Республиканский Высший Медицинский Колледж

Республикалық жоғары медициналық колледжінде Наурыз мейрамы кеңінен атап өтілді.
Ұлыстың ұлы күніне арналған мерекелік шара ұлттық салт-дәстүрлерді дәріптеп, ерекше сән-салтанатымен өтті.

Іс-шара барысында студенттер мен оқытушылар ұлттық киім киіп, қазақтың әдет-ғұрыптарын насихаттайтын көріністер көрсетті. Күй тартылып, ән шырқалып, ұлттық ойындар ұйымдастырылды.

Мерекелік дастарқан жайылып, көпшілікке ұлттық тағамдар ұсынылды. Бұл күн – бірлік пен татулықтың, жаңару мен жақсылықтың символы ретінде қатысушыларға ерекше көңіл-күй сыйлады.

Осындай игі шаралар жас ұрпақтың ұлттық құндылықтарға деген құрметін арттырып, рухани тәрбиесіне зор үлес қосады.

Шашбау – қазақ қызының сұлулығы мен нәзіктігінің белгісі.
22 Наурыз – жаңару, татулық және бірліктің мерекесі.
Ұлттық дәстүріміз мәңгі жасасын!

Баршаңызды Ұлыстың ұлы күні -
Наурыз мерекесімен шын жүректен құттықтаймыз! Әр шаңыраққа бақыт, береке, молшылық тілейміз!

Құрметпен, РЖМК Студенттік парламенті

Наурызнаманың 10 күндігі шеңберінде Студенттік парламент мүшелері игі іс жасап, колледж ұстаздарына су таратты.

Бұл бастама – қайырымдылық пен жанашырлықтың, бірлік пен мейірімнің жарқын көрінісі. Ұлттық құндылықтарды дәріптеген бұл іс-шара Наурыз рухын одан әрі айшықтай түсті.
Жақсылық жасау – әр жүректен басталады.

8 наурыз – Халықаралық әйелдер күніне орай Республикалық жоғары медициналық колледжінің ерлер қауымы колледждің аяулы аруларын көктемнің шуақты мерекесімен шын жүректен құттықтайды.

Сіздер – мейірім мен нәзіктіктің, парасат пен көркемдіктің символысыздар. Колледж өміріндегі еңбектеріңіз, қамқорлықтарыңыз бен жылы жүздеріңіз ұжымға ерекше жылылық пен үйлесім сыйлайды.

Осы айтулы мереке күні барлық нәзік жандарға зор денсаулық, мол бақыт, отбастарыңызға амандық, еңбектеріңізге толағай табыс тілейміз. Әрдайым жүздеріңізден күлкі кетпей, көктемнің шуағындай жарқырап, өмірлеріңіз қуаныш пен шаттыққа толы болсын! 🌷🌸