ລັດທິມາກ-ເລນິນ ລະບອບສັງຄົມນິຍົມ

ທິດສະດີຊີ້ນຳ-ນຳພາ ພາລະກິດປະຕິວັດຂອງພວກເຮົາແມ່ນຫຍັງ?
………………………………………………………………………..
ທິດສະດີທີ່ພັກເຮົານຳໃຊ້ເຂົ້າໃນພາລະກິດປະຕິວັດ ເພື່ອປົດປ່ອຍປະເທດຊາດ ແລະ ສ້າງຕັ້ງລະບອບປະຊາທິປະໄຕ ປະຊາຊົນລາວ ຂຶ້ນໂດຍເພີ່ນໄດ້ນຳໃຊ້ທິດສະດີປະຕິວັດຂອງພັກກອມມູນນິດ (ລັດທິມາກ-ເລນິນ) ໂດຍອີງໃສ່ບົນພື້ນຖານຕົວຈິງຂອງປະເທດ ສົມທົບກັບ ມູນເຊື້ອຕໍ່ສູ້ອັນພິລະອາດຫານຂອງປະຊາຊົນລາວບັນດາເຜົ່າ ທີ່ມີມາແຕ່ດົນນານ, ຊຶ່ງພັກເຮົາໄດ້ມີການປັບປຸງ, ປ່ຽນແປງ ແລະ ແກ້ໄຂທິດສະດີມາກ-ເລນິນ ຢ່າງມີຫົວຄິດປະດິດສ້າງ ເພື່ອໝູນໃຊ້ເຂົ້າໃຫ້ແທດເໝາະກັບສະພາບຄວາມເປັນຈິງຂອງປະເທດເຮົາ ຊຶ່ງໄດ້ສະແດງອອກຢ່າງຈະແຈ້ງໃນຢູ່ໃນ ບົດລາຍງານການເມືອງຕໍ່ກອງປະຊຸມໃຫຍ່ສ້າງຕັ້ງພັກປະຊາຊົນປະຕິວັດລາວ. ໄດ້ມີການກຳນົດແນວທາງ ແລະ ໂຄງການ ການເມືອງ 12 ຂໍ້ຂອງພັກ ຊຶ່ງໄດ້ລະບຸໄວ້ຢ່າງຈະແຈ້ງວ່າ:
ໂລກໃນປະຈຸບັນ ໄດ້ແບ່ງອອກເປັນສອງຝ່າຍຢ່າງຈະແຈ້ງ : ຝ່າຍຈັກກະພັດ ອັນມີຈັກກະພັດອາເມລິກາ ເປັນຫົວ ໂປ່ໂປ ພວມກົດຂົ່ມ ແລະ ກົດຂີ່ຂູດຮີດ ມີອຸບາຍກໍ່ສົງຄາມໂລກຄັ້ງໃໝ່ຂຶ້ນ ເພື່ອຂ້າພັນຄັນແທງ ປະຊາຊົນປະເທດຕ່າງໆ. ພວກເຂົາ ໄດ້ສ້າງຕັ້ງກຸມນາໂຕ, ກຸມຊີ ອາໂຕ, ແລະ ສ້າງຖານທັບຢູ່ໃນທຸກໆ ປະເທດທີ່ຂຶ້ນກັບເຂົາ ເພື່ອກະກຽມສົງຄາມໂລກຕັ້ງທີ່ສາມ.
ຕໍ່ໜ້າສະພາບການຂອງ ໂລກ ແລະ ສະພາບການພາຍໃນປະເທດທີ່ສັບສົນຄືດັ່ງກ່າວ ເທິງນັ້ນ ແລະ ໃນໄລຍະໃໝ່ແຫ່ງປະຫວັດສາດຂອງຊາດ, ປະຊາຊົນ ເຮົາພວມຮຽກຮ້ອງໃຫ້ມີພັກການເມືອງ ປະຕິວັດ ທີ່ຈົງຮັກພັກດີຕໍ່ປະຊາຊົນ, ຕໍ່ປະເທດຊາດ ປະຊາຊົນກ້າວຂຶ້ນຢ່າງໜັກເໝັນ. ເພື່ອອຸທິດບອກທາງໃຫມ່.
ໂດຍຕອບສະໜອງຄວາມຮຽກຮ້ອງຕ້ອງການດັ່ງກ່າວນັ້ນ ມື້ນີ້, ຊາວກອມມູນິດລາວ ໄດ້ດຳເນີນກອງປະຊຸມໃຫຽ່ ເພື່ອສ້າງຕັ້ງພັກການເມືອງພັກໜຶ່ງຂຶ້ນ ເຊິ່ງເດີນຕາມລັດທິມາກ-ເລນິນ ໂດຍໃສ່ຊື່ວ່າ ພັກປະຊາຊົນລາວ. ພັກນີ້ ເປັນຜູ້ສືບທອດພາລະກິດຂອງພັກກອມມູນິດອິນດູຈີນ ແລະ ມູນເຊື້ອພິລະອາດຫານຂອງວິລະບູລຸດທີ່ຍອມເສຽສະຫລະຊີວິດເພື່ອຊາດ, ເປັນຕົວແທນອັນແທ້ຈິງ ຂອງຊົນຊັ້ນກຳມະກອນແລະ ຊາວຜູ້ອອກແຮງງານ, ເດັດດຽວປົກປ້ອງສິດ ແລະ ຜົນປະໂຫຽດອັນຊອບທຳຂອງທຸກຊັ້ນຄົນ ແລະປະຊາຊົນເຜົ່າຕ່າງໆ ໃນທົ່ວປະເທດ. ພັກນີ້ ຖືເອົາການຮັບໃຊ້ປະເທດຊາດ, ຮັບໃຊ້ປະຊາຊົນ ເປັນທິດນຳໃຫ້ເຜົ່າທຸກການກະທຳຂອງຕົນ.
ພັກປະຊາຊົນລາວ ຈະປະກອບດ້ວຍ ບຸກຄົນທີ່ດີເດັນກວາໝູ່, ຮັກປະເທດຊາດ, ຮັກປະຊາຊົນຢ່າງແທ້ຈິງກວ່າໝູ່ພາຍໃນຊາດ. ພັກຈະກໍ່ສ້າງກ້ອນກຳລັງສາມັກຄີປວງຊົນ ໂດຍເອົາຊັ້ນຄົນທີ່ອອກແຮງງານດ້ວຍຕີນມີ ແລະ ມັນສະໝອງຢູ່ໃນຕົວເມືອງ ແລະ ຊົນນະບົດ ເປັນຫລັກໝັ້ນອັນບໍ່ປ່ຽນແປງຂອງພັກປະຊາຊົນລາວແມ່ນ: ສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ.
ສະນັ້ນ ພັກຈິ່ງມີແຜນນະໂຍບາຍ ແລະ ຊຸກຍູ້ການຮວມມື ລະຫວ່າງບັນດາກຳລັງປະເທດລາວ ກັບລັດຖະບານພະລາຊະອານາຈັກ ເພື່ອພ້ອມກັນປະຕິບັດສັນຍາຢຸດຮີບ ແລະ ສ້າງຕັ້ງລັດຖະບານປະສົມເອກະພາບ. ຜູ້ທີ່ທຳລາຍສັນຕິພາບ, ແຕະຕ້ອງ ເຖິງຄວາມເປັນ ເອກະລາດຂອງລາວ, ກີດກັ້ນຄວາມເປັນເອກະພາບຂອງຊາດລາວ, ປາບປາມປະຊາຊົນລາວ ລ້ວນແຕ່ເປັນສັດຕູຂອງ ພັກ ແລະ ຂອງຊາດ. ໃນປະຈຸບັນ ພວກດັ່ງກ່າວນັ້ນແມ່ນ: ຈັກກະພັດອາເມລິກາ, ຝ່າຍລາເມືອງຂຶ້ນຝະລັ່ງທີ່ທຳລາຍສັນຍາຢຸດຮົບ ແລະ ລູກແຫລ້ງຕີນມືຂອງເຂົາ.
