NLP Power Coach

NEWS!

Since the beginning of 2020 Ter Thammavong from NLP Power Coach has been working on developing content for the Lao public in Lao language.

Today, in partnership with Tony Campbell and his team at Katalyst Partners, Ter is recording for an exclusive online training.

It's a great sensation to witness how the dedication of one individual combined with the altruistic visionary attitude of professionals can benefit everyone.

What an exciting and transforming adventure!

ມັນເປັນສິ່ງໜ້າສົນໃຈທີຈະໂຟກັດສໄປທີວິທີເເກ້ບັນຫາເພື່ອມຸ່ງໄປຫາເປົ້າໝາຍທີຕ້ອງການແທນທີ່ຈະຫຼີກລຽງບັນຫາ.

ຕົວຢ່າງ: ຮຽນໜັງສືແມ່ນເສຍເວລາ ເພາະບໍ່ໄດ້ລົງຕົວຈິງເເລະບໍ່ເຮັດໃຫ້ລວຍຂຶ້ນ!

=> 5 ຄໍາຖາມທີຈະຂະຫຍາຍຄວາມເຊື່ອເພື່ອໄດ້ຮັບຜົນທີຕ້ອງການ.

1. ເຈົ້າຮູ້ຈັກໃຜຄົນໜຶ່ງຮຽນເເລ້ວເອົາໄປປະຕິບັດຕົວຈິງເຮັດໃຫ້ດ້ານການເງິນເຂົາດີຂຶ້ນ ? ເຊັ່ນ: Bill Gates, Elon Musk , Jack Ma.

2. ເຈົ້າສົງໃສບໍວ່າມັນສໍາຄັນທີຈະຮຽນຮູ້ເຂົ້າໃຈໂລກອ້ອມຂ້າງ ເພື່ອມີທາງເລືອກຫຼາຍຂຶ້ນ, ປັບຕົວງ່າຍ, ເເລະຄວບຄຸມຊີວິດ.

3. ຂ້ອຍສົງໃສວ່າບາງທີເຈົ້າມີຄວາມເຊື່ອນີ້ຍ້ອນ ເຈົ້າຍັງບໍ່ໄດ້ຮູ້ຈັກກັບໝູ່ຂ້ອຍຄົນໜຶ່ງທີຮຽນເເລ້ວເອົາໄປສ້າງທຸລະກິດຂອງລາວໃຫ້ດີຂຶ້ນ.

4. ຂ້ອຍບໍ່ຮູ້ວ່າເເມ່ນຫຍັງຈະເກີດຂຶ້ນຖ້າເຈົ້າມີຄວາມຕ້ອງການອື່ນຫຼືທາງເລືອກອື່ນເໜືອກວ່າ ເວລາເເລະເງິນ ?

5. ແມ່ນຫຍັງສໍາຄັນກວ່າບໍທີຈະເປັນເເບບຢ່າງໃຫ້ກັບລູກຫຼານ ແລະ ເເນະນໍາວິທີຈັດການຢ່າງມີປະສິດທິພາບ ?

ດັ່ງທີຂ້ອຍເຄີຍເວົ້າມາກ່ອນ ມັນບໍ່ສິ່ງໃດທີຈະ ຂາວ-ດໍາ ສະເໝີໄປ, ອາດຈະມີສີເທົາປະປົນ ໃນບາງສະພາບການ ຮຽນໜັງສືເປັນໂຫຍດ ເເລະ ເປັນປະໂຫຍດໜ້ອຍ. ບາງບັນຫາມາຈາກພະຍາຍາມເອົາສິ່ງຕ່າງໆເຂົ້າໄປໃນກັບດຽວ 📦 ແລ້ວຕີລວດກວມລວມວ່າສິ່ງນັ້ນຄວນຈະເປັນເເບບນີ້ 100%. ເເນວໃດກໍຕາມຍອມຮັບວ່າມັນຍັງມີມຸມມອງໃນການເບິ່ງໂລກອີກຫຼາຍໆດ້ານ ຈະເຮັດໃຫ້ເຫັນໂອກາດໃໝ່ ແລະຄວາມເປັນໄປໄດ້ເກີດຂຶ້ນ.

