ໂຮງຮຽນມັດທະຍົມສຶກສາຕອນປາຍບໍ່ໂອ

23/09/2026

ໃນຕອນເຊົ້າວັນພຸດ ທີ23ກັນຍາ2026 ຄູອາຈານພ້ອມດ້ວຍນັກຮຽນໄດ້ພາກັນອະນາໄມພາຍໃນໂຮງຮຽນ ແລະ ແຄມທາງ ແລະ ຫ້າງຫາກະກຽມສະຖານທີ່ໃນພິທີເປີດຕາແສງບໍ່ໂອ ເຊິ່ງຈະຈັດຂື້ນໃນວັນພະຫັດ ທີ24ກັນຍາ 2026 ທີ່ໂຮງຮຽນ ມປ ບໍ່ໂອ ຂອງພວກເຮົາ

22/09/2026

ໃນຕອນເຊົ້າວັນຈັນ ທີ 21 ກັນຍາ 2026 ສິດເກົ່າໂຮງຮຽນ ມປ ບໍ່ໂອ ຮຸ່ນ1997-1999 ໄດ້ຕາງໜ້າລົງມາມອບທຶນໃນການສ້ອມແປງຫຼັງຄາໂຮງຮຽນຂອງພວກເຮົາ ມູນຄ່າ 4.200.000 ກີບ

ທາງໂຮງຮຽນ ຂໍຂອບໃຈເປັນຢ່າງສູງ ຂໍໃຫ້ພວກທ່ານຈົ່ງມີສຸຂະພາບແຂງແຮງ ຂໍໃຫ້ເຮັງໆລວຍໆ ປະສົບຜົນສຳເລັດໃນໜ້າທີ່ການງານ ມີຄວາມສຸກກາຍ ແລະ ໃຈ ທັງສ່ວນຕົວ ແລະ ຄອບຄົວ ປາດຖະໜາສິ່ງໃດຂໍໃຫ້ໄດ້ດັ່ງໃຈຫວັງ🙏

02/09/2026

ພາບບັນຍາກາດການເປີດສົກຮຽນໃໝ່ຂອງໂຮງຮຽນ ມປ ບໍ່ໂອ ສົກຮຽນ 2026-2027 #ບໍ່ໂອ #2026-2027

21/08/2026

ທາງໂຮງຮຽນ ມປ ບໍ່ໂອ ຂອງພວກເຮົາຂໍຂອບໃຈມາຍັງ ທະນາຄານການຄ້າຕ່າງປະເທດລາວ ມະຫາຊົນ ທີ່ໄດ້ມອບ-ຮັບເງີນທີ່ໄດ້ຈາກການລະດົມຜ່ານ OneHeart ໃຫ້ແກ່ໂຮງຮຽນຂອງພວກເຮົາ ແລະ ຂອບໃຈມາຍັງພໍ່ແມ່ປະຊາຊົນທີ່ຮ່ວມສົບທຶນໃນການສ້ອມແປງໂຄງຫຼັງຄາໂຮງຮຽນຂອງພວກເຮົາທັງໃນໂຄງການ Oneheart ແລະ ຊ່ວຍເຫຼືອທາງໂຮງຮຽນໂດຍກົງ ❤️❤️
ຂໍອວຍພອນໃຫ້ທ່ານມີສຸຂະພາບແຂງແຮງ ຂໍໃຫ້ເຮັງໆລວຍໆ ປະສົບຜົນສຳເລັດໃນໜ້າທີ່ການງານ ມີຄວາມສຸກກາຍ ແລະ ໃຈ ທັງສ່ວນຕົວ ແລະ ຄອບຄົວ ປາດຖະໜາສິ່ງໃດຂໍໃຫ້ໄດ້ດັ່ງໃຈຫວັງ🙏

