Youth Penny

11/08/2026

ຕຸກຕາ ແລະ ວິນລີ້ ຊວນພວກເຮົາຕັ້ງຄຳຖາມກັບຄືນວ່າ ຄຸນຄ່າທີ່ແທ້ຂອງການແຕ່ງງານມັນແມ່ນຫຍັງ? ແລະ ລາຍຈ່າຍໃດທີ່ເໝາະສົມ ຄວນຄ່າແກ່ການລົງທຶນເພື່ອຄວາມຊົງຈຳທີ່ແສນພິເສດນີ້

ສິ່ງທຳອິດທີ່ພວກເຮົາອາດປ່ຽນໄດ້ຮ່ວມກັນແມ່ນຄ່ານິຍົມສັງຄົມໃນການຈັດງານແຕ່ງທີ່ໃຫຍ່ໂຕມະໂຫລານ ພຽງເພາະວ່າສັງຄົມກົດດັນໃຫ້ເຮົາຈັດ
ຫາກເຮົາສາມາດຫຼຸດຂະໜາດລົງເນັ້ນຄຸນນະພາບຂອງຜູ້ເຂົ້າຮ່ວມ ຫຼາຍກວ່າຈຳນວນ ລາຍຈ່າຍກໍຈະຫຼຸດລົງ ບໍ່ພຽງແຕ່ກັບຄູ່ແຕ່ງງານ ແຕ່ກັບຜູ້ໄປຮ່ວມງານນຳອີກ

22/07/2026

ອອກງານເທື່ອໜຶ່ງໝົດເປັນລ້ານໆ 😭.. ຫຼື ເຮົາປ່ຽນມັນໄດ້ບໍ່ເນາະ?

23/04/2026

ເງິນໄປໃສ ຢູ່ກັບເຮົາກ່ອນ 😭

09/03/2026

https://www.youtube.com/watch?v=osx0yztgvrw&t=29s

ທຸກຄົນບໍ່ຕ້ອງອຶ້ງ ໃນທີ່ສຸດ Youth Penny ກໍປ່ອຍ podcast ຕາມສັນຍາ (ຄົບຮອບ 1 ປີພໍດີ 🫠😅)

ສຳລັບ EP ທຳອິດທີ່ເຮົາມາລອງລົມກັນ ຂໍສະເໜີຫົວຂໍ້ Frugal Chic ງາມແລ້ວກໍ່ຍັງບໍ່ພໍເດີ້ ຕ້ອງໃຊ້ເງິນໃຫ້ເປັນນຳ🙂‍↕️🙌🏻

#ເງິນເຮົາເວົ້າໄດ້💵

Enjoy the videos and music you love, upload original content, and share it all with friends, family, and the world on YouTube.

11/01/2026

'ຈະຢາກລວຍ 100 ລ້ານ ຫຼື ມີເງິນຈັບຈ່າຍພຽງພໍໃນແຕ່ລະເດືອນ
ຂໍແຕ່ມີການວາງແຜນ ທຸກແຜນການເງິນຄືແຜນທີ່ດີໝົດ'

ເຂົ້າປີໃໝ່ 2026 ແລ້ວ Youth Penny ຂໍຊວນທຸກຄົນຮ່າງແຜນການເງິນຂອງປີນີ້ນຳກັນ ວາງເປົ້າໝາຍທີ່ເຮົາຢາກເຮັດໄດ້ ຈະນ້ອຍ ຫຼື ໃຫຍ່ ກໍບໍ່ສຳຄັນ ຂໍພຽງແຕ່ເຮົາມີການວາງແຜນວ່າຈະຈັດການເງິນເຮົາໃນແຕ່ລະເດືອນແນວໃດ ເທົ່ານີ້ກໍພຽງພໍແລ້ວ (ເພາະສິ່ງນີ້ແມ່ນພື້ນຖານທີ່ສຸດແສນຈະສຳຄັນໃນການຮັກສາວິໄນທາງການເງິນຂອງເຮົາ!)

ຂໍອວຍພອນ ແລະ ເປັນກຳລັງໃຈໃຫ້ທຸກຄົນປະສົບຜົນສຳເລັດກັບທຸກຄວາມຄາດຫວັງທາງການເງິນໃນປີນີ້ເດີ

18/12/2025

ຮັກເຮົາເທົ່າວັດຖຸ: ໃນຍຸກທີ່ຄຸນຄ່າຂອງຄວາມຮັກຖືກຕີລາຄາດ້ວຍໂຕເລກ ແລະ ໃບເງິນ (ເອ໊ະ ຫຼືມັນເປັນແບບນັ້ນມາຕະຫຼອດຢູ່ແລ້ວ?)

