ICT Luang Prabang

🖥ປະກາດລາຍຊື່ ແລະ ຕາຕະລາງສອບເສັງເຂົ້າຮຽນຫ້ອງ E-Learning.

#ລາຍຊື່ນັກຮຽນ ມ4 ສະໝັກສອບເສັງເຂົ້າຮຽນຊັ້ນ ມ5 ຫ້ອງຮຽນອີເລິນນິງ.
#ຕາຕະລາງສອບເສັງ ວັນທີ 2 ມິຖຸນາ 2026 ທີ່ສູນ ICT Luang Prabang

-learning

ສອບເສັງເອົາໃບຢັ້ງຢືນການນຳໃຊ້ຄອມພິວເຕີຂັ້ນພື້ນຖານ Microsoft Office ສຳລັບນັກຮຽນຊັ້ນ ມ.7 ສົກຮຽນ 2025-2026

#ມື້ທີ2ແລະມື້3 ໂຮງຮຽນ ມສ ສັນຕິພາບ ແລະ ມສ ກຽດຕິສັກ ຂໍນ້ອງນັກຮຽນທຸກຄົນໂຊກດີ ແລະ ສຳເລັດທຸກເປົ້າໝາຍທີ່ຕັ້ງໄວ້ເດີ.

#ສູນictຫຼວງພະບາງ

📰 ພິທີເປີດການສອບເສັງເອົາໃບຢັ້ງຢືນການນຳໃຊ້ຄອມພິວເຕີຂັ້ນພື້ນຖານ Microsoft Office ສຳລັບນັກຮຽນຊັ້ນ ມ.7 ທົ່ວແຂວງຫຼວງພະບາງ ປະຈຳສົກຮຽນ 2025-2026 ໄດ້ເລີ່ມຂຶ້ນຢ່າງເປັນທາງການ.
______________________________________________________________________
📰 ໃນຕອນເຊົ້າຂອງວັນທີ 26 ພຶດສະພາ 2026, ສູນໄອຊີທີ (ICT) ພະແນກສຶກສາທິການ ແລະ ກິລາແຂວງຫຼວງພະບາງ ໄດ້ຈັດພິທີເປີດການສອບເສັງເອົາໃບຢັ້ງຢືນການນຳໃຊ້ຄອມພິວເຕີຂັ້ນພື້ນຖານ Microsoft Office ສຳລັບນັກຮຽນມັດທະຍົມຕອນປາຍ ຊັ້ນ ມ.7 ປະຈຳສົກຮຽນ 2025-2026 ຂຶ້ນຢ່າງເປັນທາງການ ໂດຍການເປັນປະທານຂອງ ທ່ານ ຈັນທະລີ ອຸໄລສິດ ຜູ້ອຳນວຍການສູນໄອຊີທີ ພະແນກສຶກສາທິການ ແລະ ກິລາແຂວງຫຼວງພະບາງ, ທ່ານ ບຸນເຄນ ອ້ວນສີ ຜູ້ອຳນວຍການໂຮງຮຽນ ມສ ສັນຕິພາບ, ມີຄະນະຮັບຜິດຊອບ, ຜູ້ອຳນວຍການໂຮງຮຽນ, ຮອງອຳນວຍການໂຮງຮຽນ, ຄູ-ອາຈານ, ກຳມະການເຝົ້າຫ້ອງສອບເສັງ ພ້ອມດ້ວຍຕົວແທນນັກຮຽນເຂົ້າຮ່ວມຢ່າງພ້ອມພຽງ.

