Nyako Sensei - All about Japanese and Laos

23/05/2024

https://www.youtube.com/watch?v=VvNglyMQ59k

Nyako Sensei would like to introduce you all the vocabulary about dogs, puppies. Hope this video would help you more or less to learn more vocabularies in Ja...

11/06/2022

ມີ​ໃຜ​ຢາກ​ໃຫ້​ເຊັນ​ເຊ​ລົງ​ຄ​ຣິບ​ໃຫມ່​ບໍ່? ຊ່ວງ​ນິ​ເຊັນ​ເຊ​ຕິດ​ພາ​ລະ​ກິດ​ໜ້ອຍ​ໜຶ່ງ​ເລີຍ​ບໍ່​ຄ່ອຍ​ໄດ້​ອັດ​ວິ​ດີ​ໂອ​ໃຫມ່... ຢາກ​ໃຫ້​ເຊັນ​ເຊ​ສອນ​ກ່ຽວ​ກັບ​ຫຍັງ​ຄັອມ​ເມັ້ນ​ມາ​ໄດ້​ເດີ້

Sorry for not uploading more clips these days because Sensei is a bit busy. Sensei will try to upload new ones soon. What should Sensei teach for next vids? let me know and comment down below ne ☺️👇👇👇

ສຳ​ລັບ​ວິ​ດິ​ໂອນີ້​ເອົາ​ເຊັນ​ເຊ​ສືບ​ຕໍ່​ວິ​ທີ​ການ​ຂຽນ ແລະ ອ່ານພາສາຍີ່ປຸ່ນ ອັກສອນຮິລະງະນະ, ເຊນ​ເຊ​ຈາກແຖວ ...

21/01/2022

ມື້ນີ້ ສະເໜີຄໍາວ່າ「ダフ屋：だぶや（dabuya) Scalper」ບໍ່ແນ່ໃຈວ່າພາສາລາວຊິໃຊ້ຄໍາໃດ ແຕ່ຄິດເຫັນຄໍານີ້ 「ພວກຂາຍຕໍ່ກິນກໍາໄລ」ເຊິ່ງໃນພາສາຍີ່ປຸ່ນໃຫ້ນິຍາມວ່າ
「ダフ屋」は「チケット類を転売目的で入手して高く売りさばく人や業者のこと: (ດະບຸຢະ) ໝາຍເຖິງບຸກຄົນ ຫລື ຜູ້ຄ້າຂາຍທີ່ຮັບຊື້ ປີ້ຕ່າງໆບໍ່ວ່າຈະເປັນ ປີ້ຄອນເສີດເປັນຕົ້ນ ເພື່ອເອົາມາຂາຍຕໍ່ໃນລາຄາທີ່ສູງກວ່າ (ບໍ່ຖືກກົດໝາຍ)」😝😝😝

21/12/2021

ສໍາລັບຄົນທີ່ຢູ່ຍີ່ປຸ່ນຫລືກຳລັງຈະມາໃຊ້ຊິວິດຢູ່ຍີ່ປຸ່ນ, ທ່ານສາມາດເອົາເຄື່ອງເກົ່າທີ່ບໍ່ໃຊ້ແລ້ວ ໄປແລກຊື້ຂອງໃຫມ່ໄດ້. ຍົກຕົວຢ່າງ ເກີບເກົ່າ, ລົດເກົ່າ ເປັນຕົ້ນ. ໂດຍສະເພາະເກີບ ເຊື່ອແນ່ວ່າຫລາຍຄົນນ່າຈະມີຫລາຍຄູ່, ແຕ່ກະຍັງຢາກຊື້ຄູ່ໃຫມ່, ຊັ້ນຄູ່ເກົ່າຊິເຮັດແນວໃດດີ ໃຈຫນຶ່ງກະບໍ່ຢາກຖິ້ມເປັນຂີ້ເຫຍື້ອ. ມີຂໍ້ມູນດີໆມາຝາກທຸກຄົນ.