ຄົນລາວທຸກຄົນ ໂດຍບໍ່ຈຳແນກຊັ້ນວັນນະ, ເຜົ່າຊົນ, ສາສະໜາ, ເພດໄວ ຖ້າເຫັນດີເຫັນພ້ອມກັບສັນຕິພາບ, ເອກະລາດ, ເສລີພາບ, ປະຊາທິປະໄຕ, ເອກະພາບ ລ້ວນແຕ່ເປັນນິດຜູ້ທີ່ດີ ຂອງພັກ.
ໂດຍຍຶດໝັ້ນໃນຫລັກໝັ້ນຂອງພັກ ແລະ ອີງໃສ່ສະພາບການຂອງໂລກ ແລະ ພາຍໃນປະເທດ, ໜ້າທີ່ລວມຂອງພັກໃນໄລຍະນີ້ແມ່ນ ສາມັກຄີນຳພາທົ່ວປວງຊົນສູ້ຊົນສຳເລັດ ພາລະກິດປົດປ່ອຍຊາດ. ເຮັດໃຫ້ປະເທດລາວ ເປັນປະເທດສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ.
ເພື່ອສຳເລັດໜ້າທີ່ອັນໜັກໜ່ວງ ແຕ່ມີກຽດສະຫງ່າງາມທີ່ສຸດ ດັ່ງກ່າວ ຂ້າງເທິງນັ້ນ, ພັກໄດ້ວາງບັນດານະໂຍບາຍພື້ນຖານ ແລະ ໂຄງການດຳເນີນງານສະເພາະໜ້າ ໂດຍຫຍໍ້ ດັ່ງລຸມນີ້ :
໑)-ຕ້ານຈັກກະພັດອາເມລິກາ, ຝ່າຍລ່າເມືອງຂຶ້ນຝະລັ່ງ ທີ່ທຳລາຍສັນຍາຢຸດຮົບ ແລະ ພວກລູກແຫລ້ງຕີນມືຂອງເຂົາ ທີ່ພວມຜິປອງທຳລາຍສັນຕິພາບ, ແບງແຍກຊາດເຮົາ, ແກ່ດຶງເອົາປະເທດເຮົາ ເຂົ້າກຸມຮຸກຮານ ແລະ ຫວັງແກ່ຍາວສະພາວະກົດຂີ່ປະເທດເຮົາ.
໒)-ຕໍ່ສູ້ທວງໃຫ້ລັດຖະບານພະລາຊະອານາຈັກຕ້ອງຈິງໃຈ ຮ່ວມມືກັບບັນດາກຳລັງປະເທດລາວ ເພື່ອປະຕິບັດສັນຍາຢຸດຮົບ, ປັບປຸງສັນຕິພາບ, ປະຕິບັດສິດເສລີພາບປະຊາທິປະໄຕ, ດຳເນີນການ ເລືອກຕັ້ງທົ່ວໄປຢ່າງເສລີ ເພື່ອເຕົ້າໂຮມປະເທດຊາດເປັນເອກະພາບ, ສ້າງຕັ້ງລັດຖະບານປະສົມ ແລະ ສຳເລັດພາລະກິດເອກະລາດແຫ່ງຊາດ.
໓)-ມະຫາສາມັກຄີທົ່ວປວງຊົນ, ສ້າງຕັ້ງແນວໂຮມເອກະພາບແຫ່ງຊາດຢ່າງກວ້າງຂວາງ ໂດຍຕັ້ງຢູ່ບົນພື້ນຖານ ພັນທະພາບກຳມະກອນ-ຊາວນາ.
๔)-ກໍ່ສ້າງ ແລະປັບປຸງກຳລັງປະກອບອາວຸດ ແລະ ເຄິ່ງປະກອບອາວຸດໃຫ້ກາຍເປັນກອງທັບປະຊາຊົນ ເພື່ອປົກປັກຮັກສາເຂດທີ່ໝັ້ນ, ໜູນຫລັງໃຫ້ແກ່ການຕໍ່ສູ້ທາງການເມືອງ, ທັງເປັນເສົາຄ້ຳແຫ່ງການປົກປັກຮັກສາສັນຕິພາບ.
໕)-ປົວແປງຊີວິດການເປັນຢູ່ຂອງປະຊາຊົນທຸກຊັ້ນຄົນ :
- ຕໍ່ກຳມະກອນ, ຕ້ອງຮັບປະກັນໃຫ້ໜີວຽກເຮັດງານທ ຳເແລະ ຕ້ອງ ໄດ້ຮັບການດູແລ ເບິ່ງແຍງ ເປັນຢ່າງດີ.
- ຕໍ່ຊາວໄຮນາ, ຕ້ອງມີດິນໄຣດິນນາ ເພື່ອຂະຫຽາຍກະສິກຳ ແລະມີຢູ່ມີກິນ.
- ຕໍ່ຊາວຜູ້ອອກແຮງງານດ້ວຍມັນສະໝອງ, ຕ້ອງມີການໃຊ້ ເຂົາເຈົ້າຢ່າງສົມກຽດ ແລະ ຊ່ວ ຊ່ວຍເຫລືອເຂົາເຈົ້າ ເພື່ອຂະຫຽາຍ ความคວາມສາມາດ.
- ຕໍ່ນາຍທຶນອຸດສາຫະກຳ-ການຄ້າ, ຕ້ອງມີການສົ່ງເສີມ ເຂົາເຈົ້າໃຫ້ດຳເນີນການຜະລິດ ທຸລະກິດ ເພື່ອພັດທະນາອຸດສາຫະກຳ - ການລາ.
- ຕໍ່ຜູ້ຊົງຄຸນວຸດທິທີ່ຮັກຊາດ, ເຈົ້າກົກເຈົ້າເຫລົ່າ ຕ້ອງມີ ນະໂຍບາຍອັນເໝາະສົມ.
໖)-ປະຕິບັດສິດເສລີພາບ ປະຊາທິປະໄຕ ຕໍ່ປະຊາຊົນ: ເສລີພາບໃນການປາກເວົ້າ, ເສລີພາບໃນການຂີດຂຽນ, ເສລີພາບ ໃນການຈັດຕັ້ງ, ເສລີພາບໃນການຊຸມນຸມ, ເສລີພາບໃນການ ໄປມາຫາສູ່ກັນ ແລະອື່ນໆ.
໗)-ປະຕິບັດສິດສະເໝີພາບລະຫວ່າງ ເພດຍິງກັບເພດຊາຍ, ປະຕິບັດນະໂຍບາຍສະເໝີພາບ ແລະສາມັກຄີລະຫວ່າງບັນດາເຜົ່າ, ລົບລ້າງຄວາມອາລາດບາດໝາງ, ຄວາມແບ່ງແຍກລະຫວ່າງ ເຜົ່າ d 1 ຕ່າງໆ ຢູ່ພາຍໃນປະເທດ ທີ່ພວກລ່າເມືອງຂຶ້ນ ແລະ ສັກດິນາເປັນ.
ໆ)-ເຄົາລົບສິດເສລີພາບໃນການເຊື່ອຖື ເແລະ ຮີດຄອງ ປະເພນີ ຂອງປະຊາຊົນເຜົ່າຕ່າງໆ, ຕ້ານໄພບໍ່ຮູ້ໜັງສື, ຂະຫຽາຍ ວັດທະນະທ ຳແຫ່ງຊາດ.
໙)-ສຳລັບຊາວຕາງດ້າວທີ່ອາໄສຢູ່ໃນປະເທດລາວ ຕ້ອງເຄົາລົບອະທິປະໄຕ, ເອກະລາດຂອງລາວ ຈຶ່ງຈະໄດ້ຮັບປະກັນຊີວິດ, ຊັບສົມບັດ ແລະ ສິດເສລີພາບໃນການຕັ້ງພູມລຳເນົາແລະການທຸລະກິດ.
