Mo2sst Altalp

سجل الأن لجميع المراحل التعليمية ( إبتدائي - متوسط - ثانوي ) للمدارس الحكومية و الخاصة مع خصم 50% لفترة محدودة لجميع المواد .

📍 دراسة ما تبقى من المنهج

📍 مراجعة مكثفة للمنج

📍 دراسة الأختبارات القصيرة

📍 مراجعة ليلة الأختبار

للتواصل 🤳 66126881

تهنئ مؤسسة الطالب التعليمية دولة الكويت والمواطنين والمقيمين بمناسبة
كل عام ودولة الكويت وأميرها في حفظ الله ♥

اخر تعديل لجدول امتحانات نصف العام للمرحلة الثانوية

صف ١٢ #احياء

المرة اللي فاتت اتكلمنا عن الحاجات اللي بتتشابه فيها الخلايا العصبية والحاجات اللي بتختلف فيها🕵🏻 وبردو اتكلمنا عن تركيب الخلية العصبية وعرفنا الألياف العصبية لما بتتجمع في الجهاز العصبي المركزي أو الطرفي بتكون ايه.
سؤال يطرح نفسه هل الخلايا العصبية بتتشابه ولا بتختلف في الشكل والوظيفة؟ ! ( نركز ونشغل الجمجمة شويه ،.
من الجزء اللي فات لو مذكرتوش هزعل ونجيب ناس تزعل 😂)
الشكل والوظيفة من الحاجات اللي بتختلف فيها الخلايا العصبية وده اللي هنعرفه دلوقتي 😎
نبدأ الأول بالأشكال :
(افتحوا صفحة 19 شكل 7 والكل يلبس نضاراته بما أنكم علمي اغلبكم لابس نضارات واللي مش بيلبس يبص هو وصاحبه في نضارة واحده علشان نركز 😂) بص متستغربش انك هتحس ان الخلايا بترقص 💃🏻💃🏻وعملا دور صافنياز 😂
اول شكل وصفه عبارة عن جسم خلية بيمتد منه استطالة واحده ( وصلة يعني ) المحور المركزي منها متصل بالنهايات المحورية والمحور الطرفي منها متصل بالزوائد الشجيرية وبما أنه استطالة واحده هسمي الشكل ده (خلايا عصبية وحيدة القطب )
تاني شكل وصفه عبارة عن جسم خليه بيمتد منه اسطتالتين (وصلتين يعني ) طرف منها هينتهي بالزوائد الشجيرية وطرف التاني بالنهايات المحورية وهسمي الشكل ده ( خلايا عصبية ثنائية القطب )
ثالث شكل وصفة عبارة عن جسم الخلية بيمتد منه عدد كبير من الاستطالات القصيرة ودي الزوائد الشجيرية ومحور في نهايته نهايات محورية وده الشكل اللي متعودين عليه للخليه العصبية بس لاسف طلع عندها أخوات هندرسهم هما كمان 😂
خلصنا الخلية العصبية واخواتها ندخل علي الشركة بتاعتهم بقي 😈 : في منصب (خلايا عصبية حسية ) هيشتغل علي فئة (خلايا وحيدة القطب وثنائية القطب )ودي دورها نقل السيال العصبي من المستقبلات الحسية الموجوده في اعضاء الحس الي الجهاز العصبي المركزي (موصلاتيه من الاخر زي ما في باص او سايق او اي حد بيخدك من المدرسة ينقلك للبيت دي وظيفتها بس بتنقل السيال العصبيه مش بتنقلك انت 😂)
في منصب ( خلايا عصبية حركية) هيشتغل علي فئة (خلايا متعددة الأقطاب ) اكمنها ليها كذه استطالة ف عاملة زي الأخطبوط بتعمل كل حاجات كتير ف وقت واحد ، تحسها بيومي فؤاد في مسلسلات رمضان 😂 ودي دورها نقل السيال العصبي من الجهاز العصبي المركزي الي الأعضاء المنفذة. (موصلاتيه بردو بس دي للجامعات بقى عشان لما تتخرج 😎)
في منصب (خلايا عصبية رابطة ) من اسمه بيربط بين العلاقات والمعاملات بين الخلايا العصبية الحسية والخلايا العصبية الحركية أو بين خليتين رابطتين بردو وهيكون من فئة (خلايا عصبية متعدده الأقطاب ) تحسه بيوفق راسين في الحلال 😂 بس الخلايا العصبيه الرابطة الراسين ممكن يزيدو معندهاش مشكله ولا حلال وحرام 😂