ຄວາມລຳ້ລວຍຈຳເປັນ ແລະ ພໍພຽງ ຕໍ່ຊີວິດທີ່ມີຄວາມສຸກບໍ ? ຫຼັງຈາກອ່ານໂພດສນີ້ຈົບເຈົ້າຈະໄດ້ຮຽນຮູ້ກ່ຽວກັບແມ່ນຫຍັງຄືສິ່ງ ຈຳເປັນ ແລະ ພຽງພໍ ຕໍ່ສິ່ງໃດໜຶ່ງໃຫ້ເກີດຂຶ້ນ, ດ້...

ການສື່ສານຂອງເຈົ້າຊັດເຈນບໍ ? ຫຼັງຈາກອ່ານໂພດສນີ້ເຈົ້າຈະໄດ້ຮຽນຮູ້ 2 ວິທີສື່ສານຢ່າງມີປະສິດທິພາບ ຈະຊ່ວຍໃຫ້ເຈົ້າສ້າງມິດຕະພາບ ແລະ ເຂົ້າໃຈກາ...

ເຈົ້າຢາກຮູ້ວິທີປ່ຽນແປງຄວາມຍາກລໍາບາກໃນຊີວິດບໍ?ນີ້ແມ່ນວິທີ👇:

ນີ້ແມ່ນການປ່ຽນແປງຂອງສິ່ງໃດສິ່ງໜຶ່ງທີເປັນເລື່ອງຍາກ ເອົາເປັນວ່າສິ່ງໃໝ່ໆທີຈະເຮັດເປັນເລື່ອງຍາກ ເມື່ອຂ້ອຍຄິດເຖິງເວລາຈະເລີ່ມຕົ້ນທຸລະກິດໃໝ່ກະບໍ່ຮູ້ວ່າຕ້ອງໄດ້ເຮັດຫຍັງເເດ່ ເຮັດແນວໃດ ເເລະຍັງບໍ່ມີຄວາມສາມາດກັບສິ່ງນັ້ນ, ຖ້າເລີ່ມເເລ້ວມັນບໍ່ວໍາເລັດເດ ? ບໍ່ກ້າວໜ້າເດ ? ແລ້ວຂ້ອຍຈະຕ້ອງເຮັດວຽກໜັກຫຼາຍໆຊົ່ວໂມງ ທຸກໆມື້ ເປັນເວລາຢ່າງໜ້ອຍ 3 ປີ, ຂ້ອຍອາດຈະບໍ່ໄດ້ຮັບການສະໜັບສະໜູນ ແລະ ຊ່ວຍເຫຼືອໃດໆ ອາດຈະຕ້ອງເຮັດທຸກຢ່າງຄົນດຽວ, ຍ້ອນມັນຍາກຫຼາຍຄົນຈຶ່ງບໍ່ປ່ຽນແປງ.

ມັນເປັນສິ່ງດຽວກັນສໍາລັບຄົນຕ້ອງການຢາກມີສຸຂະພາບດີ ຢາກລົດຫຸ່ນ ເຂົາກໍາລັງລໍາບາກຕໍ່ການອົດອາຫານ ໄປອອກຕະຫຼາດຊອກຊື້ອາຫານສົດໆ ຮຽນວິທີເເຕ່ງກິນ ປຸງລົດຊາດໃໝ່ໆ ໄດ້ອອກໄປສ້າງສັນກັບໝູ່ໜ້ອຍລົງ ຕ້ອງໄດ້ອອກກໍາລັງກາຍ 3-4 ຄັ້ງຕໍ່ອາທິດ ມັນຊິຍາກຊໍາໃດ.

ເເຕ່ຖ້າເຮົາເຫັນການປ່ຽນແປງເປັນເກມຮຽນຮູ້ທີ່ຈະເຫັນທ້າທາຍ ຮຽນຮູ້ທີຈະສ້າງຄວາມມ່ວນຊື່ນ ຕື່ນເຕັ້ນກັບການເຮັດສິ່ງໃໝ່ໆ ມັນນໍາຄວາມຫຼາກຫຼາຍມາ ແລະ ໃຫ້ລົດຊາດກັບຊີວິດ.