---

ຫາກຖາມວ່າຄວາມຮັກຖືກຕີລາຄາດ້ວຍເງິນມາແຕ່ຕອນໃດ ຕອບແບບແທງໃຈກັນກໍຄົງຕ້ອງບອກວ່າ ມັນເປັນແບບນັ້ນມາສະເໝີ, ເຊິ່ງຄົງປະຕິເສດບໍ່ໄດ້ວ່າຄວາມຮັກ ແລະ ຄວາມສຳພັນໃນຍຸກປະຈຸບັນກໍຍັງເດີນສາຍດຽວກັນ
ໄປອອກເດດໃຜຄວນຈ່າຍ ຜູ້ຊວນຈ່າຍ ຫຼື ຫານກັນໄປເລີຍແຟຣ໌ໆ
I’m looking for a man in finance, 6’5, blue eyes
“Modern love seems to come with a price tag. Dinner dates are negotiations. Relationship milestones feel like deliverables.
And somewhere between ‘What’s your type?’ and ‘What do you bring to the table?’, love started to sound like a job interview.” - Materialsts (2025)
ມີຄວາມຄຳເວົ້າທີ່ວ່າຮັກແທ້ຍ່ອມຊະນະທຸກສິ່ງ ຮັກແທ້ຈະຊ່ວຍຖອນຄຳສາບໃຫ້ເຈົ້າ ດຶງເຈົ້າອອກຈາກຊີວິດທີ່ທຸກຈົນ ປ່ຽນຫາງເຈົ້າໃຫ້ເປັນຂາ ຄືນຮ່າງໃຫ້ເຈົ້າຈາກການເປັນກົບ ຫຼື ແມ້ແຕ່ປຸກເຈົ້າຈາກຄວາມຕາຍ ເຮົາໄດ້ຍິນກັນມາໝົດແລ້ວ
ແຕ່ຮັກແທ້ມີເງື່ອນໄຂວິເສດຂໍ້ໜຶ່ງ ຄືຮັກແທ້ຈະມາຈາກຄົນທີ່ມີຖານະເປັນເຈົ້າຊາຍເທົ່ານັ້ນ ສາເຫດກໍເພາະວ່າຮັກແທ້ສາມາດເຕີບໃຫຍ່ໄດ້ໃນສະພາບແວດລ້ອມພາຍໃນຫ້ອງພຣະຄັງນັ້ນເອງ
ຜາສາດກໍຕ້ອງຈ່າຍຄ່າໄຟ ບໍຣິວານກໍຕ້ອງມີເງິນຈ້າງ ສຸດທ້າຍສັນຍານຂອງຄວາມສຳພັນທີ່ຍືນຍົງຈຶ່ງກັບມາທີ່ຄວາມໝັ້ນຄົງທາງການເງິນ ເພາະໃນຍຸກທີ່ທຸກຄົນສາມາດມີອາຊີບ-ຫາລາຍໄດ້ໃຫ້ກັບໂຕເອງ ໃຜກັນທີ່ຈະຢາກໄດ້ພາລະເພີ່ມ
.
