Law learning ທີ່ປຶກສາກົດໝາຍ

28/08/2026

ປະຊາຊົນຄາດຫວັງ ເມື່ອສ້າງຕັ້ງຕາແສງຂຶ້ນມາແລ້ວ ຂໍໃຫ້ມີການພັດທະນາໄວຂຶ້ນກວ່າເກົ່າ
ໂດຍ: ທິດກໍ່າ

ມາຮອດປັດຈຸບັນ ຖືວ່າພາລະກິດໃນການສ້າງຕັ້ງລະບົບການປົກຄອງຂັ້ນຕາແສງໄດ້ສໍາເລັດເສັດຊິ້ນໄປແລ້ວຮ້ອຍເປີເຊັນ. ສະແດງວ່າໃນທົ່ວປະເທດ ພວກເຮົາມີ 640 ຕາແສງ, ແຂວງທີ່ມີຈໍານວນຕາແສງຫລາຍກວ່າໝູ່ກໍແມ່ນສະຫວັນນະເຂດ ເຊິ່ງມີເຖິງ 67 ຕາແສງ. ອັນສາເຫດກໍຍ້ອນວ່າເປັນແຂວງທີ່ມີເນື້ອທີ່ກວ້າງໃຫຍ່ ແລະ ມີພົນລະເມືອງຫລາຍກວ່າໝູ່ໃນບັນດາແຂວງໃນທົ່ວປະເທດ. ສ່ວນແຂວງທີ່ມີຈໍານວນຕາແສງໜ້ອຍກວ່າໝູ່ກໍແມ່ນແຂວງໄຊສົມບູນ ເຊິ່ງມີພຽງ 14 ຕາແສງ ຍ້ອນວ່າເປັນແຂວງນ້ອຍ ພົນລະເມືອງໜ້ອຍ ທັງເປັນແຂວງທີ່ເກີດຂຶ້ນໃໝ່ຫລ້າສຸດໃນປະຫວັດສາດຂອງປະເທດ.

ການສ້າງຕັ້ງຕາແສງຂຶ້ນມາແມ່ນເພື່ອປະຕິບັດຕາມການຕົກລົງຂອງສູນກາງພັກ ເຊິ່ງໃຫ້ເປັນໄປຕາມລະບົບການປົກຄອງຕາມສາຍຕັ້ງ ນັບແຕ່ຂັ້ນສູນກາງລົງຮອດຂັ້ນທ້ອງຖິ່ນ ເປັນຕົ້ນຂັ້ນສູນກາງ, ຂັ້ນແຂວງ, ຂັ້ນເມືອງ, ຂັ້ນຕາແສງ ແລະ ຂັ້ນບ້ານ ເຊິ່ງມີຫລາຍປະເທດໃນພາກພື້ນ ແລະ ໃນໂລກເຂົາກໍເຄີຍປົກຄອງກັນມາໃນປະຫວັດສາດຫລາຍຮ້ອຍປີມາແລ້ວ.

ສະເພາະປະເທດລາວຂອງພວກເຮົາ ພາຍຫລັງສ້າງຕັ້ງສາທາລະນະລັດ ປະຊາທິປະໄຕ ປະຊາຊົນລາວ ພວກເຮົາກໍມີລະບົບການປົກຄອງຂັ້ນຕາແສງ ແຕ່ຕໍ່ມາໃນຊ່ວງໄລຍະໜຶ່ງກໍມີການລົບລ້າງ ໂດຍກໍານົດເອົາພຽງຂັ້ນບ້ານຂຶ້ນໄປຮອດຂັ້ນເມືອງ, ຂັ້ນແຂວງ ແລະ ຂັ້ນສູນກາງ ອັນສາເຫດກໍອາດເປັນຍ້ອນມີຫລາຍຂັ້ນຫລາຍຂອດ ແລະ ເພື່ອປະຢັດໃນການຈັດສັນງົບປະມານ.