وهنا انتهى درسنا اعزائي واستنونا في الدرس الجاي هنبدأ نشرح صفوف تانيه و مواد تانيه وكل درس بنعمله هيكون موثق ومرتب في صفحتنا لأن شغلنا دا كله هو هدفنا

متنسوش لايك و شير وبلغو اصحابكم بمؤسستنا 😎

#احياء صف 12
تكملة درس الجهاز العصبي
المرة اللي فاتت اتكلمنا عن الجهاز العصبي بشكل عام من حيث تقسيمه والوظيفة وقولنا عليه مثال بتاع لما تتعرض للشمعة ، ومثال والجهاز العصبي للكائنات تانية .
انهارده نركز لأن هتكلم عن أصغر جزء في الجهاز العصبي وبالتفصيل من حيث الشكل والتركيب والوظيفة والمقصود بأصغر جزء هو الخلية العصبية
سريعاً كده في معلومة بتقول(إن الجهاز العصبي 10% منه خلايا عصبية و 90% غراء عصبي )
ندخل في الموضوع بقي ونركز 😎
بص يا ابني ويا بنتي الي معايا ،
احنا عارفين إن جدك جاب ابوك و ابوك جابك وانت هتجيب ابنك دي حاجه معروفه يعني اهو في الاحياء نفس الحوار ده بردو في كل حاجه بس بالعكس بدل ما نبدأ بجدك لا هنبدأ بأصغر حد ومين الي جابه :D
زي مثلا الوحدة البنائية للجسم هي الخلية والخلية دي بتجيب مجموعة خلايا ومجموعة الخلايا دي بيكونو عضو ومجموعة الاعضاء دول هيكونو الجهاز وبتكتمل عائلة ونيس دي 😂
يبقي هقول عن الخلية العصبية هي وحدات تركبية ( لأنها أصغر جزء في الجهاز ) ( ليها دور ) في الجهاز العصبي تعمل علي نقل السيلات العصبية عبر الجسم. . تمام كده خلينا دلوقتي نتفق أن انا هسمي السيال العصبي (رسالة ) بس دلوقتي عندي نقاط اختلاف ونقطة تشابه عن الخلايا العصبية.
*الخلايا العصبية بتختلف في كل حاجة زي ( الشكل، الحجم، الوظيفة )
* وبتتشابه فى حاجة واحدة يتيمة وهي (التركيب )
اللي هقوله دلوقتي يتثبت لأن كل الخلايا العصبية فيها الكلام ده 📝
أولا علشان منبقاش ناس تقليدية وحافظة مش فاهمة هنعمل قصة كويسة اوي وهنطلق مسميات علي الأبطال بتوع القصة 😂
هنسمي الزوائد الشجرية ( البودي جارد أو الحراس 💪)
وجسم الخلية ( الرأس الكبيرة بتاعه العيلة 😎)
ومحور الخلية ( ساعي البريد 📩)
والنهايات المحورية هنسميهم ( صبيان الرأس الكبيرة اللي بينتشروا 😂 المطلوب بقي )
بص أيها الطالب العظيم وركز في اللي هيحصل دلوقتي وياريت تفتح صفحة 17 وتبص علي شكل 5 وتركز . ركز كويس ركز يا حبيبي ركز
فاكرين لما حطيت أيدك علي الشمعة المره اللي فاتت وقولت أوف دي نار 😂 وسحبت ايدك
أهو البودي جارد ( الزوائد الشجيرية ) اول واحد وصلت له الرسالة ( السيال العصبي ) وبعدين الحارس وصله لمين للرأس الكبيرة اللي في العيلة ( جسم الخلية ) بعد التفحيص والتدقيق وإصدار التعليمات هيكلم ساعي البريد ( محور الخلية ) يدي الأوامر والتحركات الأخيرة لصبيان الرأس الكبيرة ( النهايات المحورية ) أظن كده سهلة ندخل على مكونات أفراد العصابة دول 😂😂
بس بطريقة علمية بقي نعقدكم شوية 😎
