Xiengkhor Upper Secondary School

07/02/2022

ຄວາມໝາຍຊີວິດ
- ມີບ້ານໃຫ້ກັບ
- ມີວຽກໃຫ້ເຮັດ
- ມີຄົນຮັກໃຫ້ຄິດຮອດ
- ມີເວລາເຮັດໃນສີ່ງທີ່ມັກ
- ມີໂອກາດໄດ້ເປັນຜູ້ໃຫ້
- ມີລົມຫາຍໃຈເພື່ອຄອບຄົວ♥️

27/08/2021

ກ່ອນຈະເປີດສົກຮຽນໃໝ່:2021-2022 .... ຂໍຝາກກໍາລັງໃຈ ໃຫ້ຄູທຸກໆທ່ານ ຈົ່ງພູມໃຈໃນອາຊີບຄູ" ຄູສ້າງຄົນ ຄົນສ້າງຊາດ, ທຸກຄົນສາມາດເປັນຄູໄດ້ ແຕ່ບໍ່ແມ່ນວ່າທຸກຄົນ ຈະເປັນຄູທີ່ດີໄດ້" ເພາະອາຊີບຄູເປັນອາຊີບທີ່ມີກຽດທີ່ສຸດ ໃນການສິດສອນ ແລະ ສຶກສາອົບຮົມນັກຮຽນຮູ້ປັນຍາຊົນ ໃຫ້ເປັນຄົນດີ-ຄົນເກັ່ງ ຂອງສັງຄົມ ແຕ່ອາຊີບຄູກໍ່ມີສິ່ງທ້າທາຍຫຼາຍດ້ານ ແລະ ຕ້ອງໄດ້ສຶກສາຮຽນຮູ້ຢູ່ຕະຫຼອດເວລາ ກັບການປ່ຽນແປງຕາມສະຖານະການຂອງໂລກປະຈຸບັນ ເຊີ່ງຄູທຸກຄົນ ຕ້ອງຮັກອາຊີບແລະຈັນຍາບັນຂອງຄູ ແລະ ມີປະໂຫຍກທີ່ມີກຽດທີ່ສຸດວ່າ: "ຄູຄືແມ່ພີມຂອງຊາດ, ຄູຄືພໍ່ແມ່ຜູ້ທີ່2ຂອງນັກຮຽນ". ການເປັນຄູແມ່ນງ່າຍທີ່ສຸດ ແຕ່ການເປັນຄູທີ່ດີ,ຜູ້ຮຽນຍອມຮັບ ແລະ ສັດທາ, ມັກ-ມ່ວນກັບການຮຽນ,ເຮັດໃຫ້ຜູ້ຮຽນໄດ້ຄິດ,ມີພະລັງຂຶ້ນ ເປັນສິ່ງທີ່ຍາກທີ່ສຸດ ເພາະຄູທຸກຄົນ ເປັນຜູ້ທີ່ສາມາດໃຫ້ປຶກສາ,ໃຫ້ຄໍາແນະນໍາແກ່ຜູ້ຮຽນໄດ້ ແຕ່ສິ່ງສໍາຄັນຄູທຸກຄົນຕ້ອງຮູ້ແກ່ນແທ້" 5ຫຼັກມູນຂອງການສຶກສາ ແລະ 3ລັກສະນະການສຶກສາ" ແລະ ຂໍ້ແຂ່ງຂັນ ຫຼື ຄວາມຮູ້ຕ່າງໆ ທີ່ເປັນປະໂຫຍດ ວ່າຄວນຈະເນັ້ນຈຸດໃດ,ວິເຄາະ-ວິໃຈຈຸດໃດ ເພຶ່ອໃຫ້ຜູ້ຮຽນ ໄດ້ເຫັນພາບ ແລະ ມີຈິນຕະນາການ ທີ່ກວ້າງໄກ ພ້ອມທັງເນັ້ນສະພາບບັນຫາທີ່ເກີດຂຶ້ນ,ຕັ້ງເປັນຄໍາຖາມ ໃຫ້ຜູ້ຮຽນ ຊອກຫາຄໍາຕອບດ້ວຍຕົນເອງ ເພາະການສຶກສາບໍ່ມີພົມແດນ ແລະ ຂໍ້ຈໍາກັດໃດໆ .....ຂໍແຕ່ຄູເປີດໃຈຍອມຮັບການປ່ຽນແປງ,ບໍ່ຍືດຄໍາພີຕາຍຕົວ ແລະ ຮູ້ປະຍຸກໄປຕາມກົນໄກ ແລະ ພາບການຕ່າງໆ ທີ່ເກີດຂຶ້ນ ແລະ ທັງຮູ້ວິເຄາະ ອັນໃດດີແລະອັນໃດບໍ່ດີ ເພຶ່ອແນະນໍາໃຫ້ຜູ້ຮຽນໄດ້ເຂົ້າໃຈເນື້ອແທ້ຂອງບັນຫາ....ເພາະຄວາມຜິດບໍ່ແມ່ນຄວາມຊົ່ວ, ຄວາມຊົ່ວຄືການທີ່ເຮັດຜິດແລ້ວບໍ່ຍອມປ່ຽນແປງຕ່າງຫາກ...ເພາະໂລກນີ້ບໍ່ມີຫັຍງຖືກໄປໜົດ ແລະ ຜິດໄປໝົດ ຂໍແຕ່ທຸກຄົນກ້າຮຽນຮູ້,ກ້າປ່ຽນແປງ ແລະ ຢູ່ກັບຄວາມເຫັນທີ່ແຕກຕ່າງໃຫ້ໄດ້ ....ທຸກຄົນຈະມີຄວາມສຸກກັບການຮຽນຮູ້ຢູ່ຕະຫຼອດເວລາ.