ທະນາຄານການຄ້າຕ່າງປະເທດລາວ ມະຫາຊົນ (ສຳນັກງານໃຫຍ່) ໄດ້ຕາງໜ້າສັງຄົມຜູ້ບໍລິຈາກ ຈັດພິທີມອບ-ຮັບ ເງິນທີ່ໄດ້ຈາກການລະດົມຜ່ານ OneHeart ໃຫ້ແກ່ໂຮງຮຽນມັດທະຍົມຕອນປາຍບໍ່ໂອ ໃນໂຄງການ “ສ້ອມແປງຫຼັງຄາໂຮງຮຽນມັດທະຍົມສຶກສາຕອນປາຍບໍ່ໂອ ບ້ານບໍ່ໂອ, ເມືອງຫາດຊາຍຟອງ, ນະຄອນຫຼວງວຽງຈັນ” ໂຄງການດັ່ງກ່າວ ໄດ້ເລີ່ມເປີດລະດົມທຶນນັບຕັ້ງແຕ່ວັນທີ 26 ພຶດສະພາ 2026 ເຖິງວັນທີ 27 ກໍລະກົດ 2026 ທີ່ຜ່ານມາ ແລະ ສາມາດລະດົມທຶນຊ່ວຍເຫຼືອໄດ້ ຈໍານວນ 17,557,026.73 ກີບ (ສິບເຈັດລ້ານຫ້າແສນຫ້າສິບເຈັດພັນຊາວຫົກກີບ ແລະ 73/100) ມີຜູ້ໃຈບຸນຮ່ວມບໍລິຈາກທັງໝົດ ຈຳນວນ 257 ຄັ້ງ.

ໃນຕອນເຊົ້າຂອງ ວັນທີ 19 ສິງຫາ 2026, ທະນາຄານການຄ້າ ຕ່າງປະເທດລາວ ມະຫາຊົນ (ສຳນັກງານໃຫຍ່) ໄດ້ຕາງໜ້າສັງຄົມຜູ້ບໍລິຈາກ ມອບ-ຮັບ ເງິນບໍລິຈາກຜ່ານ OneHeart ໂຄງການ “ສ້ອມແປງຫຼັງຄາໂຮງຮຽນມັດທະຍົມສຶກສາຕອນປາຍບໍ່ໂອ ບ້ານບໍ່ໂອ, ເມືອງຫາດຊາຍຟອງ, ນະຄອນຫຼວງວຽງຈັນ” ໃຫ້ກຽດມອບໂດຍ ທ່ານ ເອກະລາດ ກັນຍາວົງ ຄະນະກຳມະການ OneHeart ພ້ອມດ້ວຍຕາງໜ້າຈາກຄະນະ 03 ອົງການຈັດຕັ້ງມະຫາຊົນ ແລະ ຮັບໂດຍ ທ່ານ ບຸນໄຊ ພັນທະວົງ ຮອງຜູ້ອຳນວຍການໂຮງຮຽນມັດທະຍົມຕອນປາຍບໍ່ໂອ; ຈຸດປະສົງຂອງໂຄງການແມ່ນເພື່ອລະດົມທຶນໃນການສ້ອມແປງໂຄງຫຼັງຄາໂຮງຮຽນ ທີ່ເປເພ, ຊຸດໂຊມ ເພື່ອໃຫ້ ຄູ-ອາຈານ ໃນໂຮງຮຽນໄດ້ມີອາຄານທີ່ດີ, ແໜ້ນໜາ ແລະ ອຳນວຍຄວາມສະດວກໄດ້ຫຼາຍຂື້ນກວ່າເກົ່າ. ການມອບ-ຮັບ ໃນຄັ້ງນີ້ ທ່ານ ບຸນໄຊ ພັນທະວົງ ໄດ້ກ່າວຂອບໃຈຢ່າງສຸດຊື້ງຕໍ່ສັງຄົມ ກໍຄືນໍ້າໃຈຂອງທ່ານຜູ້ບໍລິຈາກເງິນ ທີ່ເຫັນໄດ້ເຖິງຄວາມຈຳເປັນ ແລະ ໄດ້ຮ່ວມແຮງ, ຮ່ວມໃຈກັນບໍລິຈາກເພື່ອສົມທົບທຶນໃນການສ້ອມແປງໂຄງຫຼັງຄາໂຮງຮຽນໃນຄັ້ງນີ້. ພ້ອມດຽວກັນນີ້ ທ່ານ ບຸນໄຊ ພັນທະວົງ ຍັງໄດ້ໃຫ້ຄຳໝັ້ນສັນຍາວ່າຈະນຳໃຊ້ເງິນບໍລິຈາກຈຳນວນດັ່ງກ່າວໃຫ້ຖືກຕ້ອງຕາມຈຸດປະສົງ ແລະ ໃຫ້ເກີດຜົນປະໂຫຍດສູງສຸດແກ່ໂຮງຮຽນກໍຄືບັນດາຄູອາຈານ.

