Sinxay School

25/09/2026

25/09/2026

ໃນຕອນເຊົ້າຂອງວັນທີ 25 ກັນຍາ 2026, ນ້ອງນັກຮຽນຊັ້ນ ມ6 ຂອງໂຮງຮຽນປະຖົມ-ມັດທະຍົມສຶກສາສົມບູນສິນໄຊຈຳ ນວນ 30 ນ້ອງ, ເປັນຍິງ 17 ນ້ອງ ພ້ອມດ້ວຍຄູນຳພາ 1 ທ່ານ ໄດ້ເຂົ້າຮ່ວມກິດຈະກໍາສະເຫຼີມສະຫຼອງບຸນໄຫວ້ພະຈັນທີ່ຈັດຂຶ້ນໂດຍສູນກາງຊາວໜຸ່ມປະຊາຊົນປະຕິວັດລາວ ຮ່ວມກັບຄະ ນະອາສາສະໝັກຊາວໜຸ່ມ ຈາກນະຄອນຊ່ຽງໄຮ້. ໃນໂອກາດນີ້, ຂໍຂອບໃຈສູນກາງຊາວໜຸ່ມປະຊາຊົນປະຕິວັດລາວ ທີ່ໃຫ້ນ້ອງນັກຮຽນພວກເຮົາໄດ້ສຳຜັດປະສົບການຮຽນຮູ້ກ່ຽວກັບປະເພ ນີ-ວັດທະນະທຳອັນດີງາມຂອງປະເທດ ສປ ຈີນ ພ້ອມທັງໄດ້ເສີມສ້າງຄວາມຮັບຮູ້ ແລະ ເຂົ້າໃຈວັດທະນະທຳຈີນຍິ່ງຂຶ້ນໂດຍຜ່ານການຮຽນຮູ້ຮ່ວມກັນ ເພື່ອປະດິດຫຼາກຫຼາຍຜົນງານຫັດຖະກຳດັ້ງເດີມຂອງຈີນ ເພື່ອສະເຫຼີມສະຫຼອງບຸນໄຫວ້ພະ ຈັນ ຮ່ວມກັບນ້ອງນັກຮຽນຈາກໂຮງຮຽນມັດທະຍົມສຶກສາສົມ ບູນວຽງຈັນ ສະຖານທີ່ ຫ້ອງປະຊຸມສູນກາງຊາວໜຸ່ມປະຊາຊົນປະຕິວັດລາວ. ຂໍຊົມເຊີຍ!

24/09/2026

ໂຮງຮຽນສິນໄຊພວກເຮົາ ຂໍຂອບໃຈອາສາສະໝັກຊາວໜຸ່ມຈາກນະຄອນຊ່ຽງໄຮ້ ປະເທດ ສປ ຈີນ ທັງສອງທ່ານດ້ວຍ.

