What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

ສະຖາບັນກິລາ-ກາຍຍະກຳ, Institute of Sport, 13North Road, Ban Naxaythong (2026)

19/09/2026

ປະທານຄະນະກຳການປົກຄອງນະຄອນຫຼວງວຽງຈັນ ມອບພັນປາຈຳນວນ 25,000 ໂຕ ໃຫ້ແກ່ສະຖາບັນກິລາ-ກາຍຍະກຳ ເພື່ອປ່ອຍລົງສູ່ແຫຼ່ງນ້ຳທຳມະຊາດ ແລະ ສ້າງຄວາມອຸດົມສົມບູນ
**************
ໃນວັນທີ 16 ກັນຍາ 2026 ຜ່ານມານີ້, ພະແນກກະສິກໍາ ແລະ ສິ່ງແວດລ້ອມ ນະຄອນຫຼວງວຽງຈັນ ຕາງໜ້າໃຫ້ຄະນະກຳມະການປົກຄອງນະຄອນຫຼວງວຽງຈັນ ໄດ້ມອບພັນປາຈຳນວນ 25,000 ໂຕ ໃຫ້ແກ່ສະຖາບັນກິລາ-ກາຍຍະກຳ ພາຍໃຕ້ການຊີ້ນຳອັນໃກ້ຊິດຂອງ ທ່ານ ສີລິລາດ ທົງສິນທອງເພັງ ປະທານຄະນະກຳມະການປົກຄອງນະຄອນຫຼວງວຽງຈັນ.
ຕາງໜ້າໃຫ້ຝ່າຍມອບ ໂດຍ ພະແນກກະສິກຳ ແລະ ສິ່ງແວດລ້ອມ ນະຄອນຫຼວງວຽງຈັນ ແລະ ຕາງໜ້າໃຫ້ຝ່າຍຮັບໂດຍ ປອ. ຈັນທະວົງ ປັນຍາສິລິ ຄະນະພັກກະຊວງ, ເລຂາຄະນະບໍລິຫານງານຊາວໜຸ່ມ ກະຊວງ ແລະ ເປັນຜູ້ອຳນວຍການສະຖາບັນກິລາ-ກາຍຍະກຳ

ຈຸດປະສົງການມອບພັນປາໃນຄັ້ງນີ້ ມອບໝາຍເພື່ອ ໄປປ່ອຍລົງສູ່ໜອງ ແລະ ແຫຼ່ງນຳ້ທຳມະຊາດພາຍໃນສະຖາບັນ ເພື່ອເປັນການອະນຸລັກ, ເພີ່ມພູນຜົນຜະລິດສັດນຳ້, ທັງເປັນການສ້າງຈິດສຳນຶກໃຫ້ພະນັກງານ, ນັກຮຽນ-ນັກສຶກສາ ຮູ້ຈັກຮັກສາ ແລະ ຫວງແຫນຊັບພະຍາກອນທຳມະຊາດໃຫ້ຍືນຍົງ

ນະໂອກາດນີ້ ຂໍສະແດງຄວາມຂອບໃຈຢ່າງເລິກເຊິ່ງມາຍັງ ພະແນກກະສິກຳ ແລະ ສິ່ງແວດລ້ອມ ນະຄອນຫຼວງວຽງຈັນ ພາຍໃຕ້ການຊີ້ນຳຂອງ ທ່ານ ສີລິລາດ ທົງສິນທອງເພັງ ປະທານຄະນະກຳມະການປົກຄອງນະຄອນຫຼວງ

