ຝຶກຫັດວິຊາຊີບຄູ ຄສສ ມຊ - Practicum FED NUOL

ຂະບວນທຳອິດ 2023

ໃນ​ຕອນ​ເຊົ້າ​ວັນ​ທີ 2 ມີ​ນາ 2022 ຢູ່​ທີ່ ໂຮງ​ຮຽນ ມັດ​ທະ​ຍົມ​ປາຍ​ວັງ​ວຽງ ໄດ້​ມີ​ພິ​ທີ​ມອບ - ຮັບນັກສຶກສາ ຄະນະສຶກສາສາດ ມະຫາວິທະຍາໄລແຫ່ງຊາດ
ລົງຝຶກຫັດວິຊາຊີບຄູ ພາຍໃນແຂວວຽງຈັນ ປະຈໍາສົກສຶກສາ 2021-2022
ພາຍ​ໃຕ້​ການ​ເປັນ​ປະ​ທານ ທ່ານ ຮສ. ປອ. ອຸດົມ ພອນຄໍາເພັງ ຮັກ​ສາການອະທິການບໍດີ ມະຫາວິທະຍາໄລແຫ່ງຊາດ , ພ້ອມ​ດ້ວຍ ທ່ານ ຮສ. ປອ. ສີຖານ ສຸຂະວົງ ຄະນະບໍດີ ຄະນະສຶກສາສາດ, ທ່ານ ປທ. ອ໊ອດ ແສງພິມ ຫົວໜ້າພະແນກ ສຶກສາທິການ ແລະ ກີລາ ແຂວງ ວຽງຈັນ, ທ່ານ ອາຈານ ສົມປອງ ທໍາມະວົງ ຜູ້ອໍານວຍການ ໂຮງຮຽນ ມປ. ວັງວຽງ, ທ່ານ ສີສຸພັນ ວັດທະນະວົງ ຄະນະປະຈໍາພັກເມືອງ ປະທານແນວລາວສ້າງຊາດ ເມືອງວັງວຽງ. ນອກ​ຈາກນັ້ນ​ຍັງ​ມີ​ແຂກ​ຖືກ​ເຊີນນຳ​ດ້ວຍຄື: ທ່ານຫົວໜ້າ ປກສ ເມືອງວັງວຽງ, ທ່ານຫົວໜ້າພະແນກສາທາເມືອງວັງວຽງ, ທ່ານ ຫົວໜ້າສຶກສາເມືອງເມືອງວັງວຽງ, ທ່ານ ຫົວໜ້າສຶກສາເມືອງເມືອງວຽງຄໍາ, ທ່ານ ຫົວໜ້າສຶກສາເມືອງໂພນໂຮງ, ຫົວໜ້າພະແນກ ແລະ ຫົວ​ໜ້າ​ພາກວິ​ຊາ​ຄູ ຄະ​ນະ​ສຶກ​ສາ​ສາດ, ຜູ້ອໍານວຍການພ້ອມຄະນະຈາກ ໂຮງຮຽນມສ. ໂພນໝີ, ໂຮງຮຽນ ມສ. ໂພນໂຮງ, ໂຮງຮຽນ ມສ. ສະກ້າ,ໂຮງຮຽນ ມສ. ປາກແຈ້ງ, ໂຮງຮຽນ ມສ. ນາມອນ, ໂຮງຮຽນ ມສ. ຜາຕັ້ງ, ມປ. ວັງວຽງ, ນັກສຶກສາຝຶກຫັດ, ນັກຮຽນ ແລະ ຜູ້ຮັບຜິດຊອບກວດກາຝຶກຫັດໃນແຕ່ລະສາຂາ ລວມຈຳ​ນວນ​ທັງ​ໝົດ 359 ຄົນ.
**ຈຸດ​ປະ​ສົງ​​ພິ​ທີ​ດັ່ງ​ກ່າວ:
1. ມອບ-ຮັບ ນັກສຶກສາຝຶກຫັດວິຊາຊີບຄູ ຄະນະສຶກສາສາດ ມະຫາວິທະຍາໄລແຫ່ງຊາດ.
2. ລາຍງານສະພາບວຽກງານຝຶກຫັດວິຊາຊີບຄູ ຄະນະສຶກສາສາດ ມະຫາວິທະຍາໄລແຫ່ງຊາດ ສົກ​ສຶກ​ສາ 2020-2021.
3. ລາຍງານສະພາບລວມລາຍງານສະພາບລວມການຈັດຕັ້ງການຮຽນ-ການສອນ ຢູ່ແຂວງວຽງຈັນ ສົກ​ສຶກ​ສາ 2020-2021.
***ພິ​ທີ​ດັ່​ງ​ກ່າວ​ໄດ້​ດຳ​ເນີນ​ດັ່ງ​ນີ້:
1. ທ່ານ ປຕ. ແສງສຸລິສັກ ຊື່ນຊົມ ຮອງພະແນກວິຊາການ ຄະນະສຶກສາສາດ ໄດ້ຂຶ້ນລາຍງານສະພາບວຽກງານຝຶກຫັດວິຊາຊີບຄູ ຄະນະສຶກສາສາດ ມະຫາວິທະຍາໄລແຫ່ງຊາດ ໃນສົກຮຽນ 2020-2021
2. ທ່ານ ປທ. ອ໊ອດ ແສງພິມ ຫົວໜ້າພະແນກສຶກສາທິການ ແລະ ກີລາແຂວງວຽງຈັນ ໄດ້ໃຫ້ກຽດລາຍງານສະພາບລວມການຈັດຕັ້ງການຮຽນ-ການສອນ ຢູ່ແຂວງວຽງຈັນ ໃນໄລຍະແຜ່ລະບາດໂຄວິດ 19 ແມ່ນການຈັດຕັ້ງປະຕິບັດການຮຽນ-ການສອນ ແມ່ນໃຊ້ລະບົບອອນລາຍເປັນຫຼັກ.
