Department of higher education Laos

ໃນ​ວັນ​ທີ 22 ທັນ​ວາ 2025 ກົມ​ການ​ສຶກ​ສາ​ຊັ້​ນສູງ ໄດ້​ຈັດ​ຕັ້ງກອງປະຊຸມປຶກສາຫາລືກ່ຽວກັບການເອີ້ນຊື່ຕຳແໜ່ງຜູ້ບໍລິຫານຂັ້ນຕ່າງໆ ຂອງສະຖານການສຶກສາຊັ້ນສູງ, ການເຜີຍແຜ່ ແລະ ແນະນຳການສ້າງແຜນພັດທະນາຂະແໜງການຍ່ອຍການສຶກສາຊັ້ນສູງ 5 ປີ ຄັ້ງທີ X (2026-2030) ທີ່ ຫ້ອງ​ປະ​ຊຸມ​ສູນ​ໄອ​ຊີ​ທີ, ກະ​ຊວງ​ສຶກ​ສາ​ທິ​ການ ແລະ ກິ​ລາ ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ຮ​ສ.ປອ ໄກ​ສອນ ເພັງ​ໂສ​ພາ ຫົວ​ໜ້າ​ກົມ​ການ​ສຶກ​ສາ​ຊັ້ນ​ສູງ ພ້ອມ​ດ້ວຍ​ຜູ້​ເຂົ້າ​ຮ່ວມ​ຈາກ​ມະ​ຫາ​ວິ​ທະ​ຍາ​ໄລ​ແຫ່ງ​ຊາດ, ມະ​ຫາ​ວິ​ທະ​ຍາ​ໄລ​ວິ​ທະ​ຍາ​ສາດ​ສຸ​ຂະ​ພາບ, ມະ​ຫາ​ວິ​ທະ​ຍາ​ໄລ​ສຸ​ພາ​ນຸ​ວົງ, ມະ​ຫາ​ວິ​ທ​ະຍາ​ໄລ​ສະ​ຫວັນ​ນະ​ເຂດ, ມະ​ຫາ​ວິ​ທະ​ຍາ​ໄລ​ຈຳ​ປາ​ສັກ, ວິ​ທະ​ຍາ​ຄານ ແລະ ສະ​ຖາ​ບັນ​ແຫ່ງ​ຕ່າງໆ ດ້ວຍ​ຮູບ​ແບບ​ເຊິ່ງ​ໜ້າ ແລະ ແບບອອນ​ລາຍ ຊຶ່ງ​ຈຸດ​ປະ​ສົງ​ຂອງກອງ​ປະ​ຊຸມ​ແມ່ນ:
1.ປຶກສາຫາລືການເອີ້ນຊື່ຕຳແໜ່ງຜູ້ບໍລິຫານຂັ້ນຕ່າງໆ ຂອງສະຖານການສືກສາຊັ້ນສູງ;
2.ເຜີຍແຜ່ ແລະ ແນະນຳການສ້າງແຜນພັດທະນາຂະແໜງການຍ່ອຍການສຶກສາຊັ້ນສູງ 5 ປີ ຄັ້ງທີ X (2026-2030).