ພໍຕົກມາຮອດສະພາບປັດຈຸບັນ ເຫັນວ່າປະເທດຊາດບ້ານເມືອງຂອງພວກເຮົາມີຄວາມຈະເລີນຮຸ່ງເຮືອງ ທັງມີການພັດທະນາຫລາຍຂຶ້ນ ນັບທັງໃຫ້ເປັນໄປຕາມລະບົບການປົກຄອງທ້ອງຖິ່ນຮາກຖານໃຫ້ເຂັ້ມແຂງໜັກແໜ້ນ ຈຶ່ງໄດ້ຫັນມາສ້າງຕັ້ງຕາແສງຄືນໃໝ່ ເພື່ອສ້າງຄວາມສາມາດໃນການຄຸ້ມຄອງລັດ-ນໍາພາປະຊາຊົນເຮັດໜ້າທີ່ສ້າງສາພັດທະນາຕາມແນວທາງຂອງພັກ ແລະ ລັດຖະບານ ໂດຍສະເພາະນໍາຈັດຕັ້ງປະຕິບັດໂຄງການ-ການເມືອງສະບັບທີສາມ, ແຜນພັດທະນາເສດຖະກິດ-ສັງຄົມ 5 ປີ (2026-2030) ແລະ ແຜນປະຈໍາປີ 2026 ໃຫ້ບັນລຸຕາມຄາດໝາຍ ຫລື ລື່ນຄາດໝາຍ.

ແຕ່ຢ່າງໃດກໍດີ, ເວົ້າເລື່ອງການບໍລິຫານປົກຄອງຂັ້ນພື້ນຖານຕໍ່າສຸດ ໂດຍສະເພາະຂັ້ນຕາແສງແມ່ນມີບົດບາດສໍາຄັນເປັນພິເສດ ຍ້ອນວ່າມັນຕິດພັນກັບຮາກຖານ ແລະ ປະຊາຊົນໂດຍກົງ. ເມື່ອໃດຮາກຖານມີຄວາມສະຫງົບເຂັ້ມແຂງໝັ້ນຄົງ ມີການພັດທະນາຢ່າງວ່ອງໄວ ຊີວິດການເປັນຢູ່ຂອງປະຊາຊົນດີຂຶ້ນ ປະເທດຊາດກໍມີຄວາມສຸກສໍາລານ, ຈະເລີນຮຸ່ງເຮືອງ ແລະ ກ້າວໄປຕາມຈຸດໝາຍປາຍທາງ. ແຕ່ແນວໃດກໍຕາມ, ສິ່ງທີ່ເປັນຫ່ວງນັ້ນກໍຄືຂັ້ນຂອດໃນການບໍລິຫານຈັດການຮັບໃຊ້ຊາດຮັບໃຊ້ປະຊາຊົນ ເພາະຕາແສງມັນມີຫລາຍບ້ານຂຶ້ນກັບ ອັນສໍາຄັນທີ່ສຸດຄືການໄປພົວພັນເຊັນເອກະສານຄ່າທໍານຽມຕ່າງໆ ຕ້ອງສອດຄ່ອງວ່ອງໄວ ບໍ່ໃຫ້ຊິ້ນເປືອງໃນການໄປພົວພັນ.

ສົມມຸດມີຄົນໄປເຊັນເອກະສານປ່ຽນກໍາມະສິດທີ່ດິນນໍາ ຕາແສງຕ້ອງຜ່ານບ້ານ-ບ້ານກໍເກັບ 3 ແສນ ຫລື 5 ແສນກີບ, ໄປເຊັນຂັ້ນຕາແສງກໍເກັບ 8 ແສນຂຶ້ນໄປ ຮອດເມືອງກໍເສຍຄ່າທໍານຽມ ແລະ ບໍລິການຕ່າງໆຕື່ມອີກ 1 ລ້ານກີບ ນີ້ຄືກໍລະນີທີໜຶ່ງ, ສ່ວນກໍລະນີທີສອງ ບ້ານທີ່ຂຶ້ນກັບຕາແສງມັນກໍຫ່າງໄກຢູ່ແລ້ວ ແຕ່ບັງເອີນເມື່ອໄປຮອດສໍານັກງານຕາແສງ ຄະນະນໍາຕາແສງພັດບໍ່ມີໃຜຢູ່ ໄປປະຊຸມຢູ່ເມືອງ ຫລືວ່າ ໄປວຽກນອກ ຍັງເຫລືອແຕ່ພະນັກງານຊ່ວຍວຽກນັ່ງເຝົ້າຫ້ອງການ ນີ້ລະຄືຄໍາໂຈດທີ່ເຮົາຕ້ອງຫາວິທີແກ້, ແຕ່ກໍເຊື່ອໝັ້ນວ່າ ພາລະກິດຂອງຕາແສງທີ່ຊາດ ແລະ ປະຊາຊົນໄດ້ມອບໝາຍໃຫ້ນັ້ນ ຄົງຜ່ານພົ້ນໄປດ້ວຍຜົນງານອັນຍິ່ງໃຫຍ່.

