ໂຮງຮຽນ ມສ ຊຽງເງິນ

08/10/2025

07/02/2025

#ເນື່ອງໃນໂອກາດ ສ້າງຂະບວນການ ເພື່ອຂ່ຳນັບຮັບຕ້ອນ ກອງປະຊຸມໃຫຍ່ ຄັ້ງທີ່VII ຂອງອົງຄະນະພັກເມືອງ ເມືອງ ຊຽງເງິນ ຂອງພວກເຮົາ ທີ່ໃກ້ຈະມາເຖິງ ແລະ ຈະໄດ້ໄຂຂຶ້ນໄວໆນີ້. ໃນຕອນແລງຂອງມື້ວານນີ້ ວັນທີ 07 ກຸມພາ(02) 2025 ທາງຄູ-ອາຈານ ແລະ ນ້ອງນັກຮຽນທັງຫມົດ ທີ່ໂຮງຮຽນ ມສ ຊຽງເງິນສົມທົບກັບຫ້ອງການຊາວຫນຸ່ມເມືອງ ໄດ້ພ້ອມກັນສ້າງຂະບວນການອອກແຮງງານ, ອະນາໄມ ພາຍໃນຫ້ອງຮຽນ, ຂອບເຂດໂຮງຮຽນ ແລະ ເກັບຂີ້ເຫຍື້ອຕາມເສັ້ນທາງອ້ອມເຂດບໍລິເວນໂຮງຮຽນຈຸດວິທະຍາໄລກະສິກຳພາກເຫນືອ, ເສັ້ນທາງບ້ານປາກຂັນ, 3 ແຍກປາກແວດ ຢ່າງເປັນຂະບວນຟົດຟື້ນ.

27/01/2025

#ຫລັງຈາກການປະຕິບັດການສອບເສັງປະຈຳພາກຮຽນທີ I ໄດ້ສຳເລັດລົງໄປ ແລະ ໄດ້ພັກຮຽນເປັນເວລາ 1 ອາທິດທີ່ຜ່ານມາ, ເລີ່ມແຕ່ມື້ນີ້ເປັນຕົ້ນໄປ(ວັນຈັນ, ວັນທີ 27 ມັງກອນ 2025) ບັນດາຄູ-ອາຈານ ແລະ ນ້ອງໆນັກຮຽນ ໂຮງຮຽນ ມສ ຊຽງເງິນ ຂອງພວກເຮົາກໍໄດ້ພາກັນກັບມາສືບຕໍ່ຈັດຕັ້ງປະຕິບັດຂະບວນການຮຽນ-ການສອນປະຈຳ ພາກຮຽນທີ II ສົກຮຽນ 2024-2025 ຕາມແຜນກໍຄືຕາມຫລັກສູດການຮຽນ-ການສອນເປັນປົກກະຕິ. ໃນນັ້ນ ຍັງມີນ້ອງນັກຮຽນຈຳນວນຫນຶ່ງທີ່ຍັງບໍ່ທັນກັບມາຮຽນຕາມແຜນ ແລະ ເວລາທີ່ໄດ້ກຳນົດໄວ້.
ສະນັ້ນ, ຈຶ່ງຂໍປະຊາສຳພັນເຖິງບັນດານ້ອງໆບຸກຄົນໃດທີ່ຍັງບໍ່ທັນກັບມາຮຽນດັ່ງທີ່ໄດ້ກ່າວໄປແລ້ວນັ້ນ ຫລື ນ້ອງນັກຮຽນທີ່ມາໂຮງຮຽນຊ້າ ບໍ່ທັນຕາມກຳນົດເວລາ ແມ່ນໃຫ້ຮີບຮ້ອນໃຈກັບມາຂຶ້ນຫ້ອງຮຽນໃຫ້ທັນຕາມກຳນົດເວລາ ກໍຄືຕາມຕາຕະລາງ, ຫລັກສູດການຮຽນ-ການສອນດ່ວນ ເພື່ອຮັບປະກັນໃຫ້ການຮຽນຮູ້ຕໍ່ເນື່ອງ, ຮຽນທັນຫມູ່, ຮຽນໃຫ້ຄົບຕາມໂຄງການຫລັກສູດ ແລະ ສາມາດສອບເສັງເລື່ອນຊັ້ນ ກໍຄືຈົບຊັ້ນປະຈຳພາກຮຽນທີ II ໃຫ້ມີຄວາມຮູ້ສົມຄູ່ກັບຂັ້ນ-ຊັ້ນຮຽນ ແລະ ຄຸນນະພາບຕາມໂຄງການຫລັກສູດທີ່ໄດ້ກຳນົດໄວ້ແລ້ວນັ້ນ.
ຫວັງວ່າພວກນ້ອງທຸກຄົນຄົງຈະເຂົ້າໃຈ ແລະ ພ້ອມກັນຈັດຕັ້ງປະຕິບັດໃຫ້ໄດ້ຮັບຜົນດີ.
“ຂໍຂອບໃຈ”

13/01/2025

#ເພື່ອປະຕິບັດຕາມຫລັກສູດການຮຽນ-ການສອນໃຫ້ສອດຄ່ອງຕາມ 3 ລັກສະນະຂອງຊາດ ແລະ 5 ຫລັກມູນການສຶກສາເວົ້າລວມ, ເວົ້າສະເພາະກໍຄືເພື່ອປະຕິບັດຕາມທິດທາງແຜນການທີ່ທາງຫ້ອງການສຶກສາທິການ ແລະ ກິລາວາງອອກ ກໍຄືແຜນທິດທາງແຜນການທີ່ທາງໂຮງຮຽນ ມສ ຊຽງເງິນ ຂອງພວກເຮົາວາງໄວ້, ພ້ອມທັງເປັນການວັດ ແລະ ປະເມີນຜົນສໍາເລັດດ້ານການສິດສອນຂອງຄູ ແລະ ນັກຮຽນຕະຫລອດໃນໄລຍະ 1 ພາກຮຽນທີ່ຜ່ານມາ.