ພາບ ແລະ ຂ່າວໂດຍ: ສາຍນໍ້າຮຸ່ງ
ກວດແກ້: ນ້ຳສອງສີ

#ສະຖາບັນກິລາກາຍຍະກຳ #ນະຄອນຫຼວງວຽງຈັນ #ອະນຸລັກສັດນຳ້ #ສິ່ງແວດລ້ອມ

19/09/2026

ຄຊປປລ ຮາກຖານສະຖາບັນກິລາ-ກາຍຍະກຳ ຈັດພິທີປະກາດ 4 ບຸກ ປະຈຳປີ 2025 ແລະ ປະກາດກົງຈັກການຈັດຕັ້ງໜ່ວຍຊາວໜຸ່ມທີ່ຂຶ້ນກັບ ຄຊປປລ ຮາກຖານ ສະຖາບັນກິລາ-ກາຍຍະກຳ
***************
ໃນຕອນບ່າຍຂອງ ວັນທີ 16 ກັນຍາ 2026 ທີ່ຜ່ານມາ ຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ຮາກຖານສະຖາບັນກິລາ-ກາຍຍະກຳ ໄດ້ຈັດພິທີ ປະກາດ 4 ບຸກ ປະຈຳປີ 2025 ແລະ ປະກາດກົງຈັກການຈັດຕັ້ງໜ່ວຍຊາວໜຸ່ມທີ່ຂຶ້ນກັບ ຄຊປປລ ຮາກຖານ ສະຖາບັນກິລາ-ກາຍຍະກຳ ຂຶ້ນທີ່ຫ້ອງປະຊຸມສະຖາບັນກິລາ-ກາຍຍະກຳ, ພາຍໃຕ້ການເປັນປະທານ ຂອງ ສະຫາຍ ປອ. ຈັນທະວົງ ປັນຍາສິລິ ຄະນະເລຂາທິການສູນກາງຊາວໜຸ່ມ ປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງສຶກສາທິການ ແລະ ກິລາ, ຄະນະພັກກະຊວງ ສຶກສາທິການ ແລະ ກິລາ, ຜູ້ອຳນວຍການສະຖາບັນກິລາ-ກາຍຍະກຳ, ເຂົ້າໃນພິທີມີສະຫາຍ ນາງ ມະນີຈັນ ພົງສະຫວັດມີໄຊ ຄະນະບໍລິຫານງານຊາວໜຸ່ມປະຊາຊົນປະຕະວັດລາວ ກະຊວງສຶກສາທິການ ແລະ ກິລາ, ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ຮາກຖານສະຖາບັນກິລາ-ກາຍຍະກຳ, ສະຫາຍ ໂທສະມິດ ພົງໄພ ປະທານສະຫະພັນກຳມະບານ ຮາກຖານສະຖາບັນກິລາ-ກາຍຍະກຳ, ສະຫາຍ ນາງ ສາຄອນ ພົງສະນິດ ປະທານສະຫະພັນແມ່ຍິງ ຮາກຖານສະຖາບັນກິລາ-ກາຍຍະກຳ, ມີຮອງເລຂາ, ປະທານກວດກາ, ຄະນະ ຄຊປປລ ແລະ ສະມາຊິກຊາວໜຸ່ມຮາກຖານ ສບກ ເຂົ້າຮ່ວມ

ຈຸດປະສົງຂອງພິທີ ເພື່ອປະກາດ 4 ບຸກ ປະຈຳປີ 2025 ພ້ອມທັງມອບ-ຮັບ ໃບຢັ້ງຢືນ 4 ບຸກ ແລະ ໃບຍ້ອງຍໍ 4 ບຸກ ຂັ້ນກະຊວງ ໃຫ້ແກ່ຄະນະ ແລະ ສະມາຊິກຊາວໜຸ່ມ ຮາກຖານສະຖາບັນກິລາ-ກາຍຍະກຳ ແລະ ປະກາດການຈັດຕັ້ງໜ່ວຍຊາວໜຸ່ມຂຶ້ນກັບ ຄຊປປລ ຮາກຖານ ສະຖາບັນກິລາ-ກາຍຍະກຳ

ໃນພິທີ ສະຫາຍ ນາງ ມະນີຈັນ ພົງສະຫວັດມີໄຊ ເລຂາ ຄຊປປລ ຮາກຖານ ສະຖາບັນກິລາ-ກາຍຍະກຳ ໄດ້ຂຶ້ນຜ່ານ ບົດສະຫຼຸບການຈັດຕັ້ງປະຕິບັດ ຂໍ້ແຂ່ງຂັນ 4 ບຸກ ປະຈຳປີ 2025 ແລະ ແຜນການໃນຕໍ່ໜ້າ, ຈາກນັ້ນ ສະຫາຍ ກັນຍາເພັດ ພັນດານຸວົງ ຮອງເລຂາ ຄຊປປລ ຮາກຖານ ສະຖາບັນກິລາ-ກາຍຍະກຳ ກໍໄດ້ຂຶ້ນຜ່ານຂໍ້ຕົກລົງຍ້ອງຍໍ 4 ບຸກປະຈຳປີ 2025 ແລະ ຜ່ານຂໍ້ຕົກລົງວ່າດ້ວຍການສ້າງຕັ້ງ ຄຊປປລ ຮາກຖານຊາວໜຸ່ມສະຖາບັນກິລາ-ກາຍຍະກຳ ຈຳນວນ 4 ໜ່ວຍ ຂຶ້ນກັບ ແລະ ຂໍ້ຕົກລົງວ່າດ້ວຍການບົ່ງຕົວແຕ່ງຕັ້ງ ຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ຮາກຖານສະຖາບັນກິລາ-ກາຍຍະກຳ ດັ່ງລາຍລະອຽດລຸ່ມນີ້:

