خواطر هاله سامي

مليووووووون مبرووووك ليكم ولأولادكم جميعًا وربنا يوفقهم في اللي جاي
،، التايم لاين حاجة تفرح حقيقي
💕🫶🏻🌷🙌🏻👏🏻🌱

ألف مليوووووووون مبروووك لكل الأحبة النجاح في الثانوية العامة وعقبال الجامعة ..
أيًا كانت النتيجة والدرجات افرحوا وانبسطوا باجتياز مرحلة هي أشبه بعنق الزجاجة .. طالما (اجتهدت) (وسعيت) يبقى ملكش دعوة بالنتيجة .. كله توفيق من عند الله ..
فكروا في اللي جاي بقه واختاروا تدرسوا حاجة من اثنين ..الأولى هي( كلية القمة)
وكلية القمة بالنسبة لكل إنسان بتختلف ..
كلية القمة هي إنك تدرس حاجة بتحبها وعندك شغف وطموح فيها علشان تبدع وتتميز في مجالك وتفيد نفسك واخواتك وأهلك وحبايبك والمجتمع والناس 🤗
فالدنيا مليانة عظماء مش كلهم مهندسين
ولا كلهم أطباء ومدرسين 😉
ومش لازم أكون زي فلان وعِلان وترتان
ولا لازم أحقق رغبة بابا أو ماما اللي كان نفسهم يحققوها زمان
ولا لازم تبص لحد قريبك ولا تقلد ولاتقارن نفسك بحد أصلًا ياموزمازيل ولا أنت كمان يامان ...
كلامي موجه لكل إنسان ..خريج ثانوي طموح (ومش غلبان)
المهم تكون نفسك ..نفسك وبسسسس يافنان

ثاني اختيار هو إنك تدرس حاجة عملية من متطلبات السوق وتفكر في عالم التكنولوجيا و المستقبل الرقمي والذكاء الصناعي ... اللي خلاص بيقنن كتير وظايف على أرض الواقع ..

📌ملحوظة مهمة جدًا حتى لو مجموعك كبير أوعى تفكر بطريقة إنك مستخسر المجموع ده في أي كلية بتاخد أقل من مجموعك فبالتالي هتدخل كلية من اللي المجتمع مصنفها كلية قمة والسلام .. لو مكنتش بتحبها وعندك الرغبة فيها من الأساس ، يبقى العيب الحقيقي إنك تدخلها وتفشل فيها بعدين وتكون عالة على المجتمع بالجرايم اللي هترتكبها في حقه

((كلية القمة أنت اللي بتصنعها بتفوقك فيها))
وبالتوفيق في اللي جاي يارب ..
أي نعم يابخت اللي شغفه وطموحه يطلع هو دراسته وشغله👌👌 ..
وده اجتهاد وعزم وتوفيق وفرص ..✌
📌 لكن لو محصلش اللي فات ... ماتقعدش تندب حظك وتقول ده مش مجموعي مش ده اللي كنت متوقعه ... لو عندك تظلم ومتأكد إن دي مش درجتك روح قدم تظلم .. لو اجتهدت بس الامتحان حسيته ظلمك فخلاص .. كل الأمور خير
ويبقى كده عندنا اختيار ثالث
(( اصنع أنت الفرصة بنفسك واغتنمها ))
المهم تكون ذكي وتفكر كويس
مابين إنك تلحق بالركب وتفكر كويس في الفرص اللي التنسيق حددها ليك وإيه الأنسب لخططك المستقبلية وممكن تطلع منها على فين .. ومابين إنك لازم تاخد كورسات تدعمك وتقوي اللغة الأجنبية عندك وكمان تصقل مهارات التكنولوجيا عندك ..
فكر في المختلف
واعملك CV محترم لنفسك خلال فترة دراستك
ده غير إنك ممكن تدور على فرص عمل أثناء الجامعة منها تطور مهاراتك وتتعرف على ناس وتوسع دايرة معارفك وتحتك بسوق العمل في نفس ذات الوقت وتساعد نفسك وأهلك ..لو ده صعب أثناء الدراسة يبقى ممكن تخليها في فترات الأجازة 👍

ونداء من القلب لكل أسرة في بيتها خريج ثانوي👈 ولادكم أهم من كل الدرجات
((نعم الأهل اللي تدعم أولادها نفسيًا قبل أي شيء ))

🫶هحكيلكم موقف عميق🫶
والدي الله يرحمه كان بيقولي لما أخرج من الإمتحان متضايقة((والله لو شيلتي المادة دي أوسقطي لأكون جايبلك حاجة ذهب ، أنتِ عملتي اللي عليكي وتعبتي ، الموضوع بقه توفيق ونصيب ))
أنا طبعا كنت بعيط واقوله أنت بتقول كده علشان تهديني لكن أنا ما أستاهلش حاجة
والحقيقة يوم النتيجة كان ربنا بيوفقني وبطلع من الأوائل وأرتب على الدفعة كمان
وساعتها كان والدي معايا بنشوف النتيجة سوا، وفرحته كانت كبيرة ، فقلت الحمد لله..إيدك بقه على الهدية ياسمسم
رد وقال: ((لا أنا قلت لو شيلتي المادة هجيب حاجة دهب مش لو نجحتي وطلعتي من الأوائل))
ساعتها كنا نتخانق بضحك وهزار وفرحة😇 وبردوا كنت بقوله هتجيب الهدية بمزاجك أو بمزاجك بردو اختار اللي يعجبك😄
شفتوا.. مش الدرجات هي اللي باقية خالص
ده الحاضر الغائب (بابا سامي الله يرحمه) هو اللي باقي
هو اللي كلماته كانت الدينامو بالنسبة لي على مدار حياتي
وكان حافز أكبر وثقة ودافع إني لازم أعمل كل اللي في وسعي علشان أسعده هو وماما حبيبتي