ເລົ່າຄໍາສັບນີ້ໄວ້ເລີຍ,

✍️ 下取り(したどり) : trade-in, ແລກຊື້, ຊື້ຂາຍແລກປ່ຽນ, ເອົາ n1 ໄປແລກຊື້ n2, ເອົາໄປເທີນ(ພາສາເວົ້າ)

ຍົກຕົວຢ່າງວ່າ:
①　古い車を下取りに出して新しい車を買いました。
- ເອົາລົດເກົ່າໄປແລກຊື້ລົດໃຫມ່ / ເອົາລົດເກົ່າໄປເທີນເອົາລົດໃຫມ່

②　ここは、下取りに出すことができますか。
- ຢູ່ນີ້ຮັບແລກຊື້ຂາຍບໍ? (ຮັບແລກຊື້ເຄື່ອງເກົ່າເພື່ອຂາຍເຄື່ອງໃຫມ່←ອ່ານລະກະເປັນງົງໆ 😅😅)

ນອກຈາກນີ້ທຸກຄົນຍັງສາມາດສັງເກດສັນຍາລັກທີ່ເພີ່ນອາດຈະຕິດຕາມຮ້ານຄືໃນຮູບທີ່ແອດໄດ້ໂພດມານໍາໄດ້ເລີຍ ຂໍຂອບໃຈຮູບຈາກ cr Google

ເຊິ່ງແຕ່ລະຮ້ານກະຈະບໍ່ຄືກັນບາງຮ້ານກໍ່ໃຫ້ເປັນຄູປ໋ອງ, ບາງຮ້ານກະໃຫ້ເປັນເງິນສົດແລ້ວແຕ່ຮ້ານ ເຊິ່ງມີມູນຄ່າແຕ່ 200-500 ເຢນ ←ດີກວ່າເອົາໄປຖິ້ມເປັນຂີ້ເຫຍື້ອເນາະ. ແຕ່ເງື່ອນໄຂຄືໄປແລກຊື່ໆບໍ່ໄດ້ເນາະ, ຕ້ອງຊື້ນໍາເພິ່ນນໍາ, ຈຶ່ງສາມາດແລກປ່ຽນຊື້ຂາຍໄດ້☺️

ເປັນແນວໃດກະລອງໃຊ້ເບິ່ງເດີ❤️❤️
ຖ້າໃຜມີຄໍາຄິດເຫັນສາມາດແລກປ່ຽນກັນໄດ້ທີ່ຄອມເມັນ.

27/06/2021

ふかひれ
Shark fin
ຫູສະຫລາມ, ແຕ່ທີ່ຈິງມັນບໍ່ແມ່ນຫູປາສະຫຍາມ ☺️☺️

27/06/2021

指切りげんまん（ゆびぎりげんまん）
Pinky swear, Pinky promise
ເກາະກ້ອຍສັນຍາ, ກ່ຽວກ້ອຍສັນຍາ

19/04/2021

✅ ມາເຖິງຂັ້ນຕອນເຂົ້າປະເທດທີ່ແສນຈະຫລາຍຂັ້ນຕອນແຕ່ເປັນລະບຽບສົມເປັນຍີ່ປຸ່ນ.
👉 ກົດອ່ານຄອມເມັນຕາມຮູບເລີຍເພາະມັນຍາວຫລາຍ.
👉　陰性（いんせい）ຜົນເປັນລົບ, ບໍ່ຕິດເຊື້ອ
👉　陽性（ようせい）ຜົນເປັນບວກ, ຕິດເຊື້ອ
✅ ສຸດທ້າຍເວລາໄປເອົາກະເປົາເຄື່ອງເປັນຄັ້ງທໍາອິດທີ່ເຫັນເພິ່ນເອົາຫມາມາດົມກະເປົາ ແຕ່ກະບໍ່ມີຫຍັງຫລາຍ. ນ່າຈະມາດົມຫາສານເສບຕິດ.