02/03/2020

ພວກເຮົາສັນຫາຂຸມພະລັງແຫ່ງສຸດຍອດສຽງມາບໍລິການທ່ານຖ້າຫາກທ່ານຕັດສີນໃຈ ທ່ານອາດຈະບໍ່ຜິດຫວັງ ສົມກັບຄຳລໍຄອຍທ່ານຈະຕ້ອງພືງພໍໃຈໃນຄວາມເປັນເອກະລັກອັນສຸດຍອດແຫ່ງຂຸມພະລັງນີ້

08/12/2019

ບັນເທີງ ມີເຊັກພັນທຸກມື້ ຊ່ວຍໃຫ້ມີອາຍຸຍືນ ແລະ ຊ່ວຍໃຫ້ແມ່ຍິງງາມຂື້ນ Posted on 4 ธันวาคม 2019 Author khokhid Comment(0) ມີເຊັກພັນທຸກມື້ ....

28/11/2019

#ຄຸ້ມຄ່າກັບການເສຍເວລາ 5 ນາທີ ອ່ານສາລະດີໆ!

ຜົວເມຍຊາວນາທີ່ຍາກຈົນຄູ່ໜື່ງຫາກໍ່ເເຕ່ງງານໃໝ່ໆຍັງບໍ່ຮອດເດືອນເເລ້ວຜົວບອກເມຍວ່າ: ອ້າຍຈະອອກຈາກບ້ານໄປ ເເລະ ຈະເດີນທາງໄປໄກ ເພື່ອຊອກວຽກງານດີໆເຮັດເພື່ອໃຫ້ອະນາຄົດຂອງພວກເຮົາດີຂື້ນກວ່າຕອນນີ້, ອ້າຍບໍ່ຮູ້ວ່າຈະໄປດົນປານໃດຈື່ງຈະໄດ້ກັບມາ ເເຕ່ອ້າຍຂໍໃຫ້ນ້ອງລໍຖ້າອ້າຍ ເເລະ ຢ່ານອກໃຈອ້າຍ ສ່ວນອ້າຍກໍ່ຈະບໍ່ນອກໃຈນ້ອງເຊັ່ນກັນ.

ເມຍກໍ່ຕອບວ່າໄປວ່າ ນ້ອງສັນຍາວ່ານ້ອງຈະຊື່ສັດ ເເລະ ລໍຖ້າຈົນກວ່າອ້າຍກັບມາ. ມື້ຕໍ່ມາຜົວກໍ່ອອກເດີນໄປຫຼາຍມື້ຫຼາຍວັນເເລ້ວກໍ່ມີເສດຖີຄົນໜື່ງຮັບລາວເຮັດວຽກ. ເເຕ່ກ່ອນຈະເຮັດວຽກນໍາເສດຖີລາວໄດ້ເວົ້າກັບເສດຖີວ່າ: ຂໍໃຫ້ທ່ານຮັບຂ້າພະເຈົ້າເຮັດນໍາທ່ານຈົນກວ່າຂ້າພະເຈົ້າຄິດວ່າພໍເລ້ວ ເເລະ ຂໍໃຫ້ທ່ານຊ່ວຍຮັກສາເງີນເດືອນທຸກໆເດືອນຂອງຂ້າພະເຈົ້າຈົນກວ່າຂ້າພະເຈົ້າຈະຕັດສິນໃຈລາອອກ. ເສດຖີກໍ່ຕົກລົງຕາມຂໍ້ສະເໝີ ເເລະ ໃຫ້ລາວເຮັດວຽກນໍາ.