الزوائد الشجيرية : بتتكون من امتدادات سيتوبلازمية قصيرة وكثيرة وظيفتها هتنقل السيال العصبي من البيئة المحيطة الي جسم الخلية ، اظن عمكم سيتوبلازم واخد شهره فظيعه مش محتاج اقلكم دا ايه يعني دا احنا بنكبر وبندخل جامعه ونتخرج ونموت واحنا فاكرينه :D
طبعاً حضرتك العيلة عندكم فيها بابا وفيها ماما وانت وتبقى حلوه لو في اخوات صغيرين يرخمو عليك ولو كبار ترخم عليهم بردو 😂 اهو نفس جسم الخلية كده
جسم الخلية : بيتكون من نواة وسيتوبلازم وعضيات زي ميتوكوندريا وجهاز جولجي وفي جسيمات نيسل ، بس جسم الخلية هنا واضح انه بيخلف كتير تقولش واخد ارنبة 😂
جسيمات نيسل دي اشبة بحبوب حب الشباب 😂 زي ما حب الشباب حاطط التاتش بتاعه علي الوش لا الجسيمات دي نفس الشئ بس علي الشبكة الاندوبلازمية الخشنة يعني فوق ما عندها رايبوسومات مخليه الشكل نيلة دي زادت الوضع وحطت التاتش (غالباً كده انها في العيلة نفسها اخر العنقود علطول عامل مشاكل 😂) منها لله وظيفة الست هانم ( جسيمات نيسل ) ليها فايدة وكويسة جداً ظلمنها 😂 طلع ليها دور في تصنيع البروتين اللي بيساعد في النشاط الايضي ( لا اذا كان كده نحترمك يا عظيمة يا جسيمات نيسل :D)
محور الخلية : امتداد سيتوبلازمي طويل وظيفته ينقل الرسالة (السيال العصبي) من جسم الخلية الي صبيان الرأس الكبيرة (النهايات المحورية) ، احييه انت متخيل يا مان الي بيحصل 😂
وأخيراً خلينا نشبه الألياف العصبية بمجموعة أقلام جمب بعضها علي شكل دايرة ومربوطه بأستيك ، عاوزك تشغل الـimagine شويه عشان الحوار كبير ولو عندك نظارة 3D هاتها هتنفعنا ، والناس بتوع التعليم المجاني احب اعرفكم ان الـimagine يعني ابدأ اتخيل معايا الموقف كده
التجمع بتاع الألياف العصبية هيختلف في الجهاز العصبي المركزي والطرفي
يعني في المركزي التجمع بتاع الألياف العصبية هيديني حاجة اسمها مسارات مثال عندنا مسار اسمه أمامي جانبي وده المسؤول عن إحساسنا بالحرارة والألم والضغط
وفي الطرفي التجمع بتاع الألياف العصبية هيكونلي عصب
وآخر أخيراً عندنا في الموضوع 😂😂: في خلايا عصبية بيكون عليها طبقات عازلة من ماده هسميها الميلين وبتكونها خلايا شوان
وفي خلايا عصبية عديمة الميلين ودي معندهاش الطبقات العازلة دي
يلا سؤال ذكاء يا تري مين النقل فيه هيكون أسرع ؟؟ (العادي ولا الاتوماتيك 😂😂 ) حلوه الآلشه :D
كتير منكم هيقول دلوقتي عديمة الميلين ودي إجابة غلط
الصح هي الخلايا العصبية الميلينية لسبب أن السيال العصبي هينتقل بالقفز من عقدة رانفييرالي عقدة التانية( دي عقد موجوده بين الطبقات حتي لو تلاحظوا أن الطبقات مش متصلة هي منفصلة )
وعديمة الميلين من نقطة الي النقطة المجاورة ليها ف هتمشي تاته تاته وبالهداوة 😂😂
وتوتا توتا خلصت الحدودتة
بس اموت واعرف مين الي اختار الاسامي للحجات دي اسامي عجيبه يا جدع
مش كانو جابو واحد زينا يسميهم كان زمان الدنيا سهله :D
يلا مستينن اتصالتكم قصدي تعليقاتكم وياريت لو تزود الشير واللايك عشان تدينا امل اننا نكمل دروس جايه ومواد جيا ^_^


