okmpu_pedagogika

Педагогика кафедрасының оқытушысы Баймахова Ақнұр Шүленқызы, Созақ ауданы, Сызған елді мекенінде орналасқан Қ.Рүстемұлы және Ғ.Мұратбаев мектептерінде кәсіби бағдар жұмысын жүргізіп келді.

Педагогика кафедрасында 6В01801 – «Әлеуметтік педагогтарды даярлау» білім беру бағдарламасы бойынша 4 курс студенттерінің диплом алды практикасы оқу жоспарына сәйкес толық көлемде және белгіленген мерзімде сәтті аяқталды.
05.05. 2026ж. күні кафедра жоспарына сәйкес дипломдық жұмыстарды (жобаларды) алдын-ала қорғау рәсімі ұйымдастырылып, өткізілді. Дипломдық жұмысты алдын-ала қорғау практика базасы С.Ерубаев атындағы №24 ІТ мектеп-лицейі мен университет қабырғасында жүргізілді. Алдын-ала қорғау барысында студенттер өздерінің дипломдық жұмыстарының өзектілігін, мақсаты мен міндеттерін, зерттеу нысаны мен пәнін, қолданылған әдістерін, сондай-ақ алынған нәтижелер мен қорытындыларын жан-жақты баяндап, презентациялар ұсынды.
Комиссия мүшелері тарапынан студенттердің ғылыми-зерттеу жұмыстарының мазмұнына, теориялық және практикалық маңыздылығына қатысты сұрақтар қойылып, тиісті пікірлер мен ұсыныстар берілді. Білім алушылар қойылған сұрақтарға жауап беріп, өз жұмыстарының мазмұнын жеткілікті деңгейде меңгергенін көрсетті.

Педагогика кафедрасың ага оқытушылары Абишева Лаззат Пирназаровна, Ортаева Акмарал Сапаралиевна, Шарапова Наргиза Мухиддиновналар Түркістан облысы, Сайрам ауданы, Карабулак ауылдарындағы мектептерде кәсіби бағдар жұмыстарын жүргізді.

Педагогика кафедрасың оқытушылар Махмутова Г. И., Қуатова Ж.Ж., Ахметова Э.К. Түркістан облысы, Сайрам ауданы, Ақсукент және Манкент ауылдарындағы мектептерде кәсіби бағдар жұмыстарын жүргізді.

Саттар Ерубаев атындағы №24 IT мектеп-лицейінде кәсіби бағдар беру жұмыстары жүйелі түрде жүзеге асырылуда. Аталған бағыттағы іс-шаралар кафедра меңгерушісі Оразова А.О., п.ғ.к., аға оқытушы Есім Ұ.Ә. жетекшілігімен және 1801-14 оқу тобы студенттерінің белсенді қатысуымен ұйымдастырылды.
Іс-шара барысында оқушыларға заманауи мамандықтардың ерекшеліктері, еңбек нарығындағы сұраныс, сондай-ақ кәсіби өзін-өзі анықтаудың маңыздылығы жан-жақты түсіндірілді. Теория мен тәжірибені ұштастырған мазмұнды кездесулер оқушылардың болашақ мамандыққа деген қызығушылығын арттырып, саналы таңдау жасауына бағыт берді.
Мұндай кәсіби бағдар беру жұмыстары – білім алушылардың тұлғалық дамуына ықпал етіп, олардың болашаққа деген сенімін нығайтатын маңызды қадамдардың бірі.