໑๐)-ຜູກມິດກັບທຸກປະເທດທີ່ເຄົາລົບເອກະລາດ, ອະທິປະໄຕ ແລະ ຜືນແຜ່ນດິນອັບຄົບຖ້ວນຂອງປະເທດເຮົາ. ຜູກສາຍສຳພັນ ໃນທຸກດ້ານ ລະຫວ່າງປະເທດເຮົາ ກັບບັນດາປະເທດດັ່ງກ່າວ ບົນ ຫລັກການສະເໝີພາບ, ຕ່າງຝ່າຍຕ່າງໄດ້ຮັບຜົນ.
໑໑)-ຕັ້ງໜ້າກໍ່ສ້າງບຳລຸງພະນັກງານ, ສະເພາະຢ່າງຍິ່ງເນັ້ນເອົາໃຈໃສ່ພະນັກງານກຳມະກອນ-ຊາວໄຮນາ, ເຜົ່າຊົນສ່ວນໜ້ອຍ.
໑໒)-ອອກແຮງກໍ່ສ້າງພັກປະຊາຊົນລາວ ໃຫ້ກາຍເປັນພັກ ທີ່ເຂັ້ມແຂງຂອງຊົນຊັ້ນກຳມະກອນ ແລະຊາວຜູ້ອອກແຮງງານ ເພື່ອໃຫ້ມີຄວາມສາມາດພຽງພໍໃນການນຳພາການປະຕິວັດລາວ ໃຫ້ໄປສູ່ ໄຊຊະນະສຸດທ້າຍ

………………………………………………………
(ຄັດຈາກ: ປື້ມ ໄກສອນ ພົມວິຫານ ນິພົນເລືອກເຟັັ້ນ 1 ໜ້າ 1-7; ບົດລາຍງານກອງປະຊຸມໃຫຽ່ສ້າງຕັ້ງພັກປະຊາຊົນລາວ-ກອງປະຊຸມໃຫຽ່ຄັ້ງທີ 1 ຂອງພັກ ໄດ້ດຳເນີນນັບແຕ່ວັນທີ່ ໒໒ ມິນາ ເຖິງວັນທີ ໖ ເມສາ ໑໙໕໕ ທີ່ ຖານທີ່ຫມັ້ນຊຳເຫນືອ)

#ກອງປະຊຸມໃຫຍ່ ຄັ້ງທີ V ຂອງພັກ ໄດ້ກຳນົດບັນດາ ແນວທາງບາງຕອນວ່າ:
...........................................
#ກອງປະຊຸມໃຫຍ່ໄດ້ດຳເນີນ ແຕ່ວັນທີ 27-29/03/1991, ທີ່ນະຄອນຫລວງວຽງຈັນ, ພາຍໃຕ້ການເປັນປະທານ ຂອງສະຫາຍ ໄກສອນ ພົມວິຫານ, ເລຂາທິການໃຫຍ່ ຄະນະບໍລິຫານງານສູນກາງພັກ. ມີຜູ້ແທນເຂົ້າຮ່ວມ 367 ສະຫາຍ ທີ່ມາຈາກຂະແໜງການ, ທ້ອງຖິ່ນ ແລະ ຮາກຖານຕ່າງໆ ເຊິ່ງເປັນຕົວແທນໃຫ້ແກ່ສະມາຊິກພັກ ຈຳນວນ 60.000 ສະຫາຍ ໃນທົ່ວປະເທດ. ເລືອກຕັ້ງເອົາຄະນະບໍລິຫານງານສູນກາງພັກ 59 ສະຫາຍ, ໃນນັ້ນ ສຳຮອງ 4 ສະຫາຍ. ມີການປ່ຽນແປງແນວທາງການຈັດຕັ້ງຈຳນວນໜຶ່ງ, ເປັນຕົ້ນ ປ່ຽນຈາກເລຂາທິການໃຫຍ່ຄະນະບໍລິຫານງານສູນກາງພັກ ມາເປັນປະທານຄະນະບໍລິຫານງານສູນກາງພັກ ໂດຍໄດ້ເລືອກເອົາ ສະຫາຍ ໄກສອນ ພົມວິຫານ ເປັນປະທານ; ເລືອກຕັ້ງເອົາກົມການເມືອງ 11 ສະຫາຍ, ສ່ວນຄະນະເລຂາທິການນັ້ນ ເນື່ອງຈາກວ່າບໍ່ມີເລຂາທິການໃຫຍ່ ຈຶ່ງບໍ່ຈຳເປັນມີຄະນະເລຂາອີກ, ແຕ່ໄດ້ເລືອກຕັ້ງເອົາສະຫາຍ ປະທານຄະນະບໍລິຫານງານສູນກາງພັກ ເປັນຜູ້ປະຈໍາການ ຂອງຄະນະບໍລິຫານງານສູນກາງພັກ.
#ເນື້ອໃນຫຍໍ້ຂອງມະຕິ: ກອງປະຊຸມໄດ້ກຳນົດລັກສະນະ ແລະ ໄລຍະຂອງການປະຕິວັດປະເທດເຮົາ ໃນໄລຍະປັດຈຸບັນວ່າ: ແມ່ນໄລຍະແຫ່ງການສືບຕໍ່ສ້າງ ແລະ ຂະຫຍາຍລະບອບປະຊາທິປະໄຕ ປະຊາຊົນ, ສ້າງຖະຖົມປັດໄຈກ້າວຂຶ້ນສັງຄົມນິຍົມເທື່ອລະກ້າວ.
#ໄດ້ກຳນົດ 7 ທິດທາງໜ້າທີ່ລວມ:
1). ສືບຕໍ່ສ້າງພາລະກິດປ່ຽນແປງໃໝ່ຢ່າງຮອບດ້ານ, ເພີ່ມທະວີຄວາມສາມັກຄີເປັນອັນໜຶ່ງ ອັນດຽວຂອງປວງຊົນລາວທັງຊາດ ບົນພື້ນຖານພັນທະພາບກຳມະກອນ-ກະສິກອນ ແລະ ປັນຍາຊົນ ນັກຮຽນຮູ້ ພາຍໃຕ້ການນຳພາ ຂອງພັກ;
2). ຕັ້ງໜ້າສົ່ງເສີມເສດຖະກິດຫລາຍພາກສ່ວນ ແນໃສ່ຂະຫຍາຍກຳລັງການຜະລິດ ຢ່າງແຂງແຮງ, ຫັນປ່ຽນເສດຖະກິດທຳມະຊາດ ແລະ ເຄິ່ງທຳມະຊາດ ໄປສູ່ເສດຖະກິດສິນຄ້າ, ເຮັດໃຫ້ຊີວິດການເປັນຢູ່ທາງດ້ານວັດຖຸ ແລະ ວັດທະນະທຳຂອງປະຊາຊົນເຜົ່າຕ່າງໆ ນັບມື້ນັບດີຂຶ້ນ;
3). ເສີມຂະຫຍາຍປະຊາທິປະໄຕ ໃນທຸກຂົງເຂດຊີວິດສັງຄົມ, ເຊີດຊູບົດບາດຂອງບັນດາອົງການຈັດຕັ້ງ ມະຫາຊົນ ແລະ ອົງການຈັດຕັ້ງສັງຄົມ;
4). ກໍ່ສ້າງກົງຈັກລັດໃຫ້ເປັນລັດຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນຢ່າງແທ້ຈິງ ທີ່ເຄື່ອນໄຫວຕາມລັດຖະທຳມະມູນ ແລະ ກົດໝາຍ;
5). ເພີ່ມທະວີບົດບາດ ການນຳພາຂອງພັກ ໃນລະບົບການເມືອງຢ່າງບໍ່ຢຸດຢັ້ງ;
6). ປັບປຸງວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນ, ປົກປັກຮັກສາເອກະລາດ, ອະທິປະໄຕຂອງຊາດ ແລະ ລະບອບໃໝ່ໄວ້ໃຫ້ໝັ້ນຄົງ, ຮັບປະກັນ ສະຖຽນລະພາບທາງດ້ານການເມືອງ, ຄວາມສະຫງົບສຸກ ແລະ ຄວາມເປັນລະບຽບຮຽບຮ້ອຍໃນທົ່ວສັງຄົມ;
7). ສືບຕໍ່ເປີດກວ້າງການພົວພັນ ແລະ ການຮ່ວມມືກັບນາໆປະເທດ ແລະ ບັນດາອົງການຈັດຕັ້ງສາກົນ;
ທັງໝົດເຫລົ່ານັ້ນ ເພື່ອສ້າງປະເທດລາວ ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ, ປະກອບສ່ວນເຂົ້າໃນພາລະກິດ ການຕໍ່ສູ້ເພື່ອສັນຕິພາບ ເອກະລາດແຫ່ງຊາດ ປະຊາທິປະໄຕ ແລະ ຄວາມກ້າວໜ້າທາງສັງຄົມໃນໂລກ.

