Ақмола «Өрлеу»

📌Өрлеу» Басқарма төрағасы Қостанай облысындағы филиалдың жұмысымен танысты

🔹ҚР Оқу-ағарту министрлігінің «Өрлеу» біліктілікті арттыру ұлттық орталығы» АҚ Басқарма төрағасы Галымжан Алматов Қостанай облысы бойынша Кәсіби даму институты филиалына жұмыс сапарымен келді. Сапар барысында филиал қызметінің негізгі бағыттарына талдау жүргізіліп, инфрақұрылымдық жағдайы мен кадрлық әлеуеті зерделенді.

🔹Жұмыс барысында филиалдың материалдық-техникалық базасы, оқу аудиторияларының жабдықталуы, цифрлық білім беру ортасы және педагогтердің біліктілігін арттыруға жасалған жағдайлар қарастырылды. Сонымен қатар білім беру үдерісінің ұйымдастырылуы мен оның заманауи талаптарға сәйкестігіне назар аударылды.

🔹Филиал басшылығымен өткен кездесуде Қостанай облысы бойынша Кәсіби даму институтының директоры Гульвира Айдархановна өңірлік филиалдың қызметі, қол жеткізген нәтижелері, жетістіктері, өзекті мәселелері мен даму стратегиясы туралы баяндады. Ал «Өрлеу» ұлттық орталығының Стратегия және халықаралық ынтымақтастық департаментінің директоры Рахимбекова Асель Ермековна филиал қызметін одан әрі дамыту бағыттарына тоқталды.

🔹Сапар барысында бірқатар әкімшілік-шаруашылық мәселелер қаралып, олар бойынша нақты шешімдер қабылданды. Әсіресе филиал ғимаратының құқықтық тиістілігіне қатысты 14 жылдан бері шешімін таппай келе жатқан мәселе көтеріліп, Басқарма төрағасы аталған түйткіл бойынша нақты шешім қабылданып, мәселені оңтайлы реттеу бағытында жұмыстар жүргізілетінін атап өтті.

🔹Сондай-ақ қызметкерлер және тренерлер құрамымен кездесулер өткізіліп, педагогтердің кәсіби дамуы, өңірлік сұраныстар мен білім беру сапасын арттыру мәселелері талқыланды.

🔹Іссапар қорытындысы бойынша филиал қызметінің тиімділігін арттыру, үздік тәжірибелерді тарату, өңірлік қолдау жұмыстарын күшейту және филиалдың тұрақты дамуын қамтамасыз ету бойынша бірқатар міндеттер айқындалды.
Reposted from

📘 Жаңа Конституция – білім беру жүйесін дамытудың жаңа кезеңі Оқу-ағарту министрі Жұлдыз

Сүлейменованың қатысуымен министрліктің басшылық құрамы мен ведомстволық ұйымдар жетекшілерінің жұмыс кездесуі өтті.

🔹Жиында білім беру жүйесін дамытудың басым бағыттары, алдағы міндеттер және ұйымдар жұмысының тиімділігін арттыру мәселелері қаралды.

🔹 Кездесудің өзекті тақырыптарының бірі – 1 шілдеден бастап күшіне енетін Жаңа Конституция болды. Қатысушылар құжаттың негізгі қағидаттарымен танысып, оның білім беру жүйесінің дамуына ықпалы мен нормаларын іске асырудың нақты тетіктерін талқылады.

🔹Жаңа Конституция – білім беру жүйесін жаңғыртуға бағытталған маңызды құқықтық негіз. Оның қағидаттарын тиімді жүзеге асыру саладағы оң өзгерістердің қарқынын арттыруға мүмкіндік береді.

🔹Кездесу соңында қатысушыларға Жаңа Конституцияның даналары табысталды.
〰️〰️〰️
📘 Новая Конституция — новый этап развития системы образования

Состоялась рабочая встреча руководящего состава Министерства просвещения и руководителей подведомственных организаций с участием министра просвещения Жулдыз Сулейменовой.

🔹 В ходе встречи были рассмотрены приоритетные направления развития системы образования, задачи на предстоящий период, а также вопросы повышения эффективности деятельности организаций.

🔹 Одной из ключевых тем встречи стала Новая Конституция, которая вступит в силу с 1 июля. Участники ознакомились с основными принципами документа, обсудили его значение для дальнейшего развития системы образования и конкретные механизмы реализации предусмотренных норм.

🔹 Новая Конституция является важной правовой основой для модернизации системы образования. Эффективное внедрение ее положений будет способствовать ускорению позитивных преобразований в отрасли.

🔹 В завершение встречи участникам были вручены экземпляры Новой Конституции.
Reposted from

Акмола облысы бойынша АҚ «БАҰО «Өрлеу» филиалының директоры Жанна Байгаринова және филиалдың аға оқытушысы Жанар Жамантаева «AMANAT» партиясының Көкшетау қалалық филиалының I сайлау конференциясына қатысты. Партия филиалының төрағасы болып Тілеген Аманкелді тағайындалды.
Күн тәртібінің негізгі мәселесі «AMANAT» партиясының Көкшетау қалалық филиалын құру және партияның Саяси кеңесінің құрамын сайлау болды. Жанна Қалымқановна мандаттық комиссияның құрамына кірді.

🇰🇿 Тәуелсіз еліміздің рәміздері күні құтты болсын!

Мемлекеттік Ту, Елтаңба және Әнұран – Тәуелсіздігіміздің басты нышандары, елдік пен бірліктің, тарих пен тағылымның символы.

Өскелең ұрпақтың бойына Отанға деген сүйіспеншілік пен мемлекеттік рәміздерге құрмет сезімін қалыптастыруда педагогтердің рөлі ерекше. Патриоттық тәрбие – ұлттық құндылықтарды дәріптеуден, ел тарихын құрметтеуден және мемлекеттік рәміздерді қадірлеуден басталады.

Еліміздің еңсесі биік, бірлігі бекем болсын. Мемлекеттік рәміздерімізге деген құрмет әрдайым артып, көк байрағымыз бейбіт аспан астында асқақтай берсін!
Reposted from