ປັດຈຸບັນນີ້ເຮົາຈຶ່ງພົບເຫັນໄດ້ຫຼາຍຂຶ້ນເວລາທີ່ໄປອອກເດດ ນອກຈາກລົມເລື່ອງຄວາມມັກ ຄວາມສົນໃຈ ແລະ ມຸມມອງຕໍ່ກັບບັນຫາຮ້ອຍແປດທີ່ກຳລັງປັ່ນປ່ວນໂລກແລ້ວ ເຮົາຍັງຫຼີກເວັ້ນບໍ່ໄດ້ທີ່ຈະລົມເລື່ອງເປົ້າໝາຍໃນອະນາຄົດໄປນຳ ເປັນເຫດໃຫ້ເຮົາຕ້ອງແນມຫາສັນຍານທີ່ບົ່ງບອກເຖິງທຶນຮອນທີ່ຈະສາມາດຮອງຮັບຄວາມສຳພັນໄລຍະຍາວ ເຊັ່ນການປະເມີນຈາກທ່າເປີດງ່າຍໆ ‘ມື້ນີ້ໃຜຈ່າຍ?’ ຍິ່ງກວ່ານັ້ນ... ອີກຮ້ອຍພັນມື້ຕໍ່ຈາກນີ້ເດ? ຕ່າງຝ່າຍຕ່າງແນມເຫັນປາຍທາງຫຼືບໍ່
ສຸດທ້າຍຄຳຖາມທີ່ຖາມກັນຕອນອອກເດດກໍບໍ່ຕ່າງຫຍັງຈາກສຳພາດວຽກ
“ອີກ 5 ປີຂ້າງໜ້າມີເປົ້າໝາຍຫຍັງໃຫ້ກັບໂຕເອງແດ່?”
ຄວາມກ້າວໜ້າທາງໜ້າທີ່ການງານສອດຄ່ອງກັບຄວາມຕ້ອງການໃນຊີວິດຫຼືບໍ່ ເມື່ອຕ່າງຝ່າຍຕ່າງມີຄວາມຝັນທີ່ຢາກພິຊິດ ບາງຄົນຢາກທ່ອງທ່ຽວທົ່ວໂລກກັບຄົນຮັກກ່ອນອາຍຸ 40 ຍ້ອນຫ່ວງວ່າຊິພາກັນຂໍ້ເຂົ່າເສື່ອມເສຍກ່ອນ ບາງຄົນຢາກມີລູກກ່ອນໄຍແມງມຸມຊິເກາະ ແຕ່ກໍອົດຄຳນຶງບໍ່ໄດ້ເຖິງການມີລູກເມື່ອພ້ອມ ໝາຍຄວາມວ່າເຮົາຈະສາມາດຫາເງິນພໍຈ່າຍຄ່າຮຽນໂຮງຮຽນດີໆໃຫ້ລູກໄດ້ບໍ່ ແລະ ຊິເຮັດໄດ້ກ່ອນທີ່ສັງຂານຈະບໍ່ເອື້ອອຳນວຍຫຼືບໍ່
ສຸດທ້າຍຄວາມຮັກກໍກາຍເປັນວິບາກທີ່ຕ້ອງແຂ່ງກັບເວລາ ແລະເງິນກໍກາຍເປັນໂຕຊ່ວຍເລັ່ງໃຫ້ຮອດເປົ້າໝາຍໄວຂຶ້ນ
.
ການເລີ່ມຕົ້ນຄວາມສຳພັນຈຶ່ງມາຄວບຄູ່ກັບການແນມຫາສັນຍານ ບໍ່ວ່າຈາກເສື້ອຜ້າທີ່ໃສ່ ນຳຫອມທີ່ສີດ ເຄື່ອງປະດັບທີ່ສວມ ຫຼື ລົດທີ່ຂັບ
ສັນຍະລັກທີ່ບົ່ງບອກສະຖານະເຫຼົ່ານີ້ເປັນເໝືອນແວ່ນຂະຫຍາຍທີ່ດຶງຈຸດສົນໃຈຂອງເຮົາໄປຈາກເນື້ອແທ້ຂອງຄວາມຮັກ ແລ້ວຫັນໄປກົດຈັກຄິດໄລ່ມູນຄ່າຂອງວັດຖຸແທນ ຫຼາຍຄົນພົບວ່າໂຕເອງອົດຄິດເລື່ອງນີ້ບໍ່ໄດ້ເມື່ອຮອດຍາມສ້າງຊີວິດຄູ່ກັບໃຜຄົນໜຶ່ງ ຍ້ອນຄວາມຮັກກິນກັບເຂົ້າບໍ່ອິ່ມ ຢ່າງໜ້ອຍໆກໍໃຫ້ມີເງິນຊື້ເກືອສາ ແຕ່ຂໍເປັນເກືອຫິມາໄລເມັດງາມໆສີບົວໆລາຄາແພງຫັ້ນໄດ້ບໍ່
.
ແລ້ວທຸກຄົນເດ ມີຄວາມຄິດເຫັນແນວໃດກັບການຕີມູນຄ່າຂອງຄວາມຮັກດ້ວຍເງິນຕາ?