1) ໜ່ວຍຊາວໜຸ່ມສຳນັກສະຖາບັນກິລາ-ກາຍຍະກຳ
- ສະຫາຍ ບີ້ ພົມມະໂຄດ ເປັນເລຂາ
- ສະຫາຍ ບົວລິດ ແກ້ວວິໄລເກດ ເປັນຮອງ ແລະ ປະທານກວດກາ

2) ໜ່ວຍຊາວໜຸ່ມສູນຝຶກກິລາແຫ່ງຊາດ ແລະ ພະແນກບໍລິຫານ ແລະ ຈັດຕັ້ງ
- ສະຫາຍ ນາງ ມະນີວັນ ໂລທີ ເປັນເລຂາ
- ສະຫາຍ ດາວຄຳ ເຜົ່າສີພັນດອນ ເປັນຮອງ ແລະ ປະທານກວດກາ

3) ໜ່ວຍຊາວໜຸ່ມສູນວິທະຍາສາດການກິລາ ແລະ ພາກວິຊາກິລາ-ກາຍຍະກຳ
- ສະຫາຍ ດວງມະນີ ແສນປັນຍາ ເປັນເລຂາ
- ສະຫາຍ ບຸນທີ ຈິດຕະປັນຍາ ເປັນຮອງ ແລະ ປະທານກວດກາ

4) ໜ່ວຍຊາວໜຸ່ມໂຮງຮຽນພອນສະຫວັນກິລາ-ກາຍຍະກຳ
- ສະຫາຍ ສຸລະສິດ ຄຳວົງສາ ເປັນເລຂາ
- ສະຫາຍ ທະນູສອນ ທິໂນລາດ ເປັນຮອງເລຂາ
- ສະຫາຍ ນາງ ທິບພະກອນ ສຸທຳມະວົງ ເປັນປະທານກວດກາ

ຕອນທ້າຍພິທີ ປະທານກອງປະຊຸມ ສະຫາຍ ປອ. ຈັນທະວົງ ປັນຍາສິລິ ຍັງໄດ້ມີການສະຫຼຸບຕີລາຄາການຈັດຕັ້ງວຽກງານຂອງຄະນະບໍລິຫານງານຊາວໜຸ່ມ ຮາກຖານສະຖາບັນກິລາ-ກາຍຍະກຳ ໄລຍະຜ່ານມາ ແລະ ຊີ້ນຳທິດທາງແຜນວຽກໃນຕໍ່ໜ້າ, ກະກຽມປະເມີນ 4 ບຸກ ແລະ ປະກາດ 4 ບຸກ ປະຈຳປີ 2026 ໃຫ້ສຳເລັດ

ຫຼັງຈາກພິທີດັ່ງກ່າວ ຄະນະ ຄຊປປລ ຮາກຖານ ສບກ ຍັງໄດ້ຈັດກິດກະຈຳ ປ່ອຍປາ (ລາຍລະອຽດຈະແຈ້ງໃນຂ່າວຕໍ່ໄປ) ແລະ ແຂ່ງຂັນກິລາເປຕັງ ເພື່ອສ້າງຄວາມສະມັກຄີພາຍໃນ ຄຊປປລ ຮາກຖານ ສບກ ອີກດ້ວຍ

ຂ່າວ: ໄຊປະເສີດ
ພາບ: ສາຍນ້ຳຮຸ່ງ, ນ້ຳສອງສີ ແລະ ເກດສຸດາ
ກວດແກ້: ນ້ຳສອງສີ

18/09/2026

* ສະຖາບັນກິລາ-ກາຍຍະກຳ ເປີດຮັບສະໝັກນັກສຶກສາໃໝ່ ປະຈໍາສົກຮຽນ 2026-2027 (ຮອບທີ 2)
* ທຶນການສຶກສາ FREE ຕະຫຼອດຫຼັກສູດ
* ຫຼັກສູດ ປະລິນຍາຕີວິທະຍາສາດການກິລາ ລະບົບການຮຽນ 4 ປີ 2 ສາຂາ ຄື:
1. ວິທະຍາສາດການຝຶກສອນກິລາ
ມີ 14 ປະເພດກິລາ
(ເລືອກຮຽນໄດ້ 1 ກິລາ ສຳລັບຄູຝຶກສອນກິລາ) ຄື:
1) ກິລາຢູໂດ
2) ກິລາເທຄວັນໂດ
3) ກິລາຄາຣາເຕໂດ
4) ກິລາມວຍປ້ຳ
5) ກິລາວູຊູ
6) ກິລາມວຍສາກົນ
7) ກິລາບານເຕະ
8 )ກິລາແລ່ນ-ລານ
9) ກິລາຍິງທະນູ
10) ກິລາເທັນນິສ
11) ກິລາຍົກນ້ຳໜັກ
12) ກິລາກະຕໍ້
13) ກິລາເປຕັງ
14) ກິລາປິ່ງປ່ອງ