📰 ໃນພິທີ, ທ່ານ ນາງ ເພັດອຸລາ ຫົວໜ້າໜ່ວຍງານຄຸ້ມຄອງການຮຽນ-ການສອນ ແບບເອເລັກໂຕຣນິກ (E-Learning) ຕາງໜ້າຄະນະຮັບຜິດຊອບຈັດການສອບເສັງ ໄດ້ຂຶ້ນຜ່ານບົດລາຍງານໂດຍຫຍໍ້ ກ່ຽວກັບການກະກຽມຄວາມພ້ອມຮອບດ້ານ ເຊິ່ງການສອບເສັງໃນຄັ້ງນີ້ ແມ່ນໄດ້ຮັບການອະນຸມັດ ແລະ ຈັດຕັ້ງປະຕິບັດຕາມຂໍ້ຕົກລົງຂອງທ່ານຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ສະບັບເລກທີ 260/ສກຂ.ຫຼຸບ, ລົງວັນທີ 19 ພຶດສະພາ 2026. ການສອບເສັງແມ່ນຈະດຳເນີນໄປເປັນເວລາ 4 ວັນ, ເລີ່ມຕັ້ງແຕ່ວັນທີ 26 ຫາ 29 ພຶດສະພາ 2026, ໂດຍແບ່ງອອກເປັນ 3 ສູນສອບເສັງຫຼັກ ຄື: ສູນສອບເສັງສູນໄອຊີທີ, ສູນສອບເສັງໂຮງຮຽນ ມສ ປາກເຊືອງ ແລະ ສູນສອບເສັງໂຮງຮຽນ ມສ ຊົນເຜົ່າສວນຫຼວງ.

📰 ການສອບເສັງໃນສົກຮຽນ 2025-2026 ນີ້ ມີຈຳນວນນັກຮຽນຊັ້ນ ມ.7 ເຂົ້າຮ່ວມສອບເສັງທັງໝົດ 557 ຄົນ ຈາກ 10 ໂຮງຮຽນມັດທະຍົມອ້ອມຂ້າງແຂວງ, ໃນນັ້ນໂຮງຮຽນທີ່ມີນັກຮຽນເຂົ້າຮ່ວມຫຼາຍກວ່າໝູ່ແມ່ນ ມສ ສັນຕິພາບ (384 ຄົນ), ມປ ພັນຫຼວງ (65 ຄົນ), ມສ ຊົນເຜົ່າສວນຫຼວງ (40 ຄົນ), ມສ ກຽດຕິສັກ (17 ຄົນ), ມສ ປາກເຊືອງ (16 ຄົນ), ໂຮງຮຽນປະຖົມ-ມັດທະຍົມແມ່ຂອງ (15 ຄົນ), ມສ ປ່ອງຄຳ (14 ຄົນ), ມສ ເດັກກຳພ້າ (2 ຄົນ), ມສ ສາທິດ (2 ຄົນ) ແລະ ມສ ບ້ານຄອຍ (2 ຄົນ).

