26/05/2025
🙏 ຄະນະອະນຸກໍາມະການຮັບຜິດຊອບການກໍ່ສ້າງ ຂໍເຊີນຊວນບັນດາທ່ານຜູ້ໃຈບຸນທັງຫຼາຍ ແລະ ຄະນະສິດເກົ່າ-ຄະນະນ້ອງນັກຮຽນໂຮງຮຽນ ມັດທະຍົມສົມບູນສະຫວັນ (ອຸດົມເລກ4) ທຸກລຸ້ນ ມາຮ່ວມເປັນເຈົ້າພາບ-ເຈົ້າສັດທາ ໃນງານບຸນຜ້າປ່າສາມັກຄີມະຫາກຸສົນ ສ້າງເບົ້າຫຼໍ່ຫຼອມຄົນ ສົມທົບທຶນໃນການບູລະນະປົວແປງອາຄານຮຽນຂອງລູກຫຼານນັກຮຽນທີ່ຊຸດໂຊມ ແລະ ເປ້ເພ. 🙏
🙏ໃນຄັ້ງວັນສຸກ-ວັນເສົາ, ວັນທີ 30-31/5/2025🙏
🙏 #ຕັ້ງກອງຜ້າປ່າສາມັກຄີທີ່: ວັດໄຊຍະພູມມາຣາມ ນະຄອນໄກສອນພົມວິຫານ ເເຂວງສະຫວັນນະເຂດ 🙏
🙏 #ທອດຖະຫວາຍທີ່: ໂຮງຮຽນ ມັດທະຍົມສົມບູນສະຫວັນ (ອຸດົທເລກ04)
🙏 #ລາຍການບຸນມີດັ່ງນີ້:🙏
• ວັນສຸກ ວັນທີ 30/05/2025 (ກົງກັບມື້ຂື້ນ 04 ຄໍ່າ ເດືອນ 07 ລາວ ພສ 2568) ເປັນມື້ຫ້າງຫາກະກຽມ
- ຕອນແລງເວລາ 17:00ໂມງ ມີການສູດປະຣິຕຕະມຸງຄຸນຟັງທໍາມະເທດສະໜາ ຕອນກາງຄືນມີການຄົບງັນຕາມປະເພນີ
ທີ່ວັດໄຊຍະພູມມາຣາມ.
• ວັນເສົາ ວັນທີ 31/05/2005 (ກົງກັບມື້ຂື້ນ 05 ຄໍ່າ ເດືອນ 07 ລາວ ພສ 2568)
- ຕອນເຊົ້າເວລາ 7:00ໂມງ ມີການຕັກບາດຖະຫວາຍສັງຄະທານແດ່ພະສົງສາມະເນນ
- ເວລາ 09:09 ໂມງ ແຫ່ກອງຜ້າປ່າສາມັກຄີມາທອດຖະຫວາຍທີ່: ໂຮງຮຽນ ມັດທະຍົມສົມບູນສະຫວັນ, ຕໍ່ຍອດບຸນກຸສົນ ຟັງທໍາມະເທດສະໜາອົບຮົມນ້ອງນັກຮຽນພາຍໃນໂຮງຮຽນ.
- ເວລາ 11:00 ໂມງ ພະສົງສັນພັດຕະຫານເພນ-ຍາດໂຍມຮັບປະທານອາຫານທ່ຽງ ແລະ ຮັບຊົມສິນລະປະ-ວັນນະຄະດີຈາກນ້ອງນັກຮຽນ ສໍາເລັດແລ້ວຈົບພິທີທາງສາສະໜາ.
🙏 ດັ່ງນັ້ນ,ຈຶ່ງຂໍເຊີນຊວນບັນດາທ່ານຜູ້ໃຈບຸນທັງຫຼາຍ ຜູ້ຢູ່ໃກ້ ແລະ ຢູ່ໄກ ຈົ່ງສະຫຼະເວລາອັນມີຄ່າມາຮ່ວມທໍາບຸນເປັນເຈົ້າພາບເຈົ້າສັດທາສ້າງບຸນກຸສົນຮ່ວມກັນໃນຄັ້ງນີ້ດ້ວຍ. 🙏
🙏 ຂໍອວຍພອນໄຊແດ່ເຈົ້າພາບສັດທາທັງຫຼາຍ: ຂໍສຸກໃດທີ່ປະເສີດ ພອນໃດທີ່ລໍ້າເລີດ ຈົ່ງບັງເກີດມີແດ່ທ່ານພ້ອມດ້ວຍຄອບຄົວ ຈົ່ງປະສົບພົບແຕ່ຄວາມສຸກ ຄວາມຈະເລີນ ໃນທຸລະກິດໜ້າທີ່ການງານ ສົມຄວາມມຸ້ງມາດປາດຖະໜາທຸກປະການດ້ວຍເທີ້ນ. 🙏
🙏 #ໝາຍເຫດ: ຂໍແຜ່ໂຮງທານນໍ້າດື່ມ, ນໍ້າປະນະ, ອາຫານຫວານຄາວ ອຸປະຖໍາໃນງານບຸນ. 🙏
