ສະຖາບັນເສດຖະກິດ ແລະ ການເງິນ

25/09/2026

ໃນຕອນເຊົ້າຂອງວັນສຸກ, ວັນທີ 11 ກັນຍາ 2026, ຢູ່ທີ່ສະຖາບັນເສດຖະກິດ-ການເງິນ ໄດ້ມີພິທີປິດຊຸດຝຶກອົບຮົມສ້າງຄວາມເຂັ້ມແຂງ ໃຫ້ພະນັກງານ ຄູ-ອາຈານ ຂອງ 03 ສະຖາບັນເສດຖະກິດ-ການເງິນ ປະຈໍາປີ 2026 ລົງຢ່າງເປັນທາງການ. ພິທີດັ່ງກ່າວ ໄດ້ຮັບກຽດເປັນປະທານໂດຍ ທ່ານ ທອງລິດ ກິ່ງແກ້ວອຸດົມ ຫົວໜ້າສະຖາບັນເສດຖະກິດ-ການເງິນ, ພ້ອມດ້ວຍບັນດາຄະນະນໍາສະຖາບັນ, ຄະນະຮັບຜິດຊອບ, ວິທະຍາກອນ ແລະ ພະນັກງານ ຄູ-ອາຈານ ຈາກ 03 ສະຖາບັນ ເຂົ້າຮ່ວມຢ່າງພ້ອມພຽງ ເຊິ່ງມີຜູ້ເຂົ້າຮ່ວມທັງໝົດ 30 ທ່ານ (ຍິງ 09 ທ່ານ).

ຊຸດຝຶກອົບຮົມດັ່ງກ່າວ ແມ່ນໄດ້ດໍາເນີນຝຶກອົບຮົມໃນຫົວຂໍ້: ວຽກງານ ສະຖິຕິ ຂັ້ນພື້ນຖານ. ຜົນສໍາເລັດຂອງການຝຶກອົບຮົມຕະຫຼອດໄລຍະເວລາ 10 ວັນເຕັມ (ແຕ່ວັນທີ 14-25 ກັນຍາ 2026) ໃນຄັ້ງນີ້, ໄດ້ຊ່ວຍສ້າງຄວາມເຂັ້ມແຂງໃຫ້ແກ່ພະນັກງານ ຄູ-ອາຈານ ທັງ 03 ສະຖາບັນ ໃຫ້ໄດ້ຮັບການຍົກລະດັບຄວາມຮັບຮູ້ ແລະ ຄວາມເຂົ້າໃຈພື້ນຖານ ທາງດ້ານທິດສະດີລວມ, ຫຼັກການ, ວິທີການຂັ້ນຕອນການວິເຄາະ-ຄິດໄລ່ ລວມໄປເຖິງການສົມຜົນຊຸດຂໍ້ມູນຕ່າງໆ ທີ່ຕິດພັນກັບສະຖິຕິ. ສິ່ງເຫຼົ່ານີ້ ຈະເປັນບາດກ້າວສຳຄັນ ໃນການນຳໄປຈັດຕັ້ງຜັນຂະຫຍາຍ ແລະ ປະຕິບັດເຂົ້າໃນໜ້າທີ່ວຽກງານວິຊາສະເພາະຕົວຈິງ ຂອງພະນັກງານ ຄູ-ອາຈານ ຢ່າງມີປະສິດທິພາບ ແລະ ປະສິດທິຜົນໃນຕໍ່ໜ້າ.