https://laophattananews.com/257807/
#ໜັງສືພິມລາວພັດທະນາ #ບດຄວາມ #ທິດກໍ່າ #ຕາແສງ
_______________@_______
ສະໜັບສະໜູນຂ່າວໂດຍ:
ທະນາຄານພັດທະນາລາວ LDB 021 213 300
_______________@_______________
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://X.com/laophattana
Whatsapp: https://whatsapp.com/channel/0029Va9dcYjHFxPArwc63g17
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088

27/08/2026

ຄິດໄລ່ມູນຄ່າຊົດເຊີຍດິນຍຸບ ຢູ່ທົ່ງມັ່ງ 147 ຕື້ກວ່າກີບ ເພື່ອຟື້ນຟູ ແລະ ຊ່ວຍເຫລືອປະຊາຊົນໄດ້ຮັບຜົນກະທົບ

ວັນທີ 26 ສິງຫາ 2026 ຄະນະສະມາຊິກສະພາປະຊາຊົນ ນວ ນຳໂດຍທ່ານ ທະນົງໄຊ ຄຸດໄພທູນ ຮອງປະທານສະພາປະຊາຊົນ ນວ, ໄດ້ລົງຕິດຕາມ ກວດກາ ແລະ ຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ທີ່ ພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ (ນວ).

ທ່ານ ນາງ ວັນມະນີ ພິມມະສານ ຫົວໜ້າພະແນກ ອຸດສາຫະກຳ ແລະ ການຄ້າ ນວ ໄດ້ລາຍງານວ່າ: ຜົນສຳເລັດໃນດ້ານການຜະລິດ ແລະ ການສົ່ງເສີມທຸລະກິດ ຜ່ານການຈັດຕັ້ງປະຕິບັດວຽກງານຕົວຈິງໃນ 6 ເດືອນຜ່ານມາ ຕາມມະຕິສະພາປະຊາຊົນຮັບຮອງ:
- ວຽກງານອຸດສາຫະກຳປຸງແຕ່ງ ສາມາດຂະຫຍາຍຕົວໄດ້ 4.48% (ເທົ່າກັບ 111.86% ຂອງແຜນການປີ) ອັນພົ້ນເດັ່ນໄດ້ເອົາໃຈໃສ່ຊຸກຍູ້ສົ່ງເສີມຫົວໜ່ວຍຈຸນລະວິສາຫະກິດ ວິສາຫະກິດຂະໜາດນ້ອຍ ແລະ ກາງ (MSME) ໃຫ້ຂະຫຍາຍຕົວເພີ່ມຂຶ້ນ 4,664 ຫົວໜ່ວຍ ຫລື 6.21% ຕໍ່ປີ (ບັນລຸ 88.77% ຂອງແຜນການປີທີ່ຕັ້ງໄວ້ 5,254 ຫົວໜ່ວຍ ຫລື 7%)
- ວຽກງານການຈົດທະບຽນວິສາຫະກິດ ແລະ ການປົກປ້ອງຊັບສິນທາງປັນຍາ ກໍໄດ້ຮັບການເອົາໃຈໃສ່ ເພື່ອສ້າງຄວາມເຊື່ອໝັ້ນໃຫ້ແກ່ຜູ້ປະກອບການພາຍໃນ.
- ດ້ານຂະແໜງພະລັງງານ ແລະ ບໍ່ແຮ່ ທາງພະແນກໄດ້ສຸມໃສ່ຊຸກຍູ້ໂຄງການຜະລິດພະລັງງານສະອາດເຊັ່ນ: ໂຄງການໄຟຟ້າແສງຕາເວັນ 11 ໂຄງການ ແລະ ໄຟຟ້າຂີ້ເຫຍື້ອ 1 ໂຄງການ ພ້ອມທັງກວດກາ ແລະ ປັບປຸງຫົວຈ່າຍນໍ້າມັນເຊື້ອໄຟຈຳນວນ 340 ຫົວຈ່າຍ ໃຫ້ໄດ້ມາດຕະຖານ ເພື່ອປົກປ້ອງສິດຜົນປະໂຫຍດຂອງຜູ້ບໍລິໂພກ.

