08/06/2026
ກົມການສຶກສາຊັ້ນສູງ ໄດ້ຈັດພິທີເລື່ອນສະມາຊິກພັກສຳຮອງ ເປັນສະມາຊິກພັກສົມບູນ.
===============
ໃນວັນທີ 05 ມິຖຸນາ 2026 ຢູ່ທີ່ຫ້ອງປະຊຸມກົມການສຶກສາຊັ້ນສູງ, ກະຊວງສຶກສາທິການ ແລະ ກິລາ ໄດ້ຈັດພິທີເລື່ອນສະມາຊິກພັກສຳຮອງ ເປັນສະມາຊິກພັກສົມບູນ ຈຳນວນ 5 ສະຫາຍ, ຍິງ 2 ສະຫາຍ, ໃຫ້ກຽດເຂົ້າຮ່ວມເປັນປະທານໃນພິທີເລື່ອນສະມາຊິກພັກສຳຮອງ ເປັນສະມາຊິກພັກສົມບູນ ໃນຄັ້ງນີ້ໂດຍສະຫາຍ ຮສ.ປອ ຫລ້າວັນ ວົງຄຳສານ ຄະນະປະຈຳພັກກະຊວງ, ຫົວໜ້າຫ້ອງການກະຊວງສຶກສາທິການ ແລະ ກິລາ ແລະ ສະຫາຍ ຮສ.ປອ ໄກສອນ ເພັງໂສພາ ຄະນະບໍລິຫານງານພັກກະຊວງ ເລຂາໜ່ວຍພັກຮາກຖານ, ຫົວໜ້າກົມການສຶກສາຊັ້ນສູງ. ນອກນັ້ນຍັງມີຜູ້ຕາງໜ້າໜ່ວຍພັກຮາກຖານອ້ອມຂ້າງພ້ອມດ້ວຍ ຫົວໜ້າຈຸ, ຮອງຈຸ, ສະມາຊິກພັກ ແລະ ພິເສດສະມາຊິກພັກບຳນານ ຂອງໜ່ວຍພັກຮາກຖານກົມການສຶກສາຊັ້ນສູງ ທີ່ນັບຖື ແລະ ຮັກແພງ ກໍ່ໄດ້ເຂົ້າຮ່ວມຢ່າງພ້ອມພຽງ.
ໃນກອງປະຊຸມ, ສະຫາຍ ໜຸໄກ ລາດຊະວົງ ຄະນະໜ່ວຍພັກຮາກຖານກົມຈັດຕັ້ງພະນັກງານຂຶ້ນຜ່ານມະຕິຕົກລົງວ່າດ້ວຍການເລື່ອນສະມາຊິກພັກສຳຮອງ ເປັນສະມາຊິກພັກສົມບູນ ສະບັບເລກທີ 120/ຄພສກ, ລົງວັນທີ 12 ພຶດສະພາ 2026.
ຄຽງຄູ່ກັນນັ້ນ, ສະຫາຍ ຮສ.ປອ ໄກສອນ ເພັງໂສພາ ຄະນະບໍລິຫານງານພັກກະຊວງ ເລຂາໜ່ວຍພັກຮາກຖານ, ຫົວໜ້າກົມການສຶກສາຊັ້ນສູງ ກໍ່ໄດ້ຂຶ້ນກ່າວຮັບສະມາຊິກພັກໃໝ່ ແລະ ມອບມະຕິຕົກລົງໃຫ້ສະມາຊິກພັກໃໝ່.
ຈາກນັ້ນ, ສະຫາຍ ຮສ.ປອ ຫລ້າວັນ ວົງຄຳສານ ຄະນະປະຈຳພັກກະຊວງ, ຫົວໜ້າຫ້ອງການກະຊວງສຶກສາທິການ ແລະ ກິລາ ໄດ້ມີຄຳເຫັນໂອ້ລົມຕໍ່ສະມາຊິກພັກໃໝ່.
ຫຼັງຈາກນັ້ນ, ສະມາຊິກພັກໃໝ່ທັງ 5 ສະຫາຍ ກໍ່ໄດ້ອອກມາຮັບເອົາຄຳໂອ້ລົມ ແລະ ກ່າວປະຕິຍານຕົນຕໍ່ສະມາຊິກພັກ ແລະ ທຸງພັກ.
ໃນຕອນທ້າຍຂອງກອງປະຊຸມ, ຄະນະຮັບຜິດຊອບພິທີ ໄດ້ກ່າວສະແດງຄວາມຂອບໃຈ ແລະ ຮູ້ບຸນຄຸນຕໍ່ຄະນະນຳຂອງກະຊວງສຶກສາທິການ ແລະ ກິລາ ທີ່ໄດ້ເສຍສະຫລະເວລາອັນມີຄຸນຄ່າມາເຂົ້າຮ່ວມພິທີໃນຄັ້ງນີ້ ແລະ ຂໍອວຍພອນໄຊອັນປະເສີດແດ່ບັນດາສະຫາຍ ຈົ່ງມີສຸຂະພາບແຂງແຮງ ຕະຫລອດຮອດຄອບຄົວ, ນຳພາຊີ້ນຳວຽກງານໃນຂົງເຂດການຈັດຕັ້ງຂອງບັນດາສະຫາຍໃຫ້ໄດ້ຮັບຜົນສຳເລັດຢ່າງຈົບງາມ
