30/12/2025
حابّة احكي بكلّ عفويّة 🤍
تابعوا كلامي للأخير... ☺️
صرت ناقلة 3 مرّات
موقع مركزي التّعليميّ الخاصّ
(لأسباب وظروف خاصّة
ودايماً... لمصلحة الشّغل)
وإن شاء الله - التّالتة ثابتة 3️⃣ 👌🏻😍
أكتر شي بيأثّر جوّاتي
وبيلمس قلبي بعمق 💓
لمّا تلاميذي يقولولي:
"وين ما بتروحي، منروح معك..." 🥹
"وين ما بتكوني، منكون معك..." 😍
"ما بيهمّ المكان، المهمّ أنتِ موجودة معنا..." 🥰
كتير بيعنيلي هالكلام
لأن نابع من القلب 🤍
بكلّ صدق ومحبّة وثقة وإخلاص ووفاء
وبمناسبة افتتاح الفرع الجديد (الوحيد)
(الثّلاثاء - 30 كانون الأوّل - 2025)
حابّة وجّه رسالة لتلاميذي وأهاليهم:
ما في داعي قلّد الكلّ
وعلّق زينة وبالونات عالحيطان
لأن تلاميذي هنّي زينة المركز 💝
ما بتهمّني المظاهر الخارجيّة
قدّ ما بيهمّني الجوهر الحقيقيّ 💎
يلّي بالباطن (بالقلب وبالرّوح) 💖
مش كل شي بينقاس بالمادّيّات ... 💰
يعني مثلاً
فينا نشتري ساعة ⌚️
بس ما فينا نشتري الوقت ⏳️⏰️
فينا نشتري أشياء حلوة 🎁🎉
بس ما فينا نشتري الشّعور الحلو ❣️
الوقت والمشاعر
ما بيتقدّروا بثمن ❌
وبختم كلامي بِشكر كبير وعميق
لتلاميذي وأهاليهم 🌹
وبحبّ قلّكم:
"أنتو الفرح والأمل،
وأنتو سبب الاستمرار؛
ومع بعض،
رح نبدأ مرحلة جديدة
من التّعليم والتّعلّم والنّجاح والتّميّز." 🩵
#الإنجليزية
☆
