Ak/Akkaraipattu Muslim Central College -N/S

அக்கரைப்பற்று வலயக் கல்வி அலுவலகத்தின் வழிகாட்டலின் கீழ் அக்கரைப்பற்று முஸ்லிம் மத்திய கல்லூரியில் (தேசிய பாடசாலை) செயற்பட்டு வரும் வழிகாட்டல் ஆலோசனை பிரிவினால் ஏற்பாடு செய்யப்பட்ட தொழில் கண்காட்சி-2026 பாடசாலை கேட்போர் கூடத்தில் இன்று(05) மிகச் சிறப்பாக இடம்பெற்றது.

அதிபர் ஏ.எல்.நசீபா தலைiமையில் இடம்பெற்ற இந்நிகழ்வின்போது ஓய்வு நிலை ஆசியரிய ஆலோசகர் எம்.ஏ.தாஹிர், பாடசாலை அபிவிருத்தி நிறைவேற்றுக் குழு செயலாளர் சபூர் ஆதம், பிரதி அதிபர்களான எம்.ஏ.சலாகுதீன், ஏ.சி.எம்.ஹரிஸ், தொழிற்கல்வி இணைப்பாடவிதான இணைப்பாளர் எம்.ஏ.ஜி.பிர்னாஸ், அக்கரைப்பற்று தொழிநுட்ப கல்லூரியின் தொழில் வழிகாட்டல் உத்தியோகத்தர் எம்.எஸ்.எம். பிஸ்ரின், மாணவர் வழிகாட்டல் ஆலோசனை பொறுப்பாசிரியர் ஏ.எம்.எம்.றஜிசாத் உள்ளிட்ட முக்கியஸ்தர்கள் அதிதிகளாக கலந்து கொண்டனர்.
இதன்போது 15 இற்கும் மேற்பட்ட அரச மற்றும் அரச சார்பற்ற கல்வித் துறை நிறுவனங்களின் பிரதிநிதிகள் பங்கு கொண்டு மாணவர் சமூகத்தின் எதிர்கால கல்வி நடவடிக்கைகள் தொடர்பில் போதிய ஆலோசனை மற்றும் வழிகாட்டல்களை வழங்கினர்.

இதேவேளை இந்நிகழ்வின்போது பல்துறை தொழில் வழங்குநர்கள் கலந்து கொண்டு மாணவர்களுக்கான தொழிற்கல்வி, தொழிற் பயிற்சி, தொழில் சந்தை மற்றும் எதிர்கால சவால் மிகு தொழில் உலகிற்கு ஏற்ற வகையில் தொழில் துறைக்குள் நுழைவதற்கான நுட்ப மிகு வழிகாட்டல்கள் போன்ற விடயங்கள் தொடர்பில் மாணவர்களுக்கு விளக்கமளித்தனர்.

இந்நிகழ்வின்போது பாடசாலையில் கல்வி பயிலும் சுமார் ஆயிரத்திற்கும் மேற்பட்ட மாணவர்கள் கலந்து கொண்டு தத்தமது திறன்களையும், ஆற்றல்களையும் வளர்த்துக் கொள்வது எவ்வாறு என்பது தொடர்பிலும், பாடசாலைக் கல்வி நிறைவடைந்ததனைத் தொடர்ந்து தொழில் உலகிற்கு ஏற்ற வகையில் தம்மை தயார் படுத்துவற்கான வழிப்படுத்தல்களை மேற்கொள்ளும் விதம் தொடர்பிலும் போதிய அறிவினைப் பெற்றுக் கொண்டமை குறிப்பிடத்தக்கதாகும்.

தற்போது வெளியான உயர்தரப்பரீட்சையில் எமது பாடசாலை முடிவுகள்.

அக்கரைப்பற்று வலயத்திற்குப் பெருமை சேர்த்த எமது நூலகம்! 🏆

2025 ஆம் ஆண்டில் இலங்கை நூலகச் சங்கம் (SLLA) மற்றும் தேசிய நூலக ஆவணமாக்கல் சபை (NLDSB) ஆகியவற்றின் விருதுகளையும் சான்றிதழ்களையும் ஒரே ஆண்டில் 2025, வென்று, வலயக் கல்வி வரலாற்றில் எமது பாடசாலை முதன்முறையாக வரலாற்றுச் சாதனை படைத்துள்ளது.