04/10/2025

ຮາໂລປະຊາຊີ ພໍດີທີມ Youth Penny ເຮົາຈະໄດ້ໄປເຂົ້າຮ່ວມງານ Money Freedom Forum 2025 💸

ມີຫຼາຍຫົວຂໍ້ໜ້າສົນໃຈແຮງ ທຸກຄົນມີ session ໃດທີ່ສົນໃຈເປັນພິເສດບໍ່ ດຽວເຮົາໄປຮ່ວມແລ້ວມາເລົ່າສູ່ຟັງ? 🧐

(Agenda ໃນຄອມເມັນ)

ต้นเดือน เงินเดือนหมดไหมไม่รู้
แต่บัตรร่วมงาน Money Freedom Forum 2025 หมดเกลี้ยงแล้ว!
สำหรับบัตรเข้าร่วมฟังสดในวันงาน
คนที่มีบัตรแล้วมาพบกันวันที่ 11 ตุลาคม 2568 นี้
ที่ TRUE ICON HALL ชั้น 7, ICONSIAM
เริ่มลงทะเบียนตั้งแต่เวลา 9:30 น. เป็นต้นไป
ขอบคุณทุกคนที่สนใจในการสร้างอิสรภาพทางการเงิน
เราดีใจมากที่เรื่อง “เงิน” กลายเป็นเรื่องที่คนไทย
“อยากเข้าใจมากขึ้น” ไม่ใช่แค่ “อยากรวยเร็ว”
แล้วพบกัน
#มหกรรมความรู้สู่อิสรภาพการเงิน