24/09/2026

ນ້ອງນັກຮຽນຊັ້ນ ມ6 ຂອງໂຮງຮຽນປະຖົມ-ມັດທະຍົມສຶກສາສົມບູນສິນໄຊ ຈຳນວນ 53 ນ້ອງ ໄດ້ຮ່ວມກັບອາຈານອາສາສະ ໝັກຊາວໜຸ່ມ ຈາກນະຄອນຊຽງໄຮ້ ຈຳນວນ 2 ທ່ານ ຈັດກິດ ຈະກຳສະເຫຼີມສະຫຼອງບຸນໄຫວ້ພະຈັນຂຶ້ນໃນຕອນບ່າຍຂອງວັນທີ 23 ກັນຍາ 2026, ຈຸດປະສົງເພື່ອໃຫ້ນັກຮຽນພວກເຮົາ ໄດ້ມີໂອກາດສຳຜັດປະສົບການການຮຽນຮູ້ກ່ຽວກັບຮີດຄອງປະເພນີ ແລະ ວັດທະນະທຳອັນດີງາມຂອງປະເທດ ສປ ຈີນ, ໂດຍຜ່ານການຮັບຊົມ-ຮັບຟັງປະຫວັດຄວາມເປັນມາ ກໍ່ຄືຕຳ ນານນາງເທບທິດາກັບກະຕ່າຍຢົກເທິງດວງຈັນ ແລະ ຄວາມໝາຍສຳຄັນຂອງບຸນດັ່ງກ່າວຕໍ່ກັບຄົນຈີນ ແລະ ຄອບຄົວ, ພ້ອມທັງໄດ້ຮຽນຮູ້ຄຳສັບພາສາຈີນ ແລະ ກາບກອນກ່ຽວກັບບຸນໄຫວ້ພະຈັນ, ປະດິດໂຄມໄຟຮູບກະຕ່າຍແບບງ່າຍໆ ແລະ ຊີມເຂົ້າໜົມໄຫວ້ພະຈັນທີ່ແຊບຊ້ອຍໃນກິດຈະກຳທີ່ມີທັງຄວາມຮູ້ໃໝ່ໆຫຼາກຫຼາຍ, ຄວາມມ່ວນຊື່ນເພີດເພີນ ແລະ ຄວາມສາມັກຄີມິດຕະພາບໄປພ້ອມໆກັນດ້ວຍ. ຂໍຊົມເຊີຍ!

24/09/2026

ຄະນະອຳນວຍການໂຮງຮຽນປະຖົມ-ມັດທະຍົມສຶກສາສົມບູນ ສິນໄຊ ແລະ ໂຮງຮຽນປະຖົມສົມບູນພອນນະພາ ຂໍສະແດງຄວາມຂອບໃຈເປັນຢ່າງສູງຕໍ່ທ່ານ ຄຳແສນ ພວງເພັດ, ຫົວໜ້າໜ່ວຍງານສຶກສາກ່ອນໄວຮຽນ, ຫ້ອງການສຶກສາທິການ ແລະ ກິລາ ເມືອງຈັນທະບູລີ, ພ້ອມດ້ວຍຄະນະ ທີ່ໄດ້ລົງມາຢ້ຽມ ຢາມ ຕິດຕາມຊຸກຍູ້ ແລະ ໃຫ້ທິດຊີ້ນຳໃນໂອກາດໄຂສົກຮຽນໃໝ່ ຢູ່ທັງສອງໂຮງຮຽນ ໃນຕອນເຊົ້າຂອງວັນທີ 24 ກັນຍາ 2026 ສະຖານທີ່ ຫ້ອງປະຊຸມໂຮງຮຽນສິນໄຊ.

18/09/2026

18/09/2026

ຄູອາຈານໂຮງຮຽນປະຖົມ-ມັດທະຍົມສຶກສາສົມບູນສິນໄຊຈຳ ນວນ 2 ທ່ານ, ເປັນຊາຍທັງໝົດ ໄດ້ເປັນຕົວແທນຂອງສະມາ ຄົມການສຶກສາພາກເອກະຊົນ ເມືອງຈັນທະບູລີ ເຂົ້າຮ່ວມເຄື່ອນໄຫວກິລາເຕະບານ ນັດກະຊັບມິດ ລະຫວ່າງສະມາຄົມການສຶກສາພາກເອກະຊົນ ແລະ ທີມວີໄອພີ ກະຊວງສຶກສາທິ ການ ແລະ ກິລາ ໃນຕອນບ່າຍຂອງວັນທີ 18 ກັນຍາ 2026 ສະ ຖານທີ່ ວິທະຍາໄລເຕັກນິກການລົດໄຟ. ຂໍຊົມເຊີຍ!