ໃນວັນທີ 08-10 ທັນວາ 2025 ຢູ່ ຫ້ອງປະຊຸມ, ມະຫາວິທະຍາໄລຈຳປາສັກໄດ້ຈັດກອງປະຊຸມຄັ້ງທີ 3 ຂອງ ໂຄງການ REAL, ເຊິ່ງເປັນໂຄງການຮ່ວມທຶນ (co-funded) ກັບສະຫະພາບເອີຣົບເພື່ອສ້າງຄວາມເຂັ້ມແຂງໃນຂະແໜງການສູງສຶກສາຊັ້ນສູງ ໂດຍທ່ານ ປອ. ອຳມະນີ ນໍລິນ ຮອງຫົວໜ້າກົມການສຶກສາຊັ້ນສູງ, ກະຊວງສຶກສາທິການ ແລະ ກິລາ ໄດ້ເຂົ້າຮ່ວມກ່າວເປີດ ແລະ ປະທານຮ່ວມ ທ່ານ ປອ. ນ. ພອນສະຫວັນ ເທບພະສຸລິນທອນ ຜູ້ອຳນວຍການ ມະຫາວິທະຍາໄລຈຳປາສັກ, ປະກອບມີ ອາຈານ, ນັກວິຊາການ ຈາກ ມະຫາວິທະຍາໄລແຫ່ງຊາດ (ມຊ), ມະຫາວິທະຍາໄລຈໍາປາສັກ (ມຈ), ມະຫາວິທະຍາໄລສຸພານຸວົງ (ມຂ) ແລະ ມະຫາວິທະຍາໄລສະຫວັນນະເຂດ (ມຂ) ພ້ອມດ້ວຍຄູ່ຮ່ວມງານ ຈາກສະຖາບັນສະຫະພາບເອີຣົບ. ຈຸດປະສົງ ເພື່ອສືບຕໍ່ການຈັດຕັ້ງປະຕິບັດຕາມແຜນໂຄງການ 1. ລາຍງານຜົນສຳເລັດສຸດທ້າຍ ກ່ຽວກັບ Graduate Profiles ທີ່ໄດ້ຕອບສະໜອງຄວາມຕ້ອງການຂອງສັງຄົມລາວ ແລະ ເລື່ມການກະກຽມການປຶກສາຫາລືລະດັບຊາດກ່ຽວກັບທິດທາງແຜນການ ໃນການເພີ່ມມູນຄ່າ ຢູ່ໃນການສຶກສາຊັ້ນສູງໃຫ້ດີຂຶ້ນ, 2. ການປະເມີນຜົນຂອງການຮຽນຮູ້Programme Learning Outcomes ແລະ ຜົນໄດ້ຮັບຈາກການຮຽນຮູ້ຂອງຫຼັກສູດ, ພ້ອມທັງໄດ້ຈັດການຝຶກອົບຮົມສ້າງຄວາມຮັບຮູ້ ເປັນຄັ້ງທຳອິດກ່ຽວກັບ ການປະເມີນໜ້າວຽກຂອງນັກຮຽນ student workload. 3. ສາຍທີ 3 ໃນຫົວຂໍ້ທີ 3: ໄດ້ສັງລວມເອົາຜົນຄວາມຄືບໜ້າ ຈາກທິມງານທີ່ໄດ້ສົນທະນາຄົ້ນຄວ້າ ຢູ່ໃນສາຍທີ 1ແລະສາຍທີ2 ກ່ຽວກັບ “ວິທີການດຶງດູດນັກຮຽນໃຫ້ມີສ່ວນຮ່ວມໃນການຮຽນຮູ້ ແລະ ຮັບມືຂອງນັກສຶກສາ ແລະ ນຳເອົາຫຼັກການຮຽນຮູ້ແບບເຊິງລຸກ ເພື່ອອອກແບບ ແລະ ການຈັດສອນສິດສອນຢູ່ຫຼັກສູດ. ນອກຈາກນີ້, ກອງປະຊຸມຍັງໄດ້ປຶກສາຫາລືກັບບັນດາຜູ້ຈ້າງງານ ແລະຜູ້ປະກອບການອື່ນໆ ກ່ຽວກັບການຄວາມເປັນໄປໄດ້ ແລະ ວິທີການຮ່ວມມືກັບສະຖາບັນການສຶກສຶກສາ ເພື່ອຊ່ວຍກັນປັບປຸງຄະນະພາບຫຼັກສູດການຮຽນ-ການສອນ ແລະ ກະທັດຮັດ. ກອງປະຊຸມໄດ້ຈັດຂື້ນເປັນເວລາ 3 ວັນ ແລະ ປິດລົງໃນວັນທີ 11 ທັນວາ 2025 ທີ່ມະຫາວິທະຍາໄລຈຳປາສັກ.

ກອງປະຊຸມປະເມີນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈຳປີ 2025 ຂອງໜ່ວຍພັກຮາກຖານກົມການສຶກສາຊັ້ນສູງ ໄດ້ຈັດຂື້ນໃນວັນທີ 18 ທັນວາ 2025 ທີ່ ຫ້ອງປະຊຸມກົມການສຶກສາຊັ້ນສູງ, ກະຊວງສຶກສາທິການ ແລະ ກິລາ ພາຍໃຕ້ການເປັນປະທານຮ່ວມຂອງສະຫາຍ ຄຳແກ້ວ ຫານຊະນະ ຮອງເລຂາໜ່ວຍພັກ ແລະ ສະຫາຍ ໄກສອນ ເພັງໂສພາ ຄະນະບໍລິຫານງານພັກກະຊວງ ພ້ອມດ້ວຍບັນດາສະຫາຍສະມາຊິກພັກບຳນານຂອງກົມການສຶກສາຊັ້ນສູງ.