ດັ່ງນັ້ນ, ໃນຕອນເຊົ້າມື້ນີ້ ເວລາ 9ໂມງ00ນາທີ ທາງຄະນະອຳນວຍການໂຮງຮຽນ ພ້ອມດ້ວຍຄູ-ອາຈານ ແລະ ນ້ອງນັກຮຽນທັງຫົມດ ພາຍໃນໂຮງຮຽນ ມສ ຊຽງເງິນ ຈຶ່ງໄດ້ພ້ອມກັນຈັດຕັ້ງການສອບເສັງ ປະຈຳພາກຮຽນທີ່1 ຂຶ້ນຢ່າງເປັນທາງການ, ເຊິ່ງການສອບເສັງຈະໄດ້ດຳເນີນໄປເປັນເວລາ 3 ວັນ ເລີ່ມຕັ້ງແຕ່ວັນທີ 13 ມັງກອນ 2025 ຫາ ວັນທີ 15 ມັງກອນ 2025 ຈຶ່ງຈະສຳເລັດ.

ສະນັ້ນ, ຈຶ່ງຂໍຮຽກຮ້ອງມາຍັງຄູ-ອາຈານ, ຄະນະຮັບຜິດຊອບການສອບເສັງ ຕະຫລອດຮອດນັກສອບເສັງທັງຫມົດ ຈົ່ງພ້ອມກັນປະຕິບັດຕາມລະບຽບຂອງໂຮງຮຽນວາງອອກ ກໍຄືລະບຽບການສອບເສັງ ແລະ ປະຕິບັດຕາມໂມງເວລາຢ່າງເຂັ້ມງວດ ເພື່ອຮັບປະກັນໃຫ້ການສອບເສັງ ປະຈຳພາກຮຽນທີ່1 ໃນຄັ້ງນີ້ມີຄຸນນະພາບ ແລະ ປະສົບຜົນສຳເລັດໂດຍດີ.
ຂໍໃຫ້ຄູ-ອາຈານ ແລະ ນ້ອງໆນັກສອບເສັງທຸກຄົນຈົ່ງໂຊກດີ
“ຂໍຂອບໃຈ”

13/01/2025

#ເພື່ອເປັນການຍ້ອງຍໍ, ຊົມເຊີຍຜົນງານ ແລະ ໃຫ້ກຳລັງໃຈແກ່ຄູ-ອາຈານທີ່ໄດ້ສິດສອນບຳລຸງນັກຮຽນພອນສະຫວັນ ຊັ້ນມ7

ໃນສົກຮຽນ 2024-2025 ນີ້, ໂຮງຮຽນ ມສ ຊຽງເງິນ ມີນັກຮຽນເກັ່ງ 2 ນ້ອງທີ່ເປັນຕົວແທນສາມາດຍາດໄດ້ອັນດັບທີ1 2 ນ້ອງຄື: ທ້າວ ກິດນະຄອນ ຊິງເຕິນ ຕົວແທນນັກຮຽນເກັ່ງ ວິຊາຄະນິດສາດ ຊັ້ນ ມ.7 ແລະ ນາງ ສາຍຝົນ ລັດຕະນະວົງ ຕົວແທນ ນັກຮຽນເກັ່ງ ວິຊາພາສາລາວ-ວັນນະຄະດີ ຊັ້ນ ມ.7;

ໃນນາມ ຕ່າງຫນ້າຄະນະອຳນວຍການໂຮງຮຽນ ກໍຄືຄູ-ອາຈານ ຕະຫລອດຮອດນ້ອງນັກຮຽນທັງຫມົດໃນໂຮງຮຽນ ມສ ຊຽງເງິນ ຂໍສະແດງຄວາມຍ້ອງຍໍ, ຊົມເຊີຍມາຍັງຄະນະຮັບຜິດຊອບ, ຄູຜູ້ສອນບຳລຸງ ແລະ ນ້ອງນັກຮຽນທັງຫມົດທີ່ໄດ້ພະຍາຍາມສຶກສາຄົ້ນຄ້ວາສິດສອນ, ຮ່ຳຮຽນ ຈົນສາມາດຍາດໄດ້ອັນດັບທີ່ດີມາສູ່ໂຮງຮຽນຂອງພວກເຮົາ, ໃນຕອນເຊົ້າມື້ນີ້ ຈຶ່ງໄດ້ມອບລາງວັນເລັກໆ ນ້ອຍໆ ເພື່ອເປັນກຳລັງໃຈໃຫ້ຄູຜູ້ສອນທັງສອງວິຊາທີ່ໄດ້ອັນດັບ1 ທີ່ກ່າວມານັ້ນ. ຂໍໃຫ້ພະຍາຍາມສືບຕໍ່ສຶກສາ, ຄົ້ນຄ້ວາສິດສອນບຳລຸງ ທັງສອງນ້ອງດັ່ງກ່າວ ເພື່ອກຽມຕົວສອບເສັງໃນລະດັບແຂວງກໍຄືລະດັບຊາດ, ລະດັບພາກພື້ນແລະ ລະດັບສາກົນຕໍ່ໄປ ໃຫ້ສາມາດຍາດເອົາຄະແນນສູງ ແລະ ອັນດັບທີ່ດີມາສູ່ໂຮງຮຽນຂອງພວກເຮົາຕື່ມອີກ.
👏👏👏ຂໍສະແດງຄວາມຊົມເຊີຍ👏👏👏