ໃນພິທີປິດຊຸດຝຶກອົບຮົມ ຍັງໄດ້ມີການມອບ-ຮັບໃບຢັ້ງຢືນໃຫ້ແກ່ສຳມະນາກອນ. ພ້ອມດຽວກັນນັ້ນ, ໃນໂອກາດທີ່ມີຄວາມໝາຍຄວາມສຳຄັນນີ້ ທ່ານ ທອງລິດ ກິ່ງແກ້ວອຸດົມ ຫົວໜ້າສະຖາບັນເສດຖະກິດ-ການເງິນ ປະທານພິທີ ໄດ້ມີຄຳເຫັນໂອ້ລົມ ໂດຍທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບ, ວິທະຍາກອນ ແລະ ສຳມະນາກອນ ທີ່ໄດ້ເອົາໃຈໃສ່ຄົ້ນຄວ້າຮ່ຳຮຽນຈົນໄດ້ຮັບຜົນສຳເລັດຕາມລະດັບຄາດໝາຍ. ພ້ອມນັ້ນ, ທ່ານຍັງໄດ້ເນັ້ນໜັກໃຫ້ບັນດາພະນັກງານ ຄູ-ອາຈານ ທີ່ສຳເລັດການຝຶກອົບຮົມໃນຄັ້ງນີ້ ຈົ່ງນຳເອົາຄວາມຮູ້, ບົດຮຽນ ແລະ ປະສົບການທີ່ໄດ້ຮັບ ໄປໝູນໃຊ້ເຂົ້າໃນການປະຕິບັດໜ້າທີ່ວຽກງານຕົວຈິງຂອງຕົນ ໃຫ້ເກີດຜົນປະໂຫຍດສູງສຸດ ແລະ ມີປະສິດທິຜົນຍິ່ງໆຂຶ້ນໄປ.
# ສະຖາບັນເສດຖະກິດ-ການເງິນ, ກະຊວງ ການເງິນ
# ຢູ່ທີ ສະຖາບັນເສດຖະກິດ-ການເງິນ
# ຄັ້ງວັນທີ 25 ກັນຍາ 2026

18/09/2026

ຕອນບ່າຍ18 ກັນຍາ​2026​ ນັກສຶກສາປະລິນຍາໂທ​ຫ້ອງ​02​ ຊຸດທີ 02 ໄດ້ມອບຈັກຕັດຫ້​ຍາ​ຈຳນວນ​02 ໃຫ້ແກ່ສະຖາບັນເສດຖະກິດ-ການເງິນ​ ຕາງໜ້າ​ຮັບໂດຍ ທ່ານ​ ວຽງ​ຄອນ​ ບົວ​ພະຈັນ​ ຮອງ​ຫົວໜ້າສະຖາບັນ.

14/09/2026

ໃນຕອນເຊົ້າຂອງວັນສຸກ, ວັນທີ 11 ກັນຍາ 2026, ຢູ່ທີ່ສະຖາບັນເສດຖະກິດ-ການເງິນ ໄດ້ມີພິທີປິດຊຸດຝຶກອົບຮົມສ້າງຄວາມເຂັ້ມແຂງ ໃຫ້ພະນັກງານ ຄູ-ອາຈານ ຂອງ 03 ສະຖາບັນເສດຖະກິດ-ການເງິນ ປະຈໍາປີ 2026 ລົງຢ່າງເປັນທາງການ. ພິທີດັ່ງກ່າວ ໄດ້ຮັບກຽດເປັນປະທານໂດຍ ທ່ານ ທອງລິດ ກິ່ງແກ້ວອຸດົມ ຫົວໜ້າສະຖາບັນເສດຖະກິດ-ການເງິນ, ພ້ອມດ້ວຍບັນດາຄະນະນໍາສະຖາບັນ, ຄະນະຮັບຜິດຊອບ, ວິທະຍາກອນ ແລະ ພະນັກງານ ຄູ-ອາຈານ ຈາກ 03 ສະຖາບັນ ເຂົ້າຮ່ວມຢ່າງພ້ອມພຽງ ເຊິ່ງມີຜູ້ເຂົ້າຮ່ວມທັງໝົດ 64 ທ່ານ (ຍິງ 27 ທ່ານ).

