ສະຖາບັນເສດຖະກິດ ແລະ ການເງິນ

ໃນລະຫວ່າງ ວັນທີ່ 8-12 ທັນວາ ປີ 2025 ຢູ່ທີ່ສະຖາບັນເສດຖະກິດ-ການເງິນ ໄດ້ຈັດກອງປະຊຸຸມ ແລກປ່ຽນບົດຮຽນລະຫວ່າງ ສະຖາບັນເສດຖະກິດ-ການເງິນ ກະ ຊວງການເງິນລາວ ແລະ ສະຖາບັນການເງິນ, ກະຊວງການເງິນ ສສ ຫວຽດນາມ ປະ ຈຳປີ 2025. ຝ່າຍລາວນຳໂດຍ ທ່ານ.ຟອງສີສຸພັນ ພົມມະວົງ ຫົວໜ້າ ສະຖາບັນເສດຖະກິດ-ການເງິນ ພ້ອມດ້ວຍຄະນະ, ຝ່າຍຫວຽດນາມ ນຳໂດຍ ຮສ ປອ ຫາມິງເຊີນ ພ້ອມດ້ວຍຄະນະ,ໃນກອງປະຊຸມ ທັງສອງຝ່າຍໄດ້ສະຫລຸບຕີລາຄາ ການຈັດຕັັ້ງປະຕິບັດຕາມແຜນຮ່ວມມືລະຫວ່າງ ສອງກະຊວງຄື: ກະຊວງການເງິນ ສປປ ລາວ ແລະ ກະຊວງການເງິນ ສສ ຫວຽດນາມເວົ້າລວມ, ເວົ້າສະເພາະແມ່ນ ຂອງສອງສະ ຖາບັນໄດ້ແກ່ ສະຖາບັນເສດຖະກິດ-ການເງິນ ສປປ ລາວ ແລະ ສະຖາບັນການເງິນ ສສ ຫວຽດນາມ ໃນຂົງເຂດ ພັດທະ ນາຫລັກສູດ ປະລີນຍາໂທ ສາຂາ ການບັນຊີ ແລະ ສາຂາ ການເງິນທະນາຄານ ຢູ່ສະຖາ ບັນເສດຖະກິດ-ການເງິນ ເປັນພາສາຫວຽດນາມ ແລະ ວຽກງານພັດທະນາຊັບພະ ຍາກອນມະນຸດ, ຂອງສະຖາບັນເສດຖະກິດ-ການເງິນ ລາວ, ໃນຕອນທ້າຍທັງສອງຝ່າຍໄດ້ສະແດງຄວມຍ້ອງຍໍຊົມໃນການຈັດຕັ້ງປະຕິບັດ, ແຜນການຮ່ວມມືປະຈຳປີ 2025 ຢ່າງມີຜົນສຳເລັດ ແລະ ວາງແຜນການຮ່ວມມືປະຈຳປີ 2026 ຮ່ວມ ກັນ, ໂດຍເນັ້ນໃສ່ເປົ້າໝາຍການພັດທະນາທີຍືນຍົງ ບົນເສັ້ນທາງນະໂຍບາຍການຮ່ວມມື ລະຫວ່າງ ສອງພັກສອງລັດ.

ຝຶກອົບຮົມ ທັກສະການບັນຍາຍເອກະສານ ໃຫ້ພະນັກງານ-ລັດຖະກອນ ກະຊວງການເງິນ

ໃນວັນເສົາ ວັນທີ 13/09/2025 ທີ່ ສະຖາບັນເສດຖະກິດການເງິນ ໄດ້ຈັດຝຶກອົບຮົມ ຫລັກສູດຕົວແທນ ແລະນາຍຫນ້າ ປະກັນໄພ ຊຸດທີ່ 12 ຂື້ນ ເຊິ່ງ​ການ​ຝຶກ​ອົບ​ຮົມ​ຄັ້ງ​ນີ້ ເປັນ​ກ​ານ​ຮ່ວມ​ມື​ລະ​ຫວ່າງ ກົມຄຸ້ມ​ຄອງວິ​ສາ​ຫະ​ກິດ​ລັດ​ລົງ​ທຶນ ແລະ ການ​ປະ​ກັນ​ໄພ ຮ່ວມກັບ ສະ​ຖາ​ບັນ​ ເສດຖະກິດ-ການເງິນ ມີຜູ້ເຂົ້າຮ່ວມ ທັງໝົດ 112ຄົນ ເຊິ່ງວິ​ຊາ​ທີ່​ຈະ​ຂື້ນ​ບັນ​ຍາຍປະ​ກອບ​ດ້ວຍ 05 ວິ​ຊ​າຮຽນຄື : 1.