27/12/2024

🔔ປະກາດແຈ້ງຜົນການແຂ່ງຂັນກິລາ ແລະ ສີລະປະວັນນະຄະດີພາຍໃນໂຮງຮຽນ ມສ ຊຽງເງິນ ປະຈຳສົກຮຽນ 2024-2025🔔

📣ໃນຕອນເຊົ້າມື້ນີ້ວັນສຸກ ກົງກັບວັນທີ 27 ທັນວາ 2024 ເວລາ 8 ໂມງ 00 ນາທີ ທາງຄະນະອຳນວຍການໂຮງຮຽນ ມສ ຊຽງເງິນ ພ້ອມດ້ວຍສະມາຄົມພໍ່, ແມ່ນັກຮຽນ, ຄູ-ອາຈານ ຕະຫລອດຮອດ ນ້ອງໆນັກຮຽນທັງຫມົດ ພາຍໃນໂຮງຮຽນ ມສ ຊຽງເງິນ ແມ່ນໄດ້ພ້ອມກັນຈັດການປິດພິທີການແຂ່ງຂັນກິລາປະເພດຕ່າງໆ ແລະ ການແຂ່ງຂັນສີລະປະວັນນະຄະດີພາຍໃນໂຮງຮຽນ ປະຈຳສົກຮຽນ 2024-2025, ເຊິ່ງໃຫ້ກຽດເປັນປະທານປິດງານໃນຄັ້ງນີ້ໂດຍທ່ານ ບຸນເພັດ ພູນຜົນ ຮອງເຈົ້າເມືອງ ເມືອງ ຊຽງເງິນ, ມີທ່ານ ສົມສະຫນິດ ປັນຍາວົງ ກຳມະການພັກເມືອງ ຫົວຫນ້າຫ້ອງການສຶກສາທິການ ແລະ ກິລາເມືອງ ຊຽງເງິນ, ມີທ່ານສະມາຄົມພໍ່ແມ່ນັກຮຽນ, ມີຄະນະອຳນວຍການໂຮງຮຽນ ຕະຫລອດຮອດຄູ-ອາຈານ ແລະ ນ້ອງນັກຮຽນທັງຫມົດພາຍໃນໂຮງຮຽນກໍພາກັນເຂົ້າຮ່ວມຢ່າງພ້ອມພຽງ; ການແຂ່ງຂັນໃນຄັ້ງນີ້ໄດ້ດຳເນີນໄປເປັນເວລາ 8 ວັນເຕັມ ນັບຕັ້ງແຕ່ວັນທີ 18 ທັນວາ 2024 ຈົນເຖິງ ວັນທີ 27ທັນວາ2024 ນີ້ເຫັນວ່າການແຂ່ງຂັນແມ່ນໄດ້ສຳເລັດເປັນທີ່ຮຽບຮ້ອຍແລ້ວ.
ດັ່ງນັ້ນ, ໃນມື້ນີ້ທາງຄະນະຮັບຜິດຊອບຈຶ່ງໄດ້ພ້ອມກັນຈັດພິທີປິດງານການແຂ່ງຂັນຂຶ້ນຢ່າງເປັນທາງການ. ໃນນາມຕ່າງຫນ້າໃຫ້ແກ່ທາງຄະນະອຳນວຍການໂຮງຮຽນ, ສະມາຄົມພໍ່,ແມ່ນັກຮຽນ ຕະຫລອດຮອດບັນດາຄູ-ອາຈານ ແລະ ນ້ອງນັກຮຽນທັງຫມົດພາຍໃນໂຮງຮຽນ ມສ ຊຽງເງິນ ຂໍສະແດງຄວາມຍ້ອງຍໍ, ຊົມເຊີຍມາຍັງຄະນະຮັບຜິດຊອບການຈັດງານການແຂ່ງຂັນບໍ່ວ່າຈະເປັນຄະນະກຳມະການຈັດການແຂ່ງຂັນ, ກຳມະການຕັດສິນ, ກຳມະການໃຫ້ຄະແນນສີລະປະວັນນະຄະດີ, ຄູປະຈຳຫ້ອງ, ນັກກິລາຫ້ອງ ແລະ ນັກສີລະປະວັນນະຄະດີຂອງແຕ່ລະຫ້ອງທີ່ໄດ້ເອົາໃຈໃສ່ຝຶກຊ້ອມ, ປະຕິບັດຕາມໂມງ, ເວລາ ແລະ ກະຕິກາການແຂ່ງຂັນກິລາແຕ່ລະປະເພດ ພ້ອມທັງນຳນັກກິລາຫ້ອງຂອງຕົນເຂົ້າຮ່ວມການແຂ່ງຂັນທຸກລາຍການຈົນສຳເລັດ ແລະ ມີຫລາຍຫ້ອງທີ່ສາມາດຍາດເອົາອັນດັບທີດີມາສູ່ຫ້ອງຂອງຕົນ;

