19/08/2026
දරුවා හොඳම පන්තියට යැව්වත්, මේ එක දේ ගෙදරදී වෙන්නේ නැත්නම් ප්රතිඵලය වෙනස් වෙන්නේ නැහැ. ❤️
අද බොහෝ දෙමව්පියන්ගෙන් අහන්න ලැබෙන දෙයක් තමයි,
“Teacher, මෙයා වැඩ කරන්න කැමති නෑ.”
“කියන දේ අහන්නේ නෑ.”
“පාඩම් කරන්න කම්මැලියි.”
“Homework කරන්න බෑ කියනවා.”
නමුත් අපි මතක තියාගන්න ඕන වැදගත්ම දෙයක් තියෙනවා.
පුංචි දරුවෙකුගෙන් වැඩිහිටියෙකුගේ self-discipline එක බලාපොරොත්තු වෙන්න බෑ. ඒ පුරුද්ද දරුවා තුළ හදලා දෙන්න ඕන අපි.
සතියකට පැය දෙකක් පන්තියක ඉගෙනගත් පමණින් දරුවෙකුට පාඩමක් හොඳින් මතක තබාගන්න අමාරුයි.
පන්තියේදී ගුරුවරයාට පුළුවන් අලුත් පාඩම පැහැදිලි කරන්න, දරුවාට පුහුණු වෙන්න අවස්ථාව දෙන්න, වැරදි හඳුනාගෙන නිවැරදි කරන්න සහ ඉදිරියට යන්න අවශ්ය මඟපෙන්වීම ලබා දෙන්න.
නමුත් ඉගෙනගත් දේ දරුවාගේ මතකයේ තහවුරු වෙන්නේ නැවත නැවත භාවිතා කිරීමෙන්.
විශේෂයෙන් English වගේ භාෂාවක් ඉගෙනගන්නකොට Vocabulary, Spelling, Grammar, Reading සහ Writing වගේ skills එක දවසකින් හෝ සතියකට පැය දෙකකින් develop වෙන්නේ නැහැ.
ඒ සඳහා ගෙදරදීත් නිතරම පුංචි පුංචි පුහුණුවීම් අවශ්යයි.
දවසකට පැය ගණන් දරුවා පොත් ඉස්සරහ තියාගන්න අවශ්ය නැහැ.
විනාඩි 15–20ක් වුණත් ප්රමාණවත්.
එදා කළ පාඩම නැවත බලන්න.
වචන කිහිපයක් මතක් කරන්න.
පොඩි exercise එකක් කරන්න.
කලින් වැරදුණු දෙයක් නැවත නිවැරදි කරන්න.
මේ පුංචි දේවල් නිරන්තරයෙන් කරන එක තමයි වැදගත්.
දෙමව්පියන්ගේ වගකීම දරුවාට answers කියලා දෙන එකවත්, දරුවා වෙනුවෙන් homework කරන එකවත් නෙවෙයි.
දරුවා වැඩේ කරන්න වාඩි කරවීම, ඒ සඳහා routine එකක් හදලා දීම, වැඩ අවසන් කරලා තියෙනවද බලන එක සහ දරුවාව උනන්දු කරන එකයි.
“අද කරන්න බෑ කියනවා, ඒ නිසා කරවන්නේ නෑ” කියන තීරණය නැවත නැවත ගත්තොත්, නොදැනුවත්වම අපි දරුවාට උගන්වන්නේ,
“මට අකමැති දෙයක් නම් මට ඒක මඟහරින්න පුළුවන්” කියන පුරුද්දයි.
පසුව ඒ පුරුද්ද වෙනස් කිරීම තවත් අපහසුයි.
දරුවෙකුගේ අධ්යාපනය ගුරුවරයාට පමණක් භාරදීලා ප්රතිඵල බලාපොරොත්තු වෙන්න බැහැ.
Teacher + Child + Parent ❤️
මේ තුන්දෙනාම එකම අරමුණකට, එකම consistency එකකින් වැඩ කළොත් තමයි දරුවාගේ සැබෑ දියුණුව දැකගන්න පුළුවන්.
අද දරුවාට නැති පුරුද්දක්, “එයා කම්මැලියි” කියලා අත්හැරලා දාන්න එපා.
ආදරය, මඟපෙන්වීම සහ නිරන්තර පුහුණුව තුළින් ඒ පුරුද්ද හෙට ඔහු තුළ ගොඩනගන්න. ❤️
Copied