#ໄດ້ກຳນົດທັດສະນະພື້ນຖານ ກ່ຽວກັບການປ່ຽນແປງໃໝ່ລະບົບການເມືອງ: ການປ່ຽນແປງໃໝ່ລະບົບການເມືອງຢູ່ປະເທດເຮົາ “ບໍ່ໝາຍຄວາມວ່າ ຕ້ອງປ່ຽນແປງຈາກລະບອບການເມືອງນີ້ ດ້ວຍລະບອບການເມືອງອື່ນ, ແຕ່ຫາກແມ່ນ ການບູລະນະການຈັດຕັ້ງ ຂອງລະບົບການເມືອງປະຊາທິປະໄຕ ປະຊາຊົນ ແລະ ປ່ຽນແປງໃໝ່ແບບວິທີເຄື່ອນໄຫວຂອງມັນ ບົນພື້ນຖານການກຳນົດພາລະ ບົດບາດ, ໜ້າທີ່ຂອງແຕ່ລະອົງປະກອບໃຫ້ຈະແຈ້ງ...

#ໄດ້ກຳນົດ 4 ທິດນຳ ຂອງການປ່ຽນແປງໃໝ່ລະບົບການເມືອງ ຄື:
1). ຮັບປະກັນລັກສະນະສືບທອດ ແລະ ຂະຫຍາຍຕົວ, ຕ້ານແນວຄິດຮັກສາເດີມ ແລະ ທ່າອ່ຽງປະຕິເສດຢ່າງສິ້ນເຊີງ ບັນດາຜົນງານທີ່ຍາດມາໄດ້;
2). ດຳເນີນໄປເປັນແຕ່ລະບາດກ້າວ ດ້ວຍຄວາມຮອບຄອບ, ໜັກແໜ້ນ, ບໍ່ສ້າງຄວາມກະທົບກະເທືອນທີ່ຮ້າຍແຮງດ້ານສັງຄົມ ແລະ ຈິດຕະສາດ, ຮັບປະກັນ ສະຖຽນລະພາບຂອງປະເທດຊາດ;
3). ດຳເນີນໄປຢ່າງຄົບຊຸດ ມີການປະສານສົມທົບຢ່າງກົມກຽວ ລະຫວ່າງ ການປ່ຽນແປງໃໝ່ ໃນຂົງເຂດຕ່າງໆດ້ວຍກັນ;
4).ເຊີດຊູຄຸນນະພາບ ແລະ ກໍາລັງແຮງໃໝ່ໃຫ້ທຸກອົງການຈັດຕັ້ງ.

#ພັກໃນພາລະກິດປ່ຽນແປງໃໝ່: ຕ້ອງເພີ່ມທະວີບົດບາດການນໍາພາຂອງພັກ. ໃນຊຸມປີຕໍ່ໜ້າ ພວກເຮົາຕ້ອງ ເອົາໃຈໃສ່ 5 ຫລັກການ ແລະ 3 ທິດນຳ ກ່ຽວກັບການສ້າງພັກໃນໄລຍະໃໝ່ຄື:
#3 ທິດນຳ ຄື:
1). ດ້ານການເມືອງ: ເຊີດຊູຄວາມຮັບຜິດຊອບໃນການນໍາພາຂອງພັກຕໍ່ທົ່ວສັງຄົມ ໃຫ້ສູງກວ່າເກົ່າ, ວາງ ແລະ ບູລະນະແນວທາງນະໂຍບາຍໃໝ່ ມີລັກສະນະກຳນົດທິດຂະຫຍາຍຕົວຂອງປະເທດຊາດ ໃນທຸກຂົງເຂດໃຫ້ສອດຄ່ອງກັບກົດເກນຂະຫຍາຍຕົວຂອງສັງຄົມ ແລະ ສອດຄ່ອງ ກັບສະພາບການຕົວຈິງຂອງປະເທດຊາດ, ຕອບສະໜອງຄວາມມຸ່ງມາດປາຖະໜາອັນແຮງກ້າ ຂອງປະຊາຊົນ. ຕົກລົງທິດທາງແກ້ໄຂບັນດາວຽກງານໃໝ່ຂອງທົ່ວປະເທດ. ໃນການເຄື່ອນ ໄຫວຂອງຕົນ ພັກຍາມໃດກໍເຄົາລົບລັດຖະທຳມະນູນ ແລະ ກົດໝາຍຂອງລັດ, ບໍ່ເຮັດໃຫ້ພາລະບົດບາດຄຸ້ມຄອງ, ອໍານວຍຄວບຄຸມແທນລັດ. ວິທີການນໍາພາອັນສໍາຄັນຂອງພັກເຮົາ ຕໍ່ອົງການອໍານາດລັດ ແລະ ອົງການຈັດຕັ້ງມະຫາຊົນ ແມ່ນຜ່ານບົດບາດນໍາໜ້າເປັນແບບຢ່າງ ຂອງພະນັກງານ, ສະມາຊິກພັກທີ່ເຮັດວຽກງານຢູ່ໃນອົງການ ແລະ ການຈັດຕັ້ງເຫລົ່ານັ້ນ. ວິທີການນໍາພາຂອງພັກ ຕໍ່ປະຊາຊົນແມ່ນຜ່ານການສຶກສາອົບຮົມ, ອະທິບາຍ, ຊັກຊວນ, ເຮັດໃຫ້ເຂົາເຈົ້າເຂົ້າໃຈເຂົ້າເຖິງ ແລະ ປະຕິບັດແນວທາງນະໂຍບາຍຂອງພັກ ແລະ ລັດ ດ້ວຍຄວາມເປັນເຈົ້າການ ແລະ ຫ້າວຫັນ. ຄວາມຮັບຜິດຊອບຂອງພັກ ຍັງສະແດງອອກໃນການວາງແນວທາງນະໂຍບາຍ ກ່ຽວກັບພະນັກງານ, ບຳລຸງສ້າງ ແລະ ກະກຽມພະນັກງານຫລັກແຫລ່ງສໍາລັບຂັ້ນຕ່າງໆ. ພ້ອມກັນນັ້ນ, ພັກກໍ່ຍັງມີຄວາມຮັບຜິດຊອບໃນການກວດກາດູແລການເຄື່ອນໄຫວຂອງພະນັກງານ, ສະມາຊິກພັກ, ຂອງບັນດາອົງການລັດ ແລະ ອົງການຈັດຕັ້ງມະຫາຊົນ ເພື່ອຮັບປະກັນໃຫ້ພາກ ປະຕິບັດເປັນໄປຕາມທິດທີ່ໄດ້ກຳນົດໄວ້.