Annual Iftar-2026🌙✨

அக்கரைப்பற்று முஸ்லிம் மத்திய கல்லூரியில் அமுத விழா இலச்சினை வெளியீட்டு வைபவமும் இவ்வாண்டுக்கான இப்தார் நிகழ்வும், 13.03.2026 மாலை கல்லூரி வளாகத்தில் அதிபர் ஏ.எல்.நசீபா தலைமையில் இடம்பெற்றன.

பாடசாலை அபிவிருத்தி நிறைவேற்றுக் குழு, பழைய மாணவர் சங்கம் மற்றும் பாடசாலை முகாமைத்துவக் குழு ஆகியவற்றின் ஏற்பாட்டில் இடம்பெற்றது.

மாநகர முதல்வர் ஏ.எல்.எம்.அதாஉல்லா முதன்மை அதிதியாக கலந்து கொண்டார்.

இன நல்லுறவைக் கட்டியெழுப்பும் வகையில் இடம்பெற்ற இந்த நிகழ் வின்போது மூவினங்களையும் சேர்ந்த பாடசாலை ஆளணியினர், மார்க்க அறிஞர்கள், உலமாக்கள், கல்வித் துறை உயரதிகாரிகள், ஊடகவியலாளர் கள், புத்திஜீவிகள், பாடசாலைச் சமூகத்தினர் கலந்து கொண்டனர்.

இதன்போது இந்தப் பாடசாலை ஆரம்பிக்கப்பட்டு 80 ஆவது ஆண்டு நிறைவை முன்னிட்டு அமுத விழா விஷேட இலச்சினை அறிமுகம் செய்யப்பட்டு வெளியிட்டு வைக்கப்பட்டது. அமுத விழா சிறப்புப்பதாகையும் மாநகர முதல்வர் ஏ.எல்.எம்.அதாஉல்லாவால் வைபவ ரீதியாக திரை நீக்கம் செய்து வைக்கப்பட்டது.

கடந்த 27-02-2026 அன்று Akkaraipattu Muslim Central College (National School) பாடசாலை கேட்போர் கூடத்தில், புதிதாக தெரிவு செய்யப்பட்ட பழைய மாணவர் சங்கத்தின் (PPA) முதலாவது கூட்டம் மிகச் சிறப்பாகவும் உற்சாகமாகவும் நடைபெற்றது.

பாடசாலையின் முகாமைத்துவக் குழு (SMT), அபிவிருத்து நிறைவேற்று குழு (SDEC) மற்றும் பழைய மாணவர் சங்க நிறைவேற்றுக் குழு (PPA) ஆகிய மூன்று தூண்களும் ஒரே மேடையில் இணைந்து, பாடசாலையின் கல்வி மற்றும் பெளதீக வளர்ச்சி தொடர்பாக விரிவான கலந்துரையாடலை மேற்கொண்டு பல பயனுள்ள தீர்மானங்களை எடுத்துக் கொண்டனர்.

குறிப்பாக, இவ்வாண்டு எமது தாய்ப்பாடசாலை 80வது ஆண்டு நிறைவாக அமுத விழாவை கொண்டாட இருப்பது தொடர்பாக மிக விமர்சையாக ஏற்பாடுகள் செய்ய ஒருமித்த முடிவு எடுக்கப்பட்டது. இது எமது பாடசாலையின் வரலாற்றில் ஒரு முக்கிய மைல்கல்லாகும்.

மேலும், கடந்த 20.02.2026 வெள்ளிக்கிழமையன்று இறையழைப்பை ஏற்றுக் கொண்ட எமது கல்லூரியின் முன்னாள் அதிபர்
M. I. Sahabdeen (அன்சார் சேர்) அவர்களின் சேவைகளை நன்றியுடன் நினைவு கூர்ந்து அவருக்காக விசேட துஆ பிரார்த்தனை ஒன்றும் இடம்பெற்றதன் பின்னர், இப்தார் நிகழ்வுடன் நிகழ்ச்சி இனிதே நிறைவடைந்தது.