ອີກເທື່ອຫນຶ່ງ ຂໍສະແດງຄວາມຂອບໃຈ ແລະ ຮູ້ບຸນຄຸນມາຍັງທ່ານຜູ້ຊົມຜູ້ເຊຍທຸກພາກສ່ວນທີ່ເສຍສະຫລະດວລາ ມາຊົມ, ມາເຊຍ ແລະ ປະກອບສ່ວນ, ອຸປະຖຳ ແລະ ຊຸກຍູ້ ຊ່ວຍເຫລືອໂຮງຮຽນ, ຊ່ວຍເປັນກຳລັງໃຈແກ່ບັນດານ້ອງໆນັກກິລາ ແລະ ນັກສີລະປະວັນນະຄະດີພາຍໃນໂຮງຮຽນຂອງພວກເຮົາໃນຄັ້ງນີ້ ກໍຄືຕະຫລອດໃນໄລຍະທີ່ຜ່ານມາ ແລະ ຂໍໃຫ້ບັນດາທ່ານຈົ່ງສືບຕໍ່ສະຫນັບສະຫນູນຊ່ວຍເຫລືອໂຮງຮຽນຂອງພວກເຮົາໃນອະນາຄົດຕໍ່ໄປຕື່ມອີກ.

#ສຳລັບລາຍລະອຽດປະເພດການແຂ່ງຂັນໃນແຕ່ລະລາຍການແມ່ນ ຂໍໃຫ້ນ້ອງໆນັກຮຽນ ແຕ່ລະຫ້ອງ, ແຕ່ລະຊັ້ນ ອ່ານເບິ່ງເປັນແຕ່ລະລຳດັບລາຍການລຸ່ມນີ້:
1. ປະເພດບານເຕະ ຊາຍ ລຸ້ນ ມ ປາຍ
- ອັນດັບທີ 1 ຫ້ອງ ມ.7/2
-ອັນດັບທີ 2 ຫ້ອງ ມ 5/3
- ອັນດັບທີ 3 ຫ້ອງ ມ 6/1
- ອັນດັບທີ 4 ຫ້ອງ ມ7/3
2. ປະເພດບານເຕະ ຍິງ ລຸ້ນ ມ ປາຍ
- ອັນດັບທີ 1 ຫ້ອງ ມ7/2
- ອັນດັບທີ 2 ຫ້ອງ ມ 6/1
- ອັນດັບທີ 3 ຫ້ອງ ມ5/3
- ອັນດັບທີ 4 ຫ້ອງ ມ 6/4
3. ປະເພດບານ ເຕະ ຊາຍ ລຸ້ນ ມ ຕົ້ນ
- ອັນດັບທີ 1 ຫ້ອງ ມ4/1
- ອັນດັບທີ 2 ຫ້ອງ ມ 4/2
- ອັນດັບທີ 3 ຫ້ອງ ມ 3/2
- ອັນດັບທີ 4 ຫ້ອງ ມ 3/1
4. ປະເພດບານເຕະ ຍິງ ລຸ້ນ ມ ຕົ້ນ
- ອັນດັບທີ 1 ຫ້ອງ ມ 4/1
- ອັນດັບທີ 2 ຫ້ອງ ມ 2/2
-ອັນດັບທີ 3 ຫ້ອງ ມ 3/2
-ອັນດັບທີ 4 ຫ້ອງ ມ 1 /1
5. ປະເພດບານສົ່ງ ຊາຍ ລຸ້ນ ມ ປາຍ
-ອັນດັບທີ 1 ຫ້ອງ ມ 7/2
-ອັນດັບທີ 2 ຫ້ອງ ມ7/1
-ອັນດັບທີ 3 ຫ້ອງ ມ5/2
-ອັນດັບທີ 4 ຫ້ອງ ມ5/3
6. ປະເພດບານ ສົ່ງ ຍິງ
-ອັນດັບທີ 1 ຫ້ອງ ມ7/2
-ອັນດັບທີ່ 2 ຫ້ອງ ມ7/3
-ອັນດັບທີ 3 ຫ້ອງ ມ 6/2
-ອັນດັບທີ 4 ຫ້ອງ ມ 6/1
7. ປະເພດບານສົ່ງ ຊາຍ
- ອັນດັບທີ 1 ຫ້ອງ ມ4/2
-ອັນດັບທີ 2 ຫ້ອງ ມ2/1
-ອັນດັບທີ 3 ຫ້ອງ ມ 4/1
-ອັນດັບທີ 4 ຫ້ອງ ມ 2/3
8. ປະເພດບານສົ່ງ ຍິງ
-ອັນດັບທີ 1 ຫ້ອງ ມ4/1
- ອັນດັບທີ 2 ຫ້ອງ ມ 2/1
-ອັນດັບທີ 3 ຫ້ອງ ມ2/2
-ອັນດັບທີ 4 ຫ້ອງ ມ4/2
9. ປະເພດກະຕໍ້ ຊາຍ ລຸ້ນ ມ ປາຍ
-ອັນດັບທີ 1 ຫ້ອງ ມ6/1
-ອັນດັບທີ 2 ຫ້ອງ ມ5/1
-ອັນດັບທີ 3 ຫ້ອງ ມ.7/2
- ອັນດັບທີ 4 ຫ້ອງ ມ6/3
10. ປະເພດກະຕໍ້ ຍິງ ລຸ້ນ ມ ປາຍ
- ອັນດັບທີ 1 ຫ້ອງ ມ6/2
- ອັນດັບທີ 2 ຫ້ອງ ມ7/2
-ອັນດັບທີ 3 ຫ້ອງ ມ6/14
-ອັນດັບທີ່ 4 ຫ້ອງ ມ 5/4
11. ປະເພດ ກະຕໍ້ ຊາຍ ລຸ້ນ ມ ຕົ້ນ
-ອັນດັບທີ 1 ຫ້ອງ ມ 4/2
- ອັນດັບທີ 2 ຫ້ອງ ມ3/2
- ອັນດັບທີ 3 ຫ້ອງ ມ4/1
- ອັນດັບທີ 4 ຫ້ອງ ມ2/1
12. ປະເພດກະຕໍ້ ຍິງ ລຸ້ນ ມ ຕົ້ນ
- ອັນດັບທີ 1 ຫ້ອງ ມ2/2
- ອັນດັບທີ 2 ຫ້ອງ ມ3/1
- ອັນດັບທີ 3 ຫ້ອງ ມ2/3
- ອັນດັບທີ 4 ຫ້ອງ ມ3/2
13. ປະເພດແລ່ນ 100 ແມັດ ຊາຍ ລຸ້ນ ມ ປາຍ
- ອັນດັບທີ 1 ທ້າວ ໂຊກໄຊ ຫ້ອງ ມ6/1
- ອັນດັບທີ 2 ທ້າວ ບັນດິດ ຫ້ອງ ມ7/1
14. ປະເພດແລ່ນ 100 ແມັດ ຍິງ ລຸ້ນ ມ ປາຍ
- ອັນດັບທີ 1 ນາງ ລັດທິດາ ຫ້ອງ ມ6/2
- ອັນດັບທີ 2 ນາງ ສຸລາພອນ ຫ້ອງ ມ6/3
16. ປະເພດແລ່ນ 100 ແມັດ ຊາຍ ລຸ້ນ ມ ຕົ້ນ
- ອັນດັບທີ 1 ທ້າວ ພອນປະສິດ ຫ້ອງ ມ4/2
- ອັນດັບທີ 2 ທ້າວ ພິລາພົນ ຫ້ອງ ມ4/1
17. ປະເພດແລ່ນ 100 ແມັດ ຍິງ ລຸ້ນ ມ ຕົ້ນ
- ອັນດັບທີ 1 ນາງ ມິນ ຫ້ອງ ມ3/1
- ອັນດັບທີ 2 ນາງ ສຸໄພລິນ ຫ້ອງ ມ2/3
#ສຳລັບຜົນການແຂ່ງຂັນສິລະປະວັນນະຄະດີ ມີດັ່ງນີ້:
1. ລຸ້ນ ມ.ປາຍ:
- ອັນດັບທີ 1: ຫ້ອງ ມ7/3
- ອັນດັບທີ 2: ຫ້ອງ ມ 7/1
- ອັນດັບທີ 3: ຫ້ອງ ມ 6/4
2. ລຸ້ນ ມ.ຕົ້ນ:
- ອັນດັບທີ 1: ຫ້ອງ ມ4/1
- ອັນດັບທີ 2: ຫ້ອງ ມ3/1
- ອັນດັບທີ 3: ຫ້ອງ ມ 1/1
#ຫມາຍເຫດ: ຂໍປະຊາສຳພັນເຖິງບັນດາຄູ-ອາຈານ ແລະ ນ້ອງນັກຮຽນທຸກຄົນ ສຳລັບວັນຈັນອາທິດຫນ້າແມ່ນໃຫ້ມາຂຶ້ນຫ້ອງຮຽນດຳເນີນການຮຽນ-ການສອນເປັນປົກກະຕິ.
🙏🙏🙏ຂໍຂອບໃຈ🙏🙏🙏