ເຖິງຈະມີຜົນງານອັນພົ້ນເດັ່ນ ແຕ່ສັງຄົມກໍຍັງຄົງປະເຊີນໜ້າກັບບັນຫາທ້າທາຍອັນໜັກໜ່ວງ ໂດຍສະເພາະ ເຫດການດິນຍຸບ ແລະ ດິນແຕກແຫງຢູ່ເຂດບ້ານທົ່ງມັ່ງ ເມືອງໄຊທານີ ທີ່ຕິດພັນກັບໂຄງການຂຸດຄົ້ນແຮ່ເກືອໂປຕາສ ເຊິ່ງໄດ້ສົ່ງຜົນກະທົບໂດຍກົງຕໍ່ຊີວິດການເປັນຢູ່ທີ່ຢູ່ອາໄສ ແລະ ຜົນຜະລິດຂອງປະຊາຊົນ, ເພື່ອແກ້ໄຂບັນຫາດັ່ງກ່າວ ລັດຖະບານ ແລະ ອົງການປົກຄອງ ນວ ໄດ້ສົມທົບກັບ ບໍລິສັດຜູ້ສຳປະທານ ຈັດຕັ້ງຄະນະສະເພາະກິດລົງເກັບກຳຂໍ້ມູນ ແລະ ຄິດໄລ່ມູນຄ່າຊົດເຊີຍຢ່າງຮອບດ້ານ ລວມມີມູນຄ່າ 147,93 ຕື້ກີບ ເພື່ອຮີບຮ້ອນຟື້ນຟູ ແລະ ຊ່ວຍເຫລືອບັນເທົາຄວາມເດືອດຮ້ອນໃຫ້ປະຊາຊົນຜູ້ໄດ້ຮັບຜົນກະທົບ. ໃນນີ້, ມີມູນຄ່າຊົດເຊີຍທີ່ດິນ 97 ຕື້ກີບ, ຄ່າຊົດເຊີຍພືດຜົນ ແລະ ການຜະລິດ 29,34 ຕື້ກີບ, ຄ່າຊົດເຊີຍສິ່ງປຸກສ້າງ 13,82 ຕື້ກີບ, ຄ່າສ້ອມແປງຟື້ນຟູຄອງຊົນລະປະທານ ແລະ ເສັ້ນທາງ 7,67 ຕື້ກີບ... #ອ່ານເນື້ອໃນເພີ່ມທີ່ລິ້ງ>>> https://laophattananews.com/257789/

#ໜັງສືພິມລາວພັດທະນາ #ຂ່າວພາຍໃນ #ດິນຍຸບຢູ່ທົ່ງມັ່ງ #ຄ່າຊົດເຊີຍ
_______________@_______________
ສະໜັບສະໜູນຂ່າວໂດຍ: Simply
_______________@_______________
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://X.com/laophattana
Whatsapp: https://whatsapp.com/channel/0029Va9dcYjHFxPArwc63g17
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088

22/08/2026

19/08/2026

19/08/2026

ຢຶດຂອງກາງ ຄ້າຍຄືຊິ້ນສ່ວນ ແລະ ຜະລິດຕະພັນສັດປ່າ 30 ກວ່າກິໂລກຣາມ ຈາກພໍ່ຄ້າຊາວຈີນ ຢູ່ນະຄອນຫຼວງວຽງຈັນ