2). ດ້ານແນວຄິດ: ຍົກລະດັບສຶກສາອົບຮົມ, ລັກສະນະຕໍ່ສູ້ ແລະ ລັກສະນະຕົວຈິງຂອງວຽກງານແນວຄິດທິດສະດີ. ແຕ່ໃດໆມາວຽກງານແນວຄິດທິດສະດີແມ່ນມີບົດບາດສໍາຄັນທີ່ສຸດ. ມາໃນປະຈຸບັນ ວຽກງານນີ້ຍິ່ງມີບົດບາດສໍາຄັນ ຕໍ່ການເພີ່ມທະວີຄວາມເປັນເອກະພາບຂອງທົ່ວພັກ, ທົ່ວປວງຊົນຕໍ່ແນວທາງແຫ່ງການປ່ຽນແປງໃໝ່ຂອງພັກ, ໂດຍສະເພາະແມ່ນໃນຄະນະທີ່ ຖານະການທົ່ວໄປພວມຜັນແປໄປຢ່າງສັບສົນຢູ່ນີ້. ດັ່ງນັ້ນ ພວກເຮົາຕ້ອງຖືວຽກງານແຖວໜ້າ, ເຮັດໃຫ້ທົ່ວພັກທົ່ວປວງຊົນກຳແໜ້ນຈຸດໝາຍ, ເຊື່ອມຊຶມ ແລະ ເຂົ້າໃຈແຈ້ງແນວທາງການສືບຕໍ່ສ້າງ ແລະ ຂະຫຍາຍປະຊາທິປະໄຕ ປະຊາຊົນ, ເຂົ້າໃຈສະພາວະຄວາມເປັນຈິງຂອງປະເທດຊາດ ເພື່ອຈັດຕັ້ງປະຕິບັດແນວທາງນັ້ນ ໃຫ້ບັນລຸຜົນເປັນຈິງ. ພ້ອມກັນນັ້ນ ກໍ່ຕ້ອງເຮັດໃຫ້ພະນັກງານ, ສະມາຊິກພັກ ແລະ ປະຊາຊົນ ຮັບຮູ້ຢ່າງເລິກເຊິ່ງ ມູນເຊື້ອອັນດີງາມຂອງຊາດ ແລະ ຂອງພັກ, ມີນໍ້າໃຈຮັກຊາດ, ມີສະຕິລະວັງຕົວສູງ, ບໍ່ຫວັ່ນໄຫວຄອນແຄນໃນສະພາວະຫຍຸ້ງຍາກສັບສົນ, ມີຄວາມເດັດດ່ຽວໜຽວແໜ້ນ ໃນທຸກກໍລະນີຂອງສະພາບການ. ສະເພາະຢ່າງຍິ່ງຕ້ອງເຮັດໃຫ້ພະນັກງານ, ສະມາຊິກພັກຮັກສາ ແລະ ເຊີດຊູຄຸນສົມບັດສິນທຳປະຕິວັດ, ເປັນຕົ້ນແມ່ນຄວາມຈົ່ງຮັກພັກດີ, ຄວາມສັດຊື່ສຸດຈະລິດຕໍ່ພັກ ແລະ ຕໍ່ປະຊາຊົນ, ເດັດດ່ຽວຕ້ານທຸກການກະທໍາທີ່ນໍາຄວາມເສື່ອມເສຍໃຫ້ແກ່ພັກ ແລະ ອົງການຈັດຕັ້ງລັດເຊັ່ນ: ເຮັດວຽກແບບອາດຍາສິດ, ຫ່າງເຫີນຈາກມະຫາຊົນ, ແນວຄິດຮັກສາເດີມ, ແບ່ງພັກແຍກພວກ, ລ່ວງອໍານາດ, ນາບຂູ່ຂັ້ນລຸ່ມ ແລະ ປະຊາຊົນ, ສວຍໃຊ້ໜ້າທີ່ຕຳແໜ່ງ ເພື່ອຜົນປະໂຫຍດສ່ວນຕົວ ກໍ່ຄືປະກົດການຫຍໍ້ທໍ້ຕ່າງໆ. ບັນຫາສໍາຄັນອີກອັນໜຶ່ງ ແມ່ນຕ້ອງສຶກສາອົບຮົມໃຫ້ພະນັກງານ, ສະມາຊິກພັກ ແລະ ປະຊາຊົນ ທຸກເຜົ່າທຸກຊັ້ນຄົນຮູ້ແຈ້ງໜ້າທີ່, ຄວາມຮັບຜິດຊອບ ແລະ ພັນທະຂອງຕົນ, ມີສະຕິເຄົາລົບກົດໝາຍ, ປະຕິບັດໜ້າທີ່ ແລະ ທຳມາຫາກິນ ໂດຍຖືກຕ້ອງຕາມກົດໝາຍ, ເຄົາລົບຜົນປະ ໂຫຍດສ່ວນລວມ ແລະ ປະຕິບັດພັນທະຕໍ່ປະເທດຊາດຢ່າງຄົບຖ້ວນ. ໃນໄລຍະໃໝ່ນີ້ ພວກເຮົາຕ້ອງສືບຕໍ່ຄົ້ນຄວ້າບັນດາຫລັກມູນພື້ນຖານ ຂອງລັດທິມາກ-ເລນິນ, ບາງບັນຫາທິດສະດີທີ່ຕິດພັນກັບໜ້າທີ່ການເມືອງ ແລະ ສອດຄ່ອງກັບເງື່ອນໄຂ ຕົວຈິງຂອງປະເທດເຮົາ ເຊັ່ນ: ທິດສະດີກ່ຽວກັບລະບອບປະຊາທິປະໄຕປະຊາຊົນ, ລັດ ແລະ ກົດໝາຍ, ກ່ຽວກັບເສດຖະກິດສິນຄ້າ, ຈຸດພິເສດຂອງສັງຄົມລາວ ແລະ ຄົນລາວ ເພື່ອເປັນພື້ນຖານທາງດ້ານທິດສະດີ ແລະ ພຶດຕິກຳໃຫ້ແກ່ພາລະກິດປ່ຽນແປງໃໝ່ຢູ່ປະເທດເຮົາ. ເພື່ອເຮັດຫລ້ອນໜ້າທີ່ດັ່ງກ່າວນັ້ນ, ມັນຮຽກຮ້ອງໃຫ້ທຸກຂະແໜງການ, ທຸກຂັ້ນເພີ່ມທະ ວີວຽກງານແນວຄິດການເມືອງ, ປັບປຸງທາງດ້ານເນື້ອໃນ, ຮູບການ ແລະ ວິທີການ. ສະເພາະ ບັນດາອົງການແນວຄິດທິດສະດີຂອງພັກ ຕ້ອງເຊີດຊູບົດບາດເປັນເສນາທິການ ຂອງຕົນໃຫ້ແກ່ພັກໃນດ້ານນີ້ຂຶ້ນຕື່ມ, ຕິດແທດກັບຕົວຈິງ, ເຂົ້າໃຈແນວຄິດຈິດໃຈ ແລະ ຄວາມມຸ່ງມາດປາຖະ ໜາຂອງປະຊາຊົນ, ຊອກເຫັນປັດໃຈໃໝ່ບັນຫາໃໝ່ ແລະ ເປັນເຈົ້າການແກ້ໄຂບັນຫາເຫລົ່າ ນັ້ນຢ່າງທັນການ.