ຊຸດຝຶກອົບຮົມດັ່ງກ່າວ ແມ່ນໄດ້ດໍາເນີນພາຍໃຕ້ 2 ຫົວຂໍ້ຄື: (1) ວຽກງານການວາງແຜນ ແລະ ຄຸ້ມຄອງແຜນພັດທະນາເສດຖະກິດ-ສັງຄົມ ແລະ (2) ວຽກງານການຂຽນບົດສະເໜີໂຄງການ ແລະ ການປະເມີນໂຄງການລົງທຶນຂອງລັດ. ຜົນສໍາເລັດຂອງການຝຶກອົບຮົມຕະຫຼອດໄລຍະເວລາ 10 ວັນເຕັມ (ແຕ່ວັນທີ 31 ສິງຫາ ຫາ 11 ກັນຍາ 2026) ໃນຄັ້ງນີ້, ໄດ້ຊ່ວຍສ້າງຄວາມເຂັ້ມແຂງໃຫ້ແກ່ພະນັກງານ ຄູ-ອາຈານ ທັງ 03 ສະຖາບັນ ໃຫ້ໄດ້ຮັບການຍົກລະດັບຄວາມຮັບຮູ້ ແລະ ຄວາມເຂົ້າໃຈພື້ນຖານ ທາງດ້ານທິດສະດີລວມ, ຫຼັກການ, ຂັ້ນຕອນ, ວິທີການ ລວມໄປເຖິງຂະບວນການທີ່ສໍາຄັນ ທີ່ຕິດພັນກັບການຈັດຕັ້ງປະຕິບັດການວາງແຜນການພັດທະນາ ຂອງ ສປປ ລາວ ແລະ ການປະເມີນໂຄງການລົງທຶນຂອງລັດຢ່າງຖືກຕ້ອງ. ສິ່ງເຫຼົ່ານີ້ ຈະເປັນບາດກ້າວສຳຄັນ ໃນການນຳໄປຈັດຕັ້ງຜັນຂະຫຍາຍ ແລະ ປະຕິບັດເຂົ້າໃນໜ້າທີ່ວຽກງານວິຊາສະເພາະຕົວຈິງ ຂອງພະນັກງານ ຄູ-ອາຈານ ຢ່າງມີປະສິດທິພາບ ແລະ ປະສິດທິຜົນໃນຕໍ່ໜ້າ.

ໃນພິທີປິດຊຸດຝຶກອົບຮົມ ຍັງໄດ້ມີການມອບ-ຮັບໃບຢັ້ງຢືນໃຫ້ແກ່ສຳມະນາກອນ. ພ້ອມດຽວກັນນັ້ນ, ໃນໂອກາດທີ່ມີຄວາມໝາຍຄວາມສຳຄັນນີ້ ທ່ານ ທອງລິດ ກິ່ງແກ້ວອຸດົມ ຫົວໜ້າສະຖາບັນເສດຖະກິດ-ການເງິນ ປະທານພິທີ ໄດ້ມີຄຳເຫັນໂອ້ລົມ ໂດຍທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບ, ວິທະຍາກອນ ແລະ ສຳມະນາກອນ ທີ່ໄດ້ເອົາໃຈໃສ່ຄົ້ນຄວ້າຮ່ຳຮຽນຈົນໄດ້ຮັບຜົນສຳເລັດຕາມລະດັບຄາດໝາຍ. ພ້ອມນັ້ນ, ທ່ານຍັງໄດ້ເນັ້ນໜັກໃຫ້ບັນດາພະນັກງານ ຄູ-ອາຈານ ທີ່ສຳເລັດການຝຶກອົບຮົມໃນຄັ້ງນີ້ ຈົ່ງນຳເອົາຄວາມຮູ້, ບົດຮຽນ ແລະ ປະສົບການທີ່ໄດ້ຮັບ ໄປໝູນໃຊ້ເຂົ້າໃນການປະຕິບັດໜ້າທີ່ວຽກງານຕົວຈິງຂອງຕົນ ໃຫ້ເກີດຜົນປະໂຫຍດສູງສຸດ ແລະ ມີປະສິດທິຜົນຍິ່ງໆຂຶ້ນໄປ.
# ສະຖາບັນເສດຖະກິດ-ການເງິນ, ກະຊວງ ການເງິນ
# ຢູ່ທີ ສະຖາບັນເສດຖະກິດ-ການເງິນ
# ຄັ້ງວັນທີ 11 ກັນຍາ 2026

06/09/2026

ພິທີປິດ:
ຊຸດຝຶກອົບຮົມວຽກງານບັນຊີອົງການຈັດຕັ້ງລັດ ໃຫ້ພະນັກງານ-ລັດຖະກອນຂະແໜງການເງິນ ຂັ້ນສູນກາງ ແລະ ທ້ອງຖິ່ນ 5 ແຂວງພາກກາງ ປະຈໍາປີ 2026.