30/09/2025

Invest in your kids (for yourself)? - ຟ້າວເອົາລູກເດີ ຍາມເຖົ້າມາຈຶ່ງຊິມີຄົນເບິ່ງ

ເມື່ອສັງຄົມມາພ້ອມກັບຊຸດຄວາມຄິດຂອງການລ້ຽງລູກເປັນ ‘ການລົງທຶນ’ ເມື່ອຍາມແກ່ເຖົ້າ ຈະໄດ້ມີຄົນເບິ່ງແຍງ ແຕ່ເມື່ອເຊັກສະພາບເສດຖະກິດປັດຈຸບັນ ເຮົາລອງຕັ້ງຄຳຖາມກັນໃໝ່ບໍ່ວ່າ ແຜນການກະສຽນທີ່ດີຄວນລົງນໍ້າໜັກໄວ້ຢູ່ບ່ອນໃດ ການຝາກຄວາມຫວັງໄວ້ກັບຄົນທີ່ຍັງບໍ່ເກີດ ແມ່ນສິ່ງທີ່ດີແທ້ໆຫວາ?
(ຕອບໃຫ້ສັ້ນໆຄື . . . ບໍ່)
ປະເດັນນີ້ອາດລະອຽດອ່ອນແນ່ ແຕ່ເຮົາກໍຄິດວ່າສຳຄັນຫຼາຍທີ່ທຸກຄົນຈະລອງເປີດໃຈທຳຄວາມເຂົ້າໃຈໃຫ້ດີວ່າ ມັນເປັນມາແນວໃດ ແລະ ເປັນຫຍັງ ‘ສັງຄົມ’ ເຮົາ ຄວນສົ່ງເສີມກັນໃຫ້ປ່ຽນຈາກການຫວັງເພິ່ງລູກໆເປັນບ່ອນເພິ່ງພາໃນໄວກະສຽນ ໃຫ້ກັບມາເພິ່ງຕົນເອງກ່ອນ
ສັງຄົມເຮົາມີຄວາມຄິດການຢູ່ແບບ community ຫຼື ຢູ່ແບບຊຸມຊົນມາແຕ່ດົນນານ
ເປັນການເພິ່ງພາກັນແລະກັນ ເພື່ອໃຫ້ພວກເຮົາຢູ່ລອດໄດ້ແບບລວມໝູ່
ຖາມວ່າມັນບໍ່ດີໄປເລີຍຫວາ? ເຮົາກໍວ່າບໍ່ ເພາະຮູບແບບດັ່ງກ່າວກໍພາໃຫ້ເຮົາພັດທະນາວັດທະນະທຳ ແລະ ເຄືອຂ່າຍສັງຄົມທີ່ໃກ້ຊິດກັນຫຼາຍກວ່າ ທັງເຫັນອົກເຫັນໃຈ ແລະ ຊ່ວຍເຫຼືອເກື້ອກູນກັນຫຼາຍກວ່າ
ໃນເມື່ອຂໍ້ດີມັນກໍມີ ແລ້ວບັນຫາແມ່ນຫຍັງ? ເຊິ່ງມັນກໍແມ່ນຄວາມໃກ້ຊິດ ແລະ ການຊ່ວຍເຫຼືອກັນນິລະ ທີ່ມະນຸດເຮົາຫຼີກໜີຈາກຄວາມຮູ້ສຶກຂອງການເປັນ ‘ໜີ້ບຸນຄຸນ’ ບໍ່ໄດ້
ແລະ ມັນກໍໜ້າເສົ້າ ທີ່ບາງຄັ້ງ ‘ໜີ້ທາງໃຈ’ ດັ່ງກ່າວກໍຖືກນຳມາໃຊ້ເປັນເຄື່ອງມືໃນການບົງການຊີວິດເດັກຫຼາຍໆຄົນ
‘ຂ້ອຍລ້ຽງເຈົ້າມາແຕ່ເກີດ ເຈົ້າຕ້ອງຕອບແທນຂ້ອຍ’
‘ເຫັນບໍ່ ລູກແມ່ (ກ.) ລາວໃຫ້ເງິນເດືອນພໍ່ແມ່ເປັນລ້ານໆ’
