ຄະນະກະເສດສາດ ແລະ ສິ່ງແວດລ້ອມ ຄກສ Faculty of Agriculture and Environment FOA

02/01/2026

ໂອກາດແຫ່ງການແລກປ່ຽນຄວາມຄິດເຫັນໃນງານສຳມະນາ ຫົວຂໍ້: ກຽມພ້ອມສູ່ຊີວິດການເຮັດວຽກ ແລະ ການສະໝັກທຶນ

31/12/2025

ເນື່ອງໃນໂອກາດສົ່ງທ້າຍປີເກົ່າ ຕ້ອນຮັບປີໃໝ່ສາກົນ ແລະ ວັນສຳຄັນ ຂອງຊາດ ທາງຄະນະນຳ ແລະຜູ້ຕ່າງໜ້າ ທີ່ນຳພາໂດຍທ່ານ ອາຈານ ປອ. ອິນຕາ ຈັນທະວົງ ວ່າການແທນ ຫົວໜ້າຄະນະວິຊາ ກະເສດສາດ ແລະ ສິ່ງແວດລ້ອມ ໄດ້ເຂົ້າອວຍພອນ ການນຳ ມະຫາວິທະຍາໄລສະຫວັນນະເຂດ ດ້ວຍບັນຍາກາດທີ່ອົບອຸ່ນ

24/11/2025

ນັກສຶກສາພາກວິຊາວິທະຍາສາດສັດ ຄກສ, ລະບົບປົກກະຕິ 4 ປີ ແລະ ລະບົບຕໍ່ເນື່ອງ 2 ປີ ພ້ອມດ້ວຍຄູ-ອາຈານ ໄດ້ລົງໃຫ້ບໍລິການວັກຊີນແກ່ສັດ ໃນເຂດບ້ານອ້ອມຂ້າງ ມະຫາວິທະຍາໄລສະຫວັນນະເຂດ ຊຶ່ງເປັນໜຶ່ງໃນພາລະກິດບໍລິການວິຊາການແກ່ສັງຄົມ ຂອງມະຫາວິທະຍາໄລສະຫວັນນະເຂດ.

15/11/2025

📣ຕ້ອງການພະນັກງານປະຈຳໂຄງການອານຸລັກໝີລາວ, ພະນັກງານສຶກສາ

ສາມາດສື່ສານພາສາອັງກິດ 1 ຄົນ
ສາມາດສື່ສານພາສາຈີນ + ພື້ນຖານພາສາອັງກິດ 1 ຄົນ

ຕ້ອງການດ່ວນ!!

10/11/2025

07/11/2025

ການຄັດເລືອກຜູ້ທີ່ໄດ້ຮັບ "ທຶນການສຶກສາຂົງເຂດຂະແໜງປ່າໄມ້ໃນ ສປປ ລາວ ປະຈໍາປີ 2025" ໄດ້ສິ້ນສຸດລົງຢ່າງສຳເລັດຜົນ. ພວກເຮົາມີຄວາມຍິນດີເປັນຢ່າງຍິ່ງທີ່ຈະປະກາດລາຍຊື່ນັກສຶກສາທັງໝົດ ທີ່ໄດ້ຮັບທຶນການສຶກສາ ເພື່ອສືບຕໍ່ການສຶກສາໃນສົກຮຽນ 2025-2026 ນີ້.
ທຶນການສຶກສາຄັ້ງນີ້ປະກອບມີ:
ລະດັບປະລິນຍາຕີ: ຈຳນວນ 15 ຄົນ.
ລະດັບປະລິນຍາໂທ: ຈຳນວນ 81 ຄົນ ທີ່ໄດ້ຮັບການສະໜັບສະໜູນອັນມີຄຸນຄ່າຈາກ 3 ບໍລິສັດອຸດສາຫະກຳໄມ້ຊັ້ນນຳໃນ ສປປ ລາວ ຄື: ບໍລິສັດ ແມ່ຂອງປູກໄມ້ (Mekong Timber Plantations) ຈຳກັດ, ບໍລິສັດ Silvicarbon Agroforestry ຈຳກັດຜູ້ດຽວ, ແລະ ບໍລິສັດ ບົວລະພາ ກະສິກຳປ່າໄມ້ ຈຳກັດ.
ນັກສຶກສາທຸກທ່ານຈະໄດ້ເຂົ້າສຶກສາຢູ່ 3 ມະຫາວິທະຍາໄລຊັ້ນນຳຂອງ ສປປ ລາວ ຄື:
ຄະນະວິທະຍາສາດປ່າໄມ້, ມະຫາວິທະຍາໄລແຫ່ງຊາດ, ນະຄອນຫຼວງວຽງຈັນ.
ຄະນະກະເສດສາດ ແລະ ຊັບພະຍາກອນປ່າໄມ້, ມະຫາວິທະຍາໄລສຸພານຸວົງ, ແຂວງຫຼວງພະບາງ.
ຄະນະກະເສດສາດ ແລະ ສິ່ງແວດລ້ອມ, ມະຫາວິທະຍາໄລສະຫວັນນະເຂດ, ແຂວງສະຫວັນນະເຂດ.
ພວກເຮົາຫວັງຢ່າງຍິ່ງວ່າໂອກາດອັນລ້ຳຄ່າຄັ້ງນີ້ ຈະເປັນດັ່ງແສງໄຟເຍືອງທາງທີ່ນຳພາໃຫ້ນັກສຶກສາທຸກທ່ານປະສົບຜົນສຳເລັດຕາມເປົ້າໝາຍທີ່ຕັ້ງໄວ້. ພ້ອມກັນນັ້ນ, ຈົ່ງນຳໃຊ້ຄວາມຮູ້ຄວາມສາມາດທີ່ໄດ້ຮັບ ເພື່ອສືບຕໍ່ປະກອບສ່ວນ ແລະ ຜັນຂະຫຍາຍວຽກງານໃນຂົງເຂດປ່າໄມ້ຂອງຊາດໃຫ້ຈະເລີນງອກງາມ ແລະ ເກີດດອກອອກຜົນຢ່າງຍືນຍົງ.