ໃນຕອນເຊົ້າຂອງວັນທີ 04 ກັນຍາ 2026, ຢູ່ທີ່ສະຖາບັນເສດຖະກິດ-ການເງິນ ໄດ້ມີພິທີປິດຊຸດຝຶກອົບຮົມວຽກງານບັນຊີອົງການຈັດຕັ້ງລັດ ໃຫ້ພະນັກງານ-ລັດຖະກອນ ຂະແໜງການເງິນ ຂັ້ນສູນກາງ ແລະ ທ້ອງຖິ່ນ 05 ແຂວງພາກກາງ ປະຈໍາປີ 2026 ລົງຢ່າງເປັນທາງການ ແລະ ຈົບງາມ. ພິທີດັ່ງກ່າວ ໃຫ້ກຽດເປັນປະທານໂດຍ ທ່ານ ທອງລິດ ກິ່ງແກ້ວອຸດົມ ຫົວໜ້າສະຖາບັນເສດຖະກິດ-ການເງິນ, ໂດຍມີພະນັກງານ-ລັດຖະກອນ ຈາກບັນດາກົມທີ່ຂຶ້ນກັບກະຊວງການເງິນ ແລະ ພະແນກການເງິນ 05 ແຂວງພາກກາງ ຄື: ນະຄອນຫຼວງວຽງຈັນ, ບໍລິຄໍາໄຊ, ຄໍາມ່ວນ, ວຽງຈັນ ແລະ ໄຊສົມບູນ ເຂົ້າຮ່ວມທັງໝົດ 49 ທ່ານ (ຍິງ 29 ທ່ານ).
ຕະຫຼອດໄລຍະເວລາ 10 ວັນເຕັມ (ແຕ່ວັນທີ 24 ສິງຫາ ຫາ 04 ກັນຍາ 2026) ຂອງການຝຶກອົບຮົມ, ບັນດາສຳມະນາກອນ ແມ່ນໄດ້ເອົາໃຈໃສ່ຄົ້ນຄວ້າຮ່ຳຮຽນ ແລະ ສາມາດກຳແໜ້ນບັນດາເນື້ອໃນສຳຄັນຫຼາຍດ້ານ ປະກອບມີ:
1. ຄວາມຮູ້ທົ່ວໄປກ່ຽວກັບບັນຊີອົງການຈັດຕັ້ງລັດ;
2. ການຈັດວາງລະບົບບັນຊີ;
3. ການຈັດຕັ້ງປະຕິບັດວຽກງານບັນຊີ;
4. ກົດໝາຍ ແລະ ຄໍາແນະນໍາຕ່າງໆທີ່ກ່ຽວຂ້ອງ;
5. ເຕັກນິກການບັນທຶກບັນຊີ;
6. ການສ້າງ ແລະ ສະຫຼຸບລາຍງານເອກະສານການເງິນ.
ຜົນສຳເລັດຂອງການຝຶກອົບຮົມໃນຄັ້ງນີ້ ໄດ້ຊ່ວຍສ້າງຄວາມເຂັ້ມແຂງ ແລະ ປູພື້ນຖານຄວາມຮູ້-ຄວາມເຂົ້າໃຈທີ່ຖືກຕ້ອງ ໃຫ້ແກ່ພະນັກງານ-ລັດຖະກອນຂະແໜງການເງິນ. ອັນເປັນການຮັບປະກັນໃຫ້ຜູ້ເຂົ້າຮ່ວມ ສາມາດກຳໄດ້ບັນດາຫຼັກການພື້ນຖານ, ລະບຽບການ ແລະ ມາດຕະຖານທາງດ້ານການບັນຊີຢ່າງເປັນລະບົບ ເຊິ່ງຈະເປັນບາດກ້າວສຳຄັນ ໃນການນຳໄປຈັດຕັ້ງຜັນຂະຫຍາຍ ແລະ ປະຕິບັດເຂົ້າໃນໜ້າທີ່ວຽກງານວິຊາສະເພາະຕົວຈິງ ຢ່າງມີປະສິດພິພາບ ແລະ ປະສິດທິຜົນໃນຕໍ່ໜ້າ.