ຊົມເຊີຍວັນຊາດທີ 2 ທັນວາ ຄົບຮອບ 50 ປີ ຢ່າງສຸດໃຈ

ຊົມເຊີຍວັນຄູແຫ່ງຊາດ ຄົບຮອບ 31 ປີ (07 ຕຸລາ 1994 - 07 ຕຸລາ 2025) 👏👏👏

ດຳລັດ ວ່າດ້ວຍການປ່ຽນຊື່ເອີ້ນຕຳແໜ່ງຜູ້ບໍລິຫານສະຖານການສຶກສາຊັ້ນສູງ ສະບັບເລກທີ 568/ນຍ, ລົງວັນທີ 22 ກັນຍາ 2025.

ໃນລະຫວ່າງວັນທີ 26-29 ສິງຫາ 2026 ທ່ານ ຮສ.ປອ. ຫຼ້າວັນ ວົງຄຳສານ ຫົວໜ້າກົມການສຶກສາຊັ້ນສູງ, ກະຊວງສຶກສາທິການ ແລະ ກິລາ ໄດ້ເຂົ້າຮ່ວມກ່າວເປີດກອງປະຊຸມຄັ້ງທີ 2 ຂອງ ໂຄງການ REAL, ເຊິ່ງເປັນໂຄງການຮ່ວມທຶນ (Co-Funded) ກັບສະຫະພາບເອີຣົບເພື່ອສ້າງຄວາມເຂັ້ມແຂງໃນຂະແໜງການສູງສຶກສາຊັ້ນສູງ. ໂຄງການ REAL ມີຈຸດປະສົງເພື່ອປະຕິຮູບການສຶກສາຊັ້ນສູງ ຂອງ ສປປ ລາວ ໂດຍການປູກຝັງວັດທະນະທໍາການປະກັນຄຸນະພາບພາຍໃນທີ່ຈໍາເປັນສໍາລັບການຈັດຕັ້ງປະຕິບັດແນວທາງການສຶກສາແບບອີງໃສ່ຜົນຮັບການຮຽນເປັນຫຼັກ.
ກອງປະຊຸມໃນຄັ້ງນີ້ ຜູ້ເຂົ້າຮ່ວມປະກອບມີ ນັກວິຊາການທັງໝົດ 17 ທີມ ຈາກ ມະຫາວິທະຍາໄລແຫ່ງຊາດ (ມຊ), ມະຫາວິທະຍາໄລຈໍາປາສັກ (ມຈ), ມະຫາວິທະຍາໄລສຸພານຸວົງ (ມສ) ແລະ ມະຫາວິທະຍາໄລສະຫວັນນະເຂດ (ມຂ) ໄດ້ປຶກສາຫາລືແລກປ່ຽນຜົນໄດ້ຮັບຈາກການລົງເກັບກໍາຂໍ້ມູນຈາກ ນັກສຶກສາ, ອາຈານ, ສິດເກົ່າ ແລະ ຜູ້ຈ້າງງານ ຈໍານວນຫຼາຍກວ່າ 2000 ຄົນ ໃນທົ່ວປະເທດ, ລາຍງານການທວນຄືນ ແລະ ປັບປຸງການຂຽນຜົນຮັບການຮຽນຂອງຫຼັກສູດ, ແລະ ການທົດລອງສອນທີ່ເນັ້ນສ້າງຄວາມກະຕືລືລົ້ນໃຫ້ກັບນັກສຶກສາ. ນອກຈາກນີ້, ກອງປະຊຸມຍັງໄດ້ປຶກສາຫາລືກັບບັນດາຜູ້ຈ້າງງານ ແລະ ສິດເກົ່າ ກ່ຽວກັບການຄວາມເປັນໄປໄດ້ ແລະ ວິທີການຮ່ວມມືກັບສະຖາບັນການສຶກສຶກສາ ເພື່ອຊ່ວຍກັນປັບປຸງຄະນະພາບຫຼັກສູດການຮຽນ-ການສອນ ແລະ ຮັດປະກັນໄດ້ວ່ານັກສຶກສາທີ່ຈົບອອກໄປຈະມີຄວາມຮູ້ ແລະ ທັກສະທີ່ຕະຫຼາດແຮງງານຕ້ອງການ.
ເວັບໄຊສ໌ໂຄງການ: https://tuninglaopdr-real.com

ຊົມເຊີຍວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ ຢ່າງສຸດໃຈ ( 20 ກໍລະກົດ 1955 - 20 ກໍລະກົດ 2025)