ວິ​ຊາ​ຄວາມ​ຮູ້​ທົ່ວ​ໄປ ແລະ ເງື່ອນ​ໄຂ ກ່ຽວ​ກັບ​ການ​ເປັນ​ຕົວ​ແທນ ຄົນ​ກາງ​ປະ​ກັນ​ໄພ,​ 2. ວິ​ຊາ​ກົດ​ໝາຍ​ປະ​ກັນ​ໄພ ແລະ ບັນ​ດາ​ນິ​ຕິ​ກຳ​ທີ່​ກ່ຽວ​ຂ້ອງ​ກັບ​ຄົນ​ກາງ​ປະ​ກັນ​ໄພ,​ 3. ວິ​ຊາ​ຄວາມ​ຮູ້​ກ່ຽວ​ກັບ​ກ່ຽວ​ກັບ​ຜະ​ລິດ​ຕະ​ພັນ​ປະ​ກັນ​ໄພ,​ ປະ​ກັນ​ຊີ​ວິດ,​ 4. ວິ​ຊາ​ຄວາມ​ຮູ້​ກ່ຽວ​ກັບ​ການ​ຂາຍ ແລະ ການ​ບໍ​ລິ​ການ​ທີ່​ດີ,​ 5. ວິ​ຊາ​ຈັນ​ຍາ​ບັນ ແລະ ຈັນ​ຍາ​ທຳ ໃນ​ການ​ປະ​ກອບ​ອາ​ຊີບ​ຂອງ​ຕົວ​ແທນ ແລະ ນາຍ​ໜ້າ​ປະ​ກັນ​ໄພ.

ໃນວັນທີ 12 ກັນຍາ 2025 ສະຖາບັນເສດຖະກິດ-ການເງິນ ໄດ້ເຊັນບົດບັນທຶກຄວາມເຂົ້າໃຈ (MOU) ກັບ ບໍລິສັດ ປຣະເສີດ ບໍລິການທຸລະກິດ ຈໍາກັດຜູ້ດຽວ ( PSBS ), ເປັນປະທານ ໂດຍທ່ານ ຟອງສີສຸພັນ ພົມມະວົງ ຫົວໜ້າສະຖາບັນເສດຖະກິດ-ການເງິນ ແລະ ທ່ານ ປອ ແກ້ວສຸດໃຈ ປຣະເສີດ ປະທານບໍລິສັດປຣະເສີດ ບໍລິການທຸລະກິດ ຈໍາກັດຜູ້ດຽວ (PSBS), ມີບັນດາຄູ-ອາຈານ ແລະ ພະນັກງານບໍລິສັດເຂົ້າຮ່ວມ;
ຈຸດປະສົງຂອງບົດບັນທຶກຄວມເຂົ້າໃຈ (MOU) ແມ່ນ ເພື່ອຮ່ວມມືທາດ້ານວິຊາການຄື:
1.ຮ່ວມມືໃນດ້ານການຝຶກອົບຮົມແນະນຳການນໍາໃຊ້ໂປຣແກຣມ ການບັນຊີ ຂອງອົງການຈັດຕັ້ງລັດ (APGOA),ໂປຣແກຣມບັນຊີທັນສະໄໝຕ່າງໆເຊັ່ນ: ໂປຣແກຣມບັນຊີທັນສະໄໝ Version No.2021 ເຂົ້າໃນການຮຽນ-ການສອນແກ່ນ້ອງນັກສຶກສາປີສຸດທ້າຍ;
2.ຮ່ວມມືໃນດ້ານການຝຶກອົບຮົມແນະນຳການນໍາໃຊ້ໂປຣແກຣມບັນຊີທັນສະໄໝຕ່າງໆເຂົ້າໃນການຮຽນ-ການສອນແກ່ນັກສຶກສາທີ່ຈົບໄປແລ້ວ ແລະ ບັນດາບຸກຄົນທົ່ວໄປທີ່ສົນໃຈຢາກເຂົ້າຝຶກອົບຮົມ;
3.ຮ່ວມມືໃນດ້ານວິຊາການ ແລະ ພັດທະນາກ່ຽວກັບເທັກໂນໂລຢີ ດ້ານໂປຣແກຣມຕ່າງໆທີ່ຈະນໍາໃຊ້ເຂົ້າໃນວຽກງານ;
4.ຮ່ວມມືໃນການຈັດຝຶກອົບຮົມສໍາມະນາໃນຫົວຂໍ້ການເພີ້ມ ຫລື ຝຶກທັກສະດ້ານວິຊາການບັນຊີ ທີ່ກ່ຽວກັບຂັ້ນຕອນ,ວິທີການບໍລິຫານຈັດການວຽກບັນຊີວິສາຫະກິດຕົວຈິງ.