3). ດ້ານການຈັດຕັ້ງ: ປ່ຽນແປງໃໝ່ວຽກງານຈັດຕັ້ງຂອງພັກ ວຽງານຈັດຕັ້ງພັກແມ່ນໜຶ່ງໃນວຽກງານ ອັນສໍາຄັນທີ່ສຸດຂອງພັກ ທີ່ແນໃສ່ຮັບປະກັນການປະຕິບັດຈຸດໝາຍຍຸດທະສາດຂອງພັກ ໃຫ້ເປັນຈິງ. ມີການຈັດຕັ້ງທີ່ຖືກຕ້ອງ ແລະ ແໜ້ນໜາ ຈະເຮັດໃຫ້ເກີດກຳລັງແຮງທີ່ທະວີຄູນຂຶ້ນຫລາຍເທົ່າ, ຮັບປະກັນຄວາມເປັນເອກະພາບ ແລະ ລັກສະນະນໍາໜ້າຂອງຖັນແຖວພະນັກງານ ສະມາຊິກພັກ, ເຮັດໃຫ້ທຸກຂອດວຽກງານເດີນແມ່ນແລ່ນສະດວກ ແລະ ເຂົ້າແກັບເຂົ້າເກຍກັນ. ດັ່ງນັ້ນ ການປ່ຽນແປງໃໝ່ວຽກງານການຈັດຕັ້ງ ໃຫ້ສອດຄ່ອງກັບເງື່ອນໄຂຕົວຕິງຂອງ ໄລຍະໃໝ່ ຈິ່ງເປັນຄວາມຮຽກຮ້ອງຕ້ອງການອັນຮີບດ່ວນ ແນໃສ່ເຮັດໃຫ້ການຈັດຕັ້ງກາຍເປັນກຳລັງແຮງ ແລະ ເປັນປັດໄຈຕັດສິນໃນການປະຕິບັດແນວທາງນະໂຍບາຍຂອງພັກ. ພວກເຮົາ ຄວນເອົາໃຈໃສ່ໃຫ້ຖືກຕ້ອງວ່າການປ່ຽນແປງໃນການຈັດຕັ້ງ ແມ່ນການປ່ຽນແປງໃນໂຄງຮ່າງ ການຈັດຕັ້ງ, ດັດແປງຮູບການ ແລະ ວິທີການເຄື່ອນໄຫວ, ການພົວພັນກໍ່ຄືລະບອບວິທີເຮັດວຽກ, ເປັນຕົ້ນແມ່ນການຈັດວາງ, ຊັບຊ້ອນພະນັກງານ.
#5 ຫລັກການດັ່ງນີ້:
1/- ຖືບັນດາຫລັກມູນທີ່ມີລັກສະນະທົ່ວໄປຂອງລັດທິມາກ-ເລນິນເປັນພື້ນຖານແນວຄິດ ທິດສະດີຂອງພັກ, ນອກຈາກນັ້ນ ກໍ່ຮັບເອົາສິ່ງຍອດຍິ່ງທາງດ້ານສະຕິປັນຍາຂອງມວນມະນຸດ, ໝູນໃຊ້ທິດສະດີວິທະຍາສາດ ແລະ ບົດຮຽນຂອງປະເທດຕ່າງໆ ໃຫ້ແທດເໝາະກັບພຶດຕິກຳ ແລະ ເງື່ອນໄຂຕົວຈິງຂອງປະເທດເຮົາ, ເສີມຂະຫຍາຍນໍ້າໃຈສາມັກຄີປອງດອງຂອງປະຊາຊົນ ບັນດາເຜົ່າ ແລະ ມູນເຊື້ອຮັກຊາດ, ສົມທົບລັດທິຮັກຊາດອັນແທ້ຈິງຂອງລັດທິສາກົນອັນພ່ອງໃສ.
2/- ເຊື່ອມຊຶມ ແລະ ປະຕິບັດຫລັກການລວມສູນປະຊາທິປະໄຕຢ່າງຖືກຕ້ອງ. ນີ້ເປັນ ຫລັກການພື້ນຖານທາງດ້ານການຈັດຕັ້ງຂອງພັກເຮົາ ຊຶ່ງພວກເຮົາຕ້ອງຮູ້ໝູນໃຊ້ຢ່າງຖືກຕ້ອງ ເຂົ້າໃສ່ການນໍາພາຂອງການເຄື່ອນໄຫວ ແລະ ການດໍາເນີນຊີວິດ. ພວກເຮົາຕ້ອງເພີ່ມທະວີປະ ຊາທິປະໄຕພາຍໃນພັກຍິ່ງຂຶ້ນເຊັ່ນ: ປະຊາທິປະໄຕໃນການແຈ້ງຂ່າວໃຫ້ພະນັກງານ, ສະມາ ຊິກພັກ, ໃນການລົງມະຕິ, ໃນການເລືອກຕັ້ງບັນດາອົງການນໍາຂັ້ນຕ່າງໆ ຂອງພັກ, ໃນການ ດໍາເນີນຊີວິດພັກ, ໃນການຄົ້ນຄວ້າທິດສະດີ ແລະ ວິທະຍາສາດ, ໃນວຽກງານພະນັກງານ, ໃນ ການລົງວິໄນ, ໃນການອອກຄວາມຄິດຄວາມເຫັນຂອງສະມາຊິກພັກ... ແຕ່ຕ້ອງຮັບຮູ້ແຈ້ງວ່າ ປະຊາທິປະໄຕ ຂອງພັກເຮົາແມ່ນປະຊາທິປະໄຕລວມສູນ, ສະນັ້ນ ຕ້ອງປະຕິບັດຢ່າງເຂັ້ມງວດ
ຫລັກການສຽງສ່ວນໜ້ອຍປະຕິບັດຕາມສຽງສ່ວນຫລາຍ, ການຈັດຕັ້ງການນໍາຂັ້ນລຸ່ມ ປະຕິບັດ ຕາມການຈັດຕັ້ງການນໍາຂັ້ນເທິງ, ທົ່ວພັກປະຕິບັດຕາມສູນກາງ. ໃນການນໍາພາຕ້ອງປະຕິບັດ ຕາມຫລັກການນໍາພາເປັນໝູ່ຄະນະ, ບຸກບືນຮັບຜິດຊອບ, ໝາຍຄວາມວ່າ: ພາຍຫລັງໝູ່ຄະນະ ລົງມະຕິແລ້ວ ບຸກຄົນໃດທີ່ໄດ້ຮັບການແບ່ງງານໃຫ້ນັ້ນ ເປັນຜູ້ຮັບຜິດຊອບຕໍ່ຜົນໄດ້ຜົນເສຍ ຂອງວຽກງານນັ້ນເປັນສ່ວນບຸກຄົນ, ຫລີກເວັ້ນແນວຄິດເອື້ອຍອີງໃສ່ແຕ່ໝູ່ຄະນະ, ກາງຕໍ່ແຕ່ ການນໍາພາຂອງໝູ່ຄະນະຫລື ຂອງຫົວໜ້າຜູ້ດຽວໂດຍບໍ່ກ້າຫານຕັດສິນບັນຫາຕ່າງໆ ແລະ ບໍ່ ກ້າຮັບຜິດຊອບຕາມສິດຂອງຕົນ.