ເປັນຜະລິດຕະພັນໜຶ່ງທີ່ ທາງ BCEL ມີຄວາມຕັ້ງໃຈນໍາໃຊ້ເທັກໂນໂລຢີທີ່ໄດ້ມີຄວາມທັນສະໄໝເຂົ້າໃນວຽກງານຊ່ວຍເຫຼືອສັງຄົມໂດຍບໍ່ຫວັງຜົນກຳໄລ ແລະ ບໍ່ມີຄ່າທຳນຽມ ການບໍລິຈາກກໍ່ງ່າຍ, ເຊິ່ງຈະຊ່ວຍໃຫ້ຜູ້ທີ່ມີຄວາມຫຍຸ້ງຍາກໄດ້ຮັບການຊ່ວຍເຫຼືອຕາມຄວາມເໝາະສົມ, ຜູ້ທີ່ບໍລິຈາກກໍ່ມີຄວາມໝັ້ນໃຈໄດ້ວ່າການບໍລິຈາກຂອງຕົນຈະເຖິງມືຜູ້ຕ້ອງການຄວາມຊ່ວຍເຫຼືອແທ້.
---------------------------------------------------
ເບີ່ງລາຍລະອຽດໂຄງການ: https://oneheart.la/projects/638
BCEL OneHeart ຫົວໃຈດວງດຽວກັນ

31/07/2026

ທາງໂຮງຮຽນ ມປ ບໍ່ໂອ ຂໍຍ້ອງຍໍ ແລະ ຊົມເຊີຍນ້ອງນັກຮຽນ ຊັ້ນ ມ7 ທັງ 20 ນ້ອງທີ່ໄດ້ຮັບໃບຍ້ອງຍໍຄະແນນວິຊາການ 7 ຂື້ນໄປ ໃນການສອບເສັງຈົບຊັ້ນ ມ7 ສົກຮຽນ2025-2026 ເຊິ່ງໄດ້ໄປຮັບໃບຍ້ອງຍໍທີ່ສູນການຄ້າໄອເຕັກ ໃນວັນພະຫັດ ທີ 30 ກໍລະກົດ 2026

25/06/2026

ຊ່ວງນີ້ເປັນຊ່ວງປິດສົກຮຽນ ທາງໂຮງຮຽນ ມ.ປ ບໍ່ໂອ ຂອງພວກເຮົາກໍໄດ້ເລີ່ມມ້າງ ຫຼັງຄາ ອາຄານ ເພາະເປ່ເພຫລາຍ ເຊິ່ງມື້ນີ້ກໍໄດ້ເລີ່ມການມ້າງຫຼັງຄາ ⚒️⚒️🛠️🛠️🪚🪚ໂຮງຮຽນຂອງພວກເຮົາຍັງຕ້ອງການ ການຊຸກຍູ້ຊ່ວຍເຫລືອທຶນຮອນຈາກທຸກທ່ານເພື່ອສ້ອມແປງຫລັງຄາ ເພາະຕອນນີ້ທຶນຮອນບໍ່ພຽງພໍໃນການສ້ອມແປງ ຖ້າທ່ານໃດມີນ້ຳໃຈ ຕ້ອງການຊຸກຍູ້ທຶນຮອນສາມາດ ບໍລິຈາກເຂົ້າມາໄດ້.