07/11/2025

ພວກເຮົາມີຄວາມປິຕິຍິນດີເປັນຢ່າງຍິ່ງທີ່ໄດ້ຮັບກຽດຈາກຄະນະກໍາມະການຜູ້ຊົງຄຸນວຸດທິ ເຂົ້າມາເປັນຕົວແທນໃນການຄັດເລືອກຜູ້ທີ່ຈະໄດ້ຮັບ "ທຶນການສຶກສາຂົງເຂດຂະແໜງການປ່າໄມ້ໃນ ສປປ ລາວ ປະຈໍາປີ 2025".

ຄະນະກໍາມະການທຸກທ່ານລ້ວນແລ້ວແຕ່ເປັນບຸກຄົນສຳຄັນທີ່ມີບົດບາດໂດດເດັ່ນໃນການພັດທະນາສັງຄົມ, ປະກອບດ້ວຍຄູອາຈານ, ນັກວິຊາການ, ແລະ ຜູ້ບໍລິຫານທີ່ມີປະສົບການຢ່າງກວ້າງຂວາງ ພ້ອມດ້ວຍວິໄສທັດທີ່ກ້າວໄກໃນຂົງເຂດປ່າໄມ້.

ດ້ວຍຄວາມເລັງເຫັນເຖິງຄວາມສໍາຄັນ ແລະ ຄວາມຈໍາເປັນຂອງວຽກງານໃນຂົງເຂດນີ້, ການເຂົ້າຮ່ວມຄັດເລືອກທຶນການສຶກສາຄັ້ງນີ້ ຈຶ່ງເປັນສິ່ງທີ່ຄະນະກໍາມະການທຸກທ່ານໄດ້ໃຫ້ຄວາມເອົາໃຈໃສ່ເປັນພິເສດ. ນອກຈາກນີ້, ຍັງເປັນການສ່ອງແສງທິດທາງອັນຊັດເຈນໃຫ້ແກ່ນັກສຶກສາທີ່ມີຄວາມມັກຮັກໃນວຽກງານປ່າໄມ້ ໄດ້ສືບຕໍ່ສານຝັນຂອງຕົນ ເພື່ອປະກອບສ່ວນເຂົ້າໃນການພັດທະນາວຽກງານດັ່ງກ່າວໃຫ້ເກີດດອກອອກຜົນເປັນຈິງ.