# ສະຖາບັນເສດຖະກິດ-ການເງິນ, ກະຊວງ ການເງິນ
# ຢູ່ທີ ສະຖາບັນເສດຖະກິດ-ການເງິນ
# ຄັ້ງວັນທີ 04 ກັນຍາ 2026

31/08/2026

ໃນຕອນເຊົ້າຂອງວັນທີ 31 ສິງຫາ 2026, ທີ່ສະຖາບັນເສດຖະກິດ-ການເງິນ ໄດ້ມີພິທີເປີດຊຸດຝຶກອົບຮົມສ້າງຄວາມເຂັ້ມແຂງໃຫ້ແກ່ພະນັກງານ ຄູ-ອາຈານ ຂອງ 03 ສະຖາບັນເສດຖະກິດ-ການເງິນ ປະຈໍາປີ 2026 ຂຶ້ນຢ່າງເປັນທາງການ. ພິທີດັ່ງກ່າວ ໄດ້ຮັບກຽດເປັນປະທານໂດຍ ທ່ານ ປອ ສິດທິຣົດ ຣາຊະພົນ, ຮອງລັດຖະມົນຕີກະຊວງການເງິນ, ໂດຍມີຄະນະກົມ, ຄະນະທັງ 03 ສະຖາບັນເສດຖະກິດ-ການເງິນ, ຄະນະວິທະຍາກອນ ແລະ ພະນັກງານ ຄູ-ອາຈານ ເຂົ້າຮ່ວມຢ່າງພ້ອມພຽງ; ເຊິ່ງມີນັກສໍາມະນາກອນເຂົ້າຮ່ວມທັງໝົດ 64 ທ່ານ, ຍິງ 27 ທ່ານ.
ການຈັດຕັ້ງຊຸດຝຶກອົບຮົມໃນຄັ້ງນີ້ ມີຈຸດປະສົງຕົ້ນຕໍ ເພື່ອສ້າງຄວາມເຂັ້ມແຂງ ແລະ ປູພື້ນຖານຄວາມຮັບຮູ້-ຄວາມເຂົ້າໃຈ ທີ່ຕິດພັນກັບ 02 ວຽກງານສຳຄັນຄື: 1) ວຽກງານການວາງແຜນ ແລະ ຄຸ້ມຄອງແຜນພັດທະນາເສດຖະກິດ-ສັງຄົມ ແລະ 2) ວຽກງານການຂຽນບົດສະເໜີໂຄງການ ແລະ ການປະເມີນໂຄງການລົງທຶນຂອງລັດ. ທັງນີ້ ກໍເພື່ອແນໃສ່ເຮັດໃຫ້ພະນັກງານ ຄູ-ອາຈານ ສາມາດກຳໄດ້ພາບລວມ, ເຂົ້າໃຈຫຼັກການ, ຂັ້ນຕອນ ແລະ ຂະບວນການຈັດຕັ້ງປະຕິບັດຕົວຈິງຢ່າງເລິກເຊິ່ງ ເພື່ອຮັບປະກັນໃຫ້ບັນດາພະນັກງານ ຄູ-ອາຈານນຳເອົາຄວາມຮູ້ດັ່ງກ່າວ ໄປໝູນໃຊ້ເຂົ້າໃນການສິດສອນ, ການຄົ້ນຄວ້າ ແລະ ການປະຕິບັດໜ້າທີ່ວິຊາສະເພາະ ໃຫ້ມີຄວາມກົມກຽວ ແລະ ເປັນເອກະພາບກັນໃນຕໍ່ໜ້າ.
ສຳລັບຊຸດຝຶກອົບຮົມດັ່ງກ່າວ ແມ່ນຈະໄດ້ດໍາເນີນໄປເປັນເວລາ 10 ວັນເຕັມ (ເລີ່ມແຕ່ວັນທີ 31 ສິງຫາ ເຖິງ 11 ກັນຍາ 2026) ໂດຍໄດ້ແບ່ງເນື້ອໃນການຄົ້ນຄວ້າອອກເປັນ 02 ຊຸດສຳຄັນ ດັ່ງນີ້:
• ຊຸດຝຶກອົບຮົມທີ່ 1: ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບຄື: 1. ຄວາມຮູ້ພື້ນຖານຂອງການສ້າງ ແລະ ຄຸ້ມຄອງແຜນພັດທະນາເສດຖະກິດ-ສັງຄົມແບບຍືນຍົງ; 2. ການສ້າງແຜນພັດທະນາເສດຖະກິດ-ສັງຄົມແບບມີສ່ວນຮ່ວມ, ແລະ 3. ການວາງແຜນ ແລະ ຄຸ້ມຄອງການລົງທຶນຂອງລັດ.
• ຊຸດຝຶກອົບຮົມທີ່ 2: ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບຄື: 1. ພາລະບົດບາດຂອງກົມປະເມີນຜົນ ແລະ ການຈັດຊື້-ຈັດຈ້າງ, 2. ຄໍາແນະນໍາວຽກງານປະເມີນຜົນໂຄງການລົງທຶນຂອງລັດ, 3. ຄວາມຮູ້ພື້ນຖານກ່ຽວກັບການຄຸ້ມຄອງໂຄງການລົງທຶນຂອງລັດ, 4. ການວິເຄາະບັນຫາທາງດ້ານເສດຖະກິດ-ສັງຄົມ, ການເງິນ ແລະ ສິ່ງແວດລ້ອມ ທີ່ກ່ຽວຂ້ອງກັບໂຄງການລົງທຶນຂອງລັດ, 5. ມາດຖານ, ຂັ້ນຕອນ, ຫຼັກການ ແລະ ການນໍາໃຊ້ບັນດາແບບຟອມຕ່າງໆ ກ່ຽວກັບການຂຽນບົດສະເໜີໂຄງການ ແລະ ປະເມີນໂຄງການລົງທຶນຂອງລັດ.
ການຝຶກອົບຮົມໃນຄັ້ງນີ້ ຖືເປັນບາດກ້າວອັນສຳຄັນໃນການພັດທະນາຊັບພະຍາກອນມະນຸດຂອງຂະແໜງ ການເງິນ ໃຫ້ມີຄວາມໜັກແໜ້ນທາງດ້ານທິດສະດີ ແລະ ສາມາດນຳໄປຈັດຕັ້ງປະຕິບັດໃນພາກຕົວຈິງໄດ້ຢ່າງມີປະສິດທິຜົນ.