21/06/2026

ຈົບແລ້ວນັກຮຽນຊັ້ນ ມ7 ສົກຮຽນ 2025-2026 ລຸ້ນທີXVI ❤️❤️ #ລຸ້ນທີxvi

02/06/2026

ທາງໂຮງຮຽນຂອງພວກເຮົາ ຂໍສະແດງຄວາມຂອບໃຈມາຍັງ
ທ່ານ ທີ່ບໍ່ປະສົງອອກນາມ ຈາກປະເທດ ການາດາ ທີ່ປະກອບສ່ວນຊຸກຍູ້ສ້ອມແປງຫລັງຄາໂຮງຮຽນມູນຄ່າ 3,000,000ກີບ
ທາງໂຮງຮຽນ ຂໍຂອບໃຈເປັນຢ່າງສູງ ຂໍໃຫ້ທ່ານມີສຸຂະພາບແຂງແຮງ ຂໍໃຫ້ເຮັງໆລວຍໆ ປະສົບຜົນສຳເລັດໃນໜ້າທີ່ການງານ ມີຄວາມສຸກກາຍ ແລະ ໃຈ ທັງສ່ວນຕົວ ແລະ ຄອບຄົວ ປາດຖະໜາສິ່ງໃດຂໍໃຫ້ໄດ້ດັ່ງໃຈຫວັງ🙏

28/05/2026

#ຮ່ວມບໍລິຈາກຜ່ານ_BCELOneHeart ໃນໂຄງການ “ສ້ອມແປງຫຼັງຄາໂຮງຮຽນມັດທະຍົມສຶກສາຕອນປາຍບໍ່ໂອ, ບ້ານບໍ່ໂອ, ເມືອງຫາດຊາຍຟອງ, ນະຄອນຫຼວງວຽງຈັນ” ເພື່ອລະດົມທຶນໃນການສືບຕໍ່ສ້ອມແປງຫຼັງຄາໂຮງຮຽນໃຫ້ໄດ້ມາດຕະຖານ ແລະ ເປັນບ່ອນຮຽນໃຫ້ແກ່ນ້ອງນັກຮຽນ.
ປະຈຸບັນນີ້ ໂຮງຮຽນພວກເຮົາກໍຄົບຮອບ 39 ປີ. ຕຶກ, ອາຄານຮຽນແຕ່ລະຕຶກກໍຖືວ່າມີອາຍຸການນໍາໃຊ້ທີ່ດົນພໍສົມຄວນ ແລະ ເລີ່ມມີການຊຸດໂຊມ ໂດຍສະເພາະແມ່ນ ໂຄງຫຼັງຄາຂອງໂຮງຮຽນທີ່ເປັນໄມ້ ເປ່ເພຫຼາຍຍ້ອນປວກກິນ ບໍ່ສາມາດຢູ່ໄດ້ ດັ່ງນັ້ນ, ຈຶ່ງມີຄວາມຈຳເປັນທີ່ຕ້ອງປ່ຽນໂຄງຫຼັງຄາໄປເປັນໂຄງເຫຼັກ. ເຊິ່ງໃນການປ່ຽນໂຄງຫຼັງຄາໃນຄັ້ງນີ້ແມ່ນນຳໃຊ້ງົບປະມານທີ່ຫຼາຍພໍສົມຄວນ ແລະ ໃນໄລຍະທີ່ຜ່ານມາທາງໂຮງຮຽນ ພ້ອມດ້ວຍສະມາຄົມພໍ່ແມ່ນັກຮຽນ, ຄະນະພັດທະນາການສຶກສາຂັ້ນບ້ານ, ຄູອາຈານ ແລະ ຫ້ອງການສຶກສາທິການ ແລະ ກິລາເມືອງຫາດຊາຍຟອງ ກໍໄດ້ພະຍາຍາມລະດົມທຶນຈາກພໍ່ແມ່ປະຊາຊົນພາຍໃນບ້ານ ແລະ ຈາກພາກສ່ວນຕ່າງໆ ແຕ່ກໍຍັງບໍ່ພຽງພໍທີ່ຈະລົງມືສ້ອມແປງໄດ້ເທື່ອ. ເພື່ອໃຫ້ໂຄງການສ້ອມແປງໂຄງຫຼັງຄາສາມາດດຳເນີນການໄດ້ແມ່ນຍັງຕ້ອງການທຶນຊ່ວຍເຫຼືອເພີ່ມຕື່ມ ເຊີ່ງງົບປະມານດັ່ງກ່າວແມ່ນຈະນຳໃຊ້ເຂົ້າໃນການຊື້ເຫຼັກ, ສັງກະສີ, ແຜ່ນລຽບສະມາດບອດ, ໄມ້ເຊີລ້າ, ທູບຈອດ… ເນື່ອງຈາກງົບປະມານສ່ວນໃຫຍ່ກໍແມ່ນໄດ້ມາຈາກການລະດົມທຶນຈາກພາກສ່ວນຕ່າງໆ. ດັ່ງນັ້ນ, ການເປີດການລະດົມທຶນຜ່ານ BCEL OneHeart ໃນຄັ້ງນີ້ກໍໍເປັນອີກໜຶ່ງຊ່ອງທາງໃນການລະດົມທຶນຮອນເຂົ້າໂຮງຮຽນເພື່ອໝູນໃຊ້ເຂົ້າໃນການສ້ອມແປງຫຼັງຄາໃຫ້ສຳເລັດ ພາຍໃຕ້ຊື່ໂຄງການ “ສ້ອມແປງຫຼັງຄາໂຮງຮຽນມັດທະຍົມສຶກສາຕອນປາຍບໍ່ໂອ, ບ້ານບໍ່ໂອ, ເມືອງຫາດຊາຍຟອງ, ນະຄອນຫຼວງວຽງຈັນ”