2. ວິທະຍາສາດການອອກກໍາລັງກາຍ ແລະ ກິລາ ມີ 3 ສາຂາຄື:
1) ການນວດທາງການກິລາ
2) ການທົດສອບສະມັດຕະພາບຮ່າງກາຍ
3) ການຝຶກດ້ວຍນ້ຳໜັກ
* ກໍານົດໄລຍະເວລາ
- ເປີດຮັບຄຳຮ້ອງແຕ່: ວັນທີ 18 ກັນຍາ 2026;
- ປິດຮັບຄໍາຮ້ອງແຕ່: ວັນທີ 05 ຕຸລາ 2026;
- ວັນສອບເສັງ (ສຳພາດ) : ວັນທີ 07 ຕຸລາ 2026;
- ປະກາດຜົນສອບເສັງ: ວັນທີ 09 ຕຸລາ 2026.
ຕິດຕາມໄດ້ທີ່ເວັບໄຊ: https://nios.gov.la/
ຫຼື ຕິດຕາມທີ່ເພຈ: ສະຖາບັນກິລາ-ກາຍຍະກຳ, Institute of Sport
https://www.facebook.com/profile.php?id=100024005090291

ສຳລັບຜູ້ສະໝັກນະຄອນຫລວງ ແລະ ຕ່າງແຂວງໃຫ້ພົວພັນຫາ ພະແນກສຶກສາທິການ ແລະ ກິລາ ທີ່ຕົວເອງສັງກັດຢູ່ ເພື່ອເຮັດໜັງສືນຳສົ່ງມາຫາສະຖາບັນກິລາ-ກາຍຍະກຳ

ຂໍ້ມູນເພີ່ມຕື່ມ ຫຼື ຂໍໃບສະໝັກ ໂທ ຫຼື whassapp 020 28880080 ທ່ານ ກັນຍາເພັດ ພັນດານຸວົງ
020 99649080 ທ່ານ ນາງ ພອນວິໄລ ປັນຍາວົງ; 020 54291515 ອຈ. ບົວລິດ ແກ້ວວິໄລເກດ

#ໃບສະຫມັກໃນຄອມເມ້ນ

14/09/2026

ສະຖາບັນກິລາ-ກາຍຍະກຳ ແຈ້ງຜົນການສອບເສັຝຄັດເລືອກນັກສຶກສາ ປີທີ 1 (ຮອບທີ 1) ປະຈຳສົກຮຽນ 2026-2027 ດັ່ງມີລາຍຊື່ໃນຮູບ

ໃຫ້ຜູ້ທີ່ມີລາຍຊື່ດັ່ງກ່າວມາລົງທະບຽນຮຽນ ລະຫວ່າງວັນທີ 28 ກັນຍາ - 10 ຕຸລາ 2026 ທີ່ພະແນກວິຊາການ ແລະ ກິດຈະການນັກຮຽນ-ນັກສຶກສາ
ເບີໂທຕິດຕໍ່: 02054291515 ອາຈານ ບົວລິດ
02028880080 ອຈ ກັນຍາເພັດ
02099649080 ອຈ ພອນວິໄລ

12/09/2026

ສະຖາບັນກິລາ-ກາຍຍະກຳ ຂໍສະແດງຄວາມຍິນດີນຳ ສິດເກົ່າ ຈາກສະຖາບັນ ທີ່ໄດ້ບັນຈຸເຂົ້າເຮັດວຽກທີ່
Sports Center

Coach Anny ຫຼື ນາງ ທິດາກອນ ວົງໄພໂລດ ນັກສຶກສາ ສບກ ຮຸ່ນທີ 3 ສາຂາການຝຶກດ້ວຍນ້ຳໜັກ (Weight Training) ທີ່ຫາກໍຈົບການສຶກສາເມື່ອເດືອນ ສິງຫາ ທີ່ຜ່ານມາ
ຄູຝຶກນ້ອງໃໝ່ຂອງ ວາຊີ ສະປອດ ເຊັນເຕີ ທີ່ພ້ອມສົ່ງຕໍ່ພະລັງ ແລະ ແຮງບັນດານໃຈໃນທຸກໆການອອກກຳລັງກາຍຂອງທ່ານ ໃຫ້ບັນລຸເປົ້າໝາຍ 💪🧡

ຕິດຕໍ່ສອບຖາມໄດ້ທີ່ WhatsApp
+856 20 54 748 998
+856 20 5581 1899

A New Member Has Joined the VASY Sports Center Team

Please join us in welcoming Coach Anny the newest trainer at VASY Sports Center

Ready to share her passion knowledge and motivation to help you achieve your health and fitness goals