3. ທ່ານ ຮສ. ປອ. ສີຖານ ສຸຂະວົງ ຄະນະບໍດີ ຄະນະສຶກສາສາດ ມະຫາວິທະຍາໄລແຫ່ງຊາດ ໄດ້ຂຶ້ນກ່າວມອບ ນັກສຶກສາຄູຝຶກຫັດວິຊາຊີບຄູ ເຊິ່ງທ່ານໄດ້ກ່າວເຖິງຫຼັກການສ້າງຊັບພະຍາກອນຄູ, ການພັດທະນາຄູ, ຄຸນນະພາບຂອງການສຶກສາ ແລະ ການປະຕິບັດວຽກງານຂອງຄູຝຶກຫັດແມ່ນມີສ່ວນຮ່ວມຈາກຫຼາຍພາກສ່ວນທາງທ້ອງຖິ່ນ ແລະ ກໍໄດ້ກ່າວເຖິງໜ້າທີ່ຫຼັກຂອງຄູຝຶກຫັດ( ວຽກງານສິດສອນ, ວຽກງານຄູປະຈໍາຫ້ອງ, ວຽກພຶດຕິກຳການເຄື່ອນໄຫວ) , ການປ້ອງກັນພະຍາດລະບາດແມ່ນໃຫ້ນັກຝຶກຫັດມີສະຕິໃນການປ້ອງກັນ, ມີຄວາມສາມັກຄີຮັກແພງກັບອາຈານປະຈໍາທີ່ ແລະ ກ່າວມອບນັກສຶກສາຝຶກຫັດວິຊາຊີບຄູໃຫ້ທົ່ວ ແຂວງວຽງຈັນ ເພື່ອກໍ່ສ້າງຊ່ວຍເຫຼືອ.
4. ທ່ານ ປທ. ອ໊ອດ ແສງພິມ ຫົວໜ້າພະແນກສຶກສາທິການ ແລະ ກີລາ ແຂວງວຽງຈັນ ໃຫ້ກຽດຂຶ້ນກ່າວຮັບນັກສຶກສາຄູຝຶກຫັດວິຊາຊີບຄູ ຈາກຄະນະສຶກສາສາດ ຈໍານວນ 7 ໂຮງຮຽນ ລວມມີ 106 ຄົນ, ຍິງ 75 ຄົນ (ລວມທັງ ວິທະຍາໄລເຕັກນິກ ແຂວງວຽງຈັນ, ວິທະຍາໄລຄູບ້ານເກິນ )ພ້ອມນັ້ນທ່ານຍັງໄດ້ ມອບນັກສຶກສາຝຶກຫັດວິຊາຊີບຄູ ໃຫ້ແກ່ຜູ້ອຳນວຍການໂຮງຮຽນມປ. ວັງວຽງ, ມສ. ໂພນໂຮງ, ມສ. ໂພນໝີ, ມສ.ສະກ້າ, ມສ. ປາກແຈ້ງ, ມສ. ນາມອນ ແລະ ມສ. ຜາຕັ້ງ.
5.ທ່ານ ຮສ. ປອ. ອຸດົມ ພອນຄໍາເພັງ ຮັກສາການອະທິການບໍດີ ມະຫາວິທະຍາໄລແຫ່ງຊາດ ໄດ້ໃຫ້ກຽດໂອ້ລົມ ທ່ານໄດ້ກ່າວເຖິງຄຸນນະພາບການສຶກສາ ເຊິ່ງແມ່ນຄູເທົ່ານັ້ນທີ່ຈະເຮັດໃຫ້ການສຶກສາມີຄຸນນະພາບ ແລະ ທ່ານກໍໄດ້ກ່າວເຖິງການຝຶກຫັດວິຊາຊີບຄູການປະຕິບັດວຽກງານຝຶກຫັດໃນ 3 ດ້ານ ແລະ ການຮຽນຮູ້ນໍາອາຈານປະຈໍາທີ່, ການປັບຕົວໃຫ້ເຂົ້າກັບສະພາບແວດລ້ອມ, ພ້ອມທັງກ່າວເຖິງສະຖາບັນການຮຽນຮູ້ນັ້ນກໍ່ຄືມະຫາວິທະຍາໄລແຫ່ງຊາດ ເຊີ່ງເປັນບ່ອນຮຽນຮູ້ວິຊາຊີບເພື່ອປະກອບອາຊີບເພື່ອເປັນຂໍ້ຄິດໃຫ້ແກ່ນ້ອງນັກຮຽນ ມປ. ວັງວຽງ.
****ພິ​ທີ​ຄັ້ງ​ນີ້ ໄດ້ໃຫ້ຮູ້ເຖິງສະພາບວຽກງານຝຶກຫັດວິຊາຊີບຄູ ຄະນະສຶກສາສາດ ມະຫາວິທະຍາໄລແຫ່ງຊາດ ​ແລະ ຮູ້ເຖິງສະພາບລວມເຖິງການຈັດຕັ້ງການຮຽນ-ການສອນ ຢູ່ແຂວງວຽງຈັນ ສົກ​ສຶກ​ສາ 2020-2021 ແລະ​ທິດ​ທາງ​ແຜນ​ການ​ຈັດ​ຕັ້ງ​ວຽກ​ງານ​ຝຶກ​ຫັດ​ວິ​ຊາ​ຊີບ​ຄູ ສົກ​ສຶກ​ສາ 2021-2022 ອີກ​ດ້ວຍ.