خلاصة الكلام
كل التوفيق في اللي جاي
اللهم اقدر لهم الخير حيث كان ثم راضهم به وأنفع بهم يارب🤲🏻
ومليون مبرووووك تاني وتالث ورابع لكل طالب وطالبة ولكل أسرة مصرية أصيلة وقفت وتعبت وضحت بالغالي والنفيس
ربنا يسعد قلوبكم يارب
ياحبايب افرحوا وانبسطوا بكل مرحلة في حياتكم حتى لوصعبة✌
واسأل واستشير .. فماخاب من استشار

سلامووووعليكوووو
اللي عاوز يشير البوست يفيد بيه حد ..
فالشير مفتوح اتفضلوا 💞





#تنسيق
#جامعات

مسابقة
يمكنكم المشاركة في مسابقة مصر تقرأ من خلال ملء الاستمارة الإلكترونية👇
https://docs.google.com/forms/d/1e81RF9cd-HvlIKwlzZ62WY1K9zypuuwasEslOYwcsdo/edit

⛔ ولمعرفة تفاصيل أكثر عن المسابقة في أول تعليق.



المشاركة ب 👈🏻كتب وزارة الثقافة والهيئات التابعة لها فقط وهي
هيئة الكتاب
هيئة قصور الثقافة
المجلس الأعلى للثقافة
المركز القومي لثقافة الطفل
المركز القومي للترجمة
دار الكتب والوثائق

أحدث إصدارات الهيئة متوفرة حاليا بمنفذ البيع الرئيسي بشارع أمين سامي قصر العيني القاهرة،
وبمسرح السامر بالعجوزة،
وقصر السينما بجاردن سيتي،
ومنفذ أكاديمية الفنون بالهرم الجيزة،
وسور الأزبكية بجوار مترو العتبة..
وقريبا سيتم الإعلان عن خريطة معارض الهيئة بالمحافظات👌

((متابعونا)) 📣
يمكنكم المشاركة في مسابقة مصر تقرأ من خلال ملء الاستمارة الإلكترونية👇
https://docs.google.com/forms/d/1e81RF9cd-HvlIKwlzZ62WY1K9zypuuwasEslOYwcsdo/edit

⛔ ولمعرفة تفاصيل أكثر عن المسابقة في أول تعليق.

تقبل الله طاعتكم ..وكل عام وأنتم بخير وسعادة ورضا من رب العالمين 🌷🌷

اللهم بحق هذا اليوم المشهود ..اجمعنا في جنتك في اليوم الموعود 🤲🏻

ادعوا الله وأنتم موقنون بالإجابة ...فدعاء يوم عرفة مستجاب بإذن الله 🤲🏻

https://youtu.be/-5vSGGQpGNY
سباستيان ويوم عرفة ..إيه علاقة الأثنين ببعض ؟!
تقبل الله طاعتكم..لاتنسونا من صالح دعائكم 🌷🌷

استراتيجية سباستيان للفوز بيوم عرفة قصة ملهمة ومحفزة ترويها هاله سامي للفوز ب قصة ملهمة ومحفزة ترويها

كَبِّروا .. لِيبلّغ تكبيركم عنان السماء ،
كَبِّروا .. فلنـا ربّ ٌ يستحـق الثنــاء ،
أحيــوا سنـة التكــ«اللّٰهُ أكبرُ»ـبير
في هــذه العشــر ...

دعوة لمشاهدة فيلم: Last Film Show (2021)
للمخرج الهندي: Pan Nalin
تناقش الفيلم: هاله سامي

فاز الفيلم بـ 8 جوائز ، كما رشح لـ 5 جوائز أخرى، مدته 110 دقيقة، إنتاج مشترك هندي، فرنسي، وأمريكي، ناطق باللغة الكجراتية، مترجم للعربية.

يوم (السبت) الموافق 8/6/2024، في تمام الساعة 6:30 م.

مسرح كاب ـ ديزاين ديستريكت
الشويخ الصناعية 2 - مقابل إدارة الهجرة - الميزانين

شكرًا جريدة النهار وللأستاذ الفاضل محمد سمير
على تغطية الأنشطة السينمائية
لسلسلة أفلام الأنمي التي ناقشناها مع الأطفال في نادي ميزانسين السينمائي بالتعاون مع منصة الفن المعاصر كاب
خلال شهر رمضان المبارك ....
وجب التنويه لحذف أجزاء مهمة من الحوار
أن أفلام الأنيميشن الثلاثة كانت (سعودية ..إماراتية ... مصرية )
قراءة ممتعة🌷🌷

الأديبة هالة سامي: النشاطات الخليجية بالسينما في تطور كبير أكدت الكاتبة الناقدة السينمائية هالة سامي أهمية  ...

💌إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا 💌