For more information WhatsApp +856 20 54 748 998
+856 20 5581 1899

ຂອບໃຈ VASY SPORTS CENTER ທີ່ໃຫ້ໂອກາດນັກສຶກສາເຮົາໄດ້ເປັນສ່ວນຫນຶ່ງຂອງສູນອອກກຳລັງກາຍດ້ວຍ

ຂໍ້ມູນ: ນ້ຳສອງສີ

11/09/2026

ຄະນະບໍລິຫານງານຊາວໜຸ່ມຮາກຖານ ສະຖາບັນກິລາ-ກາຍຍະກຳ ເຂົ້າຮ່ວມກອງປະຊຸມ ປະຈຳໄຕມາດທີ III ແລະ ທິດທາງແຜນການ ປະຈຳໄຕມາດທີ IV ຂອງ ຄຊປປລ ກະຊວງ ສສກ
**********
ຕອນບ່າຍ ວັນທີ 10 ກັນຍາ 2026 ເວລາ 13:00 ທີ່ຫ້ອງປະຊຸມ ຄະນະວິທະຍາສາດສິ່ງແວດລ້ອມ, ມຊ ໄດ້ມີການຈັດກອງປະຊຸມ ປະຈຳໄຕມາດທີ III ແລະ ທິດທາງແຜນການ ປະຈຳໄຕມາດທີ IV ຂອງ ຄຊປປລ ກະຊວງ ສສກ ຂຶ້ນ, ພາຍໃຕ້ການເປັນປະທາຍຂອງ ສະຫາຍ ປອ. ຈັນທະວົງ ປັນຍາສິລິ ຄະນະພັກກະຊວງ, ເລຂາຄະນະບໍລິຫານງານຊາວໜຸ່ມ ກະຊວງ, ຜູ້ອຳນວຍການສະຖາບັນກິລາ-ກາຍຍະກຳ; ຕາງໜ້າ ຄະນະບໍລິຫານງານຊາວໜຸ່ມຮາກຖານ ສະຖາບັນກິລາ-ກາຍຍະກຳ ເຂົ້າຮ່ວມປະກອບດ້ວຍ ສະຫາຍ ນາງ ມະນີຈັນ ພົງສະຫວັດມີໄຊ ຄະນະບໍລິຫານງານ ຄຊປປລ ກະຊວງ, ເລຂາ ຄຊປປລ ຮາກຖານສະຖາບັນ ແລະ ສະຫາຍ ກັນຍາເພັດ ພັນດານຸວົງ ຮອງເລຂາ ຄຊປປລ ຮາກຖານສະຖາບັນ
ຈຸດປະສົງຂອງກອງງປະຊຸມເພື່ອທົບທວນຄືນ ການຈັດຕັ້ງປະຕິບັດວຽກງານຈຸດສຸມ ໃນລະຍະທີ່ຜ່ານມາ (ໄຕມາດທີ III) ແລະ ວາງແຜນທິດທາງການຈັດຕັ້ງປະຕິບັດວຽກງານ ໃນໄຕມາດສຸດທ້າຍ (ໄຕມາດທີ IV) ຂອງປີ 2026 ແລະ ໄດ້ມີການລາຍງານວຽກຈຸດສຸມໄລຍະທີ່ຜ່ານມາ ແລະ ແຜນການຕໍ່ໜ້າ ຂອງແຕ່ລະຮາກຖານຊາວໜຸ່ມ ຂຶ້ນກັບ ຄຊປປລ ກະຊວງສຶກສາທິການ ແລະ ກິລາ
ນອກຈາກນັ້ນ ຍັງໄດ້ມີການເຕະບານສະມັກຄີ ລະຫວ່າງ ຄຊປປລ ກະຊວງ ແລະ ຄຊປປລ ມຊ ເຊິ່ງຜົນການແຂ່ງຂັນປາກົດວ່າ ຄຊປປລ ມຊ ເອົາຊະນະ ຄຊປປລ ກະຊວງ ໄປໄດ້ 9 ປະຕູຕໍ່ 4

