18/06/2026
🎓 «Тұлға еткен мектебім» – 2026 жылғы түлектерге аттестат табыстау рәсімі
2026 жылғы 18 маусым күні Жұмабек Тәшенев атындағы №10 мектеп-гимназиясында мектеп бітіруші түлектерге арналған салтанатты аттестат табыстау рәсімі өтті.
Бұл – мектеп өміріндегі маңызды белеске айналған, жас түлектердің білім жолындағы еңбегі мен жетістіктерін қорытындылайтын ерекше күн болды. Салтанатты кеш барысында мектеп әкімшілігі, ұстаздар қауымы және ата-аналар түлектерге ақжарма тілектерін арнап, жарқын болашаққа сенім білдірді.
Мектеп қабырғасында алған білім мен тәлім-тәрбие жас түлектердің өмір жолында берік негіз болып, жаңа белестерді бағындыруға жол ашатыны сөзсіз.
Құрметті түлектер! Сіздерді өмірлеріңіздегі маңызды кезеңнің аяқталуымен құттықтаймыз. Алдағы өмір жолдарыңызда толағай табыс, биік мақсаттар мен жарқын жетістіктер серік болсын!
✨ Армандарыңыз асқақ, қадамдарыңыз нық, болашақтарыңыз баянды болғай!
18/06/2026
Бүгін Жұмабек Тәшенев атындағы №10 мектеп-гимназиясында «Тұлға еткен мектебім» атты мектеп бітіру салтанатты кеші өтті.
Мектеп қабырғасында білім мен тәрбие алып, арманға қанат қаққан жас түлектер үшін бұл күн ерекше әсерге толы болды. Кеш барысында түлектерге ақ жол тілеп, ұстаздар мен ата-аналар жүрекжарды лебіздерін білдірді.
Мектеп тарихының тағы бір жарқын парағын толықтырған түлектерге алдағы өмір жолында сәттілік, биік мақсаттарға жету және толағай табыстар тілейміз. Мектептен алған білім мен өнеге әрқашан серік болып, жаңа белестерге жетелей берсін!
Қанаттарыңыз талмасын, жас түлектер!
15/06/2026
Ең алғашқы зағип балаларға арналған арнайы сыныптың түлектеріне аттестаттар тапсырылды. Міне, көзді ашып-жұмғанша он жыл да өте шықты...
Бұл жылдар – қабылдау мен түсінудің, бірге үйреніп, бірге өскеннің, талай белесті бағындырған сәттердің жылдары болды. Осы уақыт ішінде балаларымыз есейіп, қанаттарын қатайтып, өмірдің жаңа кезеңіне қадам басты.
Бүгін олар қолдарына аттестат алып, мектеппен қоштасты. Бұл – үлкен жолдың бастамасы ғана. Артта қалған әр күн, әр жетістік, әр қуаныш олардың жүрегінде мәңгі сақталады.
Біз олардың әрқайсысымен мақтанамыз. Алда жаңа армандар, жаңа мүмкіндіктер мен үлкен жеңістер күтіп тұр.
Ақ жол, түлектер! Болашақтарың жарқын, өмір жолдарың сәтті болсын! Ең жақсысы әлі алда!