ໃນການເຊັນບົດບັນທຶກຄວມເຂົ້າໃຈ (MOU) ສະບັບນີ້ແມ່ນ ແມ່ນເຫັນດີເປັນເອກະພາບກັນທັງສອງຝ່າຍເພື່ອພັດທະນາຊັບພະຍາກອນມະນຸດຮ່ວມກັນທາງດ້ານການບັນຊີຢ່າງບໍ່ຢຸດຢັ້ງ.

ໃນວັນທີ 12 ກັນຍາ 2025 ສະຖາບັນເສດຖະກິດ-ການເງິນໄດ້ສ້າງຂະບວນການອອກແຮງງານລວມຢູ່ພາຍໃນສະຖາບັນ ເພື່ອຕ້ອນຮັບເປີດສົກຮຽນໃໜ່.

ປິດຊຸດຝຶກອົບຮົມ ວຽກງານສ່ວຍສາອາກອນ ແລະ ວຽກງານຄຸ້ມຄອງການປະມູນຈັດຊື້-ຈັດຈ້າງ ປະຈຳປີ 2025 ໃຫ້ແກ່ພະນັກງານລັດຖະກອນ ຂອງ 3 ສະຖາບັນການສຶກສາທີ່ຂຶ້ນກັບກະຊວງການເງິນ.
.....................................................................................................................
ໃນວັນທີ 05 ກັນຍາ 2025 ໄດ້ມີພິທີປິດຝຶກອົບຮົມ ວຽກງານສ່ວຍສາອາກອນ ແລະ ວຽກງານຄຸ້ມຄອງການປະມູນຈັດຊື້-ຈັດຈ້າງ ປະຈຳປີ 2025 ໃຫ້ແກ່ພະນັກງານລັດຖະກອນ ຂອງ 3 ສະຖາບັນການສຶກສາທີ່ຂຶ້ນກັບກະຊວງການເງິນ.ໂດຍການເປັນປະທານ ຂອງ ທ່ານ ຟອງສີສຸພັນ ພົມມະວົງ ຫົວໜ້າສະຖາບັນເສດຖະກິດ-ການເງິນ, ມີແຂກທີ່ຖຶກເຊີນ ແລະ ນັກສຳມະນາກອນເຂົ້າຮ່ວມ;
ທ່ານ ວຽງຄອນ ບົວພະຈັນ ຮອງຫົວໜ້າສະຖາບັນເສດຖະກິດ-ການເງິນ ໄດ້ຂຶ້ນລາຍງານຜົນໄດ້ຮັບໃນການຝຶກອົບຮົມໃນຄັ້ງນີ້:
ຝຶກອົບຮົມວຽກງານສວ່ຍສາອາກອນມີນັກສຳມະນາກອນເຂົ້າຮ່ວມທັງໜົດ 29 ທ່ານ, ຍິງ 06 ທ່ານ ຊຶ່ງມີຜູ້ເຂົ້າຮ່ວມຈາກສະຖາບັນເສດຖະກິດ-ການເງິນຈໍານວນ 14 ທ່ານ, ສາຂາພາກເໜຶອຈຳນວນ 07 ທ່ານ. ສາຂາພາກໃຕ້ ຈຳນວນ 08 ທ່ານ;
ຝຶກອົບຮົມການຄຸ້ມຄອງການປະມູນຈັດຊື້-ຈັດຈ້າງ ມີຜູ້ເຂົ້າຮ່ວມຈຳນວນ 38 ທ່ານ, ຍິງ 19 ທ່ານ, ຊຶ່ງມີຜູ້ເຂົ້າຮ່ວມຈາກສະຖາບັນເສດຖະກິດ-ການເງິນຈໍານວນ 23 ທ່ານ, ສາຂາ ພາກເໜຶອ ຈໍານວນ 07 ທ່ານ, ສາຂາ ພາກໃຕ້ ຈຳນວນ 08 ທ່ານ;