26/12/2024

📣ຂໍແຈ້ງຂ່າວດີ🔔
#ເພື່ອປະຕິບັດບັ້ນສອບເສັງ ແຂ່ງຂັນນັກຮຽນເກັ່ງຊັ້ນມັດທະຍົມສຶກສາ ຂັ້ນເມືອງ ມ4 ແລະ ມ7 ສົກຮຽນ 2024- 2025 ທີ່ຈັດຂຶ້ນໃນວັນທີ 26 ທັນວາ 2024 ທີ່ສະໂມສອນໃຫຍ່ຂອງເມືອງຊຽງເງິນ ມີນັກຮຽນເກັ່ງເຂົ້າຮ່ວມສອບເສັງທັງໝົດ 36 ຄົນ. ໃນນັ້ນ, ມ4 ຈຳນວນ 28 ຄົນ ແລະ ມ7 ຈຳນວນ 8 ຄົນ ຈາກໂຮງຮຽນມັດທະຍົມຕົ້ນ ແລະ ມັດທະຍົມປາຍທົ່ວເມືອງ, ໂດຍຈັດຕັ້ງສອບເສັງໃນ 4 ວິຊາຄື: ວິຊາພາສາລາວ-ວັນນະຄະດີ, ວິຊາຄະນິດສາດ, ຟີຊິກ ສາດ ແລະ ວິຊາເຄມີສາດ.