02/04/2021

ຝາກ​ຕິດ​ຕາມ​ອີກ​ຊ່ອງ​ທາງ​ໜຶ່ງ​ຂອງ​ເຊັນ​ເຊ​ເດີ້

Nyako Sensei is a channel for everyone who is interested in learning culture and language, especially Laos and Japan.Hope you enjoy and thanks for subscribe....

29/03/2021

✅✅ ການຂໍອອກປະເທດຊ່ວງໂຄວິດ ຕອນ3 (ປ່ຽນຍົນທີ່ອິນຊອນ, ເກົາຫລີໃຕ້)
ຫລັງຈາກທີ່ນັ່ງຍົນມາດົນກໍເຂົ້າຂັ້ນຕອນລົງປ່ຽນຍົນຢູ່ອິນຊອນເຊີ່ງຍົນໄດ້ມາຮອດປະມານຫ້າໂມງປາຍຕອນເຊົ້າແລະຈະອອກໄປນາລິຕະປະມານສິບໂມງຊາວ. ຖືວ່າມີເວລາເຫລືອເຟືອ.
① ຕັ້ງແຕ່ຢູ່ເທິງຍົນເພິ່ນຈະຢາຍເອກະສານໃຫ້ຕື່ມເຊິ່ງຢູ່ນີ້ຈະໃຊ້ພຽງສອງໃບຄືສີຂາວ Travel Record Declaration 〈ເອກະສານ1〉ແລະ ໃບສີເຫລືອງ Health Declaration Form〈ຮູບສອງ〉ເຊິ່ງຈະມີເຈົ້າຫນ້າທີ່ມາກວດອຸນຫະພູມລະຂຽນໃສ່ເຈ້ຍສີຂາວ, ແລະເພີ່ນຊິຖາມວ່າ Transit ບໍ່ ລະເພິ່ນກະຊິຂຽນ TS ໃສ່ເຈ້ຍສີເຫລືອງ. ຈາກນັ້ນກະເອົາເຈ້ຍແລະພາດສະປອດໄປຍື່ນຢູ່ຊ່ອງ 〈ຮູບສອງ〉ພະນັກງານກະຈະເກັບແຕ່ໃບສີເຫລືອງໄວ້. ໃຫ້ສີຂາວເຮົາເກັບໄວ້ເປັນທີ່ລະນຶກ.
② ຫລັງຈາກຜ່ານດ່ານດັ່ງກ່າວເຮົາກະຍ່າງໄປຕາມປ້າຍປ່ຽນຍົນ (ຫ້າມອອກໄປບ່ອນກວດຄົນເຂົ້າເມືອງເດັດຂາດ ຍ່າງກາຍໂລດ), ຂຶ້ນຂີ່ລົດໄຟໃນສະຫນາມບິນເພື່ອໄປແພັດຟອມເທີມິນໍຫນຶ່ງ, ເນື່ອງຈາກຕ້ອງປ່ຽນສາຍການບິນສະນັ້ນຕ້ອງໄດ້ໄປເຊັກອິນເອົາປີ້ໃຫມ່ ເຊິ່ງຫາບໍ່ຍາກເລີຍ. ສາຍການບິນຂອງເຈົ້າຂອງແມ່ນ ASIANA airlines.
③ ຈາກນັ້ນກໍຍັງມີເວລາເຫລືເຟືອພໍໄດ້ງີບຈັກຊົ່ວໂມງ. ແຕ່ຢ່າລືມຕອບແບບສອບຖາມຂອງກະຊວງສາທາຂອງຍີ່ປຸ່ນກ່ອນເຂົ້າຍີ່ປຸ່ນເຊິ່ງສາມາດເຂົ້າໄປຕາມລິ້ງຫລື QR code〈ຮູບສາມ〉ແຕ່ຢ່າລືມຕໍ່ເນັດຟີຢູ່ສະຫນາມບິນກ່ອນ ແນະນໍາວ່າເຮັດໄວ້ກ່ອນດີກວ່າເພາະຄ່ອນຂ້າງໃຊ້ເວລາ. ເຊິ່ງມັນຈະມີໃຫ້ເລືອກຫລາຍພາສາເຊັ່ນພາສາໄທກະມີ, ຫລັງຈາກຕອບຫມົດແລ້ວສຸດທ້າຍຈະອອກ QR code ຄໍາຕອບຂອງເຮົາ. ຢ່າລືມເຄັບຮູບຫນ້າຈໍໄວ້ຢັ້ງຢືນຕອນຮອດນາລິຕະ〈ຮູບສີ່〉
ຫລັງຈາກນັ້ນກະລໍຖ້າຂື້ນຍົນໄດ້, ຢູ່ອິນຊອນຮ້ານສ່ວນຫລາຍຍັງເປີດປົກກະຕິ ມີຮ້ານລັອດເຕເລຍ, ຮ້ານຄ້າປອດພາສີຕ່າງໆ ແລະ ທີ່ສໍາຄັນອານຫານຂອງສາຍການບິນ ASIANA airlines ເຊິ່ງກໍາແມ່ນຂອງເກົາຫລີຄືກັນ ຢາກບອກວ່າແຊບແລະອີ່ມຄັກ 〈ຮູບຫ້າ〉ນັກບິນຢາກວ່າຂັບປານຂີ່ໂລເລີຄັອດສະເຕີພຸ້ນລະຕອນຂຶ້ນກັບຕອນລົງແຕ່ໂດຍລວມໂອເຄເລີຍ. ໂພສເທື່ອຫນ້າຈະເປັນຂັ້ນຕອນການເຂົ້າຍີ່ປຸ່ນທີ່ມີຄວາມລະທຶກສຸດໆ ຖ້າຕິດຕາມອີກບໍ່ດົນເດີ້.