30/10/2025

ໂຄງການ Circular ສ້າງກິດຈະກຳ ແລະມອບຖັງຂີ້ເຫຍື້ອ ໃຫ້ຄະນະກະເສດສາດແລະສິ່ງແວດລ້ອມ ມະຫາວິທະຍາໄລສະຫວັນນະເຂດ ເພື່ອສ້າງຈິດສຳນຶກໃນການແຍກຂີ້ເຫຍື້ອ

21/10/2025

ຄະນະກະເສດສາດ ແລະ ສິ່ງແວດລ້ອມ ໄດ້ລົງເຜີຍແຜ່ຫລັກສູດ ປະລິນຍາໂທ ແລະ ປະລິນຍາຕີ ຕໍ່ເນື່ອງ ທີ່ພະແນກກະສິກຳ ແລະ ສິ່ງແວດລ້ອມ ແຂວງສາລະວັນ

20/10/2025

📢 ຂະຫຍາຍເວລາ ແລະ ປັບເງື່ອນໄຂຈາກ 35 ປີ ເປັນ 45ປີ ສໍາລັບການເປີດຮັບສະໝັກ ທຶນການສຶກສາປະລິນຍາໂທ ຂະແໜງປ່າໄມ້ໃນລາວ ປະຈຳປີ 2025!
ສຳລັບນັກສຶກສາ ທີ່ມີຜົນການຮຽນດີເລີດ ແລະ ມີຄວາມສົນໃຈໃນ ຂະແໜງປ່າໄມ້ ໃນ 3 ມະຫາວິທະຍາໄລ ເປົ້າໝາຍຂອງລາວ ເຊັ່ນ:

ຄະນະວິທະຍາສາດປ່າໄມ້, ມະຫາວິທະຍາໄລແຫ່ງຊາດ, ນະຄອນຫຼວງວຽງຈັນ;

ຄະນະກະເສດສາດ ແລະ ຊັບພະຍາກອນປ່າໄມ້, ມະຫາວິທະຍາໄລສຸພານຸວົງ, ແຂວງ ຫຼວງພະບາງ ;

ຄະນະກະເສດສາດ ແລະ ສິ່ງແວດລ້ອມ, ມະຫາວິທະຍາໄລສະຫວັນນະເຂດ, ແຂວງ ສະຫວັນນະເຂດ.

🎓 ວິທີການສະໝັກ: ສໍາລັບທ່ານໃດທີ່ສົນໃຈ ສາມາດສະແກນຄິວອາໂຄດໃນໂພສເຕີ ຫຼື ກົດລິ້ງດ້ານລຸ່ມ ເພື່ອເບິ່ງລາຍລະອຽດເງື່ອນໄຂ, ວິທີການສະໝັກ ແລະ ດາວໂຫຼດແບບຟອມສະໝັກໄດ້ທີ່:

https://bit.ly/3ISfYvN

ທ່ານສາມາດສົ່ງເເບບຟອມ ຜ່ານຊ່ອງທາງໃດກໍໄດ້ ໃນ 3 ຊ່ອງທາງດັ່ງນີ້:
👉🏻 ຊ່ອງທາງທີ 1) ໄປສະນີ:
ຫ້ອງການ Protection and Sustainable Use of Forest Ecosystems and Biodiversity (ProFEB)

Deutsche Gesellschaft für Internationale Zusammenarbeit (GIZ) GmbH

ຕູ້ໄປສະນີ 9233, ຫ້ອງການ ProFEB ນະຄອນຫຼວງວຽງຈັນ.

👉🏻 ຊ່ອງທາງທີ 2) ຍື່ນດ້ວຍຕົນເອງໄດ້ທີ່: ຫ້ອງການ ProFEB/GIZ ຖະໜົນອາຊຽນ, ບ້ານສີດໍາດວນ, ເມືອງຈັນທະບູລີ ນະຄອນຫຼວງວຽງຈັນ ສະຖານທີ່: https://maps.app.goo.gl/RYNXgzHPJCEkazdf9

👉🏻 ຊ່ອງທາງທີ 3) ສົ່ງທາງອີເມວ: ນາງ ພອນທິບ ສີສົມບູນ: [email protected]

🗓 ມື້ສຸດທ້າຍຂອງການສົ່ງແບບຟອມ: ວັນທີ 22 ຕຸລາ 2025

✍️ ສາມາດຕື່ມແບບຟອມເປັນ ພາສາລາວ ຫຼື ພາສາອັງກິດ ໃຫ້ຄົບຕາມເງື່ອນໄຂລະບຸໄວ້ໃນເອກະສານແນະນໍາ

📞 ສອບຖາມ: 020 92-239-693; 020 52-932-236

14/10/2025

14/10/2025