ການຈັດຕັ້ງສອບເສັງແຂ່ງຂັນນັກຮຽນເກັ່ງ ເປັນກິດຈະກຳບຸລິມະສິດ ຂອງກະຊວງສຶກສາທິການ ແລະ ກິລາຈັດ ຂຶ້ນເປັນປະຈຳທຸກໆປີເວົ້າລວມ, ເວົ້າສະເພາະກໍຄືຫ້ອງການສຶກສາທິການ ແລະ ກິລາ ເມືອງຊຽງເງິນ ຂອງພວກເຮົາ, ໂດຍມີຈຸດປະສົງຫລັກເພື່ອ ຊຸກຍູ້ຂະບວນການແຂ່ງຂັນ ທາງດ້ານການຮຽນ-ການສອນໃຫ້ສອດຄ່ອງຕາມ 3 ລັກສະນະຂອງຊາດ ແລະ 5 ຫລັກມູນກາກນສຶກສາ ພ້ອມທັງເປັນການວັດ ແລະ ປະເມີນຜົນສໍາເລັດດ້ານການສິດສອນຂອງຄູ ແລະ ນັກຮຽນ, ສ້າງໂອກາດໃຫ້ນ້ອງນັກຮຽນໄດ້ສະແດງອອກ ດ້ານຄວາມຮູ້-ຄວາມສາມາດ, ສາມາດເລືອກໄດ້ນັກຮຽນເກັ່ງ ລະດັບເມືອງ ເພື່ອໄປເຂົ້າ ຮ່ວມແຂ່ງຂັນນັກຮຽນເກັ່ງ ລະດັບແຂວງ, ລະດັບຊາດ ກໍຄືລະດັບພາກພື້ນ ແລະ ສາກົນ.

ໃນສົກຮຽນ 2024-2025 ນີ້, ໂຮງຮຽນ ມສ ຊຽງເງິນ ມີນັກຮຽນເກັ່ງ ເຂົ້າຮ່ວມການແຂ່ງຂັນທັງຫມົດ 8 ນ້ອງ, ໃນນັ້ນມີ ມ.4 4 ນ້ອງ ແລະ ມ.7 4 ນ້ອງເປັນຕົວແທນແຕ່ລະວິຊາດັ່ງທີ່ໄດ້ກ່າວມາຂ້າງເທິງນັ້ນ, ຈາກຜົນການສອບເສັງປະກົດວ່າ: ຊັ້ນ ມ.7 ສາມາດຍາດໄດ້ອັນດັບທີ1 2 ນ້ອງຄື: ທ້າວ ກິດນະຄອນ ຊິງເຕິນ ຕົວແທນນັກຮຽນເກັ່ງ ວິຊາຄະນິດສາດ ຊັ້ນ ມ.7 ແລະ ນາງ ສາຍຝົນ ລັດຕະນະວົງ ຕົວແທນ ນັກຮຽນເກັ່ງ ວິຊາພາສາລາວ-ວັນນະຄະດີ ຊັ້ນ ມ.7; ອັນດັບທີ2 ມີ 2 ນ້ອງຄື: ທ້າວ ວັນຊະນະ ນວນທະສິງ ຕົວແທນ ສອບເສັງວິຊາ ເຄມີສາດ ມ.7 ແລະ ນາງ ສຸພາພອນ ແກ້ວບຸນມາ ຕົວແທນ ສອບເສັງວິຊາ ຟີຊິກສາດ ມ.7; ສຳລັບ ຕົວແທນນັກຮຽນເກັ່ງຊັ້ນ ມ.4 ແມ່ນບໍ່ຕິດອັນດັບ.

ໃນນາມ ຕ່າງຫນ້າຄະນະອຳນວຍການໂຮງຮຽນ ກໍຄືຄູ-ອາຈານ ຕະຫລອດຮອດນ້ອງນັກຮຽນທັງຫມົດໃນໂຮງຮຽນ ມສ ຊຽງເງິນ ຂໍສະແດງຄວາມຍ້ອງຍໍ, ຊົມເຊີຍມາຍັງຄະນະຮັບຜິດຊອບ, ຄູຜູ້ສອນບຳລຸງ ແລະ ນ້ອງນັກຮຽນທັງຫມົດທີ່ໄດ້ພະຍາຍາມສຶກສາຄົ້ນຄ້ວາສິດສອນ, ຮ່ຳຮຽນ ຈົນສາມາດຍາດໄດ້ອັນດັບທີ່ດີມາສູ່ໂຮງຮຽນຂອງພວກເຮົາ, ຂໍໃຫ້ພະຍາຍາມສືບຕໍ່ສຶກສາ, ຄົ້ນຄ້ວາ, ຮ່ຳຮຽນ ເພື່ອກຽມຕົວສອບເສັງໃນລະດັບແຂວງກໍຄືບະດັບຊາດ, ລະດັບພາກພື້ນແລະ ລະດັບສາກົນຕໍ່ໄປ ໃຫ້ສາມາດຍາດເອົາຄະແນນສູງ ແລະ ອັນດັບທີ່ດີມາສູ່ໂຮງຮຽນຂອງພວກເຮົາຕື່ມອີກ.
👏👏👏ຂໍສະແດງຄວາມຊົມເຊີຍ👏👏👏

23/12/2024

#ອັບເດດພາບບັນຍາກາດການແຂ່ງຂັນກິລາປະເພດຕ່າງໆພາຍໃນໂຮງຮຽນ ມສ ຊຽງເງິນ ປະຈຳສົກຮຽນ2024-2025, ຜ່ານມາໄດ້ 4 ວັນເຫັນວ່າເປັນຂະບວນຟົດຟື້ນ, ຄຶກຄື້ນສົມຄວນ. ປັດຈຸບັນການແຂ່ງຂັນແມ່ນມາຮອດເຄິ່ງທາງແລ້ວ. ຂໍຖືໂອກາດນີ້ປະຊາສຳພັນໃຫ້ແຕ່ລະຫ້ອງຊາບວ່າ: ສຳລັບການແຂ່ງຂັນສີລະປະ-ວັນນະຄະດີລະຫວ່າງຫ້ອງຕໍ່ຫ້ອງໃນແຕ່ລະຊັ້ນນັ້ນແມ່ນຈະໄດ້ຈັດຂຶ້ນໃນຕອນເຊົ້າວັນພະຫັດ ວັນທີ 26/12/2024 ສ່ວນຕອນແລງແມ່ນຈະໄດ້ມີການແຂ່ງຂັນນັດຊິງຊະນະເລີດສຳລັບກິລາແຕ່ລະປະເພດຕາມລາຍການແຂ່ງຂັນ.
ສະນັ້ນ, ຂໍຮຽກຮ້ອງເຖິງນ້ອງນັກກິລາແຕ່ລະທິມທີ່ໄດ້ເຂົ້າຮອບ ຕະຫລອດຮອດຄູປະຈຳຫ້ອງ ຈົ່ງສືບຕໍ່ພາກັນເອົາໃຈໃສ່ຕິດຕາມເບິ່ງຕາຕະລາງການແຂ່ງຂັນ ແລະ ປະຕິບັດຕາມໂມງເວລາໃຫ້ເຂັ້ມງວດ ເພື່ອນຳເອົາທິມນັກກິລາ ແລະ ທິມນັກສີລະປະ-ວັນນະຄະດີຂອງຕົນເຂົ້າຮ່ວມການແຂ່ງຂັນຕາມທີ່ຄະນະຮັບຜິດຊອບການແຂ່ງຂັນຈະແຈ້ງຕາມແຕ່ລະໄລຍະໃຫ້ໄດ້ຮັບຜົນ ແລະ ສາມາດຍາດເອົາອັນດັບທີ່ດີ ແລະ ລາງວັນມາສູ່ຫ້ອງຂອງຕົນ.
“ຂໍຂອບໃຈ”

20/12/2024

#ຝາກເຖິງນ້ອງໆ ນັກຮຽນມ.ປາຍ ພາຍໃນໂຮງຮຽນຂອງພວກເຮົາ ຄົນໃດສົນໃຈກໍ່ສາມາດລອງສະຫມັກໄດ້ເດີ!!!

👏 ຂ່າວດີ ມາແລ້ວ ໂດຍສະເພາະ ນັກຮຽນ ຊັ້ນມັດທະຍົມປາຍ ທີ່ ອາໃສ ຢູ່ແຂວງຫຼວງພະບາງ ແລະ ໃກ້ຄຽງ ! ຄັ້ງໜຶ່ງໃນຊີວິດ ທີ່ຈະເຮັດໃຫ້ຊີວິດ ໃນຊັ້ນ ມັດທະຍົມປາຍ/ມະຫາວິທະຍາໄລ ຂອງທ່ານ ມີສີສັນ ແລະ ຕື່ນເຕັ້ນຂຶ້ນຕື່ມ !!! ໂຄງການ Diversity Voyage Program ກໍາລັງເຟັ້ນຫາ ນັກຮຽນ ນັກສຶກສາ ທີ່ກໍາລັງສຶກສາຢູ່ໃນລະດັບຊັ້ນ ມັດທະຍົມປາຍ ແລະ ມະຫາວິທະຍາໄລ/ວິທະຍາໄລ ປີທີ 1 ແລະ 2 ຈໍານວນ 10 ນ້ອງ ເພື່ອເປັນຕົວແທນ ນັກຮຽນ ນັກສຶກສາຈາກປະເທດລາວ ເຂົ້າຮ່ວມເຮັດກິດຈະກໍາ ກັບນັກຮຽນ ຊັ້ນມັດທະຍົມປາຍ ຈາກປະເທດຢີ່ປຸ່ນ ຈໍານວນ 15 ຄົນ, ໂດຍງານໃນປີນີ້ ຈະຈັດຂຶ້ນ ຢູ່ແຂວງ ຫຼວງພະບາງ ສປປ ລາວ ! (ມີທຶນ ເຂົ້າຮ່ວມກິດຈະກໍາ ແລະ ໃບຢັ້ງຢືນ ພາຍຫຼັງຈົບໂຄງການ).

ເງື່ອນໄຂການສະໝັກ
- ເປັນນັກຮຽນຊັ້ນ ມັດທະຍົມປາຍ ຫຼື ນັກຮຽນວິທະຍາໄລ ຫຼື ມະຫາວິທະຍາໄລ ຊັ້ນປີ ທີ່ 1 ແລະ 2 ຢູ່ແຂວງຫຼວງພະບາງ ຫຼື ໃກ້ຄຽງ (ນັກສຶກສາ ທີ່ສະໝັກ ມາຈາກແຂວງອື່ນ ຕ້ອງສາມາດກຸ້ມຕົນເອງ ເລື່ອງການເດີນທາງ ທີ່ພັກ)
- ສາມາດສື່ສານ ພາສາອັງກິດໄດ້ ໃນລະດັບດີ
- ມີຄວາມສົນໃຈ ໃນຫົວຂໍ້ Eco-Tourism, Sustainability ແລະ Global Citizen
- ມີຄວາມສົນໃຈ ຮ່ວມກິດຈະກໍາ ກັບນັກສຶກສາ ປະເທດຍີ່ປຸ່ນ