ວັນທີ 18 ສິງຫາ 2026 ເຈົ້າໜ້າທີ່ກຸ່ມເຄືອຂ່າຍບັງຄັບໃຊ້ກົດໝາຍວ່າດ້ວຍສັດປ່າ ແລະ ກົດໝາຍວ່າດ້ວຍປ່າໄມ້ ຫຼື LAO-WEN ແລະ ພາກສ່ວນທີ່ກ່ຽວຂ້ອງ ໄດ້ພ້ອມກັນລົງເຄື່ອນໄຫວກວດກາ ການລັກລອບຄ້າຂາຍ ແລະ ມີໄວ້ໃນຄອບຄອງ ຊິ້ນສ່ວນ ແລະ ຜະລິດຕະພັນສັດປ່າ ປະເພດຫວງຫ້າມ ຢູ່ບ້ານສີສະຫວາດ ເມືອງຈັນທະບູລີນະຄອນຫຼວງວຽງຈັນ.

ຜ່ານການລົງກວດກາຕົວຈິງ ເຈົ້າໜ້າທີ່ ໄດ້ພົບເຫັນການລັກລອບຄ້າຂາຍ ແລະ ມີໄວ້ໃນຄອບຄອງ ຊິ້ນສ່ວນ ແລະ ຜະລິດຕະພັນທີ່ຄ້າຍຄືສັດປ່າປະເພດຫວງຫ້າມ ພ້ອມທັງຜູ້ຖືກສົງໃສຈຳນວນໜຶ່ງ ທີ່ເປັນຄົນສັນຊາດຈີນ ພາຍໃນສະຖານທີ່ດັ່ງກ່າວ ເຊິ່ງຂອງກາງທີ່ພົບເຫັນ ເປັນຊິ້ນສ່ວນ ແລະ ຜະລິດຕະພັນ ທີ່ຄ້າຍຄືນໍແຮດ, ງາຊ້າງແກະສະຫຼັກ, ໜັງຊ້າງແຫ້ງ, ເກັດ-ຜົງເກັດລິ່ນ, ບີສັດປ່າ ຜົງບີໝີ ແຂ້ວສັດປ່າ, ກະດູກສັດປ່າ ແກະສະຫຼັກ ແລະ ຢາສະໝຸນໄພທີ່ສົງໄສມີສ່ວນປະສົມຈາກສັດປ່າ ລວມທັງ ໝົດ 38 ລາຍການ ມີນ້ຳໜັກຫຼາຍກວ່າ 30 ກິໂລກຣາມ ນອກຈາກນີ້ ຍັງພົບເຫັນເຄື່ອງຈັກທີ່ໃຊ້ເຂົ້າໃນການແປຮູບ ຊິ້ນສ່ວນ ແລະ ຜະລິດຕະພັນຈາກສັດປ່າຈຳນວນຫຼາຍເຄື່ອງ ພ້ອມດ້ວຍອຸປະກອນເຄື່ອງມືທີ່ກ່ຽວຂ້ອງຈຳນວນໜຶ່ງ.

ຕໍ່ກັບເຫດການດັ່ງກ່າວ ທາງເຈົ້າໜ້າທີ່ກຸ່ມເຄືອຂ່າຍ LAO-WEN ໄດ້ດຳເນີນການກັກຍຶດເຄື່ອງຂອງກາງທັງໝົດໄວ້ເພື່ອເປັນຫຼັກຖານໃນການປະກອບສຳນວນຄະດີ ສ່ວນກຸ່ມຄົນສັນຊາດຈີນທີ່ຖືກສົງໄສນັ້ນ ແມ່ນໄດ້ຖືກກັກຕົວໄວ້ ເພື່ອດຳເນີນການສືບສວນ-ສອບສວນ ຕາມຂັ້ນຕອນຂອງກົດໝາຍ.

https://laophattananews.com/257427/
#ໜັງສືພິມລາວພັດທະນາ #ຂ່າວພາຍໃນ #ຊິ້ນສ່ວນສັດປ່າ
_______________@_______________
ສະໜັບສະໜູນຂ່າວໂດຍ: ບໍລິສັດ AGL ປະກັນໄພລາວ
_______________@_______________
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://X.com/laophattana
Whatsapp: https://whatsapp.com/channel/0029Va9dcYjHFxPArwc63g17
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088