📰 ໂອກາດນີ້, ທ່ານປະທານພິທີໄດ້ໃຫ້ກຽດກ່າວມີຄຳເຫັນ ແລະ ປະກາດເປີດການສອບເສັງຢ່າງເປັນທາງການ ໂດຍທ່ານໄດ້ເນັ້ນໜັກວ່າ: "ການຈັດການສອບເສັງຄັ້ງນີ້ ແມ່ນໝາກຜົນຕົວຈິງຂອງການຜັນຂະຫຍາຍ 'ໂຄງການ ໜຶ່ງໂຮງຮຽນ ໜຶ່ງຫ້ອງຄອມພິວເຕີ' ແລະ 'ໂຄງການຫ້ອງຮຽນອີເລິນນິ່ງເຄືອຂ່າຍຂອງສູນໄອຊີທີ' ຕາມແນວທາງຍຸດທະສາດດິຈິຕອນສຳລັບການສຶກສາ ເພື່ອແນໃສ່ຫັນການສຶກສາໄປສູ່ຄວາມທັນສະໄໝ ແລະ ສ້າງທັກສະດິຈິຕອນ, ຄວາມຮູ້ດ້ານໄອຊີທີ ຕະຫຼອດຮອດພື້ນຖານການນຳໃຊ້ປັນຍາປະດິດ (AI) ໃຫ້ແກ່ນັກຮຽນມັດທະຍົມສຶກສາ. ການຮຽນ-ການສອນວິຊາໄອຊີທີ-ຄອມພິວເຕີ ແມ່ນໄດ້ວາງຫຼັກສູດຢ່າງເປັນລະບົບ ໂດຍຊັ້ນ ມ.5 ແມ່ນເນັ້ນຮຽນ Microsoft Word, ມ.6 ເນັ້ນຮຽນ Microsoft Excel ແລະ ມ.7 ເນັ້ນຮຽນ Microsoft PowerPoint ເຊິ່ງການສອບເສັງເອົາໃບຢັ້ງຢືນກ່ອນການສອບເສັງຈົບຊັ້ນ ມ.7 ທົ່ວປະເທດໃນທຸກໆ ສົກຮຽນ ຈະເປັນເຄື່ອງພິສູດຄວາມສາມາດ ແລະ ເປັນໃບເບີກທາງອັນສຳຄັນໃຫ້ແກ່ນັກຮຽນໃນການກ້າວສູ່ລະດັບມະຫາວິທະຍາໄລ ແລະ ການປະກອບອາຊີບໃນອະນາຄົດ."
📰 ພ້ອມດຽວກັນນັ້ນ, ທ່ານປະທານຍັງໄດ້ຮຽກຮ້ອງໃຫ້ຄະນະກຳມະການເຝົ້າຫ້ອງສອບເສັງທຸກທ່ານ ຈົ່ງຍົກສູງຄວາມຮັບຜິດຊອບ ເຮັດໃຫ້ການສອບເສັງດຳເນີນໄປດ້ວຍຄວາມໂປ່ງໃສ ແລະ ຍຸຕິທຳ, ແລະ ຂໍໃຫ້ນ້ອງໆ ນັກຮຽນທຸກຄົນຈົ່ງເອົາໃຈໃສ່ສຸມທຸກສະຕິປັນຍາ ເຂົ້າໃນການປະຕິບັດບົດສອບເສັງພາກປະຕິບັດຕົວຈິງໃຫ້ໄດ້ຮັບຜົນດີ.

📰ໃນຕອນທ້າຍຂອງພິທີ, ທ່ານປະທານ ພ້ອມດ້ວຍຄະນະຜູ້ບໍລິຫານການສຶກສາ ຍັງໄດ້ໃຫ້ກຽດຕັດຫົວບົດສອບເສັງ ແລະ ຕິດຕາມເບິ່ງການສອບເສັງຕົວຈິງຢູ່ຕາມຫ້ອງສອບເສັງຄອມພິວເຕີ ເພື່ອໃຫ້ກຳລັງໃຈແກ່ຄະນະກຳມະການ, ຄູເຝົ້າຫ້ອງສອບເສັງ ແລະ ນ້ອງໆນັກຮຽນສອບເສັງອີກດ້ວຍ.

#ສູນໄອຊີທີແຂວງຫຼວງພະບາງ #ພະແນກສຶກສາທິການແລະກິລາແຂວງ #ສອບເສັງໃບຢັ້ງຢືນMicrosoftOffice #ສົກຮຽນ2025_2026 #ພັດທະນາທັກສະດິຈິຕອນ

🌟 ແຈ້ງການ ສອບເສັງຄັດເລືອກນັກຮຽນເຂົ້າຮຽນ ຊັ້ນ ມ.5 ຫ້ອງຮຽນອີເລິນນິງ ສູນໄອຊີທີ ແຂວງຫຼວງພະບາງ.

📅 ສອບເສັງວັນທີ 02/06/2026 ເວລາ 08:30 ທີ່ສູນໄອຊີທີ.

