Dr Chantal Saade Khalil

💔"صار أكبر حلم عند بعض شبابنا اليوم مش النجاح وبس... صار الحلم إنو يقدروا يكفّوا طريقن ويرجعوا ع بيوتن بأمان."💔

كان المفروض تكون هالفترة كلها حماس، أحلام، وتحضيرات للمستقبل...

بس اليوم، كتار من شبابنا عم يحملوا فوق طاقتُن بكتير.

عم يحملوا كتبن وأحلامن، وبنفس الوقت عم يحملوا خوف وهموم وأسئلة ما لازم حدا بعمرن يضطر يحملها.

عم يدفعوا أثمان ما إلُن ذنب فيها، وعم يعيشوا ظروف ما اختاروها، وكأنو كل حلم صار بدو معركة، وكل خطوة نحو المستقبل صارت بدها شجاعة.

وصار أكبر حلم عند بعض شبابنا اليوم مش بس النجاح...

صار الحلم إنو يقدروا يروحوا ع مدرستن أو جامعتن ويرجعوا ع بيتن بأمان.

ولما نكون عايشين بظروف استثنائية، وتحت ضغط الخوف والتهجير والحرب، ولما تصير الطريق ع المدرسة أو الجامعة رحلة قلق بدل ما تكون رحلة علم وأمل، هون ما بقى فينا نتصرف وكأنو الأمور طبيعية.

هون بيصير واجب ع المسؤولين، وخصوصاً المعنيين بوزارة التربية، إنهن ياخدوا قرارات جدّية ومسؤولة، ويعيدوا النظر بمواعيد وآليات الامتحانات الرسمية والجامعية، ويعملوا كل شي بيقدروا عليه ليحموا الطلاب والأساتذة. هيدي مسؤولية أخلاقية ووطنية والتنصّل منها جريمة.

لأنو من حق الطالب يتعلم...
ومن حقو كمان يعيش بأمان.

ما فينا نترك الطلاب وأهاليهم يواجهوا الخوف لحالن، وكأنو ما في حرب ولا تهجير ولا قلق عم يرافق كل يوم من حياتن.

وإذا المسؤولية هي إنو نحافظ ع حق الطلاب بالتعليم، فالمسؤولية الأكبر هي إنو نحافظ ع حقن بالحياة.

ورغم كل الوجع...

شباب لبنان بعدن واقفين.

بعدن متمسكين بأحلامن.

وبعدن مؤمنين إنو العلم هو الطريق لمستقبل أحلى.

لكل طالب وطالبة عم يمرقوا بهالأيام الصعبة...

نحنا فخورين فيكن.

فخورين بصبركن، بقوتكن، وبإصراركن تكفّوا رغم كل الخوف والتعب والقلق.

💙 الشهادة مهمة...
💙 والعلم مهم...
💙 والمستقبل مهم...

بس حياة الإنسان وسلامتو أهم من أي شي.

الله يحمي شباب لبنان، ويحفظ أحلامن، ويرجع الطمأنينة لكل بيت موجوع والسلام لوطنا ولجنوبنا🙏
يا رب ثقتنا رح ضلّ ثابتة فيك وأكبر من كل خوفنا🙏

لأنهم لن يبقوا صغاراً ... ❤️

#أولادنا #أمانة #من #الله #التربية #وعي #أطفالنا #منازلنا #و #عائلاتنا #مسؤولية #أثمن #من #كل #كنوز #الدنيا

#أولادنا #أمانة #من #الله #التربية #وعي #أطفالنا #منازلنا #و #عائلاتنا #مسؤولية #أثمن #من #كل #كنوز #الدنيا
#عيد #العائلة