ຊາຍຄົນນັ້ນກໍ່ຕັ້ງໃຈເຮັດວຽກນໍາເສດຖີໄດ້ຫ້າປີໂດຍບໍ່ມີຮອດວັນພັກເພື່ອກັບໄປຢາມບ້ານເລີຍ. ເມື່ອຮອດວັນຄົບຫ້າປີລາວກໍ່ໄປຫາເສດຖີ ເເລະ ເວົ້າກັບເສດຖີວ່າ: ທ່ານເອີຍຂ້າພະເຈົ້າຢາກໄດ້ເງີນເດືອນຂອງຂ້າພະເຈົ້າເພາະຢາກກັບບ້ານເກີດເເລ້ວ. ເສດຖີກໍ່ຕອບໄປວ່າ: ໃນເມື່ອຂ້ອຍໃຫ້ສັນຍາກັບເຈົ້າເເລ້ວຂ້ອຍຕ້ອງເຮັດຕາມສັນຍາເເນ່ນອນ ເເຕ່ຂ້ອຍມີຂໍ້ສະເໝີ 2 ຂໍ້:

1. ຂ້ອຍໃຫ້ເງິນຄ່າເເຮງງານທັງໝົດໃຫ້ເຈົ້າ ເເລະ ໃຫ້ເຈົ້າກັບບ້ານ.
2. ຂ້ອຍຈະໃຫ້ຄໍາສອນສາມຂໍ້ ເເຕ່ຄ່າເເຮງງານຕະຫຼອດໄລຍະ 5 ປີ.
ເຈົ້າຈະເລືອກເອົາສິ່ງໃດ? ເເລະ ເຈົ້າບໍ່ຕ້ອງຕອບຕອນນີ້ກໍ່ໄດ້ ກັບໄປນອນຄິດມື້ໃໝ່ຄ່ອຍກັບມາຕອບ.

ມື້ຕໍ່ມາລາວກໍ່ມາຫາເສດຖີເເລ້ວບອກວ່າ: “ຂ້າພະເຈົ້າຢາກໄດ້ຄໍາສອນສາມຂໍ້.“ ເສດຖີກໍ່ຕອບໄປວ່າ: ”ຄິດດີເເລ້ວບໍ, ຖ້າຂ້ອຍໃຫ້ຄໍາສອນສາມຂໍ້ເເລ້ວຂ້ອຍຈະບໍ່ໃຫ້ເງິນຄ່າເເຮງງານເລີຍ“

ເສດຖີກໍ່ເວົ້າກັບລາວອີກວ່າ: “ຂ້ອຍໃຫ້ໂອກາດເຈົ້າອີກເປັນເທື່ອສຸດທ້າຍກັບຄືນໄປຄິດອີກເເລ້ວຄ່ອຍມາຕອບອີກເທື່ອໜື່ງ.“

ມື້ຕໍ່ມາຊາຍຄົນນັ້ນກັບມາຫາເສດຖີເເລ້ວຢືນຢັນຄໍາເດີມວ່າ: ”ຂ້ານ້ອຍຂໍຄໍາສອນສາມຂໍ້” ໃນເມື່ອລາວຕັດສິນໃຈເຊັ່ນນັ້ນເສດຖີກໍ່ບອກຄໍາສອນສາມຂໍ້ໃຫ້ລາວຄື:

1. ເຈົ້າບໍ່ຄວນຈະເລືອກເດີນທາງລັດທີ່ທີ່ໃກ້ກວ່າ ເເຕ່ເຈົ້າບໍ່ຮູ້ຈັກປະຫວັດເສັ້ນທາງນັ້ນເລີຍ.
2. ຢ່າຊອດຮູ້ຊອດເຫັນຫຼາຍເພາະອາດຈະເຖີງເເກ່ຊີວິດ.
3. ຢ່າຕັດສິນໃຈເຮັດຫຍັງເວລາອາລົມຮ້າຍ ເເລະ ເຈັບຊໍ້າເພາະມັນຈະເຮັດໃຫ້ເຈົ້າເສຍໃຈຕາມຫຼັງ.