அதிபர்
அக்/அக்கரைப்பற்று முஸ்லிம் மத்திய கல்லூரி(தே/பா)

சிறு தொழில் முயற்சி - புதிய யோகட்டினை சந்தைக்கு அறிமுகப்படுத்தும் தரம் 9 மாணவி

எமது பாடசாலையைச் சேர்ந்த தரம் 9 இல் கல்வி பயிலும் Faseeha sabnam என்ற மாணவி Musawira tr யின் வழிகாட்டலுடன் யோகட் தயாரித்து பொதியிட்டு சந்தைப்படுத்தும் தேர்ச்சியினை பெற்றுள்ளார். மேலும் அதன் பொதி ,சுவை,சுகாதாரம் நாம் கடைகளில் நுகரும் யோகட் ஐ விட கவர்ச்சியாகவும், சுவையாகவும்,மேம்பட்டதாக காணப்பட்டது இதன் சிறப்பம்சமாகும் இவ்வாறான செயற்பாடுகளை ஊக்குவித்து சிறு தொழில் முயற்சிக்கு வித்திட்ட Musawira ஆசிரியையையும், ஊக்கமளித்த பெற்றோர்களையும் இவ்வாறான செயற்பாடுகளை மேலும் முறையாக நெறிப்படுத்தி ஊக்குவிக்கும் எமது பாடசாலை அதிபர் A.L.Naseefa மற்றும் பிரதி அதிபர் M.A.Salahuteen, பிரதி அதிபர் A.C.M.Harees விஞ்ஞானபாட இணைப்பாளர் (தரம் 6-11) A.L.M.Nawas அவர்களையும் , விஞ்ஞான பாட ஆசிரியர்களையும் எமது பாடசாலைச் சமூகம் பாராட்டி வாழ்த்துகிறது .

அகில இலங்கை ரீதியாக நடைபெற்ற *certificate of astronomy and space science* போட்டி பரீட்சையில் தரம் 10 B/L Nufail Humaidhi அஹமத் இரண்டாம் இடம்

*Ceylon Institute of space science* நிறுவனத்தின் *distance learning Centre Limited* பிரிவினால் அகில இலங்கை ரீதியாக நடைபெற்ற *certificate of astronomy and space science* போட்டி பரிட்சையில் எமது பாடசாலையைச் சேர்ந்த தரம் 10 B/L பிரிவில் கல்வி பயிலும் Nufail Humaidhi Ahamedஎன்ற மாணவன் இரண்டாம் இடத்தைப் பெற்று எமது பாடசாலைக்கும் கிழக்கு மாகாணத்திற்கு கௌரவத்தை பெற்று தந்துள்ளார் எனவே இம்மானவனை வழிப்படுத்திய பாடசாலை அதிபர் A.L.Naseefa ,பிரதி அதிபர் M.A.Salahudeen, பிரதி அதிபர் A.C.M.Haees, மாணவனின் பெற்றோர் விஞ்ஞான பாட இணைப்பாளர் மற்றும்
விஞ்ஞான பாட ஆசிரியர்களையும் பாடசாலைச் சமூகம் வாழ்த்துகின்றது

எமது கல்லூரியில் 2010ம் ஆண்டு முதல் 2015ம் ஆண்டு வரை அதிபராக இருந்து எமது கல்லூரியின் வளர்ச்சிக்காக சகல விடயங்களிலும் அரும்பாடுபட்டுழைத்த எமது முன்னாள் அதிபர் M. I. M. Sahabdeen (Ansar sir ) இன்று 2026/02/20)வெள்ளிக்கிழமை இறையழைப்பை ஏற்றுக்கொண்டார்கள். இன்னாலில்லாஹி வஇன்னா இலைஹி ராஜிஊன்.
யா அல்லாஹ் அவரின் கப்ர் வாழ்க்கையை இலகுபடுத்தி உயர்தரமான ஜன்னதுல் பிர்தௌஸ் எனும் சுவர்க்கத்தை வழங்குவாயாக.
ஆமீன்.

அதிபர்
அக் /அக்கரைப்பற்று முஸ்லிம் மத்திய கல்லூரி (தே /பா )
அக்கரைப்பற்று.