‘ຖ້າບໍ່ລ້ຽງພໍ່ແມ່ ເຈົ້າກໍເປັນລູກເນລະຄຸນ’
ໃນຖານະລູກ ຄົນຮຸ່ນໃໝ່ຫຼາຍຄົນກໍຄົງຈະໜັກໃຈເມື່ອຕ້ອງພົບເຈິສະຖານະການແບບນີ້ ທີ່ກືນບໍ່ເຂົ້າຄາຍບໍ່ອອກ ຖ້າຈະບໍ່ຊ່ວຍພໍ່ແມ່ເລີຍເຮົາເອງກໍຮູ້ສຶກຜິດ ແຕ່ຖ້າຊ່ວຍເຕັມທີ່ເຮົາກໍຕັ້ງຕົ້ນເອງບໍ່ໄດ້ເລີຍ? ແລ້ວເຮົາຄວນເຮັດແນວໃດ?
“ບົດສົນທະນາກັບພໍ່ແມ່ກ່ຽວກັບສະຖານະການເງິນ ຄວນເລີ່ມຈາກຄວາມຮູ້ສຶກທີ່ເຮົາເປັນຫ່ວງເປັນໃຍ ແລະ ການທີ່ເຮົາຢາກຕອບແທນດ້ວຍໃຈຈິງ” Cameron Huddleston ນັກຂຽນກ່ຽວກັບການລົມເລື່ອງເງິນກັບພໍ່ແມ່ໄດ້ກ່າວໄວ້.
ດັ່ງນັ້ນ ສິ່ງທີ່ດີທີ່ສຸດຄືເປີດໃຈລົມກັບພໍ່ແມ່ວ່າເຮົາຢາກເຂົ້າໃຈສະພາບການເງິນຂອງຄອບຄົວ ແລະ ສຶກສາວ່າເຮົາຈະຊ່ວຍໄດ້ຫຼາຍເທົ່າໃດບົນພື້ນຖານຂອງຄວາມເປັນຈິງ? ໂຕນີ້ກໍເພື່ອຮັບປະກັນວ່າ ການທີ່ເຮົາຊ່ວຍເຫຼືອຄອບຄົວທາງການເງິນນັ້ນ ຈະບໍ່ກັບມາທຳຮ້າຍໂຕເຮົາເອງ
ຢຸດທ໌ ເພັນນີ້ ເອົາໃຈຊ່ວຍທຸກຄົນທີ່ຕ້ອງພົບເຈິສະຖານະການແບບນີ້ ແລະ ຫາກເຮົາເອງກຳລັງຈະເປັນພໍ່ແມ່ຄົນແລ້ວ ຢ່າລືມຢຸດຄິດແນ່ເດີ ວ່າເຮົາຈະວາງແຜນກະສຽນໂຕເອງແບບໃດ ເພື່ອລູກຂອງເຮົາຈະບໍ່ຕ້ອງມາແບກຮັບ ‘ໜີ້ໃຈ’ ອັນໜັກໜ່ວງນີ້.

ອ້າງອີງຈາກ:
https://www.investopedia.com/having-the-talk-with-your-parents-the-financial-discussion-you-must-have-11731611

https://thematter.co/social/how-to-help-aging-parents-have-no-money-for-retirement/205972

https://cameronhuddleston.com/mom-and-dad-we-need-to-talk/

https://www.linkedin.com/posts/vanessa-effanga-20892116a_moneytruths-retirementplanning-financialwisdom-activity-7369236730778009602-yUsv/