ຫຼັງຈາກໃຫ້ຄໍາສອນສາມຂໍ້ເເລ້ວເສດຖີກໍ່ໃຫ້ຫໍ່ເຂົ້າສາມຫໍ່ໃຫ້ລາວ ເເລະ ເວົ້າວ່າ: ສອງຫໍ່ນີ້ເອົາໄປກິນລະຫວ່າງການເດີນທາງຂອງເຈົ້າ ສ່ວນອີກຫໍ່ທີ່ເຫຼືອເອົາໄປກິນກັບເມຍ.

ຈາກນັ້ນລາວກໍ່ເດີນທາງກັບບ້ານ, ໃນການທາງມື້ທີ່ໜື່ງມີຊາຍເເປກໜ້າທັກທາຍ ເເລະ ຖາມວ່າ: ທ່ານຈະເດີນທາງໄປໃສ?

ລາວຕອບກັບຊາຍເເປກໜ້າວ່າ: ຂ້ອຍຈະເດີນທາງກັບບ້ານເກີດເຊີ່ງຈະໃຊ້ເວລາ 20 ກວ່າມື້ຈື່ງຮອດ.ຊາຍເເປກໜ້າບອກລາວວ່າ: ຂ້ອຍຮູ້ທາງລັດໃຊ້ເວລາພຽງຫ້າມື້ກໍ່ຮອດ, ເພາະຄວາມຄິດຮອດບ້ານລາວຈື່ງຕັດສິນໃຈໄປນໍາຄົນເເປກໜ້າ. ສ່ວນຄົນເເປກໜ້າກໍ່ເເນະນໍາທາງໃຫ້ຈົນລາວຄິດຮອດຄໍາສອນຂໍ້ທີ່ 1 ຂອງເສດຖີທີ່ວ່າ:“ເຈົ້າບໍ່ຄວນຈະເລືອກເດີນທາງລັດທີ່ທີ່ໃກ້ກວ່າ ເເຕ່ເຈົ້າບໍ່ຮູ້ຈັກປະຫວັດເສັ້ນທາງນັ້ນເລີຍ.“ ເເລ້ວລາວກໍ່ຕັດສິນໃຈຍ່າງກັບມາໃຊ້ເສັ້ນທາງເດີມ. ມື້ຕໍ່ມາລາວສືບຮູ້ວ່າທາງທີ່ຄົນເເປກໜ້າເເນະນໍານັ້ນເປັນທາງກັບດັກຂອງໂຈນ.

ຈາກນັ້ນລາວກໍ່ເດີນທາງໄປຕໍ່ໄດ້ສິບມື້ກໍ່ເຫັນເຮືອນພັກເເຄມທາງບ່ອນທີ່ລາວສາມາດພັກໄດ້. ລາວກໍ່ໄປຈ່າຍເງິນເເລ້ວເຂົ້າໄປກໍ່ອາບນໍ້າຈາກນັ້ນກໍ່ນອນ. ເເຕ່ພໍຮອດເວລາທ່ຽງຄືນລາວກໍ່ຕື່ນເນື່ອງຈາກມີຄົນຮ້ອງສຽງດັງຈາກທາງນອກ ເເລະ ດ້ວຍຄວາມສົນໃຈວ່າທາງນອກເກີດຫຍັງຂື້ນ. ລາວກໍ່ລຸກເເລ້ວຈະອອກໄປເບີ່ງ ເເຕ່ຂະນະຍ່າງຮອດປະຕູລາວກໍ່ຄິດເຖີງຄໍາສອນຂໍ້ທີ່ສອງຂອງເສດຖີທີ່ວ່າ:“ຢ່າຊອດຮູ້ຊອດເຫັນຫຼາຍເພາະອາດຈະເຖີງເເກ່ຊີວິດ” ລາວກໍ່ບໍ່ສົນໃຈເເລ້ວກັບມານອນຈົນຮຸ້ງເຊົ້າຈື່ງລຸກມາກຽມຕົວເເລ້ວໄປລາເຈົ້າຂອງເຮືອນພັກ. ເຈົ້າຂອງເຮືອນພັກກໍ່ຖາມ: ທ່ານບໍ່ໄດ້ຍິນສຽງຮ້ອງມື້ຄືນບໍ?