25/03/2021

✅✅ ການຂໍອອກປະເທດຊ່ວງໂຄວິດ ຕອນ2 (ທີ່ເດີ່ນບິນວັດໄຕ)
ເນື່ອງຈາກເປັນຖ້ຽວບິນພິເສດໃນຊ່ວງນີ້ເລີຍຈໍາເປັນຕ້ອງໄປໄວກວ່າປົກກະຕິເພືີ່ອໄວ້ສາມຊົ່ວໂມງ. ສະຫນາມບິນກໍຈະຫງຽບເປັນພິເສດຮ້ານອາກຫານສ່ວນຫລາຍບໍ່ເປີດໄຄແຕ່ຊັ້ນລຸ່ມເພິ່ນຍັງມີຮ້ານຫນຶ່ງທີ່ພໍມີອາຫານຢູ່ ພໍໄດ້ກິນເຂົ້າປຽກຮອງທ້ອງເພາະເຈົ້າຂອງຄິດວ່າຊິໄປຝາກທ້ອງຢູ່ສະຫນາມບິນ ຄິດຜິດສະນັ້ນໃຜທີ່ຊິອອກເດີ່ນໃຫ້ຫາຫຍັງກິນກ່ອນມາດີກວ່າ.
① ເຄົາເຕີເຊັກອິນເພິ່ນກໍຈະເຄັ່ງເປັນພິເສດເລື່ອງນໍ້າຫນັກກະເປົາ, ກວດວິຊ້າ, ເອກະສານຕ່າງໆແລະທີີ່ເພີ່ມມາແມ່ນເອກະສານ Declaration of indemnity ຂອງສາຍການບິນ Tway. ກະມີແຕ່ຂຽນເມວລະກະເຊັນ.
② ດ່ານຕໍາຫລວດກະປະຕິບັດປົກກະຕິແຕ່ເພິ່ນຊິສອບຖາມລະອຽດຫນ້ອຍຫນຶ່ງວ່າໄປເຮັດຫຍັງ, ລະກະບຣາບຣາບຣາ.
③ ນັ່ງຖ້າມາລາທອນຊາມຍົນອອກ ທາງດ້ານໃນບ່ອນລໍຖ້າຂຶ້ນເຄື່ອງກະຊິເປັນວ່າງໆ ແຕ່ຢູ່ໃນກະຍັງມີຮ້ານເປີດປົກກະຕິ, ມີຮ້ານກາເຟສອງຮ້ານ, ສະຫລຸບວ່າຢູ່ດ້ານນອກບໍ່ມີແຕ່ຜ່ານບ່ອນຈໍ້າກາມາລະຈະມີຮ້ານຄືເກົ່າ. ຮູ້ສຶກວ່າມີຕັ່ງຫລາຍຂຶ້ນ ແລະ ກວ້າງກວ່າເກົ່າ.
④ ກຽມຕົວຂຶ້ນຍົນ, ເນື່ອງຈາກຍົນເປັນປະເພດແອຄຣາຟ, ເພິ່ນຈຶ່ງບໍ່ມີຫມອນຫລືຜ້າຫົ່ມໃຫ້ແນະນໍາໃຜທີ່ຂີ້ຫນາວໃຫ້ຖືມາເອງ, ແຕ່ຮູ້ສຶກວ່າເພິ່ນກະບໍ່ໄດ້ເປີດແອແຮງປານໃດ, ລະໃຫ້ຊື້ນໍ້າດື່ມໄປນໍາສຳລັບໃຜທີ່ມັກກິນນໍ້າເພາະເທິງຍົນຈະບໍ່ມີການບໍລິການຫຍັງ.
ໃຊ້ເວລາຈາກວຽງຈັນຮອດອິນຊອນປະມານຫ້າຊົ່ວໂມງ.
ໃນທີ່ສຸດກະຮອດຈຸດຫມາຍແຕ່ບໍ່ໄດ້ນອນປານໃດເພາະຍົນຢາກສັ່ນຕະຫລອດ. ແຕ່ກະຮອດຕະຫລອດປອດໄພ ຂອບໃຈສາຍການບິນທີເວ.
ເທື່ອຫນ້າຈະແມ່ນຊັ້ນຕອນການປ່ຽນຍົນຢູ່ເກົາຫລີເດີ.

