NURORDA ALMATY

NURORDA ALMATY мектебі үшін маңызды әрі тарихи жаңалық. Мектебімізге ресми түрде ЮНЕСКО клубы мәртебесі берілді.

ЮНЕСКО клубының мүшесі атану үлкен мәртебе ғана емес, сонымен қатар халықаралық жобаларға қатысуға, мәдениетаралық байланысты нығайтуға және әлемдік білім беру кеңістігімен тәжірибе алмасуға жол ашады.

Осы жетістікке жетуде мектебіміздің волонтерлер клубының еңбегі ерекше. Қоғамдық жұмыстарға белсенді қатысып, қайырымдылық пен адамгершілік құндылықтарын насихаттап жүрген оқушыларымыз бен жетекшілеріміздің еңбегі осы мәртебеге қол жеткізудегі маңызды қадамдардың бірі болды.

Мектебіміздің дамуына үлес қосып жүрген барша ұстаздарымызға, оқушыларымызға алғыс білдіреміз.

1-сыныпқа қабылдау аясында болашақ сынып жетекшілерімен таныстыруды жалғастырамыз.

Бүгін сіздерді бастауыш сынып мұғалімі, педагог-зерттеуші, 20 жылдық тәжірибесі бар Шәкірбаева Венера Серікқызымен таныстырғымыз келеді.

Ұстаздың басты мақсаты — әр баланың қабілетін ашып, білімге деген қызығушылығын арттыра отырып, мектепке деген сүйіспеншілігін қалыптастыру. Сабақ барысында оқушының өзін еркін сезініп, сеніммен дамуына ерекше көңіл бөлінеді.

NURORDA ALMATY бастауыш мектебінде біз тек білім беріп қана қоймай, әр баланың тұлға ретінде қалыптасуына жағдай жасаймыз.

Алдағы уақытта сіздерді өзге де сынып жетекшілерімен таныстыруды жалғастырамыз.

Баршаңызды келе жатқан мерекелермен құттықтаймыз!
Демалыстарыңыз көңілді, жарқын әрі есте қаларлықтай өтсін 😉

Литва, Вильнюс қаласында өткен 1st European Mathematical Olympiad (EMO) халықаралық олимпиадасында Қазақстан ұлттық құрамасы тарихи нәтижеге қол жеткізді.

Еуропаның жетекші білім жүйелері арасындағы беделді зияткерлік додада ел намысын қорғаған үздік оқушылар қатарында NURORDA ALMATY мектебінің оқушылары да лайықты өнер көрсетті.

Халықаралық деңгейдегі бәсекеде біздің оқушыларымыз:

🥈 Ағыбаев Ануар — күміс медаль
🥈 Алтынбек Ерасыл — күміс медаль
⭐️ Ашкен Ильяс — құрмет грамотасы

Бұл — терең білімнің, табандылықтың және
жүйелі академиялық дайындықтың нәтижесі ғана емес, сонымен қатар қазақстандық оқушылардың
әлемдік деңгейдегі зияткерлік әлеуетінің айқын көрінісі.

NURORDA ALMATY өз оқушыларының жоғары жетістіктерін мақтан тұтады және оларды шын жүректен құттықтайды!

Жаңа белестер мен халықаралық жеңістер жалғасын таба берсін!

1 мамыр — Қазақстан халқының бірлігі күніне орай
NURORDA ALMATY мектебінде бастауыш буын ұйымдастырған мерекелік концерт өтті.

Сахнада оқушыларымыз:
✦ өз өнерлерін көрсетіп, шығармашылық нөмірлер ұсынды
✦ жобаларын қорғап, білімдері мен қабілеттерін танытты
✦ бірлік пен достықтың жарқын үлгісін көрсетті

Оқушыларды дайындап, үлкен еңбек сіңірген
English Department мұғалімдеріне шынайы алғысымызды білдіреміз.
Сіздердің қолдауларыңыз бен кәсібиліктеріңіздің арқасында балалар өз өнерлерін толық көрсете алды.

Бұл күн — бірлік пен ортақ құндылықтардың айқын көрінісі болды.

Баршаңызды 1 мамыр мерекесімен шын жүректен құттықтаймыз!
Бірлігіміз бекем, болашағымыз жарқын болсын!

NURORDA ALMATY оқушысы Аяулым Сабитова Испаниядағы беделді IE University ұйымдастырған халықаралық бағдарламаға іріктеуден өтіп, Орталық Азиядан қабылданған алғашқы студент атанды.

Қатаң іріктеу, халықаралық деңгейдегі мүмкіндік, Мадридке толық қаржыландырылған сапар — мұның бәрі үлкен еңбектің нәтижесі.

QS халықаралық рейтингінде әлем бойынша TOP-2 MBA бағдарламасына ие университеттің қатаң конкурсында Аяулым үздіктер қатарынан көрінді.

Қатаң іріктеу, халықаралық деңгейдегі мүмкіндік, Мадридке толық қаржыландырылған сапар — мұның бәрі үлкен еңбектің нәтижесі.

Осындай жетістікпен Аяулымды және оның отбасын шын жүректен құттықтаймыз және жаңа биіктер тілейміз!