ຕະຫຼອດໄລຍະເວລາຝຶກອົບຮົມ ຄະນະຮັບຜິດຊອບ, ວິທະຍາກອນ, ນັກສຳມະນາກອນ ໄດ້ມີຄວາມຕັດສິນໃຈສູງ ແລະ ເອົາໃຈໃສ່ປະຕິບັດຕາມແຜນການຝຶກອົບຮົມຢ່າງເຂັ້ມງວດຈົນສາມາດຝຶກອົບຮົມໄດ້ຮັບຜົນສຳເລັດ  ພາຍຫຼັງນັກສໍາມະນາກອນໄດ້ເຂົ້າຝຶກອົບຮົມຫົວຂໍ້: ສ້າງຄວາມເຂັ້ມແຂງວຽກງານສ່ວຍສາອາກອນ ສໍາເລັດແລ້ວ ເຊິ່ງເຫັນໄດ້ວ່າແຕ່ລະທ່ານສາມາດບັນລຸໄດ້ຕາມຈຸດປະສົງໃນລະດັບດີຫຼາຍ ແມ່ນກວມເອົາ 66,7% ແລະ ໃນລະດັບດີກວມເອົາ 22,2%. ນັກສໍາມະນາກອນສາມາດ ເຂົ້າໃຈທິດສະດີ ແລະ ສົມທຽບກັບການປະຕິບັດໜ້າທີ່ວຽກງານຕົວຈິງໄດ້ ເຊິ່ງທຽບໃສ່ສະເລ່ຍຢູ່ໃນລະດັບດີຫຼາຍກວມເອົາ 77,8% ແລະ ໃນລະດັບດີກວມເອົາ 22.2%;
ພາຍຫຼັງນັກສໍາມະນາກອນໄດ້ເຂົ້າຝຶກອົບຮົມຫົວຂໍ້: ການຄຸ້ມຄອງການປະມູນຈັດຊື້-ຈັດຈ້າງ ສໍາເລັດ ເຊິ່ງເຫັນໄດ້ວ່າແຕ່ລະທ່ານສາມາດບັນລຸໄດ້ຕາມຈຸດປະສົງໃນລະດັບດີຫຼາຍ ແມ່ນກວມເອົາ 54,5% ແລະ ໃນລະດັບດີກວມເອົາ 45,5%. ນັກສໍາມະນາກອນສາມາດ ເຂົ້າໃຈທິດສະດີ ແລະ ສົມທຽບກັບການປະຕິບັດໜ້າທີ່ວຽກງານຕົວຈິງໄດ້ ເຊິ່ງທຽບໃສ່ສະເລ່ຍຢູ່ໃນລະດັບດີຫຼາຍກວມເອົາ 81,8% ແລະ ໃນລະດັບດີກວມເອົາ 18.2%.
ສັງລວມແລ້ວ ນັກສໍາມະນາກອນ ແມ່ນສາມາດຮັບຮູ້ ແລະເຂົ້າໃຈຕໍ່ກັບຫົວຂໍ້ດັ່ງກ່າວ ຢູ່ໃນລະດັບດີ ຫາ ດີຫຼາຍ.
ໂອກາດດັ່ງກ່າວ ທ່ານ ຟອງສີສຸພັນ ພົມມະວົງ ໄດ້ກ່າວຕໍ່ຊຸດປິດຝຶກອົບຮົມຄັ້ງນີ້ສຸດທີ່ມີຄວາມ ໝາຍ, ຄວາມສຳຄັນຍິ່ງ ການຈັດຝຶກອົບຮົມໃນຄັ້ງນີ້ ແມ່ນເປັນການຈັດຕັ້ງຜັນຂະຫຍາຍແຜນພັດທະນາຊັບພະຍາ ກອນມະນຸດຂອງກະຊວງການເງິນ ກໍ່ຄື ການຍົກລະດັບຄວາມຮູ້ຄວາມສາມາດທາງດ້ານວຽກງານສ່ວຍສາອາກອນ ແລະ ວຽກງານການຄຸ້ມຄອງການປະມູນຈັດຊື້-ຈັດຈ້າງ ໃຫ້ແກ່ພະນັກງານຂະແໜງການເງິນ, ຜູ້ທີ່ເຮັດໜ້າທີ່ຄຸ້ມຄອງ ຕິດຕາມ ຊຸກຍູ້ ກວດກາ, ສະຖາບັນການສຶກສາ ທີ່ເຮັດໜ້າບໍາລຸງສ້າງຊັບພະຍາກອນມະນຸດດ້ານວຽກງານສ່ວຍສາອາກອນ ແລະ ວຽກງານການຄຸ້ມຄອງການປະມູນຈັດຊື້-ຈັດຈ້າງ ແນ່ໃສ່ເພື່ອຮັບປະກັນການຈັດຕັ້ງປະຕິບັດວຽກງານການສ່ວຍສາອາກອນ ແລະ ວຽກງານການຄຸ້ມຄອງການປະມູນຈັດຊື້-ຈັດຈ້າງ ໃຫ້ມີຄວາມຖືກຕ້ອງ, ສອດຄ່ອງກົດໝາຍ ແລະ ເອກະພາບກັນ ໃນຂອບເຂດທົ່ວປະເທດ ແນໃສ່ເປັນເຄື່ອງມືໃນການຄຸ້ມຄອງລາຍຮັບ ແລະ ລາຍຈ່າຍງົບປະມານແຫ່ງລັດ ມີຄວາມຖືກຕ້ອງ, ຄົບຖ້ວນ, ໂປ່ງໃສ.