Шымкент Білім Инновация Лицейі

Құрметті ата-аналар мен талапкерлер!
17 мамыр күні Шымкент “БІЛІМ-ИННОВАЦИЯ” лицейіне қабылдау емтиханы өтетінін еске саламыз.

Емтихан рұқсатнамада көрсетілген уақытта және мекенжай бойынша өткізіледі. Талапкерлерден емтихан басталу уақытынан кемінде 30 минут бұрын келулерін сұраймыз.

Өзіңізбен бірге:
• алдын ала жіберілген рұқсатнама;
• туу туралы куәлік;
• көк немесе қара пасталы қалам алып келу қажет.

Кешікпеулеріңізді сұраймыз.
Барлық талапкерлерге сәттілік тілейміз!

Лицейімізде ерекше форматта тәрбие сағаттары ұйымдастырылды 🇰🇿
Әр сыныпқа оқушыларымыздың әкелері арнайы қатысып, өскелең ұрпақпен маңызды әңгіме өрбітті.
👨‍👧‍👦 Әкелер өз өмірлік тәжірибелерімен бөлісіп,
елге деген сүйіспеншілік, жауапкершілік,
нағыз азамат болу туралы ой қозғады.
💬 Кездесу барысында:
– Отанды сүю – әр азаматтың парызы екені,
– Ел мен жерді құрметтеу – басты құндылықтардың бірі екені,
– Патриотизм тек сөз емес, іс арқылы дәлелденетіні айтылды.
✨ Мұндай тағылымды кездесулер оқушылардың бойында
отансүйгіштік сезімді қалыптастырып,
оларға дұрыс бағыт-бағдар беретіні сөзсіз.
Лицей әкелеріне белсенді қатысқандары үшін алғыс білдіреміз! 🤝

📍1st South Math Battles өз мәресіне жетті

18–19 сәуір күндері Тараз, Шымкент, Түркістан, Қызылорда және Сарыағаш қалаларынан жиналған 8 команда өзара бақ сынасты. Олимпиада ер балаларға арналған Шымкент Білім Инновация лицей базасында өтті.

Ойын өте қызықты, тартысты әрі ерекше атмосферада өтті 🔥

Финалда Inprime және TurkistanBil командалары тең түсіп, қосымша blitz туры ұйымдастырылды.

Нәтижесінде:

🥇 1-орын – TurkistanBil (Түркістан ер БИЛ)

🥈 2-орын – Inprime (Шымкент ер БИЛ)

🥉 3-орын – Nine-Eleven (Қызылорда ер БИЛ)

🏅 4-орын – TarazMath(Тараз ер БИЛ)

Барлық қатысушыларды құттықтаймыз! Осындай білімге толы, шабыт беретін жарыстар көбейе берсін 💡📚

“Бүгін — арман, ертең — мақсат, ал бір күні — шындық.
‘Мен өскенде кім боламын?’ деген сұраққа әр жүрек өз жауабын іздеуде…”

Амал мерекесі құтты болсын!

8 наурыз 🌷

Мектебімізде халықаралық әйелдер күні мерекесіне орай ерекше концерт өтті. Бұл кешті ұйымдастыруға Әкелер кеңесі бастамашы болып, аналарымызға көтеріңкі көңіл күй сыйлады.

Ән шырқалып, жылы лебіздер айтылып, аналарға деген құрмет ерекше сезілді.

Барша аналарды көктемнің шуақты мерекесімен құттықтаймыз!
Сіздерге денсаулық, қуаныш және отбасы бақыты тілейміз! 💐