# ສະຖາບັນເສດຖະກິດ-ການເງິນ, ກະຊວງ ການເງິນ
# ຢູ່ທີ ສະຖາບັນເສດຖະກິດ-ການເງິນ
# ຄັ້ງວັນທີ 31 ສິງຫາ 2026

26/08/2026

ໃນລະຫວ່າງວັນ 25-26 ສິງຫາ 2026 ໜ່ວຍຊາວໜູ່ມສະຖາບັນເສດຖະກິດ-ການເງິນໄດ້ຈັດສຳມະນາວິທະຍາສາດກ່ຽວກັບການວິເຄາະ ແລະການວິໄຈໃຫ້ແກ່ພະນັກງານຄູ-ອາຈານ ຢູ່ໃນສະຖາບັນເສດຖະກິດ-ການເງິນ.
# ສະຖາບັນເສດຖະກິດ-ການເງິນ, ກະຊວງ ການເງິນ
# ຢູ່ທີ ສະຖາບັນເສດຖະກິດ-ການເງິນ
# ຄັ້ງວັນທີ 25-26 ສິງຫາ 2026

24/08/2026

ໃນຕອນເຊົ້າວັນຈັນ ຂອງວັນທີ 24 ສິງຫາ 2026, ສະຖາບັນເສດຖະກິດ-ການເງິນ ກະຊວງ ການເງິນ ໄດ້ຈັດຝຶກອົບຮົມວຽກງານບັນຊີອົງການຈັດຕັ້ງລັດ ໃຫ້ພະນັກງານ-ລັດຖະກອນຂະແໜງການເງິນ ຂັ້ນສູນກາງ ແລະ ທ້ອງຖິນ 05 ແຂວງ ພາກກາງ ປະຈໍາປີ 2026 ຂຶ້ນຢ່າງເປັນທາງການ ຢູ່ທີ່ ສະຖາບັນເສດຖະກິດ-ການເງິນ, ໂດຍ ໃນພິທີເປິດຝຶກອົບຮົມດັ່ງກ່າວ ໃຫ້ກຽດເປັນປະທ່ານ ໂດຍ ທ່ານ ປອ ສິດທິຣົດ ຣາຊະພົນ ຮອງລັດຖະມົນຕີກະຊວງການເງິນ; ພ້ອມດຽວກັນນັ້ນ, ກໍມີພະນັກງານ-ລັດຖະກອນ ຈາກບັນດາກົມທີ່ຂື້ນກັບກະຊວງການເງິນ ແລະ ມີພະແນກການເງິນ 05 ແຂວງ ພາກກາງ ຄື: ພະແນກການເງິນນະຄອນຫຼວງວຽງຈັນ, ບໍລິຄໍາໄຊ, ຄໍາມ່ວນ, ວຽງຈັນ, ແລະ ພະແນກການເງິນ ແຂວງ ໄຊສົມບູນ ເຊິ່ງມີຜູ້ເຂົ້າຮ່ວມທັງໝົດ 49ທ່ານ , ຍິງ 29 ທ່ານ;