ເມື່ອເຮົາຈິນຕະນາການເຖິງຜົນໄດ້ຮັບ ແລະ ຜົນບວກຕາມມາ, ເຮັດໃຫ້ມັນດີຂຶ້ນ, ພໍໃຈ, ເຕີມເຕັມ ແລະ ມີຄວາມສຸກກວ່າເກົ່າຖ້າເຮົາປ່ຽນມັນ.

ເມື່ອຂ້ອຍເລີ່ມທຸລະກິດຂ້ອຍຈະສາມາດເລີ່ມຕົ້ນມີອິດສະຫຼະພາບ ຈະບໍ່ຕ້ອງກັງວົນກັບລາຍຮັບປະຈໍາອີກຕໍ່ໄປ.

ເມື່ອຂ້ອຍເລິ່ມຕົ້ນອອກກໍາລັງກາຍ ຊອກອາຫານດີໆ ແຊບກວ່າເກົ່າເພາະບໍ່ໄດ້ກິນອາຫານດີໆມາດົນເເລ້ວ ຂ້ອຍກະຊິອອກໄປຫຼິ້ນນໍາໝູ່ດ້ວຍສຸຂະພາບເຂັ້ມແຂງກວ່າ ນຸ່ງເຄື່ອງພໍດີຫຸ່ນຟິດໆ.

ເມື່ອເຈົ້າຄິດເຖິງສິ່ງດີໆ ບວກໆທີຈະເກີດຂຶ້ນໃນອານາຄົດ ເຈົ້າຈະສາມາດປີ້ນໜ້າມືເປັນຫຼັງມື ຄວບຄຸມຄວາມຄິດ ແລະ ປ່ຽນທິດທາງໄປຫາສິ່ງທີດີກວ່າເກົ່າ, ເຫັນຕົວເອງມ່ວນຊື່ນ ເຫັນຕົວເອງກ້າວໜ້າໄປໄກໆ ແລະ ຈະເຫັນຊີວິດກັບມາເຕີມເຕັມອີກຄັ້ງ.

ວິທີກ້າວຂ້າມຄວາມຢ້ານ!

ໜຶ່ງໃນສາເຫດທີເຮັດໃຫ້ຄົນຢຸດບໍ່ກ້າວໄປຂ້າງໜ້າຄື: ເຮົາຢ້ານສູນເສຍ ສະນັ້ນເຮົາຈຶ່ງບໍ່ປ່ຽນເເປງ, ຢ້ານສູນເສຍຄວາມສະບາຍ ສູນເສຍສິ່ງທີຕົນເອງມັກ ສູນເສຍຄົນທີເຄີຍພົວພັນ ສູນເສຍອາຊີບເກົ່າ.

“ເມື່ອເຮົາຕ້ອງການຢາກໄດ້ສິ່ງໃໝ່ ການລົ້ມເລີກສິ່ງເກົ່າ, ລົ້ມເລີກສິ່ງທີຜິດໆນັ້ນສໍາຄັນເທົ່າກັບສິ່ງໃໝ່ທີເຈົ້າຕ້ອງການຢາກໄດ້.“

ລອງຖາມຕົວເອງເບິ່ງ: ຊີວິດຂ້ອຍຈະເປັນເເນວໃດຫຼັງຈາກຂ້ອຍລົ້ມເລີກສິ່ງເກົ່າ ແລະ ໄດ້ຮັບສິ່ງໃໝ່ ?

ການຈິນຕະນາການເຖິງອານາຄົດສາມາດເຮັດໃຫ້ເຮົາຮູ້ວ່າເຮົາຈະໄດ້ຫຍັງຫຼັງຈາກເຮົາສໍາເລັດ ? ແທນທີຈະຈົດຈໍ່ໃສ່ເເຕ່ສິ່ງທີຈະສູນເສຍໃນຕອນນີ້.

