Meruert USTAZ

Келіп жеткен қасиетті Рамазан айы құтты болсын. Сауаптар еселеп жазылатын осынау ерекше айды Алла баршамызға барынша құлшылықта өткізуді нәсіп етсін. Шайтандар кісенделіп, күні мен түні берекеге толы, мол мүмкіндіктерге жол ашылған, 11 айдың сұлтаны, Қасиетті Құран түскен Рамазан айы тек тамақтан тыйылу емес, сондай-ақ жанымызды жаман әдеттерден тазалау, рухани тазару арқылы Аллаға жақындай түсу айы. Ол үшін Алланы көп зікір етіп, истиғфар айтып, ардақты Пайғамбарымызға (с.а.с) салауат айтып, Құран оқып, садақа беріп, нәпіл намаз оқу керек. Сонымен қатар бұл айда осынау құлшылықтарды көп әрі жиі орындау арқылы бір адым алға жылжисыз, кемелдене түсесіз. Себебі 30күн бойы осы игі амалдарды барынша үзбей шынайы ниетпен орындасаңыз, әдетке айналуы мүмкін. Намаз оқымасаңыз намазға бастаңыз, Құран оқып үйреніңіз, Алланың 99 есімін жаттаңыз, салауат, зікір, истиғфар айтуды арттырыңыз, т.б. Қалай болғанда да Рамазан мүмкіндіктер айы. Алла тағала «Егер адам шынайы иманмен және сауабына жету мақсатымен Рамазан оразасын ұстап, тарауих намазын оқыса, шешесінен туған күндегідей күнәсіз болады» (Ахмед бин Ханбәл; Нәсәи). Алла баршамызға осындай дәрежеге жетуді нәсіп етсін!🤲

Намаз оқитын әрбір мұсылман намазда тұрғанда қасиетті Құран аяттарын оқиды. Алайда оқып жатқанының мағынасын біліп жатқан қанша адам бар?! Мағынасы не деп кейде бір ой елең ете қалар. Құраннан қазақша мағыналық аудармасын да оқитындар бар. Дегенмен сол оқығанының қаншасын түсініп жатыр?! Бұл аяттардың мағынасын білу маңызды ма деп ойлауларыңыз мүмкін. Елестетіп көріңізші: қазақ тілін білмейтін адамға барып қазақша сөйлесеңіз ойыңызды жеткізе аласыз ба немесе керісінше, біреу сізге келіп сіз білмейтін тілде сөйлесе қандай сезімде боласыз?! Ал намаз дегеніміз белгілі бір уақытта орындалатын өзінің белгілі бір қимылдары бар жай ғана құлшылық емес, ол - Алламен тілдесу, Жаратушымыздың құызырында болу. Сол кезде сіз оқып тұрғаныңыздың мағынасын білсеңіз бәлкім оқып жатқан намазыңыздың сіз үшін мәні өзгерер. Не айтып жатқаныңызды біліп тұрғандықтан басқа сезімде боларыңыз сөзсіз.
Сол себепті әр түрлі діни еңбектерге сүйене отырып сіз бен біздің осы дүниеміз бен ақыретімізге пайдасы тиер деген ниетпен алдағы уақытта көпшілік намазда оқитын сүрелердің тәпсірімен таныстыруды қолға алдым. Алла баршамызға пайдалы ілім нәсіп етсін.

#тәпсір #құран #коран