ພາບ: MOES Youth Union
ຂ່າວ: ນ້ຳສອງສີ

10/09/2026

ສະຖາບັນກິລາ-ກາຍຍະກຳ ຂໍສະແດງຄວາມຊົມເຊີຍ ມາຍັງ
ປທ. ນາງ ມະນີວັນ ຈັນທະວົງສາ
ປທ. ມະນີຈັນ ພົງສະຫວັດມີໄຊ
ປຕ. ນາງ ອາລຸນນີ ວັນນະວົງສີ
ປຕ. ນາງ ມະນີວັນ ນໍລະສິງ
ປທ. ໄຊປະເສີດ ພົມມະລິນ
ຄູສອນຈາກ ສະຖາບັນກິລາ-ກາຍຍະກຳ
ເນື່ອງໃນໂອກາດທີ່ໄດ້ສ້າງຜົນງານວິໄຈຫົວຂໍ້: “ສຶກສາຄວາມຕ້ອງການບຸກຄະລາກອນດ້ານການບໍລິຫານກິລາ ໃນຕະຫຼາດແຮງງານ
A Study of the Needs for Sports Administration Personnel in the Labor Market”
ໄດ້ຮັບການຕີພິມລົງໃນ ວາລະສານ ສັງຄົມສາດ (Social Science Journal) ສະບັບທີ 6, ເຫຼັ້ມທີ 11 , 2026 ຂອງຄະນະວິທະຍາສາດສັງຄົມ, ມະຫາວິທະຍາໄລແຫ່ງຊາດ

ສະຖາບັນກິລາ-ກາຍຍະກຳ ຂໍອວຍພອນໃຫ້ຄະນະວິໄຈຈົ່ງປະສົບຄວາມສຳເລັດ ແລະ ສ້າງຜົນງານທີ່ເປັນປະໂຫຍດແກ່ວົງການວິຊາການ ຍິ່ງໆຂຶ້ນໄປ

10/09/2026

ຄະນະນຳ, ຄູຝຶກ, ນັກກິລາ, ນັດຮຽນ-ນັກສຶກສາ ແລະ ອະດີດນັກຮຽນ-ນັກສຶກສາ ຂອງສະຖາບັນກິລາ-ກາຍຍະກຳ ເຂົ້າຮັບຟັງການໂອ້ລົມທັບນັກກິລາລາວ ກ່ອນເຂົ້າຮ່ວມງານກິລາເອຊຽນ ເກມ ຄັ້ງທີ 20 ທີ່ປະເທດຍີ່ປຸ່ນ.
+++++++++++++++++++++++++++++++

ກົມກິລາລະດັບສູງ, ກະຊວງສຶກສາທິການ ແລະ ກິລາ ຫຼື ສສກ ເປີດກອງປະຊຸມປະຖົມນິເທດ ເຜີຍແຜ່ຂໍ້ມູນການເດີນທາງ ໃຫ້ແກ່ ປະທານສະຫະພັນກິລາແຫ່ງຊາດລາວ, ຄະນະນຳ, ຄູຝຶກ ແລະ ນັກກິລາທີມຊາດລາວ ເພື່ອກະກຽມຄວາມພ້ອມ ໄປສູ້ເສິກໃນງານມະຫາກຳກິລາ ທົ່ວທະວີບອາຊີ ຫຼື “ເອຊຽນເກມ ຄັ້ງທີ 20” ທີ່ ປະເທດຍີ່ປຸ່ນ ຮັບກຽດເປັນເຈົ້າພາບ ລະຫວ່າງວັນທີ 19 ກັນຍາ ຫາ 4 ຕຸລາ 2026 ນີ້.

ພິທີດັ່ງກ່າວ ໄດ້ມີຂຶ້ນໃນຕອນບ່າຍຂອງວັນທີ 9 ກັນຍາ 2026, ທີ່ຫ້ອງປະຊຸມໃຫຍ່ (ຫ້ອງ 312) ຕຶກເຈົ້າອານຸວົງ ກະຊວງສຶກສາທິການ ແລະ ກິລາ ໃຫ້ກຽດເຂົ້າຮ່ວມ ແລະ ໂອ້ລົມໂດຍ ທ່ານ ສີຈັນ ຈິດຕະປັນຍາ ຫົວໜ້າກົມກິລາລະດັຍສູງ ກະຊວງ ສສກ ທັງເປັນຫົວໜ້າຄະນະນັກກິລາລາວ.

ໃນພິທີ, ທີ່ປະຊຸມໄດ້ຮັບຟັງການລາຍງານຂອງທ່ານ ບຸນຍະແສງ ນະຊຽງຄຳ ຫົວໜ້າພະແນກກວດກາ, ຕິດຕາມ ແລະ ປະເມີນຜົນ ກົມກິລາລະດັບສູງ ທັງເປັນຮອງຫົວໜ້າຄະນະນັກກິລາລາວ ກ່ຽວກັບການແນະນຳລະອຽດເລື່ອງຂອງລະບຽບການເຂົ້າຮ່ວມ, ຕາຕະລາງການເດີນທາງຂອງແຕ່ລະປະເພດກິລາ, ລະບຽບການດ້ານການກວດຄົນເຂົ້າເມືອງ (ການໃຊ້ບັດ AD Card / Pre-validated Cards), ຂໍ້ກຳນົດກ່ຽວກັບສະຖານທີ່ພັກເຊົາ (Villas, Cruise Ship, ແລະ ໂຮງແຮມ), ການບໍລິການອາຫານການກິນ, ລວມທັງມາດຕະການຄວາມປອດໄພ ແລະ ຂໍ້ຫ້າມຕ່າງໆຕາມລະບຽບການຂອງປະເທດເຈົ້າພາບ.