ຂ້ອຍຍັງຈື່ໄດ້ວ່າຕອນຂ້ອຍຕ້ອງການຈະລົ້ມເລີກການຮຽນໃນມະຫາໄລເພື່ອເປີດທຸລະກິດໄມ້ເປັນຂອງຕົນເອງ, ຂ້ອຍຮູ້ສຶກຢ້ານທີຈະອອກມາ, ຂ້ອຍຢ້ານສູນເສຍເວລາ ແລະ ຕົ້ນທຶນ, ຢ້ານສູນເສຍໃບປະກາດ ແລະ ອາຊີບທີໝັ້ນຄົງ, ຢ້ານທີຈະເຮັດສິ່ງຍາກໆດ້ວຍຕົວເອງທັງໝົດ. ໂອເຄນັ້ນແມ່ນສິ່ງທີຂ້ອຍສູນເສຍ ເເຕ່ໃນດ້ານນີ້ຂ້ອຍຈະໄດ້ຮັບອິດສະຫຼະພາບເມື່ອຂ້ອຍສໍາເລັດ ຂ້ອຍຈະໄດ້ຮັບເງິນຫຼາຍກວ່າການເຮັດວຽກທີໝັ້ນຄົງ ແລະ ໄດ້ປະສົບການຫຼາຍກວ່າ.

ເມື່ອເຈົ້າໃຫ້ຄວາມສໍາຄັນກັບສິ່ງທີເຈົ້າຈະໄດ້ຮັບໃນອານາຄົດ ແລະ ສິ່ງທີຈະເປັນປະໂຫຍດໃນໄລຍະຍາວ. ແປັ່ງ! ເມື່ອນັ້ນເເຫຼະ! ເຈົ້າຈະກ້າວໄປຂ້າງໜ້າ.

3 ວິທີເພື່ອການຕັດສິນໃຈທີດີຂຶ້ນ！

ເຈົ້າເຄີຍສົງໃສບໍວ່າແມ່ນຫຍັງທີເຮັດໃຫ້ເຈົ້າຕັດສິນໃຈຜິດພາດຊ້ໍາເເລ້ວຊ້ໍາເລົ່າ ຫຼື ຍັງບໍ່ພໍໃຈໃນການຕັດສິນໃຈ ດ້ານຄວາມສໍາພັນທີເຈົ້າເລືອກ, ວຽກທີເຈົ້າເລືອກເຮັດ, ແມ້ກະທັ້ງມື້ໃດຈະໄປຫຼິ້ນ ຫຼື ຊື້ເຄື່ອງຕ່າງໆ. ເມື່ອເຈົ້າຮູ້ວິທີຄິດຢ່າງຊັດເຈນການຕັດສິນໃຈກໍເປັນເລື່ອງງ່າຍແທນທີຈະປ່ອຍໃຫ້ອາລົມພາໄປ.

ນີ້ແມ່ນ 3 ຂັ້ນຕອນທີຈະຊ່ວຍໃຫ້ເຈົ້າຕັດສິນໃຈໃຫ້ດີຂຶ້ນເພື່ອມີຄວາມສຸກ ສໍາເລັດ ເເລະບັນລຸເປົ້າໝາຍ. ດ້ວຍວິທີການເເຍກເເຍະຄວາມເເຕກຕ່າງລະຫວ່າງ: ສະຖານະການ, ອາລົມ ແລະການຕັດສິນໃຈ.

ຂັ້ນຕອນທີ 1: ສະຖານນະການ : ຈາກປະສົບການຕົວຈິງຂອງຂ້ອຍເອງມີມື້ໜຶ່ງລູກຄ້າຂອງຂ້ອຍບໍ່ຊໍາລະໜີ້ທີລາວຄ້າງໄວ້ ແລະ ຂ້ອຍຄິດວ່າມັນບໍ່ຍຸດຕິທໍາ ແລະ ຂາດຄວາມຊື່ສັດ.

ຂັ້ນຕອນທີ 2 : ອາລົມ : ເຮັດໃຫ້ຂ້ອຍຮູ້ສຶກໃຈຮ້າຍ, ກ້າວລ້າວ.

ຂັ້ນຕອນ 3 : ການຕັດສິນໃຈ : ຂ້ອຍເລີຍຕັດສິນໃຈໄວໆດ້ວຍການໂທໄປຮ້າຍລູກຄ້າ ແລະ ກາຍເປັນເລື່ອງໃຫຍ່ຜິດຖຽງກັນ ສຸດທ້າຍກະບໍ່ໄດ້ເງິນຄືນ.

