Өрлеу Қызылорда

«Өрлеу» біліктілікті арттыру ұлттық орталығы» АҚ «Қызылорда облысы бойынша Кәсіби даму институты» филиалының директоры болып Нұрлыбаева Жанат Лесбекқызы тағайындалды.

Нұрлыбаева Жанат Лесбекқызы 1996 жылы Ы.Алтынсарин атындағы Арқалық педагогикалық институтын «Қазақ тілі мен әдебиеті» мамандығы бойынша бітірген, педагогика ғылымдарының магистрі.

1996 жылы еңбек жолын Сарыағаш ауданындағы Т.Бердияров атындағы жалпы орта мектебінде қазақ тілі мен әдебиеті пәні мұғалімі ретінде бастап, 2007 жылдан бері педагогтердің біліктілігін арттыру жүйесінде ұзақ жылдар бойы үздіксіз қызмет етті.

2023-2025 жылдары «Түркістан облысы және Шымкент қаласы бойынша кәсіби даму институты» филиалының Түркістан облысы бойынша өкілдігінің басшысы лауазымын абыроймен атқарды.

Жанат Лесбекқызы ҚР Білім және ғылым министрінің Құрмет грамотасымен, «Қазақстан Тәуелсіздігіне 30 жыл» мерекелік медалімен марапатталған. Қазақ тілі мен әдебиеті пәні мұғалімдерінің біліктілігін арттыруға арналған бірнеше білім беру бағдарламаларының авторы.

Әріптесімізге жаңа қызметінде толағай табыс, шығармашылық серпін және жарқын жетістіктер тілейміз!

💼Мемлекеттік қызметшілер күні құтты болсын!

Мемлекеттік қызмет – ел дамуы мен қоғам игілігі жолындағы жауапты әрі маңызды миссия. Бүгінде мемлекеттік қызметшілер білім беру жүйесін жетілдіруге, сапалы білімге қолжетімділікті арттыруға және адами капиталды дамытуға өлшеусіз үлес қосып келеді.

Әсіресе білім саласындағы мемлекеттік саясатты жүзеге асыру, педагогтердің кәсіби дамуын қолдау және білім беру сапасын арттыру бағытындағы жүйелі жұмыстар – еліміздің жарқын болашағына салынған инвестиция.

Осы айтулы күні барлық мемлекеттік қызметшілерге зор денсаулық, толағай табыс, кәсіби жетістіктер және ел игілігі жолындағы жауапты қызметтеріне табыс тілейміз!

Мерекелеріңіз құтты болсын!