Высший педагогический колледж Shymkent

📝Президент педагогтердің құқықтық қорғалуын күшейтуге және білім беру жүйесін жетілдіруге бағытталған заңға қол қойды.

▫️Қабылданған түзетулер Мемлекет басшысы Қасым-Жомарт Тоқаевтың 2025 жылғы 15 тамызда өткен Тамыз конференциясында берген тапсырмаларын орындау мақсатында әзірленді. Өзгерістер педагогтердің құқықтық қорғалуын күшейтуге, оларды кәсіби қызметіне қатысы жоқ міндеттерге тартуға жол бермеуге, әкімшілік жүктемені азайтуға және білім беру саласындағы заңнаманы одан әрі жетілдіруге бағытталған.

▫️Жаңа нормаларға сәйкес педагогтердің, мектептер мен өзге де білім беру ұйымдары басшылығының білім алушылар үшін жауапкершілігі тек кәсіби міндеттерін орындау кезеңімен, яғни білім беру процесі уақытында ғана шектеледі. Сонымен қатар баланың денсаулығы, өмірі мен қауіпсіздігі үшін ата-аналардың жауапкершілігі нақтыланды.

▫️Заң педагогтерден білім беру саласындағы заңнамада көзделмеген кез келген есептер мен мәліметтерді талап етуге тыйым салады. Бұдан бөлек, құжаттаманы бір мезгілде қағаз және электрондық форматта жүргізу міндетін жүктегені үшін әкімшілік жауапкершілік енгізіледі.

▫️Түзетулердің жеке блогы мектептерде ұялы байланыс құрылғыларын пайдалануды реттеуге арналған. Оқу-ағарту министрлігіне орта білім беру ұйымдарындағы білім алушылар мен тәрбиеленушілердің ұялы байланыс құрылғыларын пайдалану қағидаларын бекіту өкілеттігі беріледі.

▫️Сондай-ақ зияткерлік меншікке құрмет мәдениетін қалыптастыруға және білім сапасын арттыруға бағытталған академиялық адалдық ұғымы енгізіледі.

▫️Бұдан басқа, әкімдіктерге жалпы білім беретін пәндер бойынша республикалық олимпиадалар мен ғылыми жобалар конкурстарына, сондай-ақ республикалық және (немесе) халықаралық деңгейдегі спорттық жарыстар мен кәсіби шеберлік конкурстарына қатысатын өңірлік жеңімпаздардың қатысуын қамтамасыз ету міндеті жүктеледі. Аталған іс-шаралардың тізбесін Оқу-ағарту министрлігі айқындайды.

▫️ WorldSkills халықаралық кәсіби шеберлік конкурстарының жеңімпаздарына ҰБТ тапсырмай-ақ бейіндік білім беру бағдарламалары бойынша университеттерге түсу мүмкіндігі беріледі.

▫️Сондай-ақ психологиялық-педагогикалық қолдауды қажет ететін балаларды қолдау шаралары кеңейтіледі. Заңның жекелеген нормалары шетелдік жоғары оқу орындары филиалдарының қызметін реттеуге және медициналық кадрларды даярлау жүйесін жетілдіруге бағытталған.

Shymkent жоғары педагогикалық колледжі делегациясы Маңғыстау облысының білім басқармасы басшысының бірінші орынбасары Ақбөпе Тынысбайқызы Искалиевамен кездесу өткізді.

Кездесу барысында өңірдегі білім сапасын арттыру, жаңа жобаларды іске асыру және талапкерлерге көрсетілетін қолдау бағыттары бойынша пікір алмасылды.

Кездесудің негізгі мақсаты – екіжақты ынтымақтастықты нығайту, болашақ мамандарды даярлауда тәжірибе алмасуды дамыту, сондай-ақ Маңғыстау жастарына берілетін білім беру гранттары жөнінде толық ақпарат ұсыну болды. Бұл бастама болашақ студенттерге сапалы білім алуға қосымша мүмкіндік беріп, олардың кәсіби бағдарын дұрыс таңдауға ықпал ететіні атап өтілді.

Сонымен қатар колледж өкілдері Ақтау қаласына қарасты бірқатар мектеп директорлары және Оқушылар сарайының басшыларымен арнайы кездесу өткізіп, оқу-тәрбие бағыты бойынша өзара байланыс орнатты.

Кездесу соңында колледж делегациясы тараптармен бірлескен жаңа бастамаларды жүзеге асыруға және өңір жастарына жан-жақты қолдау көрсетуге дайын екендіктерін жеткізді.

«Shymkent» jogary pedagogikalyq kolledjінде «Білім және еңбек — стратегиялық құндылық: адами капиталды дамыту» тақырыбында мазмұнды семинар өтті.
Іс-шара барысында білім мен еңбектің қоғамдағы маңызы, жастардың кәсіби дамуы, сондай-ақ адами капиталды нығайтудың өзекті бағыттары талқыланды. Қатысушылар өзара пікір алмасып, тәжірибелерімен бөлісті. Семинар білімге деген қызығушылықты арттыруға, еңбекке деген жауапкершілікті күшейтуге бағытталды.