23/03/2021

✅✅ການຂໍອອກປະເທດຊ່ວງໂຄວິດ ຕອນ1 (ກໍລະນີໄປຍີ່ປຸ່ນ🇯🇵🇯🇵)
ມື້ນີ້ຈະຂໍແຊປະສົບການການຂໍອອກປະເທດໃຫ້ທຸກຄົນເພື່ອວ່າຈະເປັນປະໂຫຍດໃຫ້ຫລາຍໆຄົນ.
①　ທໍາອິດເລີຍຕ້ອງກວດອາຍຸຂອງຫນັງສືຜ່ານແດນ ແລະວີຊາ ຫລື ບັດພັກເຊົາຢູ່ຍີ່ປຸ່ນ (Residence Card) ວ່າຍັງນໍາໃຊ້ໄດ້ບໍ່.
② ຂໍໃຫ້ທາງບໍລິສັດທີ່ຢູ່ຍີ່ປຸ່ນບ່ອນເຮົາເຮັດວຽກອອກຫນັງສືຢັ້ງຢືນວ່າເຮົາເປັນພະນັກງານຂອງເຂົາພ້ອມທັງລະບຸບ່ອນກັກໂຕ ແລະ ຫລັງຈາກກັກໂຕຈະໄປໃສ? (ຕົວຢ່າງ 〈ເອກະສານ 1〉 ຂໍເພິ່ນເຮັດເປັນອັງກິດໃຫ້).
③ ຈັດແຈງຈອງປີ້ຍົນຈາກສະຫນາມບິນວັດໄຕຫາອິນຊອນ ແລະ ອິນຊອນຫານາລິຕະ ຕາມແຕ່ສະດວກເວລາຂອງແຕ່ລະຄົນ. ຕາມລາຄາທີ່ຂ້າພະເຈົ້າຊື້ມາແມ່ນ 1000+ ໂດລ້າ. ໄດ້ນໍ້າຫນັກຊາວກິໂລແລະເຄື່ອງຖືຂຶ້ນຍົນເຈັດກິໂລ. ຈາກນັ້ນຂໍໃຫ້ທາງຕົວແທນຂາຍປີ້ຊ່ວຍອອກໃບຈອງໃຫ້ທັນທີ.
④ ເມື່ອໄດ້ເອກະສານຄົບແລ້ວຕ້ອງເອົາໄປແຈ້ງສອງບ່ອນຄືສະຖານທູດ (ຕ້ອງຟ້າວຍື່ນໃຫ້ທັນເວລາເພີ່ນກໍານົດ ເຊິ່ງກວດໄດ້ຈາກຫນ້າເພດເຟສບຸກຂອງສະຖານທູດຍີ່ປຸ່ນ, ກໍລະນີຂ້າພະເຈົ້າອອກທີ18/3 ຕ້ອງແຈ້ງບໍ່ໃຫ້ກາຍທີ9/3. ເອກະສານກະມີ ໃບຈອງປີ້, ສໍາເນົາພາດສະປອດ, ກັອບປີ້ບັດພັກເຊົາ, ເອກະສານຢັ້ງຢືນຈາກຍີ່ປຸ່ນ) ແລະ ອີກບ່ອນແມ່ນກົງສູນກະຊວງຕ່າງປະເທດ (ບ່ອນອອກຫນັງສືຜ່ານແດນ ເວລາໄປຍື່ນກໍໃຊ້ເອກະສານແບບດຽວກັບສົ່ງສະຖານທູດ ແລະຈະຕ້ອງໄດ້ຂຽນໃບສະເຫນີຂໍອອກປະເທດເອງຖ້າມີຫມູ່ໄປນໍາກັນກະໃຫ້ຄົນຫນຶ່ງຂຽນລະກະລະບຸວ່າມີຈັກຄົນກໍໄດ້ ແລ້ວເພິ່ນຈະໃຫ້ໃບນັດຕິດຕາມຜົນ ຕົວຢ່າງ〈ເອກະສານ 4〉ກໍລະນີຂ້າພະເຈົ້າເພິ່ນນັດມາເອົາມື້ອອກເລີຍຄືວັນທີ18/3 ສ່ວນມື້ໄປຍື່ນແມ່ນທີ10/3 ຕາມຟັງມາຄັນບໍ່ມີບັນຫາເພິ່ນຈະບໍ່ໂທຫາແຕ່ທາງທີ່ດີຄວນຂໍເບີຕິດຕາມນໍາດີກວ່າເພື່ອມີບັນຫາຈຶ່ງແກ້ໄຂທັນ, ເອກະສານທີ່ໄດ້ແມ່ນ 〈ເອກະສານ 7〉)
⑤ ການກວດໂຄວິດກ່ອນອອກເດີນທາງແມ່ນສອງມື້ກ່ອນອອກເດີ່ນ. ເພາະໃຊ້ເວລາມື້ຫນຶ່ງໃນການກວດຕົວຢ່າງຂ້າພະເຈົ້າແມ່ນໄປກວດທີ 16/3 ໄດ້ຜົນທີ 17/3 ອອກເດີ່ນທີ 18/3. ສໍາລັບຂັ້ນຕອນແມ່ນ ໄປກວດຢູ່ສູນວິເຄາະ ແລະ ລະບາດວິທະຍາ ຫລັກສີ່. ພໍໄປຮອດກໍຈະແນມເຫັນໂລດ ຢູ່ຕິດປະຕູທາງເຂົ້າອອກເລີຍ. ເພິ່ນຈະແບ່ງເປັນສອງແຖວ (ເບິ່ງຍາກຫນ້ອຍຫນຶ່ງກໍລະນີຄົນຫລາຍ) ຫມາຍຄວາມວ່າໃຫ້ເອົາພາດສະປອດໄປສະແກນເພື່ອຮັບໃບລົງທະບຽນກ່ອນ 〈ເອກະສານ 5〉, ຫລັງຈາກນັ້ນຈຶ່ງໄປຕໍ່ແຖວຖ້າຈ່າຍເງິນຄ່າກວດ (ກວດດັງກັບຄໍ1,200,000 ກີບ ແຕ່ຕອນນີ້ໄດ້ຍິນວ່າຫລຸດລົງຄາລົງມາແລ້ວ, ແນມໄປເຫັນບາງຄົນເຊິ່ງເປັນຄົນຈີນມີການກວດເລືອດພ້ອມ ເຊິ່ງຕ້ອງຈ່າຍ 2 ລ້ານກີບ ນ່າຈະແລ້ວແຕ່ປະເທດປາຍທາງຢາກໄດ້ຫຍັງ) ແລະ ຫລັງຈາກຈ່າຍເງິນແລ້ວກະເຂົ້າກວດເລີຍ ເປັນອັນວ່າຈົບສໍາລັບມື້ນັ້ນ. ມີແຕ່ຕ້ອງຖື〈ເອກະສານ 5〉 ມາຮັບຜົນກວດຢູ່ຫ້ອງການໃຫ້ກັນກັ້ນໃນມື້ຕໍ່ມາ ແລະຈະໄດ້ໃບຢັ້ງຢືນ 〈ເອກະສານ 6〉