ສະໝັກອອນລາຍໄດ້ທີ່ລິ້ງຕໍ່ໄປນີ້ >>>

https://docs.google.com/forms/d/1HAncvJVxlTAMU7FuDYUjw5i8SHK-DyMt_UusOf9hDrI/preview

(ແບບຟອມສະໝັກຕ້ອງພິມເປັນພາສາອັງກິດ)

ປິດຮັບສະໝັກ: 31/01/2025
ງານຈະໄດ້ຈັດຂຶ້ນ ລະຫວ່າງວັນທີ 06-10 ມີນາ 2025

ລາຍລະອຽດເພີ່ມຕື່ມ ກ່ຽວກັບການສະໝັກ, ເງື່ອນໄຂ ແລະ ກິດຈະກໍາທີ່ຈະເຮັດ ສາມາດອ່ານຕື່ມໄດ້ ຢູ່ໂພສເຕີ້ ກ້ອງຄອມເມັ້ນ.

ສອບຖາມຂໍ້ມູນເພີ່ມຕື່ມ ຜ່ານເບີວອສແອັບ: 020-55400099

ຂໍໃຫ້ທ່ານໂຊກດີ !!!

18/12/2024

#ໃນຕອນເຊົ້າມື້ນີ້ວັນພຸດ ກົງກັບວັນທີ 18 ທັນວາ 2024 ເວລາ 8ໂມງ 00 ນາທີ ທາງຄະນະອຳນວຍການໂຮງຮຽນ ມສ ຊຽງເງິນ ພ້ອມດ້ວຍສະມາຄົມພໍ່, ແມ່ນັກຮຽນ, ຄູ-ອາຈານ ຕະຫລອດຮອດ ນ້ອງໆນັກຮຽນທັງຫມົດ ພາຍໃນໂຮງຮຽນ ມສ ຊຽງເງິນ ແມ່ນໄດ້ພ້ອມກັນເປີດພິທີຈັດການແຂ່ງຂັນກິລາປະເພດຕ່າງໆ ພາຍໃນໂຮງຮຽນ ປະຈຳສົກຮຽນ 2024-2025 ຂຶ້ນຢ່າງເປັນທາງການ, ເຊິ່ງໃຫ້ກຽດເປັນປະທານເປີດງານການແຂ່ງຂັນກິລາພາຍໃນໂຮງຮຽນໃນຄັ້ງນີ້ໂດຍທ່ານ ບຸນເພັດ ພູນຜົນ ຮອງເຈົ້າເມືອງ ເມືອງ ຊຽງເງິນ, ມີທ່ານ ສົມສະຫນິດ ປັນຍາວົງ ກຳມະການພັກເມືອງ ຫົວຫນ້າຫ້ອງການສຶກສາທິການ ແລະ ກິລາເມືອງ ຊຽງເງິນ, ມີທ່ານສະມາຄົມພໍ່ແມ່ນັກຮຽນ, ມີຄະນະອຳນວຍການໂຮງຮຽນ ຕະຫລອດຮອດຄູ-ອາຈານ ແລະ ນ້ອງນັກຮຽນທັງຫມົດພາຍໃນໂຮງຮຽນກໍພາກັນເຂົ້າຮ່ວມຢ່າງພ້ອມພຽງ; ການແຂ່ງຂັນໃນຄັ້ງນີ້ຈະດຳເນີນໄປເປັນເວລາ 1 ອາທິດກວ່າ ຈົນເຖິງວັນສຸກ ວັນທີ 27.12.2024 ທີ່ຈະມາເຖິງນີ້ຈຶ່ງຈະສຳເລັດ.
ອີກເທື່ອຫນຶ່ງ, ຂໍເຊີນຊວນທຸກທ່ານທີ່ມີເງື່ອນໄຂ, ມີເວລາຫວ້າງ ກໍ່ຂໍໃຫ້ບັນດາທ່ານ ນຳພາລູກຫລານຂອງຕົນມາຊົມ, ມາເຊຍ ຫລື ປະກອບສ່ວນ, ອຸປະຖຳ ແລະ ຊຸກຍູ້ ຊ່ວຍເຫລືອໂຮງຮຽນເພື່ອເປັນກຳລັງໃຈແກ່ບັນດານ້ອງໆນັກກິລາພາຍໃນໂຮງຮຽນຂອງພວກເຮົາໃນຄັ້ງນີ້ໄດ້ເດີ.

#ສຳລັບຕາຕະລາງການແຂ່ງຂັນໃນແຕ່ລະວັນແມ່ນ ຂໍໃຫ້ນ້ອງໆນັກຮຽນ ແຕ່ລະຫ້ອງ, ແຕ່ລະຊັ້ນ ພະຍາຍາມຕິດຕາມເບິ່ງກະດານ ເຊິ່ງຄະນະຮັບຜິດຊອບເພິ່ນຈະໄດ້ແຈ້ງເປັນໄລຍະ ແລະ ຈົ່ງພ້ອມກັນປະຕິບັດຕາມກະຕິກາການຫລິ້ນກິລາ ແລະ ກົດລະບຽບທີ່ໂຮງຮຽນວາງອອກຢ່າງເຂັ້ມງວດ.

🙏🙏🙏ຂໍຂອບໃຈ🙏🙏🙏