📞 ຂໍ້ມູນເພີ່ມເຕີມ: 020 96677534

ຮ້ອງອອກມາໃຫ້ສຸດສຽງເຖີງແຟນຕົວຍົງຄົນໃໝ່ລ້າສຸດຂອງຂ້ອຍ! 💎 Joy Latdavong, Bounchanh Chanh

ສະແດງຄຳຄິດເຫັນເພື່ອຕ້ອນຮັບພວກເຂົາເຂົ້າສູ່ຊຸມຊົນຂອງພວກເຮົາ, @ແຟນຕົວຍົງ

ສອບເສັງເອົາໃບຢັ້ງຢືນການນຳໃຊ້ຄອມພິວເຕີຂັ້ນພື້ນຖານ (Microsoft Office) ສຳລັບນັກຮຽນຊັ້ນ ມ.7 ໂຮງຮຽນ ຊົນເຜົ່າສວນຫຼວງ
ໃນຕອນເຊົ້າວັນທີ 21 ພຶດສະພາ 2026 ສູນໄອຊີທີ ພະແນກສຶກສາທິການ ແລະ ກິລາແຂວງ ໄດ້ໄປຈັດການສອບເສັງເອົາໃບຢັ້ງຢືນການນຳໃຊ້ຄອມພິວເຕີຂັ້ນພື້ນຖານ (Microsoft Office) ສຳລັບນັກຮຽນຊັ້ນມັດທະຍົມຕອນປາຍ ມ7 ທີ່ໂຮງຮຽນ ມສ ຊົນເຜົ່າສວນຫຼວງ, ໂດຍການເປັນປະທານຂອງ ທ່ານ ຈັນທະລີ ອຸໄລສິດ ຜູ້ອຳນວຍການສູນໄອຊີທີ ແລະ ທ່ານ ໝັ້ນ ຄົມສັກດາ ຜູ້ອຳນວຍການໂຮງຮຽນ ມສ ຊົນເຜົ່າສວນຫຼວງ, ມີຄະນະຮັບຜິດຊອບຈັດການສອບເສັງ, ຫົວໜ້າໜ່ວຍງານ ແລະ ຄູອາຈານ ພ້ອມດ້ວຍ ນ້ອງໆນັກຮຽນ ຊັ້ນ ມ7 ເຂົ້າຮ່ວມສອບເສັງທັງໝົດ 40 ຄົນ
💻ຈຸດປະສົງເພື່ອວັດແທກຄວາມຮູ້ ແລະ ທັກສະໃນການນຳໃຊ້ໂປຣແກຣມ ທີ່ເປັນພື້ນຖານໃນການສຶກສາ ແລະ ການເຮັດວຽກ
💻ເພື່ອຍົກລະດັບຄຸນນະພາບການຮຽນ-ການສອນ ໃຫ້ມີການຫັນເປັນດິຈິຕ່ອນໃນຂະແໜງການສຶກສາແຂວງຫຼວງພະບາງ

📢 ຍົກລະດັບທັກສະດິຈິຕອນ ແລະ ກຽມຄວາມພ້ອມສູ່ອະນາຄົດ 💻✨

ໂອກາດດີສຳລັບນ້ອງນັກຮຽນ ມ7 ທຸກຄົນ

👨‍🏫👩‍🏫 ສະບາຍດີ ຄູ-ອາຈານ, ນ້ອງໆນັກຮຽນ ແລະ ພໍ່ແມ່ຜູ້ປົກຄອງ ພາຍໃນແຂວງຫຼວງພະບາງ ທີ່ຮັກແພງທັງຫຼາຍ,

ໃນຍຸກປັດຈຸບັນ ເຕັກໂນໂລຊີ, ທັກສະດິຈິຕອນ ແລະ ປັນຍາປະດິດ (AI) ເຂົ້າມາມີບົດບາດສຳຄັນໃນຊີວິດປະຈຳວັນ, ສູນໄອຊີທີ (ICT) ພະແນກສຶກສາທິການ ແລະ ກິລາແຂວງຫຼວງພະບາງ ໄດ້ເອົາໃຈໃສ່ ແລະ ມຸ່ງໝັ້ນພັດທະນາການຮຽນ-ການສອນວິຊາໄອຊີທີ ແລະ ການນຳໃຊ້ຄອມພິວເຕີ Microsoft Office ໃຫ້ມີຄວາມທັນສະໄໝສອດຄ່ອງກັບສະພາບຕົວຈິງ ເພື່ອສ້າງທັກສະພື້ນຖານດິຈິຕອນທີ່ດີໃຫ້ແກ່ນ້ອງໆນັກຮຽນຊັ້ນມັດທະຍົມສຶກສາ.