احياء_الترم_الأول

#احياء صف #12
تفتكر ايه اللي بيخليك لما تتعرض مثلاً لشمعة انك بتحس بالشئ ده ف تسحب ايدك عن الشمعة !!
اكيد في منظومة كاملة وجهاز مسؤول عن الشئ ده :D
( الجهاز العصبي ) انا بعتبر دي الحاجة السبب في كل مشاكل الدنيا 😂 تخيل كده لو مش موجود وانت عايش لا تحس انك زعلان من حد ولا بتحب حد ولو انضربت من حد ، متحسش بأي حاجه خالص :D
طيب ياترى هو متقسم ولا بس زي ما قالولنا انه دماغ وحبل شوكي وممتد منه شبكة
أعصاب لا الجهاز متقسم لنوعين ...نوع "مركزي" و نوع "طرفي "
الجهاز العصبي المركزي عبارة عن : الدماغ والحبل الشوكي
الجهاز العصبي الطرفي عبارة عن : شبكة من الخلايا العصبية
طيب يا تري بمجرد ما حطيت أيدك علي الشمعة وحسيت بحرارة النار ايه اللي حصل خلك تحس بالحرارة ، (اكيد مش لأنك سومه الحساس 😂 )
هنقول أن المستقبلات الحسية استقبلت معلومة بأن في حرارة عالية اتعرضت لها
مفهمتش باللهجة دي افهمهالك انا بطريقتي ، بص يا بابا او ماما الي مكملين معايا في بتاعه في الجهاز العصبي عندكم بنسميها مستقبلات حسية دي سبب المصايب كلها عمتاً ، البتاعه دي الي اسمها مستقبلات حسية جالها معلومة من كائن جاسوس :D بيقلها ان في حرارة عالية اتعرضت لها فده حسسك أنك اتحرقت من الشمعة ، اهو لو الجاسوس ده تم القضاء عليه هنرتاح برضو 😂
طيب بعد ما بتستقبل هتعمل ايه (اكيد هتحس بحرقان 😂 ) مش محتاجه ذكاء يعني دي شمعه ونار ، طب تعالى اقلك ده علمياً ازاي :
الخلايا العصبية هتنقل الاحساس ده للجهاز العصبي تقوم انت بقا تقول ، "اوف ايه ده هو الشمعة الي بتحرق ولا الجهاز العصبي عندي حساس بزياده 😂
طبعاً الجاسوس الي اسمه مستقبلات حسية هياخد "اللسعة" بتاعت الشمعة يوديها للخلايا العصبية ، تقوم الاخت خلايا عصبية راحه للعقل تقول له يا عقل في شمعة فيها حرارة وانا حسه بيها و الجاسوس اكدلي المعلومة :D
يقوم العقل يروح للأعضاء وكأنه رئيس الكواكب يفرض سيطرته ويقلهم يا أيتها الأعضاء فلتستجب لي الأيد اليمنى وتنسحب من المعركة 😂😂😂
ايه الهبل الي انت بتقوله ده يا عم ما تقول كلام معقد صعب نحفظه منفهمهوش انت عاوزنا نكتب كده في الأمتحان نروح في حديد ، لا يا سيدي خد عندك التعقيد وفسره بعدين مع عقلك على جنب واتصرفو وافهموها 😂
علشان الدماغ تعالج (تميز) المعلومة دي بعد ما تنقل الخلايا العصبية المعلومة المعالجة للدماغ هتقوم الدماغ تعطي اشارة للخلايا الموجودة في ايدك مما يتسبب في سحب يدك بعد الاحساس بالحرارة .
طيب يا سيدي خلاص فهمتوها عرفتو مين السبب في كل مشاكلكم دلوقتي :D
بعد ما فهمنا الوظيفة الأساسية للجهاز العصبي نقول الوظائف بشكل علمي اكتر
بص بقى في النقطة الي جيا دي اعرفها زي ما هي احفظها كده لأن الموضوع كبير لأن اصلاً الي مترجم المعلومة في الكتاب الي مع حضراتكم ، هو ذات نفسه مش فاهم بيقول ايه 😂😂