ການຝຶກອົບຮົມໃນຄັ້ງນີ້ ມີຈຸດປະສົງຕົ້ນຕໍເພື່ອສ້າງຄວາມເຂັ້ມແຂງ ແລະ ປູພື້ນຖານຄວາມຮູ້-ຄວາມເຂົ້າໃຈເບື້ອງຕົ້ນ ກ່ຽວກັບວຽກງານບັນຊີອົງການຈັດຕັ້ງລັດ ໃຫ້ແກ່ພະນັກງານ-ລັດຖະກອນຂະແໜງການເງິນ ຂັ້ນສູນກາງ ແລະທ້ອງຖິ່ນ. ການຍົກລະດັບຂີດຄວາມສາມາດດັ່ງກ່າວ ແມ່ນເພື່ອຮັບປະກັນໃຫ້ຜູ້ເຂົ້າຮ່ວມ ສາມາດກຳໄດ້ບັນດາຫຼັກການພື້ນຖານ, ລະບຽບການ ແລະ ມາດຕະຖານທາງດ້ານການບັນຊີ ຢ່າງຖືກຕ້ອງ ແລະ ເປັນລະບົບ. ພ້ອມດຽວກັນນັ້ນ, ກໍເພື່ອເປັນການກະກຽມຄວາມພ້ອມ ແລະ ສ້າງຄວາມຮັບຮູ້ຕໍ່ກັບບັນດາກົດໝາຍ, ນິຕິກຳລຸ່ມກົດໝາຍທີ່ກ່ຽວຂ້ອງ ເພື່ອແນ່ໃສ່ເຮັດໃຫ້ການນຳໄປຈັດຕັ້ງຜັນຂະຫຍາຍ ແລະ ປະຕິບັດວຽກງານວິຊາສະເພາະຕົວຈິງ ຢູ່ທ້ອງຖິ່ນ ມີຄວາມເປັນເອກະພາບ, ໂປ່ງໃສ, ເຂັ້ມງວດ ແລະ ກາຍເປັນຜູ້ປະຕິບັດວຽກງານບັນຊີ ທີ່ມີຄວາມເປັນມືອາຊີບໃນຕໍ່ໜ້າ;
ຕະຫຼອດໄລຍະເວລາຂອງການຝຶກອົບຮົມ ແມ່ນໄດ້ດໍາເນີນໄປເປັນເວລາ 10 ວັນເຕັມ ເຊິ່ງເລີ່ມແຕ່ວັນທີ 24ສິງຫາ ເຖິງ 04 ກັນຍາ 2026 ໂດຍຜູ້ເຂົ້າຮ່ວມຈະໄດ້ຮຽນຮູ້ ເນື້ອໃນສໍາຄັນຄື: 1.ຄວາມຮູ້ທົ່ວໄປກ່ຽວກັບບັນຊີອົງການຈັດຕັ້ງລັດ, 2.ການຈັດວາງລະບົບບັນຊີ, 3. ການຈັດຕັ້ງປະຕິບັດວຽກງານບັນຊີ, 4. ກົດໝາຍ ແລະ ຄໍາແນະນໍາຕ່າງໆ, 5. ເຕັກນິກການບັນທຶກບັນຊີ ແລະ 6. ການສ້າງ ແລະ ສະຫຼຸບລາຍງານເອກະສານການເງິນ.
# ສະຖາບັນເສດຖະກິດ-ການເງິນ, ກະຊວງ ການເງິນ
# ຢູ່ທີ ສະຖາບັນເສດຖະກິດ-ການເງິນ
# ຄັ້ງວັນທີ 24 ສິງຫາ 2026