Invest in your kids (for yourself)? - ຟ້າວເອົາລູກເດີ ຍາມເຖົ້າມາຈຶ່ງຊິມີຄົນເບິ່ງ
ເມື່ອສັງຄົມມາພ້ອມກັບຊຸດຄວາມຄິດຂອງການລ້ຽງລູກເປັນ ‘ການລົງທຶນ’ ເມື່ອຍາມແກ່ເຖົ້າ ຈະໄດ້ມີຄົນເບິ່ງແຍງ ແຕ່ເມື່ອເຊັກສະພາບເສດຖະກິດປັດຈຸບັນ ເຮົາລອງຕັ້ງຄຳຖາມກັນໃໝ່ບໍ່ວ່າ ແຜນການກະສຽນທີ່ດີຄວນລົງນໍ້າໜັກໄວ້ຢູ່ບ່ອນໃດ ການຝາກຄວາມຫວັງໄວ້ກັບຄົນທີ່ຍັງບໍ່ເກີດ ແມ່ນສິ່ງທີ່ດີແທ້ໆຫວາ?
(ຕອບໃຫ້ສັ້ນໆຄື . . . ບໍ່)
ປະເດັນນີ້ອາດລະອຽດອ່ອນແນ່ ແຕ່ເຮົາກໍຄິດວ່າສຳຄັນຫຼາຍທີ່ທຸກຄົນຈະລອງເປີດໃຈທຳຄວາມເຂົ້າໃຈໃຫ້ດີວ່າ ມັນເປັນມາແນວໃດ ແລະ ເປັນຫຍັງ ‘ສັງຄົມ’ ເຮົາ ຄວນສົ່ງເສີມກັນໃຫ້ປ່ຽນຈາກການຫວັງເພິ່ງລູກໆເປັນບ່ອນເພິ່ງພາໃນໄວກະສຽນ ໃຫ້ກັບມາເພິ່ງຕົນເອງກ່ອນ
ສັງຄົມເຮົາມີຄວາມຄິດການຢູ່ແບບ community ຫຼື ຢູ່ແບບຊຸມຊົນມາແຕ່ດົນນານ
ເປັນການເພິ່ງພາກັນແລະກັນ ເພື່ອໃຫ້ພວກເຮົາຢູ່ລອດໄດ້ແບບລວມໝູ່
ຖາມວ່າມັນບໍ່ດີໄປເລີຍຫວາ? ເຮົາກໍວ່າບໍ່ ເພາະຮູບແບບດັ່ງກ່າວກໍພາໃຫ້ເຮົາພັດທະນາວັດທະນະທຳ ແລະ ເຄືອຂ່າຍສັງຄົມທີ່ໃກ້ຊິດກັນຫຼາຍກວ່າ ທັງເຫັນອົກເຫັນໃຈ ແລະ ຊ່ວຍເຫຼືອເກື້ອກູນກັນຫຼາຍກວ່າ
ໃນເມື່ອຂໍ້ດີມັນກໍມີ ແລ້ວບັນຫາແມ່ນຫຍັງ? ເຊິ່ງມັນກໍແມ່ນຄວາມໃກ້ຊິດ ແລະ ການຊ່ວຍເຫຼືອກັນນິລະ ທີ່ມະນຸດເຮົາຫຼີກໜີຈາກຄວາມຮູ້ສຶກຂອງການເປັນ ‘ໜີ້ບຸນຄຸນ’ ບໍ່ໄດ້
ແລະ ມັນກໍໜ້າເສົ້າ ທີ່ບາງຄັ້ງ ‘ໜີ້ທາງໃຈ’ ດັ່ງກ່າວກໍຖືກນຳມາໃຊ້ເປັນເຄື່ອງມືໃນການບົງການຊີວິດເດັກຫຼາຍໆຄົນ
‘ຂ້ອຍລ້ຽງເຈົ້າມາແຕ່ເກີດ ເຈົ້າຕ້ອງຕອບແທນຂ້ອຍ’
‘ເຫັນບໍ່ ລູກແມ່ (ກ.) ລາວໃຫ້ເງິນເດືອນພໍ່ແມ່ເປັນລ້ານໆ’
‘ຖ້າບໍ່ລ້ຽງພໍ່ແມ່ ເຈົ້າກໍເປັນລູກເນລະຄຸນ’
ໃນຖານະລູກ ຄົນຮຸ່ນໃໝ່ຫຼາຍຄົນກໍຄົງຈະໜັກໃຈເມື່ອຕ້ອງພົບເຈິສະຖານະການແບບນີ້ ທີ່ກືນບໍ່ເຂົ້າຄາຍບໍ່ອອກ ຖ້າຈະບໍ່ຊ່ວຍພໍ່ແມ່ເລີຍເຮົາເອງກໍຮູ້ສຶກຜິດ ແຕ່ຖ້າຊ່ວຍເຕັມທີ່ເຮົາກໍຕັ້ງຕົ້ນເອງບໍ່ໄດ້ເລີຍ? ແລ້ວເຮົາຄວນເຮັດແນວໃດ?
“ບົດສົນທະນາກັບພໍ່ແມ່ກ່ຽວກັບສະຖານະການເງິນ ຄວນເລີ່ມຈາກຄວາມຮູ້ສຶກທີ່ເຮົາເປັນຫ່ວງເປັນໃຍ ແລະ ການທີ່ເຮົາຢາກຕອບແທນດ້ວຍໃຈຈິງ” Cameron Huddleston ນັກຂຽນກ່ຽວກັບການລົມເລື່ອງເງິນກັບພໍ່ແມ່ໄດ້ກ່າວໄວ້.
ດັ່ງນັ້ນ ສິ່ງທີ່ດີທີ່ສຸດຄືເປີດໃຈລົມກັບພໍ່ແມ່ວ່າເຮົາຢາກເຂົ້າໃຈສະພາບການເງິນຂອງຄອບຄົວ ແລະ ສຶກສາວ່າເຮົາຈະຊ່ວຍໄດ້ຫຼາຍເທົ່າໃດບົນພື້ນຖານຂອງຄວາມເປັນຈິງ? ໂຕນີ້ກໍເພື່ອຮັບປະກັນວ່າ ການທີ່ເຮົາຊ່ວຍເຫຼືອຄອບຄົວທາງການເງິນນັ້ນ ຈະບໍ່ກັບມາທຳຮ້າຍໂຕເຮົາເອງ
ຢຸດທ໌ ເພັນນີ້ ເອົາໃຈຊ່ວຍທຸກຄົນທີ່ຕ້ອງພົບເຈິສະຖານະການແບບນີ້ ແລະ ຫາກເຮົາເອງກຳລັງຈະເປັນພໍ່ແມ່ຄົນແລ້ວ ຢ່າລືມຢຸດຄິດແນ່ເດີ ວ່າເຮົາຈະວາງແຜນກະສຽນໂຕເອງແບບໃດ ເພື່ອລູກຂອງເຮົາຈະບໍ່ຕ້ອງມາແບກຮັບ ‘ໜີ້ໃຈ’ ອັນໜັກໜ່ວງນີ້.
ອ້າງອີງຈາກ:
https://www.investopedia.com/having-the-talk-with-your...
https://thematter.co/.../how-to-help-aging-parents.../205972
https://cameronhuddleston.com/mom-and-dad-we-need-to-talk/
https://www.linkedin.com/.../vanessa-effanga-20892116a.../