ໂອກາດນີ້, ທ່ານ ສີຈັນ ຈິດຕະປັນຍາ ໄດ້ ໃຫ້ທິດຊີ້ນຳໂດຍເນັ້ນໜັກໃຫ້ຄະນະນຳ, ຄູຝຶກ ແລະ ນັກກິລາທຸກທ່ານ ຍົກສູງຄວາມຮັບຜິດຊອບທາງການເມືອງ, ຮັກສາລະບຽບວິໄນຢ່າງເຂັ້ມງວດ, ເອົາໃຈໃສ່ຮັກສາສຸຂະພາບ ແລະ ຄວາມປອດໄພໃນລະຫວ່າງການເດີນທາງ ພ້ອມທັງ ຕັ້ງໜ້າຝຶກຊ້ອມ ແລະ ປະຕິບັດໜ້າທີ່ຂອງຕົນດ້ວຍຄວາມ ພາກພຽນ ຕາງໜ້າໃຫ້ປະເທດຊາດ ເພື່ອສ້າງຜົນງານ ແລະ ຍາດແຍ່ງ ເອົາໄຊຊະນະມາສູ່ປະເທດຊາດ ແລະ ປະຊາຊົນລາວບັນດາເຜົ່າ ໃຫ້ມີຄວາມພາກພູມໃຈ.

ພາຍໃນພິທີດັ່ງກ່າວ, ຍັງມີການ ມອບບັດ AD Card (Accreditation Card) ໃຫ້ແກ່ຄະນະນັກກິລາທີມຊາດລາວ ພ້ອມທັງເປີດໂອກາດໃຫ້ພາກສ່ວນກ່ຽວຂ້ອງໄດ້ປຶກສາຫາລື ແລະ ປະສານງານວຽກງານຈຸດສຸມຕ່າງໆ ເພື່ອຮັບປະກັນໃຫ້ການເຄື່ອນໄຫວເຂົ້າຮ່ວມການແຂ່ງຂັນກິລາເອຊຽນເກມ ຄັ້ງທີ 20 ດຳເນີນໄປດ້ວຍຄວາມສະດວກ, ປອດໄພ ແລະ ປະສົບຜົນສຳເລັດຢ່າງຈົບງາມ.

ໃນການເຂົ້າຮ່ວມງານກິລາ ເອຊຽນເກມ ຄັ້ງທີ 20 ມີທັງໝົດ 15 ປະເພດກິລາ ຄື: ວູຊູ, ກະຕໍ້, ມວຍສາກົນ, ຈູຈິດຊູ, ກາຣາເຕໂດ, ລອຍນໍ້າ, ແລ່ນ-ລານ, ຍີມນາສະຕິກ, ຊັອບເທັນນິດ, ປິ່ງປ່ອງ, ດອກປີກໄກ່, ເທັກບອນ, ຟັນດາບ, ອີ-ສະປອດ ແລະ ເທຄວັນໂດ.