ວັນ​ທີ 23-24 ກຸມ​ພາ 2022 ທີ່​ຄະ​ນະ​ສຶກ​ສາ​ສາດ ໄດ້ສືບຕໍ່​ຈັດ​ຕັ້ງ​ການກວດຫາ​ເຊື້ອ​ໂຄວິດ-19 ໃຫ້​ແກ່​ນັກ​ສຶກ​ສາ​ປີ​ສຸດ​ທ້າຍ ສົກ​ສຶກ​ສາ 2021-2022 ທີ່​ຈະ​ລົງ​ເຝິກ​ຫັດ​ຢູ່ ມ​ສ.ປາກ​ແຈ້ງ, ມ​ສ.ໂພນໝີ, ມ​ສ.ໂພນໂຮງ ແລະ ມ​ສ.ສະ​ກ້າ ເພື່ອ​ກຽມ​ຄວາມ​ພ້ອມ ແລະ ເປັນ​ການ​ສະ​ກັດ​ກັ້ນ​ເຊື້ອ​ພະ​ຍາດ​ໂຄວິດ-19

ວັນ​ທີ 18 ກຸມ​ພາ 2022 ທີ່​ຄະ​ນະ​ສຶກ​ສາ​ສາດ ໄດ້ສືບຕໍ່​ຈັດ​ຕັ້ງ​ການກວດຫາ​ເຊື້ອ​ໂຄວິດ-19 ໃຫ້​ແກ່​ນັກ​ສຶກ​ສາ​ປີ​ສຸດ​ທ້າຍ ສົກ​ສຶກ​ສາ 2021-2022 ທີ່​ຈະ​ລົງ​ເຝິກ​ຫັດ​ຢູ່ ມ​ສ.ສາທິດ (ຄສສ) ແລະ ມ​ສ.ໂພນທັນ ເພື່ອ​ກຽມ​ຄວາມ​ພ້ອມ ແລະ ເປັນ​ການ​ສະ​ກັດ​ກັ້ນ​ເຊື້ອ​ພະ​ຍາດ​ໂຄວິດ-19.

ວັນ​ທີ 17 ກຸມ​ພາ 2022 ທີ່​ຄະ​ນະ​ສຶກ​ສາ​ສາດ ໄດ້​ຈັດ​ຕັ້ງ​ການກວດຫາ​ເຊື້ອ​ໂຄວິດ-19 ໃຫ້​ແກ່​ນັກ​ສຶກ​ສາ​ປີ​ສຸດ​ທ້າຍ ສົກ​ສຶກ​ສາ 2021-2022 ທີ່​ຈະ​ລົງ​ເຝິກ​ຫັດ​ຢູ່ ມ​ສ.ວຽງ​ຈັນ ແລະ ມ​ສ.ເຈົ້າ​ອາ​ນຸ​ວົງ ເພື່ອ​ກຽມ​ຄວາມ​ພ້ອມ ແລະ ເປັນ​ການ​ສະ​ກັດ​ກັ້ນ​ເຊື້ອ​ພະ​ຍາດ​ໂຄວິດ-19.