ກະຖືວ່າຂັ້ນຕອນແລ່ນເອກະສານອອກສໍາເລັດ, ຕໍ່ໄປແມ່ນມື້ອອກເດີນທາງ ແລະ ຊ່ວງລໍຖ້າປ່ຽນຍົນ. ມື້ອື່ນຈະມາເລົ່າໃຫ້ຟັງໃຫມ່ເດີ້.
📝 ເນື່ອງຈາກສະຖານະການທີ່ປ່ຽນແປງໄດ້ຕະຫລອດອາດມີການປ່ຽນແປງ ຫລື ເພີ່ມເຕີມໄດ້. ຖ້າຜິດພາດປະການໃດກໍຂໍອະໄພມານະທີ່ນີ້ດ້ວຍ.

Cr. ຮູບປີ້ຍົນຈາກບໍລິສັດຂາຍປີ້ຍົນ.

01/02/2021

ຄໍາສັບມື້ນີ້ແມ່ນ
✅暇つぶし（ひまつぶし): To kill time, passing time⏳⏳
ແປເປັນລາວແມ່ນ, ຂ້າເວລາ
📝ຕົວຢ່າງ:
①オンラインゲームをして暇を潰しています。
👉ກຳລັງຫລິ້ນເກມອອນໄລຂ້າເວລາຢູ່.
②彼女が来る迄にゲームセンターで暇つぶしをしましょうか。
👉ຂ້າເວລາຢູ່ຮ້ານເກມຖ້າຊາມຊາລາວມາປະ!
③暇つぶしに映画を見ました。
👉ເບິ່ງຫນັງຂ້າເວລາ.

ນອກຈາກນັ້ນເພິ່ນກໍຍັງໃຊ້ຄໍາວ່າ
✅時間を潰す（じかんをつぶす）ເຊິ່ງມີຄວາມຫມາຍຂ້າເວລາຄືກັນ ⏳⏳
📝ຕົວຢ່າງ:
①テレビゲームをして時間をつぶします。
👉ຫລິ້ນເກມໂທລະທັດຂ້າເວລາ.