ລາວຢືນຢັນວ່າໄດ້ຍິນ ເເຕ່ຂ້ອຍບໍ່ໄດ້ອອກມາເບີ່ງ ມັນເກີດຫຍັງຂື້ນ? ເຈົ້າຂອງເຮືອນພັກກໍ່ຕອບວ່າ: ທ່ານເປັນຄົນດຽວທີ່ຫຼອດຊີວິດເນື່ອງຈາກມີຄົນບ້າໃກ້ເເຖວນີ້ມາຮ້ອງເພື່ອສ້າງຄວາມສົນໃຈໃຫ້ຄົນທີ່ມາພັກໃນນີ້ອອກໄປເບີ່ງເເລ້ວລາວກໍ່ຂ້າພວກເຂົາຕາຍທັງໝົດເລີຍ.

ຈາກນັ້ນລາວກໍ່ສືບຕໍ່ເດີນທາງອີກສິບກວ່າມື້ກໍ່ມາຮອດບ້ານເວລາຄໍ່າທີ່ພະຈັນດວງ. ເເຕ່ຍ້ອນບໍ່ຢາກປຸກເມຍຈື່ງເຂົ້າໄປໃນເຮືອນເເບບງຽບໆ ພໍຮອດຕຽງນອນລາວກໍ່ເຫັນມີເກີບເເຕະຜູ້ໃຫຍ່ສອງຄູ່ ເເລະ ເກີບເດັກນ້ອຍໜື່ງຄູ່ເເລ້ວເບີ່ງເທີງຕຽງມີສາມຄົນນອນນໍາກັນ ທັນໃດນັ້ນລາວຄຽດເເຮງເນື່ອງຈາກຄວາມອິດເມື່ອຍຂອງການເດີນທາງໄກ ເເລະ ກ່ອນອອກເດິນທາງລາວຂໍເມຍໃຫ້ຢ່ານອກໃຈລາວ ສ່ວນລາວກໍ່ຈະບໍ່ເຄີຍນອກໃຈເມຍເລີຍ. ເເຕ່ຕອນນີ້ເມຍນອກໃຈລາວຈົນມີລູກເເລ້ວເຮັດໃຫ້ລາວຄິດວ່າຕ້ອງຂ້າເມຍ, ຜົວໃໝ່ ເເລະ ເດັກ. ຈາກນັ້ນ, ລາວກໍ່ຍ່າງໄປຈັບພ້າຈາກເຮືອນຄົວເພື່ອໄປຂ້າທັງສາມຄົນ ພໍກັບມາຮອດຕຽງ ເເລະ ຫາຍໃຈເລີກໆກຽມຂ້າທັງສາມຄົນທີ່ນອນໃນຕຽງນັ້ນ ເເຕ່ໂຊກດີທີ່ຄິດຮອດຄໍາສອນຂໍ້ທີສາມຂອງເສດຖີທີ່ບອກວ່າ: “ຢ່າຕັດສິນໃຈເຮັດຫຍັງເວລາອາລົມຮ້າຍ ເເລະ ເຈັບຊໍ້າເພາະມັນຈະເຮັດໃຫ້ເຈົ້າເສຍໃຈຕາມຫຼັງ.“ ລາວກໍ່ສະຫງົບສະຕິເເລ້ວຍ່າງອອກໄປນອນນອກເຮືອນເເລ້ວຄິດໃນໃຈວ່າລາວຈະບໍ່ຂ້າເມຍ, ຜົວໃໝ່ ເເລະ ລູກຂອງພວກເຂົາ ເເຕ່ຈະລໍຖ້າລາໃຫ້ທັງສາມຕື່ນເເລ້ວລາເມຍກ່ອນຈື່ງຈາກໄປ.