ການບໍລິຈາກຜ່ານ BCEL OneHeart ແມ່ນຊ່ວຍອໍານວຍຄວາມສະດວກດ້ານລະບົບຊ່ອງທາງໃນການລະດົມທຶນຈາກສັງຄົມເທົ່ານັ້ນ, ການປະຕິບັດການນໍາໃຊ້ເງິນຕົວຈິງທີ່ໄດ້ຮັບຈາກການຮ່ວມບໍລິຈາກຂອງສັງຄົມ ແມ່ນຢູ່ໃນຄວາມຮັບຜິດຊອບຂອງເຈົ້າຂອງໂຄງການ ແລະ ການນໍາໃຊ້ຈໍານວນເງິນທີ່ຮັບບໍລິຈາກ ເພື່ອນໍາໄປໝູນໃຊ້ເຂົ້າໃນຈຸດປະສົງຂອງໂຄງການນັ້ນ

ທ່ານສາມາດສອບຖາມຂໍ້ມູນເພີ່ມຕື່ມໂດຍກົງ ກ່ອນບໍລິຈາກກັບເຈົ້າຂອງໂຄງການ ໂຮງຮຽນມັດທະຍົມສຶກສາຕອນປາຍບໍ່ໂອ, ເບີໂທ 020 28793549
#ລາຍລະອຽດ ແລະ ຊ່ອງທາງບໍລິຈາກ https://oneheart.la/projects/638
------------------------------------------
ວິທີບໍລິຈາກ:
1. Login ເຂົ້າ App BCEL One
2. ເລືອກ OneHeart
3. ເລືອກໂຄງການ
4. ກົດປຸ່ມບໍລິຈາກ (ຢູ່ມູມຂວາເທິງສຸດ)
5. ໃສ່ຈຳນວນເງິນທີ່ຕ້ອງການບໍລິຈາກ
ຫຼື Scan QR Code ເພື່ອບໍລິຈາກ
ຫົວໃຈດຽວກັນ

28/05/2026

ຂໍນ້ຳຈິດ ນ້ຳໃຈຜູ້ລະເລັກລະນ້ອຍເພື່ອສົມທົບທຶນສ້ອມແປງຫລັງຄາໂຮງຮຽນ