ຄະ​ນະ​ສຶກ​ສາ​ສາດ​ໄດ້ສຳ​ເລັດ​ການ​ຈັດ​ຕັ້ງ​ເຝິກອົບຮົມມາລະຍາດ-ວັດທະນະທຳທາງສັງຄົມ, ເຝິກອົບຮົມພິທີກອນ,ຂ່າວສານ-ການຖ່າຍພາບ ແລະ ການບໍລິຫານຂະບວນເຝິກຫັດໃຫ້ນັກສຶກສາປີສຸດທ້າຍ ປະຈໍາສົກສຶກສາ 2021-2022

ກອງປະຊຸມລາຍງານ-ແລກປ່ຽນ ການເຝິກຫັດວິຊາຊບຄູ ສົກສຶກສາ 2021-2022

ກອງປະຊຸມກະກຽມວຽກງານເຝິກຫັດວິຊາຊີບຄູ 2021-2022
ໃນວັນທີ 29 ຕຸລາ 2021 ຄະນະສຶກສາສາດ ໄດ້ຈັດກອງປະຊຸມ ກະກຽມຄວາມພ້ອມໃນການລົງເຝິກຫັດວິຊາຊີບຄູ ໃນສົກ 2021-2022 (New Normal) ໂດຍມີ ທ່ານ ຮສ.ປອ. ຄຳແສງ ທະລັງສີ ຮອງຄະນະບໍດີ ຄະນະສຶກສາສາດ (ຊີ້ນຳວຽກງານວິຊາການ) ເປັນປະທານ ກອງປະຊຸມ ແລະ ມີທ່ານຄະນະບໍດີ, ທ່ານຮອງຄະນະບໍດີ, ທ່ານຫົວໜ້າພາກວິຊາ, ທ່ານຮອງຫົວໜ້າພາກວີຊາຝ່າຍວິຊາການ (6 ພາກວິຊາ), ທ່ານຫົວໜ້າພະແນກ ແລະ ທ່ານຮອງຫົວໜ້າພະແນກ (2 ພະແນກ), ທ່ານຫົວໜ້າສາຂາວິຊາ (12 ສາຂາວິຊາ) ແລະ ຄະນະຮັບຜິດຊອບວຽກງານເຝິກຫັດ ວິຊາຊີບຄູ ເຂົ້າຮ່ວມ ລວມທັງໝົດ 37 ທ່ານ.
ໃນກອງປະຊຸມໄດ້ ປຶກສາຫາລື ກ່ຽວກັບ ຄວາມພ້ອມ ໃນການລົງເຝິກຫັດວິຊາຊີບຄູ ໃນແຕ່ລະສາຂາວິຊາ ແລະ ແນວທາງວິທີການຈັດຕັ້ງປະຕິບັດທີ່ເປັນໄປໄດ້ ໃນສົກ 2021-2022 ໂດຍສະເພາະໃນຊ່ວງ New Normal.

ວັນທີ່26/5/2021 ນັກທຸລະກິດຫນຸ່ມບ້ານວຽງຄຳ ໄດ້ເຂົ້າມາມອບເຄື່ອງບໍລິໂພກຈຳນວນຫນື່ງເພື່ອຊຸກຍູ້ຊ່ວຍເຫລືອຂະບວນເຝິກຫັດ ມສ ວຽງຄຳ ຊ່ວງລ໋ອກດາວ ຂໍຂອບໃຈທຸກທ່ານ ຂໍໃຫ້ທຸກທ່ານຈົ່ງມີສຸຂະພາບແຂງແຮງລ້ຳລວຍຍິ່ງໆຂື້ນ🙏

ນັກສຶກສາເຝິກງານຂະບວນ ມສ ສົມມຸງຄຸນ ຂໍສະແດງຄວາມຂອບໃຈທາງ ຫ້ອງການສຶກສາທິການ ແລະ ກິລາ ເມືອງ ບໍລິຄັນ ທີ່ໄດ້ມອບອາຫານແຫ້ງເພື່ອຊ່ວຍເຫຼືອ ແລະ ບັນເທົາຄ່າໃຊ້ຈ່າຍໃຫ້ແກ່ນັກສຶກສາພວກເຮົາ ໃນໄລຍະທີ່ເຊື້ອພະຍາດ Covid-19 ແຜ່ລະບາດ.
25/5/2021
ປະເພດອາຫານ:
ມີ່ໄວໆ 15 ແກັດ
ນ້ຳດື່ມຫົວເສືອ 14 ແພັກ
ຂະບວນເຝິກຫັດ ມສ ສົມມຸງຄຸນ 2020-2021