ນີ້ແມ່ນວິທີຂ້ອຍເເກ້ໄຂດ້ວຍການຖາມຕົວເອງ 3 ຄໍາຖາມເພື່ອການຕັດສິນໃຈໃນຄັ້ງໜ້າໃຫ້ມັນດີກວ່າສະຖານະການທີຜ່ານມາ.

• ຖ້າໝູ່ຂ້ອຍຢູ່ໃນສະຖານະການເເບບດຽວກັນກັບຂ້ອຍ, ຂ້ອຍຈະເເນະນໍາລາວເເນວໃດ ?
=ຂ້ອຍຈະເເນະນໍາວ່າຄວນລໍຖ້າ ເເລະ ໃຈເຢັນ ທຸກຢ່າງມີທາງອອກ

• ມັນຈະມີຫຍັງເກີດຂຶ້ນພາຍໃນທິດໜ້າ ເດືອນໜ້າ ເເລະ ປີໜ້າ ?
= ມັນຈະຄ່ອຍໆໄດ້ເງິນຄືນມາເທື່ອລະໜ້ອຍເເນ່ນອນເພາະຂ້ອຍເຊື່ອວ່າມີຄົນຮູ້ຈັກສາມາດຊ່ວຍໄດ້.

• ຖ້າຂ້ອຍມີຄວາມໝັ້ນໃຈຫຼາຍກວ່ານີ້ຂ້ອຍຈະເຮັດເເນວໃດ ?
=ຂ້ອຍຈະຊອກຫາຄົນຊ່ວຍທາງດ້ານນໍາໜີ້ຜູ້ທີມີປະສົບການຜ່ານມາ

ສິ່ງທີປ່ຽນແປງຫຼັງຈາກຂ້ອຍຖາມຕົວເອງຄືຂ້ອຍສາມາດຄວບຄຸມອາລົມໄດ້:

#1 ສະຖານະການ: ລາວຍັງບໍ່ຈ່າຍ ເເຕ່ມັນບໍ່ແມ່ນສິ່ງທີຊົ່ວທີສຸດຂອງຊີວິດ, ຂ້ອຍຄິດວ່າຄວນລໍຖ້າ ແລະ ບໍ່ມີຫຍັງເດືອດຮ້ອນຖ້າເສຍເວລາອີກ 1-2ເດືອນ.

#2 ອາລົມ : ຮູ້ສຶກໃຈເຢັນ ແລະ ທຸ່ນທ່ຽງ.

#3 ການຕັດສິນໃຈ : ຊອກຫາຄົນຮູ້ຈັກໂອລົມເຈລະຈາໃຫ້ຊ່ວຍ ສຸດທ້າຍກະໄດ້ເງິນຄືນໃຊ້ໃນ 2 ເດືອນ.

ເຈົ້າລອງຄິດເຖິງສະຖານະການໃດໜຶ່ງທີຢາກໃຫ້ການຕັດສິນໃຈດີກວ່າເກົ່າ ດ້ວຍວິການແຍກແຍະ: ສະຖານະການ, ອາລົມ, ການຕັດສິນໃຈ ດ້ວຍຖາມຕົວເອງກັບຄໍາຖາມຂ້າງເທິງແລ້ວຈະມີການຕັດສິນໃຈໃດທີເເຕກຕ່າງໃນຄັ້ງໜ້າ ?

ເມື່ອເຈົ້າເບິ່ງສະຖານະການຈາກຫຼາຍໆມຸມມອງ ເພາະວ່າທຸກຄົນມີປະສົບການທີເເຕກຕ່າງກັນທີຈະມາເເບ່ງປັນກັນ, ເຈົ້າຈະໄດ້ຮັບປາຍທາງທີຊັດເຈນ, ຄວບຄຸມຕົວເອງ, ຮັບຮູ້ຫຼາຍສິ່ງອ້ອມຂ້າງ ແລະສາມາດທົບທວນຕົວເອງດ້ານວຽກງານເຊັ່ນດຽວກັນກັບດ້ານຊີວິດສ່ວນຕົວ.