ການຈັດການຮຽນ Microsoft Office ເນັ້ນປະຕິບັດຕົວຈິງ ໃນລະດັບມັດທະຍົມຕອນປາຍ ຢ່າງເປັນລະບົບ ຄື:
📘 ຊັ້ນ ມ.5: ເນັ້ນການຮຽນ Microsoft Word (ການຈັດການ ແລະ ອອກແບບເອກະສານຂັ້ນພື້ນຖານ ຫາ ຂັ້ນສູງ).
📗 ຊັ້ນ ມ.6: ເນັ້ນການຮຽນ Microsoft Excel (ການຄຳນວນ, ບໍລິຫານຂໍ້ມູນ ແລະ ການນຳໃຊ້ສູດຕ່າງໆ).
📙 ຊັ້ນ ມ.7: ເນັ້ນການຮຽນ Microsoft PowerPoint (ການສ້າງ ແລະ ນຳສະເໜີຜົນງານ ຢ່າງມີຫົວຄິດປະດິດສ້າງ).

🌟ສິ່ງສຳຄັນ ແລະ ເປັນການເປີດໂອກາດ ເມື່ອນ້ອງໆ ຮຽນຮອດມັດທະຍົມຕອນປາຍປີສຸດທ້າຍ, ນ້ອງນັກຮຽນ ຊັ້ນ ມ.7 ທຸກຄົນ ທີ່ໄດ້ຮຽນຕາມຫຼັກສູດ ມີຄວາມພ້ອມ ແມ່ນສາມາດສະໝັກເຂົ້າຮ່ວມ "ການສອບເສັງເອົາໃບຢັ້ງຢືນການນຳໃຊ້ຄອມພິວເຕີຂັ້ນພື້ນຖານ Microsoft Office" ທີ່ຮັບຮອງໂດຍ ພະແນກສຶກສາທິການ ແລະ ກິລາແຂວງຫຼວງພະບາງ ໄດ້ໂດຍກົງ🏆

📅 ເຊິ່ງການສອບເສັງນີ້, ສູນໄອຊີທີ ຂອງພວກເຮົາແມ່ນໄດ້ຈັດຂຶ້ນເປັນປະຈຳໃນທຸກໆສົກຮຽນ, ໂດຍຈະຈັດຂຶ້ນ "ກ່ອນການສອບເສັງຈົບຊັ້ນ ມ.7 ທົ່ວປະເທດ" ເພື່ອໃຫ້ຮອງຮັບກັບຄວາມຕ້ອງການ ແລະ ເປັນໃບເບີກທາງອັນສຳຄັນໃຫ້ແກ່ນ້ອງໆ ໃນການໄປສຶກສາຕໍ່ໃນລະດັບວິທະຍາໄລ, ມະຫາວິທະຍາໄລ ຫຼື ນຳໃຊ້ເຂົ້າໃນການສະໝັກວຽກໃນອະນາຄົດ.

ກຽມຄວາມພ້ອມດ້ານທັກສະໄອຊີທີດິຈິຕອນແຕ່ວັນນີ້ ເພື່ອອະນາຄົດທີ່ສົດໃສຂອງນ້ອງນັກຮຽນທຸກຄົນ 🚀

#ສູນໄອຊີທີແຂວງຫຼວງພະບາງ #ສອບເສັງໃບຢັ້ງຢືນ MicrosoftOffice #ທັກສະດິຈິຕອນ #ຮຽນຄອມພິວເຕີ #ສົກຮຽນ2025_2026