#ແຈ້ງການ ການຈັດຕັ້ງການສອບເສັງຄັດເລືອກເອົານັກສຶກສາເຂົ້າຮຽນຢູ່ມະຫາວິທະຍາໄລ 4 ແຫ່ງ ທີ່ຂື້ນກັບກະຊວງສຶກສາທິການ ແລະ ກິລາ, ສະຖານການສຶກສາຊັ້ນສູງ ທີ່ຂື້ນກັບກະຊວງອື່ນ ແລະ ສະຖານການສຶກສາຊັ້ນສູງ ພາກເອກະຊົນ ປະຈຳສົກສຶກສາ 2025-2026

ພິທີເຊັນບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານວິຊາການ ລະຫວ່າງ ມະຫາວິທະຍາໄລສະຫວັນນະເຂດ ແລະ ວິທະຍາໄລເຕັກນິກ-ວິຊາຊີບ ແຂວງຄຳມ່ວນ

ກອງປະຊຸມຄັ້ງປະຖົມມະລຶກ ຂອງໂຄງການສົ່ງເສີມການປະກັນຄຸນນະພາບພາຍໃນ ສະຖານການສຶກສາຊັ້ນສູງ ໃນ ສປປ ລາວ (REAL) ພາຍໃຕ້ແຜນງານຂອງ Erasmus+ Program ຄັ້ງທີ່1 ໄດ້ຈັດຂຶ້ນເມື່ອລະຫວ່າງວັນທີ 31 ມີນາ ຫາ 2 ເມສາ 2025 ທີ່ຜ່ານມາ ຢູ່ທີ່ມະຫາວິທະຍາໄລແຫ່ງຊາດ, ນະຄອນຫຼວງວຽງຈັນ ໃຫ້ກຽດເຂົ້າຮ່ວມມີທ່ານ ຮສ. ປອ ຫຼ້າວັນ ວົງຄຳສານ ຫົວໜ້າກົມການສຶກສາຊັ້ນສູງ ແລະ ທ່ານ ສຈ. ປອ ເດຊານຸລາດ ແສນດວງເດດ ວ່າການແທນອະທິການບໍດີມະຫາວິທະຍາໄລແຫ່ງຊາດ ພ້ອມດ້ວຍຜູ້ຊ່ຽວຊານ ແລະນັກວິຊາການຄູ ໂດຍສະເພາະຈາກອົງການ ແລະ ສະຖາບັນການສຶກສາຊັ້ນສູງ, ຄູ່ຮ່ວມໂຄງການ ທັງພາຍໃນ ແລະ ຕ່າງປະເທດເຂົ້າຮ່ວມຢ່າງພ້ອມພຽງ ເຊັ່ນຈາກ: ກະຊວງສຶກສາທິການ ແລະ ກິລາ (ສສກ), (ມະຫາວິທະຍາໄລແຫ່ງຊາດ (ມຊ), ມະຫາວິທະຍາໄລສຸພານຸວົງ (ມສ), ມະຫາວິທະຍາໄລຈໍາປາສັກ (ມຈ), ມະຫາວິທະຍາໄລສະຫວັນນະເຂດ (ມຂ), ມະຫາວິທະຍາໄລໂກຣນິ່ງເຈນ (Groningen University) ປະເທດໂຮນລັງ, ມະຫາວິທະຍາໄລວິຊາຊີບມາດຣິດ (Polytechnical University of Madrid) ປະເທດແອັດສະປາຍ, ມະຫາວິທະຍາໄລປອຍຕີເຢ (University of Poitiers) ປະເທດຝຣັ່ງ,
REAL general objective is to: promote structural reform for the effective implementation of the outcomes-based approach, creating strategies, mechanisms and resources essential to modernize the Lao Higher Education System (LHES).
REAL four specific objectives are as follows:
– Develop strategies that can ensure the relevance of HE sector, allowing universities in Laos to meet the socio-economic needs of the country;
– Implement mechanisms that can ensure feasibility of HE programmes, supporting sustainable structural improvement & innovation at the level of LHES;
– Increase the capacities of individual academics, programme teams & universities in order to ensure the effectiveness of teaching required to implement & monitor the reform processes;
– Engage competent authorities at national & institutional level in defining & fostering full adoption of comprehensive internal quality assurance efforts that can ensure coherent & sustainable structural changes.

ຂໍ້ຕົກລົງວ່າດ້ວຍການນຳໃຊ້ຊື່ວຸດທິການສຶກສາຊັ້ນສູງ ສະບັບເລກທີ 2721/ສສກ, ລົງວັນທີ 26 ພຶດສະພາ 2025