மூலம் உளச்சார்புப் பரீட்சைக்கு தோற்றுவதற்கு ஆங்கில மொழியில் தேர்ச்சி இல்லாமை
மேற்படி காரணங்களால் பின்வரும் துறைகளில் பல்கலைக் கழக அனுமதியில் தமிழ் மாணவர்களின் எண்ணிக்கை குறைவாக உள்ளமை கவனத்தில் கொள்ளத்தக்கது.
*Fashion Design
*Transport Logestic Management
*Architecture
*Quality Surveying
*Computer Science
*IT