3/- ເພີ່ມທະວີຄວາມສາມັກຄີເປັນເອກະພາບ ບົນພື້ນຖານແນວທາງແຜນນະໂຍບາຍ ແລະ ຫລັກການລວມສູນປະຊາທິປະໄຕຂອງພັກ. ພັກເຮົາສັ່ງສອນຕະຫລອດມາວ່າ ຕ້ອງຮັກສາຄວາມສາມັກຄີເປັນເອກະພາບພາຍໃນ ຄື ກັນກັບຮັກສາແກ້ວຕາຂອງຕົນ. ຢາກຮັບປະກັນຄວາມສາມັກຄີເປັນເອກະພາບຢ່າງໜັກແໜ້ນ ທາງດ້ານການເມືອງ, ແນວຄິດ ແລະ ການຈັດຕັ້ງ ແມ່ນຕ້ອງດໍາເນີນການຕິຊົມຕົນເອງ ແລະ ຕິຊົມກັນຢ່າງເຂັ້ມງວດ. ອັນນີ້ເປັນມູນເຊື້ອ ແລະເປັນກົດເກນແຫ່ງການຂະຫຍາຍຕົວຂອງພັກ ເຮົາ. ໃນການຕິຊົມຕົນເອງ ແລະຕິຊົມກັນຕ້ອງດໍາເນີນຢ່າງກົງໄປກົງມາ ບົນຈິດໃຈສະຫາຍ ຮ່ວມພັກດຽວກັນ, ຕິຊົມກັນ ເພື່ອຄວາມກ້າວໜ້າ ແລະ ຄວາມສາມັກຄີແໜ້ນແຟ້ນກວ່າເກົ່າ, ຫາກບໍ່ແມ່ນເພື່ອທັບຖົມໂຈມຕີ ແລະ ປັກປໍ້າກັນ; ສິ່ງສໍາຄັນແມ່ນຂັ້ນເທິງຕ້ອງເປັນແບບຢ່າງຕິ ຊົມຕົນເອງຕໍ່ຂັ້ນລຸ່ມ ແລະ ຮັບເອົາຄໍາຕິຊົມຂອງຂັ້ນລຸ່ມ, ສ້າງບັນຍາກາດປະຊາທິປະໄຕອັນ ແທ້ຈິງໃນການຕຳນິຕິຊົມ, ເປີດໂອກາດໃຫ້ຂັ້ນລຸ່ມກ້າຫານຕຳນິຕິຊົມຂັ້ນເທິງ.
4/- ສ້າງການພົວພັນອັນຊະໜິດແໜ້ນແບບກາຍອິນຊີ, ແບບເລືອດກັບເນືອລະຫວ່າງ ພັກກັບມະຫາຊົນ, ສ້າງພັກໃນຂະບວນການຂອງມະຫາຊົນ. ພວກເຮົາຮັບຮູ້ຢ່າງຈະແຈ້ງວ່າ ບໍ່ເກີດກໍາລັງແຮງຂອງພັກເຮົາ ແມ່ນຢູ່ກັບມະຫາຊົນ. ພັກບໍ່ມີຜົນປະໂຫຍດອື່ນໃດນອກເໜືອຈາກຜົນປະໂຫຍດຂອງປະຊາຊົນ. ພຶດຕິກຳໃນຫລາຍສິບ ປີແຫ່ງການນໍາພາຂອງພັກເຮົາ ໄດ້ຢືນຢັນທັດສະນະຄະຕິດັ່ງກ່າວແລ້ວ. ໃນໄລຍະໃໝ່, ໄລຍະທີ່ ພັກເຮົາມີຄວາມ ຮັບຜິດຊອບຕໍ່ທຸກຊັ້ນຄົນໃນສັງຄົມນີ້ ພວກເຮົາຍິ່ງຕ້ອງກຳແໜ້ນທິດນໍາ ແລະ ຫລັກການດັ່ງກ່າວ. ມັນໄດ້ທວງໃຫ້ພະນັກງານ ແລະ ສະມາຊິກພັກທຸກຄົນ (ທັງຜູ້ນໍາ ແລະ ສະມາຊິກທົ່ວໄປ) ຕ້ອງໃກ້ຊິດຕິດແທດກັບມະຫາຊົນເຮັດວຽກປຸກລະດົມຂົນຂວາຍມະຫາຊົນ ແລະ ຖືວຽກງານນີ້ເປັນໜ້າທີ່ປະຈໍາຕົນ. ດ້ານໜຶ່ງອີກ, ແມ່ນຕ້ອງສົ່ງເສີມມະຫາຊົນໃຫ້ເຂົ້າ ຮ່ວມໃນການສ້າງພັກ. ກ່ອນຈະຮັບເອົາສະມາຊິກໃໝ່ ຕ້ອງຜ່ານການທາບທາມຄວາມເຫັນຂອງມະຫາຊົນ; ຈັດຕັ້ງໃຫ້ປຊາຊົນ ປະກອບຄວາມຄິດຄວາມເຫັນຕໍ່ວຽກງານການນໍາພາ ແລະ ການເຄື່ອນໄຫວ ຂອງໜ່ວຍພັກຮາກຖານ ແລະ ຄະນະພັກຂັ້ນຕ່າງໆ.
5/- ເອົາຄຸນະພາບ ແລະ ປະສິດຕິພາບເປັນຕົ້ນຕໍ ໃນການປັບປຸງລະບົບການຈັດຕັ້ງ ຂອງພັກຂັ້ນຕ່າງໆ. ຕາມທິດນໍາດັ່ງກ່າວນີ້, ພວກເຮົາຕ້ອງສຸມໃສ່ປັບປຸງ ແລະ ເຊີດຊູຄວາມ ເປັນເຈົ້າການຂອງໜ່ວຍພັກ ແລະ ຄະນະພັກຮາກຖານ, ຍົກສູງຄຸນນະພາບຂອງຖັນແຖວສະ ມາຊິກພັກ. ພ້ອມກັນນັ້ນ ກໍ່ເພີ່ມທະວີຄວາມສັກສິດຂອງການຊີ້ນໍາຈາກສູນກາງ ທາງດ້ານ ແຜນນະໂຍບາຍ ແລະ ນະໂຍບາຍ, ຮັບປະກັນການປະຕິບັດຢ່າງເຂັ້ມງວດ ບັນດາຫລັກການ, ຂໍ້ກຳນົດທີ່ລະບຸໄວ້ໃນກົດລະບຽບຂອງພັກ ແລະ ໃນກົດໝາຍຂອງລັດ. ສໍາລັບອົງການເສນາທິ ການຂອງສູນກາງ ແລະ ຄະນະພັກຂັ້ນຕ່າງໆ ຕ້ອງໄດ້ປັບປຸງຢ່າງຕັ້ງໜ້າ ເພື່ອໃຫ້ມີຄວາມສາ ມາດຢ່າງພຽງພໍໃນການປະຕິບັດໜ້າທີ່ຢ່າງມີຄຸນນະພາບ ແລະ ປະສິດທິຜົນສູງ. ຄຽງຄູ່ກັບການປັບປຸງລະບົບການຈັດຕັ້ງຂອງພັກນັ້ນ, ຄະນະພັກຂັ້ນຕ່າງໆ ຕ້ອງເພີ່ມ ທະວີການນໍາພາ ຕໍ່ຄະນະຊາວໜຸ່ມປະຊາຊົນປະຕິວັດລາວ, ເຮັດໃຫ້ຄະນະຊາວໜຸ່ມນັບມື້ນັບ ໜັກແໜ້ນເຂັ້ມແຂງ, ສົມເປັນກໍາລັງສໍາຮອງ ແລະ ກຳລັງປະຈັນບານທີ່ສໍາຄັນຂອງພັກ.

(ຄັດ​ຈາກ​ເອ​ກະ​ສານກອງ​ປະ​ຊຸມ​ໃຫຍ່ ຄັ້ງ​ທີ V ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ)
……………………………………………………….