18/09/2026

ໃນວັນທີ 17 ກັນຍາ 2026, ຄູອາຈານຈຳນວນ 2 ທ່ານ ໄດ້ນຳ ພາສະມາຊິກຊາວໜຸ່ມໂຮງຮຽນປະຖົມ-ມັດທະຍົມສຶກສາສົມ ບູນສິນໄຊ ຈຳນວນທັງໝົດ 50 ສະຫາຍ, ເປັນຍິງ 33 ສະຫາຍ ເຂົ້າຮ່ວມຊ່ວຍງານດ້ວຍຄວາມເອົາໃຈໃສ່ໃນພິທີຊາປະນະກິດສະຣີຣະສັງຂານ ພະອາຈານໃຫຍ່ ມະຫາວັນນາ ສຸລິຍະວົງ, ອະ ດີດທີ່ປຶກສາສູນກາງ ອົງການພຸດທະສາສະໜາສຳພັນລາວ ນະ ຄອນຫຼວງວຽງຈັນ, ອະດີດເຈົ້າອະທິການວັດມີໄຊ, ສະຖານທີ່ ວັດເທບນິມິດ (ທາດຝຸ່ນ) ນະຄອນຫຼວງວຽງຈັນ.

16/09/2026

ໃນຕອນຄໍ່າຂອງວັນທີ 16 ກັນຍາ 2026, ຄູອາຈານຈໍານວນ 2 ທ່ານ ໄດ້ນຳພານ້ອງນັກຮຽນຊັ້ນ ມ2 ຂອງໂຮງຮຽນປະຖົມ-ມັດ ທະຍົມສຶກສາສົມບູນ ສິນໄຊ ຈຳນວນທັງໝົດ 26 ນ້ອງ, ເປັນຍິງ 19 ນ້ອງ ຮ່ວມຊົມຄອນເສີດເປຍໂນສໍາລັບເດັກນ້ອຍລາວ (Piano Concert for Lao Children) ໂດຍທ່ານ Keisuke KODAIRA, ນັກເປຍໂນທີ່ມີຊື່ສຽງ ຈາກປະເທດຍີ່ປຸ່ນ, ສະຖານ ທີ່ ວິທະຍາໄລສິລະປະແຫ່ງຊາດ, ນະຄອນຫຼວງວຽງຈັນ. ໃນໂອ ກາດນີ້, ໂຮງຮຽນສິນໄຊຂໍສະແດງຄວາມຂອບໃຈມາຍັງສູນກາງຊາວຫນຸ່ມປະຊາຊົນປະຕິວັດລາວ ທີ່ໄດ້ໃຫ້ນ້ອງນັກຮຽນພວກເຮົາ ໄດ້ມີໂອກາດເປີດໂລກະທັດດ້ານສິລະປະດົນຕີ, ສົ່ງເສີມຈິນຕະນາການ ແລະ ຄວາມຄິດສ້າງສັນ ກັບນັກສິນລະປິນທີ່ມີຜົນງານພົ້ນເດ່ນ ໃນເວທີລະດັບປະເທດ, ພາກພື້ນ ແລະ ໃນລະ ດັບສາກົນ. ຂໍຊົມເຊີຍ!

16/09/2026

ຄະນະອຳນວຍການ ໂຮງຮຽນປະຖົມ-ມັດທະຍົມສຶກສາສົມບູນສິນໄຊ ແລະ ໂຮງຮຽນປະຖົມສົມບູນ ພອນນະພາ ຂໍສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງມາຍັງ ທ່ານ ແສງສະຖິດ ພິມເມືອງ, ປະທານຄະນະກຳມະການປົກຄອງເມືອງຈັນທະບູລີ ແລະ ທ່ານ ທອງດີ ແກ້ວມີໄຊ, ຫົວໜ້າຫ້ອງການ ສຶກສາທິການ ແລະ ກິລາ ເມືອງຈັນທະບູລີ ພ້ອມດ້ວຍຄະນະ ທີ່ໄດ້ລົງມາຊຸກຍູ້ຕິດຕາມ ແລະໃຫ້ທິດຊີ້ນຳອັນມີຄວາມໝາຍສຳຄັນຍິ່ງ ໃນທ່າມກາງບັນຍາກາດຂອງການໄຂສົກຮຽນໃໝ່ 2026-27 ໃນຕອນເຊົ້າຂອງວັນທີ 16 ກັນຍາ 2026.