08/05/2025

Emergency fund – ໃຜຈະຕຸຍກໍຕຸຍ ແຕ່ເຮົາຈະບໍ່ຕຸຍ!

ໃນສະຖານະການໂລກທີ່ປັ່ນປ່ວນແບບນີ້ ທັງພໍ່ເຖ້າທຣັ້ມປັ່ນເສດຖະກິດລາຍວັນ AI ກໍໃກ້ຈະຄອງໂລກ ອາກາດປະເທດລາວກໍສົດຊື່ນເຫຼືອຮ້າຍ ສິ່ງທີ່ດຽວທີ່ອາດຊ່ວຍບໍ່ໃຫ້ການເງິນເຮົາປັ່ນປ່ວນໄປນຳແມ່ນ ‘ເງິນສຳຮອງສຸກເສີນ’
ຄອນເຊັບຂອງເງິນສຸກເສີນກໍກົງໄປກົງມາຕາມຊື່ ແມ່ນເງິນທີ່ເຮົາທ້ອນໄວ້ສຳລັບ ‘ກໍລະນີສຸກເສີນ’ ເນັ້ນວ່າສຳລັບເວລາສຸກເສີນ! ຄືເວລາຢາກກົດບັດຄອນແລ້ວເງິນໃນບັນຊີບໍ່ພໍຈະມາໃຊ້ເງິນນີ້ກໍບໍ່ໄຫວເດີພີ່ຈີ້
ເງິນສຳຮອງສຸກເສີນ ສ່ວນໃຫຍ່ບັນດາ experts ມັກແນະນຳວ່າໃຫ້ເກັບໄວ້ໃຊ້ສຳລັບເວລາທີ່ເຮົາມີຄ່າໃຊ້ຈ່າຍເພີ່ມຂຶ້ນກະທັນຫັນຈຳນວນຫຼາຍ ຕົວຢ່າງງ່າຍໆ ເວລາເຮົາຫຼືຄົນໃນຄອບຄົວບໍ່ສະບາຍໄດ້ເຂົ້າໂຮງໝໍ ເວລາເກີດອຸບັດຕິເຫດ ເວລາຕົກວຽກ ຫຼື ເວລາເຮົາຢາກລາອອກເພາະຄົນຢູ່ບ່ອນເຮັດວຽກປະສາດແດກເກີນໄປ (ໂຕນີ້ເວົ້າຫຼິ້ນແກມແທ້ເດີ ຮັກສາສຸຂະພາບຈິດເຮົາກໍສຳຄັນ)
ເຊິ່ງຫຼາຍໆສຳນັກມັກແນະນຳໃຫ້ກົດສູດ 3-6-9 (ບໍ່ແມ່ນໄປດຣິ້ງ) ແຕ່ແມ່ນຈຳນວນເດືອນທີ່ເຮົາຄວນທ້ອນເງິນເຜື່ອໄວ້ ເພື່ອປະທັງຊີວິດໃຫ້ຢູ່ລອດໄດ້ຕາມຈຳນວນເດືອນນັ້ນໆ
ຕາມສູດບາງເຈົ້າກໍແນະນຳໃຫ້ເຮົາລອງທ້ອນຈາກລາຍຈ່າຍເຮົາແຕ່ລະເດືອນ ບາງເຈົ້າກໍແນະນຳໃຫ້ເຮົາທ້ອນຕາມເງິນເດືອນເຮົາ ອັນນີ້ເຮົາແນະນຳວ່າເອົາຕາມແຕ່ລະຄົນສະດວກເລີຍ ເພາະສຸດທ້າຍແລ້ວລາຍຈ່າຍແຕ່ລະຄົນກໍຕ່າງກັນ
ສຳລັບຈຳນວນເດືອນນັ້ນ ຈາກເວັບສະຫະກອນສິນເຊື່ອ SnoCope ແນະນຳມາ ຈຳນວນເດືອນແລະເງື່ອນໄຂທີ່ເໝາະສົມແມ່ນ
ເກັບ 3 ເດືອນ ສຳລັບຜູ້ທີ່
- ເຊົ່າບ້ານຢູ່ ຫຼື ເສຍຄ່ານ້ຳຄ່າໄຟ
- ບໍ່ມີລູກ ຫຼື ຜູ້ເພິ່ງພາ (ແຟນບໍ່ນັບ)
- ມີລາຍຮັບປະຈຳ (ບໍ່ໄດ້ຕົກວຽກ)
- ມີຄົນຊ່ວຍຢູ່ຖ້າຈົນຕາແຈ (ຄອບຄົວ, ໝູ່, etc.)
ເກັບ 6 ເດືອນ ສຳລັບຜູ້ທີ່
- ມີລູກ ມີຄອບຄົວ
- ມີໜີ້ (ຜ່ອນບ້ານ ຜ່ອນລົດ)
.
ເກັບ 9 ເດືອນ ສຳລັບຜູ້ທີ່
- ປະກອບທຸລະກິດ ຫຼື ເປັນຟຣີແລນຊ໌
ສູດນີ້ແມ່ນແນະນຳມາພໍໃຫ້ເຫັນພາບຊື່ໆເດີ ທຸກຄົນລອງພິຈາລະນາກັນເບິ່ງວ່າເຮົາໄຫວເທົ່າໃດ ຈະໄດ້ຈັກເດືອນກໍແລ້ວແຕ່ ແຕ່ສຳຄົນສຸດແມ່ນຕ້ອງໄດ້ມີເງິນຫ້ວງນີ້ເກັບໄວ້ເດີ ສຳຄົນຫຼາຍໆ

ເພາະສາມມື້ດີສື່ມື້ຮ້າຍ ຫວຍອາດຈະມາລົງທີ່ເຮົາມື້ໃດກໍໄດ້



ອ້າງອີງຈາກ:
https://www.investopedia.com/terms/e/emergency_fund.asp
https://www.snocope.com/the-3-6-9-rules-guidelines-for-emergency-savings #:~:text=Once%20you%20have%20this%20amount,months%20of%20take%2Dhome%20pay.
https://www.youtube.com/watch?v=B-_Or8UPS88

23/04/2025

🚩 Red flag ເຣດແຟລັກເລື່ອງເງິນໃນຄວາມສຳພັນທີ່ຣັບບໍ່ໄດ້ທີ່ສຸດ? 🚩