#ໝາຍເຫດ: ປັດຈຸບັນ ພັກໄດ້ກຳນົດ 5 ຫລັກການ ແລະ 3 ທິດນຳ ໃນການນຳພາຂອງພັກໄວ້ໃນປື້ມກົດລະບຽບພັກ ສະໄໝທີ XI ໜ້າທີ 3-5 ວ່າດັ່ງນີ້:
#5 ຫຼັກການ ມີເນື້ອໃນສະແດງອອກຄື:
1) ພັກ ປະຊາຊົນ ປະຕິວັດລາວ ເອົາບັນດາຫລັກມູນທີ່ມີລັກສະນະທົ່ວໄປ ຂອງລັດທິມາກ-ເລນິນ ເປັນພື້ນຖານແຫ່ງແນວຄິດທິດສະດີຂອງຕົນ ນອກຈາກນັ້ນ ກໍ່ຮັບເອົາສິ່ງຍອດຍິ່ງທາງດ້ານສະຕິປັນຍາຂອງມວນມະນຸດ, ໝູນໃຊ້ທິດສະດີວິທະຍາສາດ ແລະ ບົດຮຽນຂອງປະເທດຕ່າງໆ ໃຫ້ແທດເໝາະກັບພຶດຕິກໍາ ແລະ ເງື່ອນໄຂ ຕົວຈິງຂອງ ປະເທດເຮົາ, ເສີມຂະຫຍາຍມູນເຊື້ອຮັກຊາດ ແລະ ນ້ໍາໃຈສາມັກຄີປອງດອງຂອງປະຊາຊົນບັນດາເຜົ່າ, ສົມທົບລັດທິຮັກຊາດອັນແທ້ຈິງກັບ ລັດທິສາກົນອັນຜ່ອງໃສ;
2) ພັກຈັດຕັ້ງຕາມຫລັກການ ລວມສູນປະຊາທິປະໄຕ, ນຳພາເປັນໝູ່ຄະນະ ບຸກຄົນຮັບຜິດຊອບ, ພັກມີລະບຽບວິໄນເຂັ້ມງວດ;
3) ພັກຖືຄວາມສາມັກຄີ ອັນໜຶ່ງອັນດຽວເປັນຫລັກການພື້ນຖານ ຂອງພັກບົນພື້ນຖານແນວທາງນະໂຍບາຍ ແລະ ກົດລະບຽບພັກ ຮັບປະກັນຄວາມເປັນເອກະພາບທາງດ້ານການເມືອງ-ແນວຄິດ ການຈັດຕັ້ງ ແລະ ການນໍາພາຂອງພັກ;
4) ຖືເອົາການຕິຊົມຕົນເອງ ແລະ ຕິຊົມກັນເປັນກົດເກນ ແຫ່ງການເຄື່ອນໄຫວ ແລະ ຂະຫຍາຍຕົວຂອງຕົນ;
5) ພັກເຄື່ອນ ໄຫວຕາມແນວທາງມະຫາຊົນ, ອີງໃສ່ມະຫາຊົນ ແລະ ຜ່ານຂະບວນການປະຕິວັດຂອງມະຫາຊົນ ເພື່ອກໍ່ສ້າງ ແລະ ຂະຫຍາຍພັກ. ສົມທົບການກໍ່ສ້າງພັກທັງໃນ 3 ທິດນຳ ຄື: ການເມືອງ, ແນວຄິດ ແລະ ການຈັດຕັ້ງ.
#3 ທິດນຳ ທີ່ມີ ເນື້ອໃນຄື:
1) ການເມືອງ: ກໍ່ສ້າງພັກໃຫ້ປອດໃສ ເຂັ້ມແຂງ ໜັກແໜ້ນທາງດ້ານການເມືອງ-ແນວຄິດ ການຈັດຕັ້ງ ແລະ ແບບ ແຜນວິທີນໍາພາຂອງພັກ ເພີ່ມທະວີວຽກງານປ້ອງກັນພັກ ເດັດດ່ຽວຕ້ານການເສື່ອມຄຸນທາດການເມືອງພາຍໃນພັກ.
2) ແນວຄິດ: ກໍ່ສ້າງ ປັບປຸງພັກ ຕ້ອງຖືເອົາຄຸນນະພາບເປັນກົກ ຮັບເອົາຜູ້ທີ່ດີເດັ່ນ ມີມາດຖານ ແລະ ເງື່ອນໄຂຄົບຖ້ວນເຂົ້າເປັນສະມາຊິກພັກ ເດັດດ່ຽວເອົາຜູ້ເສື່ອມຄຸນທາດອອກຈາກພັກ ພັກບູລະນະ ແລະ ພັດທະນາຕົນເອງຢ່າງບໍ່ຢຸດຢັ້ງ ເພື່ອທຽມທັນກັບຄວາມຮຽກຮ້ອງຕ້ອງການແຫ່ງການນໍາພາຂອງພັກໃນແຕ່ລະໄລຍະ.
3) ການຈັດຕັ້ງ: ສົມທົບແໜ້ນລະຫວ່າງ ການເພີ່ມທະວີການນໍາພາຂອງພັກກັບການເຊີດຊູຄວາມສັກສິດໃນການຄຸ້ມຄອງຂອງລັດເສີມຂະຫຍາຍບົດບາດເປັນ ເຈົ້າການຂອງແນວລາວສ້າງຊາດ ບັນດາອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມ.
ທັງໝົດທີ່ກ່າວມາຂ້າງເທິງນັ້ນແມ່ນບັນດາຫຼັກການ ແລະ ທິດນໍາໃນການກໍ່ສ້າງ ປັບປຸງຕົນເອງ ຂອງພັກປະ ຊາຊົນ ປະຕິວັດລາວ ເພື່ອເຮັດໃຫ້ປະເທດຊາດທີ່ແສນຮັກຂອງພວກເຮົາ ໄດ້ມີການຫັນປ່ຽນໃນທຸກດ້ານຢ່າງເດັ່ນ ຊັດ ແລະ ໄປຕາມທິດທາງ ຈຸດໝາຍທີ່ວາງໄວ້.

ຮ້ອງສົ່ງສຽງເຖິງຜູ້ຕິດຕາມໃໝ່ສຸດຂອງຂ້ອຍ! ຮູ້ສຶກຕື່ນເຕັ້ນທີ່ມີເຈົ້າມາຕິດຕາມ! Souvanhnasing Kii, Phonethip Sychaleun, Viengnakhone Ounkeo, Sombath Phsv, Phansa Suvanhnalath, Mard Blkx, Xaithong Xaiyalath, Daophet Phomphakdy, Khamko Syamphone, Vino Thepvongsa, Vilaithong Seehalard, ViLath Akv, Samly Khamsompheng, Rjouy Thavisay, Malaythong Keoouthai, Phet Ksd, pa'Morn Keoname, ສອນເພັດ ຫ້ອຍວິບູນ, Somphanh Xiong, Dcp Souk, Somphone Sivongsai, Thong Ppsv, ຄຳມະນີ ສີສະຫງວນ, Bundasuk D'do, S'veth Silivath, Thong Tl, ສີທະນົນໄຊ ທຳມະວິເສດ, บุญนงค์ โตวงวิจิตร, ຄຳ ຜາຍ, ສຸເດືອນ ພົມມະຈັກ, ພວງມາລາ ຍົມທອງພັນ, Thavisack Sisaneth, Ana Xyiong, Phin Km, ສົມດີ ອິນທິດີ, KT Sisengpheht, ກິ່ງ ໄຊຍະເວດ, Daeng Kyl, Alex Luckpasith, Kongmany Soulathathone, Sai Ya Phet Kvd, ບຸນເຮືອນ ຄົນອົມລູງ, Mai SP, ແດນດົງ ແອນຕະລຸນ, ບຸນເລີຍ ແກ້ວວົງສາ, ຄຳພາ ພາວິໄລ, ຄຳເສົາ ວຽງຈູມເຮືອງ, Soukkeo Keokhamdi, Khit Isnv, Tou Sdb

ຮ້ອງສົ່ງສຽງເຖິງຜູ້ຕິດຕາມໃໝ່ສຸດຂອງຂ້ອຍ! ຮູ້ສຶກຕື່ນເຕັ້ນທີ່ມີເຈົ້າມາຕິດຕາມ! Kongshin Baoin, Sapharnn Pct, Bountong Seesouwanxay, Khingkham Bounyong, Bounleuth Luangpaseuth, Kod Phamueng, Sengkham Manychan, Phou Saya, Sack Somchalern, Bank Bouddarvong, Diou Vpc, ທ້າວຕາໜູ ບຸນເຮຶອງ, ແອນົກ ວັນນີຈັນ, S ViXay Pst, Chanthala Intavong, ຕຸ້ຍລໍ່ ລໍ່ເບຼຍຢາວ, สีงคำ แสงอาลุน, ຄຳແອນ ໂອວັນນາ, Vern Vernee