ຂ່າວໂດຍ ສົງການ ພັນແພງດີ

10/09/2026

ໜ່ວຍພັກສູນວິທະຍາສາດການກິລາ ແລະ ພາກວິຊາກິລາ-ກາຍຍະກໍາ ເປັນເຈົ້າພາບຈັດແຂ່ງຂັນກິລາບານສົ່ງສາມັກຄີ ພາຍໃນຄະນະພັກຮາກຖານສະຖາບັນກິລາ-ກາຍຍະກຳ
*********
ໃນວັນທີ 04 ກັນຍາ 2026 ທີ່ຜ່ານມາ ທີ່ສະຖາບັນກິລາ-ກາຍຍະກໍາ ໜ່ວຍພັກສູນວິທະຍາສາດການກິລາ ແລະ ພາກວິຊາກິລາ-ກາຍຍະກໍາ ເປັນເຈົ້າພາບ ຈັດແຂ່ງຂັນກິລາບານສົ່ງ ຂຶ້ນເພື່ອສ້າງຄວາມສາມັກຄີພາຍໃນຂອງສະມະຊິກພັກ ແລະ ສະມາຊິກ 3 ອົງການຈັດຕັ້ງມະຫາຊົນ ທີ່ຂຶ້ນກັບຄະນະພັກຮາກຖານ ສະຖາບັນກິລາ-ກາຍຍະກໍາ ໂດຍມີທັງຫມົດ 4 ທີມຈາກ 4 ຫນ່ວຍພັກເຂົ້າຮ່ວມແຂ່ງຂັນ ຄື: ຫນ່ວຍພັກສໍານັກ ສະຖາບັນກິລາ-ກາຍຍະກໍາ, ຫນ່ວຍພັກສູນຝຶກກິລາແຫ່ງຊາດ ແລະ ພະແນກບໍລິຫານແລະຈັດຕັ້ງພະນັກງານ, ຫນ່ວຍພັກໂຮງຮຽນພອນສະຫວັນກິລາ-ກາຍຍະກໍາ ແລະ ຫນ່ວຍພັກໜ່ວຍພັກສູນວິທະຍາສາດການກິລາ ແລະ ພາກວິຊາກິລາ-ກາຍຍະກຳ
ການແຂ່ງຂັ້ນໄດ້ດໍາເນີນໄປຢ່າງຟົດຟືນ, ມ່ວນຊື່ນ ເຊເຊິ່ງຜົນການແຂ່ງຂັນດັ່ງຕໍ່ໄປນີ້:
- ອັນດັບທີ 1 ໄດ້ແກ່ ຫນ່ວຍພັກໜ່ວຍພັກສູນວິທະຍາສາດການກິລາ ແລະ ພາກວິຊາກິລາ-ກາຍຍະກຳ
- ອັນດັບທີ 2 ໄດ້ແກ່ ຫນ່ວຍພັກໂຮງຮຽນພອນສະຫວັນກິລາ-ກາຍຍະກໍາ
- ອັນດັບທີ 3 ໄດ້ແກ່ ຫນ່ວຍພັກສໍານັກ ສະຖາບັນກີລາ-ກາຍຍະກໍາ
- ອັນດັບທີ 4 ຫນ່ວຍພັກສູນຝຶກກິລາແຫ່ງຊາດ ແລະ ພະແນກບໍລິຫານແລະຈັດຕັ້ງພະນັກງານ

ພາບ ແລະ ຂ່າວໂດຍ: ສາຍນໍ້າຮຸ່ງ
ກວດແກ້: ນ້ຳສອງສີ

07/09/2026

ສະຖາບັນກິລາ-ກາຍຍະກຳ ຂໍສະແດງຄວາມຊົມເຊີຍມາຍັງ ສິດເກົ່າ (ອະດີດນັກສຶກສາ) ຈາກສະຖາບັນ ທີ່ໄດ້ເປັນສ່ວນໜຶ່ງໃນການເປັນ ສະຕາຟໂຄສ ແລະ ແພດປະຈຳທີມ ຈຳປາສັກ ເອັຟຊີ (U16) ດ້ວຍການຄວ້າແຊັມ ການແຂ່ງຂັນບານເຕະ ເຄລຍເມັນ ຮຸ່ນອາຍຸບໍ່ເກີນ 16 ປີ ຊີງຂັນ ສຕລ ປະຈຳປີ 2026 LFF U16 CHAMPIONSHIP 2026
ປະກອບດ້ວຍ
ທ່ານ ວີລະເດດ ແກ້ວພິຄູນ ສະຕາຟໂຄສ (ນັກສຶກສາ ຮຸ່ນທີ 2)
ທ່ານ ຄຳສີ ຄູນນີວາດ ແພດປະຈຳທີມ (ນັກສຶກສາ ຮຸ່ນທີ 3)

ການເຂົ້າຮ່ວມເປັນທີມງານຂອງທັງ 2ທ່ານ ຄັ້ງນີ້ຖືວ່າເປັນຜົນຜະລິດຈາກຮົ້ວສະຖາບັນພວກເຮົາ ທີ່ໄດ້ສ້າງນັກວິຊາການດ້ານກິລາ ເພື່ອຍົກລະດັບຄວາມສາມາດ ແລະ ສົ່ງເສີມໃຫ້ຜູ້ທີ່ສຳເລັດການສຶກສາຈາກສະຖາບັນ ໄດ້ມີວຽກເຮັດງານທຳ ໃນສາຍທີ່ຕົວເອງຈົບອອກມາ

ພາບ: ວີລະເດດ
ຂ່າວ: ນ້ຳສອງສີ

ສະຖາບັນກິລາ-ກາຍຍະກຳ, Institute of Sport

19/09/2026

19/09/2026

18/09/2026

14/09/2026

12/09/2026

11/09/2026

10/09/2026

10/09/2026

10/09/2026

07/09/2026

Address

Opening Hours

Telephone

Website

Alerts

Contact The School

Shortcuts

Share

Category

Listing takedown request

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00