اولاً : تستقبل المستقبلات الحسية الموجوده في الحواس المعلومات من الداخل والخارج
ثانياً : تنقل الخلايا العصبية المعلومات الي الجهاز العصبي المركزي
ثالثاً : تميز الدماغ المعلومات
رابعاً : تستقبل الخلايا العصبية المعلومات المعالجة لنقلها الي أعضاء الاستجابة
طيب يا تري هل الجهاز العصبي بيختلف من كائن لتاني؟ !
يعني هل الخلايا العصبية عندك زي الخلايا عند الصورصار
الإجابة : أنه طبعاً بيختلف
كل اللي اتكلمت عنه فوق ده جهاز العصبي للإنسان :D
بالنسبة للكائنات التانية علي سبيل المثال
الاسفنجيات ملهاش جهاز عصبي
اللاسعات زي الهيدرا جهازها العصبي بيتكون من شبكة من الخلايا العصبية الغير مميزة منتشره في جميع أنحاء الجسم (يعني تقريبا كده الصرف الصحي كله ضارب على بعضه عندها 😂 )
وغير مميزة يعنى مش زي بتاعه الإنسان كل عصب مسؤول على شئ معين بعكس الخلايا العصبية للأنسان بتكون مميزة
مثلاً عندنا الديدان زي العلق الطبي دي بيتكون جهازها العصبي من المخ و المخ ده بيكون عقدتان عصبيتان وحبل عصبي بطني ومنغلطش ونقول ظهري (عشان ممكن الي بيصحح يشيلك السؤال كله لأن الموضوع فعلا بيستفزهم😂) لأن كلمه ظهري معناها إن الكائن متطور والحبل العصبي البطني ده وظيفته انه بيربط بين المخ والعقد العصبية المنتشرة في الجسم كله

مثلاً عندنا الحشرات زي الجراد الاختلاف اللي بينه وبين الديدان هيكون في المخ لأن المخ بيتكون من عدة عقد عصبية مش عقدتان بس وعنده نفس الحبل العصبي البطني وله نفس الوظيفة
وأخيراً فى قصة كده لواحد رسام أتعرض لحادث أدي انه يحصل له عمي ألوان كلي؟ ياترى حصل ايه خلى الرسام اللي حياته كلها ألوان تبقي ابيض واسود بس؟

هنقول إن حصل تلف في الجزء المسؤول عن ألوان في الدماغ ف بالتالي أدي الي فقدان الرسام لرؤية الألوان. (وعقبالكم كده جميعاً لما الخلايا العصبية كلها تضرب في بعض ومتحسوش بأي حاجه 😂😂😂😂 )
لو في حاجه مش واضحه اكتب في كومنت
اي سؤال عندك تابعنا على الصفحة ،
متنساش تعمل لايك وتخلي كل الـposts بتاع الصفحة يوصلك اول بأول عشان تضمن نجاح اكتر برضو :D
واخيراً وليس اخراً ، شير في الخير

المحذوف من الدستور للصف الثاني عشر

في ناس لسا مصدومه في قرار ان الأمتحانات بقت فترتين بس :D

المدرسين داخلين داخله سوده اول يوم 😂😂😂😂😂😂

الي داخلين ثاني عشر 😂😂

انت مين في دول اول يوم مدرسة :D

شير ونفع الغير :D

تنبيه بشأن قرار : إلغاء الفترات للمراحل التعليمية

لا يوحد ما ينفي قرار الوزاة حيث تم أقرار التقويم الدراسي لثلاث سنوات
بتاريخ 27/6/2016 ، الذي يؤكد على أن الأختبارات ستكون اختبار نهاية الفصل الدراسي الأول و اختبار نهاية الفصل الدراسي الثاني فقط

اول كومنت رابط المصدر معتمد من الوزارة



#اخبار