Жаһанша Колледжі

2025–2026 оқу жылының 12 маусым күні «Жаһанша балғындары» жазғы мектебінің жоспарына сәйкес «Жаһанша қырандары» тақырыбында патриоттық іс-шара ұйымдастырылды. Іс-шараны Дене шынықтыру және спорт кафедрасы мен алғашқы әскери дайындық пәнінің оқытушысы Думан Русланұлы өткізді.
Шараның негізгі мақсаты – білім алушылардың Отанға деген сүйіспеншілігін арттыру, әскери-патриоттық тәрбие беру, салауатты өмір салтын насихаттау және жастардың бойында жауапкершілік, тәртіп пен көшбасшылық қасиеттерді қалыптастыру болды.
Іс-шара барысында қатысушылар түрлі спорттық жарыстарға, әскери-спорттық эстафеталарға қатысып, өздерінің ептілігі мен шапшаңдықтарын көрсетті. Сонымен қатар патриоттық тақырыпта әңгіме жүргізіліп, жастарға ел қорғаудың маңыздылығы мен азаматтық борыш туралы түсініктер берілді.
«Жаһанша қырандары» іс-шарасы қатысушылардың белсенділігін арттырып, олардың патриоттық рухын нығайтуға және ұжымдық бірлікті қалыптастыруға ықпал етті.

2026 жылдың 12 маусым күні колледжіміздің Студенттер үйінде «Заң мен Тәртіп» қағидаты аясында студенттермен кездесу ұйымдастырылды. Кездесуге Серікұлы Орынбек қатысып, жастар арасында құқықтық мәдениетті қалыптастыру, заң талаптарын сақтау және құқық бұзушылықтың алдын алу мәселелері бойынша түсіндіру жұмыстарын жүргізді.
Кездесу барысында студенттерге құқықтық жауапкершілік, кәмелетке толмағандар арасындағы құқық бұзушылықтың алдын алу, интернет алаяқтық, дропперлік әрекеттердің зардаптары және қоғамдағы тәртіп пен қауіпсіздікті сақтау мәселелері туралы кеңінен ақпарат берілді. Сонымен қатар студенттер өздерін қызықтырған сұрақтарын қойып, нақты жауаптар алды.
Іс-шараның мақсаты – жастардың құқықтық сауаттылығын арттыру, заңға құрметпен қарау мәдениетін қалыптастыру және азаматтық жауапкершілікті нығайту болып табылады. Кездесу студенттер үшін танымдық әрі пайдалы форматта өтті.

Жаһанша Досмұхамедов атындағы жоғары педагогикалық колледжінде «Жаһанша балғыны» жазғы мектеп бағдарламасы бойынша 09.06.2026 күні “Риторика” пәні бойынша танымдық іс-шара өткізілді. Мақсаты: қатысушылардың шешендік өнерге қызығушылығын арттыра отырып, мақал-мәтелдер мен жұмбақтар арқылы ұлттық құндылықтарды насихаттау.Танымдық іс-шара өзара байланысқан бірнеше тәрбиелік сабақтар мен белсенді ойындар желісінен құралды. Алғашқы кезеңде балалардың көңіл-күйін көтеру мақсатында арнайы сергіту сәті ұйымдастырылып, оқушылар жаңылтпаштарды мәнерлеп айтудан жарысып, түрлі жұмбақтардың шешуін тапты. Әсіресе, LearningApps цифрлық платформасы арқылы жануарлар туралы жұмбақтарды шешу балалардың ерекше қызығушылығын тудырды. Одан әрі топтық жұмыстар жүргізіліп, оқушылар өз беттерінше жұмбақ құрастыру, мақал айту тапсырмаларын орындады, сонымен қатар «Зымыран» ойыны арқылы жаңылтпаштарды жатқа айтып, есте сақтау қабілеттерін арттырды. Топтық жұмыстар барысында туған жер, еңбек, батырлық, достық, өнер және оқу-білім тақырыптарында мақал-мәтелдер жинақталып, «Сәйкестендіру» және «Кім тапқыр?» ойындары арқылы ашылды. Бұл кезеңде де Wordwall және LearningApps платформаларындағы интерактивті тапсырмалар тиімді қолданылды. Сабақ барысында шешендік өнердің қоғамдағы маңызы түсіндіріліп, қазақтың атақты Майқы би, Төле би, Қазыбек би және Әйтеке би секілді ұлы тұлғаларының нақыл сөздеріне талдау жасалды. Оқушылар «Хан мен би», «Шешендік сөздерді тап», «Құпия сандықша» және «Сиқырлы микрофон» ойындары арқылы өз ойларын еркін әрі ашық жеткізуге машықтанды. Сабақтар арасында балалардың шаршауын басып, белсенділігін арттыру үшін көңілді үзілістер жарияланып, түрлі қозғалыс ойындары ойналды, тәттілер үлестірілді.