ຮຸ້ງເຊົ້າມື້ຕໍ່ມາເມຍກັບລູກເປີດປະຕູບ້ານກໍ່ເຫັນລາວຍັງນອນຫຼັບຢູ່ນອກບ້ານຍ້ອນຄວາມອິດເມື່ອຍຈາກການເດີນທາງ. ເມຍກໍ່ໄປປຸກລາວດ້ວຍຄວາມດີໃຈ ພໍລາວຕື່ນຈາກການປຸກຂອງເມຍກັບລູກ. ລາວກໍ່ຖາມເມຍທັນທີວ່າ: ເປັນຫຍັງນ້ອງນອກໃຈອ້າຍຈົນມີລູກໃຫຍ່ສໍ້ານີ້ເເລ້ວ? ເເລ້ວເມຍກໍ່ຕອບໄປວ່າ: ນ້ອງບໍ່ໄດ້ນອກໃຈ ເເລະ ລູກຄົນນີ້ເປັນຂອງພວກເຮົາເພາະນ້ອງທ້ອງຕອນອ້າຍອອກເດີນທາງເເລ້ວ ສ່ວນອີກຄົນທີ່ນອນນໍາເເມ່ນເເມ່ຂອງນ້ອງ. ພໍໄດ້ຟັງຄໍາອະທິບາຍລາວກໍ່ຄິດໃຈວ່າຖ້າລາວຕັດສິນໃຈຂ້າທັງສາມຄົນມື້ຄືນນີ້ຄົນທີ່ຕາຍບໍ່ເເມ່ນເມຍທີ່ນອກໃຈ, ຜົວໃໝ່ ເເລະ ລູກຂອງເມຍນອກໃຈກັບຜົວໃໝ່ ເເຕ່ເປັນເມຍທີ່ເເສນຊື່ສັດ, ເເມ່ເມຍ ເເລະ ລູກຂອງຕົວເອງ.

ຫຼັງຈາກລົມກັນເຂົ້າໃຈ ລາວກໍ່ເລົ່າທຸກຍ່າງໃຫ້ເມຍຟັງເເລ້ວກໍ່ເອົາຫໍ່ເຂົ້າທີ່ເສດຖີໃຫ້ມາກິນນໍາເມຍມາໄຂອອກມາກິນນໍາກັນ ພໍໄຂອອກມາມັນບໍ່ເເມ່ນຫໍ່ເຂົ້າ ເເຕ່ເປັນເພັດພອຍທີ່ມີມູນຄ່າຫຼາຍກວ່າຄ່າເເຮງງານຂອງລາວທີ່ເຮັດວຽກໃຫ້ເສດຖີຕະຫຼອດຫ້າທີ່ຜ່ານມາ.

ເລື່ອງນີ້ສອນໃຫ້ພວກເຮົາຮູ້ວ່າ:

1. ຄົນທີ່ຮັກເຮົາເໜືອນເສດຖີໃນເລື່ອງນີ້ຈະໃຫ້ເຮົາທັງຄວາມຮູ້, ເງິນທອງ ເເລະ ໃຫ້ຫຼາຍກວ່າສິ່ງທີ່ເຮົາຕ້ອງການ.
2. ຢ່າເຊື່ອໃຈຄົຍງ່າຍໆເພາະສັງຄົມມີທັງຄົນດີ ເເລະ ຄົນບໍ່ດີ.
3. ການຊອດຮູ້ຊອດເຫັນມັນບໍ່ດີຫຼາຍເກີນໄປຕົວຢ່າງ: ກ່ອນການລະເບີດຂ້າຕົວຢູ່ຕ່າງປະເທດ ຄົນທີ່ເກາະເຫດສ້າງໃຫ້ຄວາມສົນໃຈໃຫ້ຄົນມາເບີ່ງເຫດການເເລ້ວຈຶ່ງລະເບີດເຮັດໃຫ້ມີຄົນບາດເຈັບ ເເລະ ເສຍຊີວິດ.
3. ບໍ່ຄວນເເກ້ໄຂບັນຫາໃດໆດ້ວຍອາລົມ ເເຕ່ຄວນເເກ້ໄຂດ້ວຍຄວາມມານະອົດທົນ ຄິດກ່ອນຈື່ງເຮັດຕັດສິນໃຈເຮັດຫຍັງ.

ຖ້າທ່ານຄິດວ່າເລື່ອງນີ້ໃຫ້ຄວາມຮູ້, ຄະຕິເຕືອນໃຈ ເເລະ ຢາກໃຫ້ໝູ່ເພື່ອນຂອງທ່ານໄດ້ອ່ານ.