14/08/2026

ເມືອງວັງວຽງກຳລັງກ້າວເຂົ້າສູ່ການປ່ຽນແປງຄັ້ງປະຫວັດສາດ ໂດຍເລັ່ງລົບລ້າງພາບພົດເມືອງແຫ່ງການຊຸມແຊວ ເພື່ອຍົກລະດັບການບໍລິການ ແລະ ພື້ນຖານໂຄງລ່າງເຂົ້າສູ່ມາດຕະຖານອາຊຽນຢ່າງເຕັມຮູບແບບ.
ເປົ້າໝາຍຫຼັກແມ່ນການດຶງດູດນັກທ່ອງທ່ຽວຄຸນນະພາບທີ່ມີກຳລັງຊື້ສູງ ເຊິ່ງຈະສ້າງຜົນກະທົບເຊີງບວກຕໍ່ການອະນຸລັກທຳມະຊາດ ແລະ ຂັບເຄື່ອນເສດຖະກິດຊຸມຊົນໃຫ້ເຕີບໂຕຢ່າງຍືນຍົງ.
ອ້າງອີງຈາກແຜນແມ່ບົດພັດທະນາ ແລະ ຄຸ້ມຄອງເຂດທ່ອງທ່ຽວລະດັບຊາດ ເມືອງວັງວຽງ ແລະ ບໍລິເວນອ້ອມຮອບສຳລັບປີ 2025 - 2035 ຂອງກົມພັດທະນາການທ່ອງທ່ຽວ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທິດທາງການພັດທະນາໃນອະນາຄົດໄດ້ກຳນົດວິໄສທັດຢ່າງຈະແຈ້ງວ່າ ຮອດປີ 2035 ວັງວຽງຈະຕ້ອງເປັນຈຸດໝາຍປາຍທາງການທ່ອງທ່ຽວທາງທຳມະຊາດ, ການຜະຈົນໄພ ແລະ ການຄົ້ນຫາ ທີ່ສະອາດ, ສີຂຽວ ແລະ ປອດໄພ.
ອ່ານຂ່າວຕໍ່ໃນລິ້ງກ້ອງຄອມເມັ້ນ....
#ວັງວຽງ #ການທ່ອງທ່ຽວລາວ #ມາດຕະຖານອາຊຽນ #ການທ່ອງທ່ຽວສີຂຽວ #ເມືອງທ່ອງທ່ຽວ

13/08/2026

13/08/2026

ສານແຂວງອຸດົມໄຊ ຕັດສິນຈໍາເລີຍຂໍ້ຫາຕັດໄມ້ຄຸ້ມຄອງ, ຖາງປ່າ ແລະ ຈູດປ່າໂດຍບໍ່ຖືກຕ້ອງ ຈຳຄຸກ 5 ເດືອນ ແລະ ປັບໃໝ 46 ລ້ານກວ່າກີບ

ປກສ ແຂວງອຸດົມໄຊ ລາຍງານວ່າ: ວັນທີ 5 ສິງຫາ 2026 ສານປະຊາຊົນເຂດ 1 ແຂວງອຸດົມໄຊ ໄດ້ຖະແຫລງ ຄຳຕັດສີນຄະດີອາຍາ ເລກທີ 011/ຂຕ.ອ ລົງວັນທີ 05 ສິງຫາ 2026 ໂດຍຊ່ອງໜ້າຄະນະສານອາຍາສານປະຊາຊົນເຂດ 1 ພ້ອມອົງການກຽ່ວຂ້ອງ ແລະ ຈໍາເລີຍ, ຜ່ານການຄົ້ນຄ້ວາບັນດາຂໍ້ມູນຫລັກຖານຕ່າງໆຢ່າງລະອຽດຖີ່ຖ້ວນ ແລະ ພາວະວິໄສ ສານໄດ້ພິຈາລະນາລົງໂທດຕັດອິດສາຫລະພາບ ທ້າວ ທອງພັນ ອາຍຸ 33 ປີ ຢູ່ໜ່ວຍ 05 ບ້ານນາໂຮມ ເມືອງນາໝໍ້ ແຂວງອຸດົມໄຊ (ຈຳເລີຍ) ໃນຂໍ້ຫາມີຄວາມຜິດໃນການຕັດໄມ້ຄຸ້ມຄອງ, ການຖາງປ່າ ແລະ ຈູດປ່າໂດຍບໍ່ຖືກຕ້ອງຕາມລະບຽບກົດໝາຍ ຕາມມາດຕາ 326 ວັກໜຶ່ງ ຂອງປະມວນກົດໝາຍອາຍາ ສະບັບປີ 2017.