21/08/2026

ສະຖາບັນເສດຖະກິດ-ການເງິນ ໄດ້ປະກາດຜົນການສອບເສັງຂັດເລືອກເຂົ້າສຶກສາໃນລະດັບປະລິນຍາຕີ ແລະ ປະລິນຍາຕີ ຕໍ່ເນື່ອງ ຢູ່ສະຖາບັນເສດຖະກິດ-ການເງິນ, ສຳລັບຜູ້ທີ່ເສັງຜ່ານແມ່ນຈະມີລາຍຊື່ຢູ່ດ້ານລຸ່ມນີ້ ແລະ ສາມາດ ໄປລົງທະບຽນຮຽນຢູ່ສະຖາບັນຕັ້ງແຕ່ ວັນທີ 21 ສິງຫາ 2026 ເຖິງ 18 ກັນຍາ 2026 ແລະ ຈະເລີ່ມຮຽນໃນວັນທີ່ 19 ກັນຍາ 2026 ເປັນຕົ້ນໄປ.

21/08/2026

ໃນຕອນເຊົ້າ ວັນທີ 19 ສິງຫາ 2026, ທ່ານ ທອງລິດ ກິ່ງແກ້ວອຸດົມ, ຫົວໜ້າສະຖາບັນເສດຖະກິດ-ການເງິນ, ກະຊວງການເງິນ ສປປ ລາວ, ພ້ອມຄະນະ ໄດ້ໃຫ້ການຕ້ອນຮັບ ທ່ານ ຟ້າມ ກວາງ ຕ໋ວານ, ຫົວໜ້າກົມແຜນການ ແລະ ການເງິນ, ກະຊວງການເງິນ ສສ ຫວຽດນາມ, ພ້ອມຄະນະ ເນື່ອງໃນໂອກາດມາຕິດຕາມ, ກວດກາ ແລະ ມອບ-ຮັບໂຄງການກໍ່ສ້າງສະຖາບັນເສດຖະກິດ-ການເງິນ ໄລຍະທີ 3 ຊຶ່ງໄດ້ຮັບທຶນຊ່ວຍເຫຼືອຈາກລັດຖະບານ ສສ ຫວຽດນາມ.
ໂອກາດນີ້, ທ່ານ ທອງລິດ ກິ່ງແກ້ວອຸດົມ ໄດ້ສະແດງຄວາມຂອບໃຈຢ່າງຈິງໃຈຕໍ່ລັດຖະບານ ແລະ ກະຊວງການເງິນ ສສ ຫວຽດນາມ ສຳລັບການສະໜັບສະໜູນອັນມີຄຸນຄ່າຕໍ່ ສປປ ລາວ. ການຮ່ວມມືດັ່ງກ່າວ ບໍ່ພຽງແຕ່ເປັນການສະໜັບສະໜູນດ້ານວັດຖຸ ແຕ່ຍັງສະທ້ອນເຖິງ ນ້ຳໃຈມິດຕະພາບ, ຄວາມສາມັກຄີພິເສດ ແລະ ສາຍພົວພັນອັນແໜ້ນແຟ້ນລາວ-ຫວຽດນາມ.
ສອງຝ່າຍຢືນຢັນຈະສືບຕໍ່ເສີມສ້າງ ແລະ ຂະຫຍາຍການຮ່ວມມືໃຫ້ເລິກເຊິ່ງ, ໃກ້ຊິດ ແລະ ເປັນຮູບປະທຳຍິ່ງຂຶ້ນ ເພື່ອສານຕໍ່ມິດຕະພາບ ແລະ ຄວາມສາມັກຄີພິເສດລາວ-ຫວຽດນາມໃຫ້ຍືນຍົງຕະຫຼອດໄປ.

19/08/2026