ກົດໄລ້ ກົດເເຊ່ ຫຼື ເອົາໄປໂພສຕ໌ຕໍ່ເລີຍ.

26/12/2018

ເຫລົ້າຂາວ ລ້າງໃຈ ເຫລົ້າໄຫ ລ້າງໂສດ
ກິນຫລາຍເປັນໂທດ ມີປະໂຫຍດແມ່ນກິນນຳຜູ້ສາວ

02/10/2018

"ຂອງຂວັນຄູ"
ຂອງຂວັນທີ່ຄູຢາກໄດ້ ຄືການເຫັນລູກສິດເປັນຄົນດີ ຮຽນເກ່ງປະສົບຜົນສຳເລັດ
ນໍ້າໃຈວັນທີ່ 7 ຕຸລາ ວັນຄູແຫ່ງຊາດຢ່າງສຸດໃຈ
--------------------------------------------------------------------
♦ຄູເອີຍ ! ທ່ານຄືດວງໜ່ວຍແກ້ວ ແສນປະເສີດຄຸນສູງ
ພໍ່ແມ່ລູງອາວອາ ພອ້ມພໍ່າຫລານກໍ່ເຫັນພອ້ມ
ດອມກັນດາດີໄດ້ ສະຫລອງໄຊຄຸນຊາດ
7 ຕຸລາປະກາດກ້ອງ ຊົມເຊີຍຍ້ອງຄ່າຄູ
♦ຄູເປັນແບບເບົ້າ ເກີດກໍ່ຕົວອັກສອນ
ຕົວສະຫລະພະຍັນຊະນະ ຕໍ່າກາງສູງເຕ້ຍ
ສະຫລະສຽງສູງສັ້ນ ສຽງຍາວສະຫລະພິເສດ
ກໍ່ແມ່ນຄູເປັນຜູ້ປາດເປື້ອງ ປະດິດຄົ້ນຄິດຕໍ່າລາ
♦ຍ້ອນຄູເປັນຜູ້ໃຫ້ ໄຟສະຫວ່າງການສຶກສາ
ເຮັດໃຫ້ດວງຕາຄົມ ທຸກເຜົ່າຊົນໄດ້ເຫັນຮູ້
ເປັນຄູຫູຕາແຈ້ງ ສະແຫວງຫາຄຸນຄ່າ
ມີບັນຍາຮອບຮູ້ ຍອ້ນຄູເຈົ້າສັ່ງສອນນັ້ນແລ້ວ
♦ຄວາມດີຄວາມສະຫລາດໄດ້ ປັນຍາໃໝ່ຄົມແຫລມ
ກໍແມ່ນຄູເຍືອງແຍງ ສ່ອງແສງສອນຊີ້
ຄູນີ້ລະເປັນສະພານໃຫ້ ຊາວຊົນໄດ້ທຽວໄຕ່
ຄູນີ້ລະຈັບມືຂຽນຂີດແຕ້ມ ສໍຂາວເນັ້ນໃສ່ກະດານ
♦ດັ່ງນັ້ນ , ຮອງຈາກພໍ່ແມ່ລ້ຽງ ຕຸ້ມຕ່ອມແຍງຖະໜອມ
ພໍ່ແມ່ຄົນທີສອງກໍ່ຄືຄູ ສ່ອງແນມນຳຊິ້
ຄຸນພໍ່ທຽບເທົ່າພູເຂົາກ້າ ຄຸນມານດາກໍ່ຍິ່ງໃຫ່ຍ
ພຣະຄຸນຄູອະເນກນອງມາກລົ້ນ ບໍ່ມີຂໍ້ທຽບສະເໜືອນນັ້ນແລ້ວ
♦ໃນບົດກອນສຸດທ້າຍ ຂໍຫວ່ານດວງຫອມ
ອວຍພອນຈອມໃຈຄູ ທ່ານຜູ້ມີຄຸນລົ້ນ
ໃຈກາຍຂໍໃຫ້ສຸກສະບາຍແຍ້ມ ປັນຍາໃສສະໝອງເດັ່ນ
ຂໍໃຫ້ຄູຈົ່ງເປັນດວງມະນີຮຸ່ງເຫລື້ອມ ປະດັບເອ້ຄູລາວນັ້ນທ້ອນ

26/09/2018

ການກ່າວຄໍາໂອວາດໃນງານດອງ ກໍ່ເເມ່ນການເວົ້າຕໍ່ຫນ້າມວນຊົນອີກຮູບເເບບຫນື່ງ.