ສານພິຈາລະນາແລ້ວເຫັນວ່າ: ທ້າວ ທອງພັນ (ຈຳເລີຍ) ມີຄວາມຜິດຕາມຂໍ້ກ່າວຫາແທ້, ເນື່ອງຈາກວ່າ: ໃນວັນທີ 13 ກຸມພາ 2026 ຜູ້ກ່ຽວໄດ້ຕັດຕົ້ນໄມ້ ແລະ ຖາງປ່າໃນເຂດປ່າສະຫງວນ ແລະ ປ່າຊົມໃຊ້ ຂອງບ້ານນາໂຮມ, ມີຕົ້ນໄມ້ຖືກຕັດ 528 ຕົ້ນ, ໄມ້ປ່ອງ 15 ສຸມ ແລະ ມີເນື້ອທີ່ດິນຖືກບຸກລຸກຫຼາຍກວ່າ 1 ເຮັກຕາ ມີມູນຄ່າເສຍຫາຍ ທັງໝົດຈໍານວນ 36,100,000 ກີບ, ຊຶ່ງປ່າດັ່ງກ່າວ ເປັນປ່າທີ່ໄດ້ຮັບການຄຸ້ມຄອງໂດຍລັດ ແລະ ບໍ່ອະນຸຍາດໃຫ້ບຸກຄົນໃດເຂົ້າໄປບຸກລຸກ ແລະ ເຮັດການຜະລິດ ທີ່ສ້າງຄວາມເສຍຫາຍໃຫ້ຊັບພະຍາກອນທຳມະຊາດ ແລະ ສ້າງຜົນກະທົບຕໍ່ສິ່ງແວດ ລ້ອມ ເປັນການກະທໍາຜິດໃນສະຖານລະເມີດກົດໝາຍ ຕາມມາດຕາ 135 ຂອງກົດໝາຍ ວ່າດ້ວຍ ປ່າໄມ້ ສະບັບເລກທີ 64/ສພຊ, ລົງວັນທີ 13 ມິຖຸນາ 2019.

ການກະທໍາຂອງທ້າວ ທອງພັນ (ຈໍາເລີຍ) ເປັນການກະທໍາຜິດ ຕາມມາດຕາ 326 ວັກໜຶ່ງ ຂອງປະມວນກົດໝາຍອາຍາ ສະບັບປີ 2017 ໃນຂໍ້ຫາ ການຕັດໄມ້ຄຸ້ມຄອງ, ການຖາງປ່າ ແລະ ຈຸດປ່າ ໂດຍບໍ່ຖືກຕ້ອງຕາມກົດໝາຍ, ດັ່ງນັ້ນ ສານຈຶ່ງເຫັນຄວນຕັດສິນລົງໂທດຕັດອິດ ສະລະພາບໃສ່ ຈໍາເລີຍ ຫ້າເດືອນ ໃຫ້ປະຕິບັດ ສີ່ເດືອນ ກັບສິບສອງວັນ ແລະ ປັບໃໝເປັນຈຳນວນເງິນ 46,735,000 ກີບ, ຮິບອຸປະກອນພ້າ 1 ດວງ ພ້ອມຈັກສະຕິນ ( ຍີ້ຫໍ້ I.WAIIOF ) ຈຳນວນ 1 ເຄື່ອງມາເປັນຂອງລັດຕາມລະບຽບການ.
https://laophattananews.com/257152/

#ໜັງສືພິມລາວພັດທະນາ #ຂ່າວພາຍໃນ #ສານແຂວງອຸດົມໄຊ #ຈູດປ່າ
__________@_________
ສະໜັບສະໜູນຂ່າວໂດຍ: ມິຣິນດ້າ ກິ່ນສະຕໍເບີຣີ ສະໄຕເກົາຫລີ
_______________@_______________
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://X.com/laophattana
Whatsapp: https://whatsapp.com/channel/0029Va9dcYjHFxPArwc63g17
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088