ກ່າວຄໍາໂອວາດເເບບ #ສັ້ນໆກົງໆ 2ນາທີເເຂກໄດ້ກິນເຂົ້າໄວ. ດັ່ງລຸ່ມນີ້

ຮຽນເຈົ້າໂຄດລຸງຕາສອງກໍ້າສອງຝ່າຍ ຮຽນເເຂກທີ່ມີກຽດຂ້າພະເຈົ້າຮູ້ສຶກເປັນກຽດທີ່ໄດ້ຕາງຫນ້າເຈົ້າພາບມາກ່າວຄໍາໂອວາດໃຫ້ຄູ່ບ່າວສາວໃນງານມຸງຄົນມື້ນີ້.

ບັນດາເເຂກທຸກທ່ານຄວາມຮັກຂອງ ນາງ ເເລະ ທ້າວ ເປັນຄວາມຮັກທີ່ສວຍງາມ ເຊິ່ງເກີດຂື້ນຈາກສອງຫົວໃຈ ຈາກໃຜ່ຕ່າງກໍຈາກຫນໍ່ຕ່າງເເນວ ເເຕ່ໄດ້ຕັດສິນໃຈລວມເຂົ້າເປັນອັນດຽວ ຖືເປັນເລື່ອງສີລິມຸງຄຸນຢ່າງຍິ່ງ.

ຂ້າພະເຈົ້າຂໍຕາງຫນ້າໃຫ້ເຈົ້າໂຄດລຸງຕາສອງຝ່າຍ ອວຍພອນໃຫ້ພວກນ້ອງນຸ່ງລູກຫລານຮັກກັນຍາວນານ ຫນັກຊ່ວຍກັນຫາບຫຍາບຊ່ວຍກັນດຶງ ພ້ອມກັນດຸຫມັ່ນຂະຫຍັນພຽນຫາເງິນມາຮັກສາໄວ້ຕາມລະບຽບກົດຫມາຍ ບ້ານເມືອງ. ໃຫ້ເປັນຜົວຍິບເມຍເເຊ່ວ ຜົວຕໍາເເຈ່ວເມຍເປັນຜູ້ຊິມ.

ຂ້າພະເຈົ້າຂໍຝາກລູກຫລານທັງສອງໄວ້ໃນການເຍິ່ງເເຍງຂອງເເຂກທຸກທ່ານ ຈົ່ງຊ່ວຍກັນໃຫ້ຄໍາເເນະນໍາເພື່ອໃຫ້ເຂົາທັງສອງເປັນຄອບຄົວຕົວຢ່າງ ປະກອບສ່ວນສ້າງສາເສດຖະກິດຄອບຄົວ ກໍ່ຄືຂອງບ້ານ ເມືອງ ລວມເຖິງປະເທດຊາດ.

ຕາງຫນ້າໃຫ້ເຈົ້າພາບສະເເດງຄວາມຂອບໃຈເເຂກທຸກທ່ານທີ່ມາຮ່ວມງານມື້ນີ້ ພວກເຮົາມີເເຕ່ພາເຂົ້າສາມັກຄີຕ້ອນຮັບ ຖ້າຫາກມີອັນໃດບໍ່ຖ່ວງບໍ່ທັນກໍຂໍອະໄພມານະທີ່ນີິດ້ວຍ.

ຕໍ່ໄປຂໍຕາງຫນ້າເຈົ້າພາບເຊີນທ່ານຍົກຈອກຊົມເຊີຍເເດ່ຄູ່ສ້າງຄອບຄົວໃຫມ່ດ້ວຍ. ເຊີນຍົກຈອກ. ຊົມເຊີຍໆ

ຕໍ່ໄປຮຽນເຊີນຮັບປະທານອາຫານເພື່ອເປັນສີລິມຸງຄຸນເເກ່ຄູ່ສ້າງຄອບຄົວໃຫມ່ດ້ວຍ. ເເລະສືບຕໍ່ຮ່ວມມ່ວນຊື່ນນໍາພວກເຮົາດ້ວຍ.

31/03/2018

22/04/2017

อาดีดนักรยน มส ชยงค้มอบคอมและเคื่องกิลา